__|| سم شيطان الكوبرا ||__

الفلاشه

انصرف الجميع و ذهبوا لعملهم :

مساءًا في التراك : نرى كوبرا و السفاح و العقرب يركضون :

حازم: ولا عملت أيه في المعاد بتاعك؟
عمر: عادي هظبط الدنيا كده و اقولك
حازم: هو ده كان معاد أيه اصلا ؟!
عمر بتنهيده: انت عارف ان انا درست قانون صح
حازم: حصل
عمر : طيب انا دلوقتي اما كنت في المدرسه كنت داخلي انت اصلا كنت معايا.. ف في بنت كانت معانا..ريم فاكرها؟! هي دي
حازم : اه افتكرتها..ايوا مش فاهم بردو مالها؟! عليها ديون؟
عمر: لا يبني مش هي..ابوها
حازم: ماله؟! اتحبس؟!
عمر: لا ...
حازم : طب ما تخلص يبني تقول في أيه ولا هو سر ولا ايه ؟!
ملك: سوري على المقاطعة.. بس احنا فاضلنا قد أيه
عمر : مش عايز اصدمك بس هي قالت هنجري لحد ما هي تيجي
ملك: نعم يخويااا.. احنا بقالنا حوالي ساعتين و شويه بنجري انا بدأت اتعب.. طب ما نريح خمسايه و نكمل
حازم: بتموتي في اي حاجه غلط ..و بعدين انت بتقولي بدأتي يعنى متعبتيش لسه
ملك: يخربيت ضميرك يجدع ده انت أيه ده
عمر: خلصتوا؟!.. يلا يماما افتحي الخطوه شويه
ملك: ابو شكلك انت و هو....طب أهو

و بدأ الثلاثه الركض بسرعه اكبر و شرعوا في سباق بعضهم البعض تحت انظار باقي الفرق الذين ينظرون في دهشه و استغراب و تطفو على نظراتهم نظره الفخر و الاعجاب

دخلت الشيطان و قد ارعب دخولها باقي الفرق لدرجة انصرافهم من اماكن التدريب : انتوا بتعملوا أيه أيه العبث ده و قالت: انت جريتك بقا بطيئه عن قبل كده و هي تنظر الى حازم و انت رجلك عايزه تكمل علاج لسه و في الاخير نظرت ل عمر و قالت:أيه العبث ده انا قولت تتمرنوا مش تجروا ورا بعض و تلعبوا...
ملك: ايوا بس ده تمرين يعنى احنا كنا بنج..
الشيطان: اولا متقطعينيش ثانيا ده مسمهوش تمرين ثالثا بقا و ده الاهم ان انتو بتتعبوا نفسكوا على الفاضي .... و كادت تذهب... و لكنها استدارت و قالت: على العموم وقف جري و روحوا خدوا دش و على مكاتبكوا... التمرين بعد الشغل النظري و الاجتماع يلا اتفضلوا.
نظر لها الثلاثه باستغراب و نظروا لبعض و انصرفوا :
ذهبت العقرب لمكتب نجلاء و عندما دخلت تحولت ملامحها الى الاستغراب عندما وجدت السفاح و كوبرا هناك : انت بتعمل أيه هنا يلا انت وهو
نجلاء: قعدي لوسمحت عشان عايزه اتكلم معاكوا في موضوع مهم

الكل: أيه ده في أيه /خير/نعم
نجلاء و هي لا تعرف كيف تبدأ: عندنا مهمه لكندا من غير مقاطعه انا هقول كل حاجه... صمت الجميع و انصتوا بتركيز و من ثم...
عمر: نعم انتو بتستهبلوا يجماعه تغري ايه؟!! احنا هنهزر كلنا عارفين ان ويليم (تاجر سلاح كبير) بتاع بنات و لا احنا هنتوه عنه يعني
حازم: عمر اولا ده شغل و بعدين احنا عارفين ان الشيطان مش هتخلي يعمل حاجه في ايه بقاا
صمت عمر لا يدري بمايجيب لانه يعلم ان حازم على حق
نجلاء: المهم ان هي هتروح بصفتها محاميه لعيله سميث
ملك: بس عيلة سميث دي تاني اكبر عيلة في كندا
نجلاء: ايوا عشان كده محدش هيوقفها و هتقدر تدخل عادي و في نفس الوقت اكتشفت ان الشيطان عرفاهم اصلا و بتتعامل معاهم عادي بس معرفش هي عرفاهم ازاي اصلا...
قاطعتها الشيطان: بيزنس😉
ملك: ايوا يعم مين قدك
الشيطان: الكلام على ايه
نجلاء: عندكوا سفر بعد تلت ايام لكندا الملف اهو و اتعاملي انت بقا شوفي الخطة بتاعت الدخول و الخروج من القصر اكيد حافظاه يعني
الشيطان: لا مش حافظاه بس اقدر اجيب المخطط كله من مايكل عادي
حازم: مين ده
الشيطان: ده حد تبعي في القصر بتاع عيلة سميث بس عيلة لي (اكبر عيلةفي كندا) اخدته منهم
ملك: دي الي هي عيله ويليم
الشيطان: لا عيله ويليم اسمها ليم ( تالت اكبر عيلةفي كندا)
حازم: ما شاءلله ده انت عارفه عنهم كتير اوي
الشيطان: دي حقيقه لان بينا بيزنس كتير اوي من زمان
عمر: هنقعد فين هناك
نجلاء: في فندق عيلة سميث بس ب اسماء مختلفه طبعا هتلاقوا الورق بتاع السفر كله عند اسلام تحت
الكل: تمام