تنهدت الشيطان بعد معرفتها بسارق الفلاشه وقالت: ليه... يعني ليه تاخدي الفلاشه بتاعتي لا و كمان تمسحي شغلي و تضريني فيه انا عارفه انك مش طايقاني بس مش لدرجه انك ترفيديني بس الرفد ده مش هيطولني لوحدي لا ده هيطول ولادك الاتنين...
ملك: لحظه لحظه معلش انت قصدك ان الي فتح الملف هو..
عمر: ايوا امي... ليه يا امي ليه اصلا تدخلي الاوضه ما انت لو عايزة حاجة انا مبتاخرش عليكي.. ليه... انت عارفه انت كده عملتي ايه انت كده دمرتي الشغل كله
الشيطان بنبره لا تنم على خير: فتحتي الفلاشه ليه؟!
دعاء: كنت مفكراها بتاعت عمر..
الشيطان بحدة: ليه فتحتيها؟!
دعاء: كنت بحمل عليها صور عشان عمر يشوفها
: صور ايه؟
عمر: متقوليليش صوري و انا صغير لانها عندي كلها صور ايه
دعاء: ما انا هفهمك
عمر: ماما هي مش صور بنات عشان اتجوز صح؟!!
دعاء و هي تخشى رد فعله: بصراحه.. بصراحه اه
عمر بانفعال: يا امييييي بقااا ارحمينيي انا مششش هتجووز كدهه افهميني بقاا
السيد: ولددد عيب متعليش صوتك على امك.. جرا ايه يا عمر
عمر: ما انت شايف هي ضيعت مستقبلي عشان ايه يا بابا.. اعقلوا الكلمه يا جماعه مش كده
دعاء: دي غلطتي يعني ان انا عايزه افرح بيك
عمر بانفعال: تفرحي ايه يا امي انا لسه عندي 25سنه ومش ناوي اتجوز اصلا دلوقتي خالص...
الشيطان بصراخ: بسسسسس كفايه فرح ايه و زفت ايه.. ايه القرف ده انا مالي انا دلوقتي عايزه شغلي لو سمحتوا... بدل ما والله هطربقها على الكل و ما هيهمني حد.
حازم: طب اهدي طيب خلينا نفكر هنعمل ايه
الشيطان بهدوء و كانها تفكر في شئ: انت فتحت الفلاشه على ايه؟!
دعاء: ايه؟؟
الشيطان: يعني دخلت من انهي جهاز!؟
دعاء: من التابلت بتاع مريم
مريم: نعمم.. يعني انا اقلب الدنيا كلها عليه و اهزق العيال كلها و في الاخر انت الي تبقى واخداه
دعاء: اهو الي حصل بقا
كادت مريم ان تتكلم ولكن قاطعتها الشيطان: مريم.. هاتي التابلت بتاعك مريم: حاضر
حازم: طب و هنستفاد ايه مش الفلاشه المفروض ان الحاجه اللي عليها بتتمسح بعد اما بتتفتح
الشيطان: ايوا بس في حاجه اسمها الجهاز الي دخلت عليه ممكن يكون بيحتفظ بالملفات الي بتتوصل عليه و ممكن لا ف احنا هندعي انه يكون بيحتفظ بالملفات و من هنا نعرف نجيب الفايل تاني عادي
في هذه اللحظة دلفت مريم بالتابلت: اتفضلي اهو
اخذت الشيطان التابلت و بدات تفحصه و تبحث عن الملف و لحظه صمت فيما بعدها تنهيده طويله:الحمدلله..... حسبي الله ونعم الوكيل الملف مش موجود
صمت الجميع لايدرون بماذا يقولون.... زياد: يعني ايه.. ملك: يعني روحنا فداهيه.. حازم: و مستقبلنا ضاع.. عمر: انا اسف والله مش عارف اقول ايه
حازم: يعم متقولش كده بس ان شاءلله خير و هنلاقي حل اكيد.. نجلاء: حل ايه بقا يا غالي.حازم:
معرفش بس اكيد في حل... حل الصمت لوهله الجميع يفكر في حل: لقيتها... نظر الجميع للمتحدث و اذا بها الشيطان تقول: انا ممكن اسافر انا قبل ما انتو توصلوا و ادخل القصر اتحرك فيه براحتي و اعرف انا الدنيا كده و ننفذ عادي بس بدل ما تبقوا حافظين القصر هتنفذوا بالتعليمات و التحركات الي هقولكوا عليها و نكمل عادي جدا ها ايه الدنيا معاكوا صمت الجميع يفكرون بالامر: حازم: الهي ربنا يسترها معاك يا شيخه.. ملك: انت بتاخدي رأينا ليه هو احنا اصلا في حل تاني عشان نرفض عمر: لحظه لحظه ايه الفرحه الي انتو فيها دي انا.. متبصوليش كده ده شغل لازم نفكر فيه الاول قبل ما نفرح.. الشيطان: بتفكر في ايه.. عمر بهمس: فيكي... الشيطان: على صوتك ايه المشكله عندك في الي انا قولته... عمر: بقول ازاي: ازاي ايه مش فاهمه... عمر: ازاي هتدخلي و تخرجي و تتحركي في القصر عادي و ازاي هتسافري قبلينا و في نفس الوقت المفروض نتقابل في العيد الميلاد و ازاي اصلا هندخل احنا و هنحضر ازاي في حاجات كتيره اوى مش مفهومه....: يعم فكك مش كده كده هنخلص الدنيا...الشيطان: اخرسي انت... حقك تسال كل ده و انا بردو هفهمك:ملك بهمس: ابو اشكالكوا..جلس الباقون يستمعون بانتباه: مبدأيا كده انا بدخل و بخرج براحتي محدش يقدر يكلمني هناك و متسالش ليه عشان مش هقولك ثانيا ازاي هسافر قبليكو دي. دي بتاعتي انا مش بتاعتكو انتو لكن لو على الحفله و ازاي هكون موجوده قبليكوا مع اني هبقى قبلكوا بيوم هناك ف انا هقولك ان العيله دي معندهاش غير الحفيده دي ف الحفله بتبقى على شرفها لمده تلت ايام انا هكون من اليوم الاول و قبليه كمان هناك بس مش هحضر اول يوم لان انا مش بحضر اي مناسبه من اول يوم لاي حد سواء هي او غيرها و بالذات هي و بعدها انتو هتيجو الحفله تالت يوم و ده يوم التنفيذ اما عن وجودكوا في البلد نفسها ف نجلاء المفروض هتحجز ليكوا من اول يوم يعنى بعدي بيوم و روح الحفله بالاسماء الجديده و ننفذ و تمشوا بس كده اي استفسارات تانيه؟
عمر: لا كده اقدر افرح عادي، نجلاء: انا قولت بردو محدش هيجبها غيرك، مريم: معلش سؤال محرج هو اصلا انتوا هتنفذوا ايه يعنى ايه الهدف، كاد حازم يجيب ولكن قاطعته الشيطان: شغل مينفعش تعرفيه احنا قولنا الخطه قدامكوا كده عشان اصلا مكنش فيه حل غير كده انت اصلا مكنتيش هتسمعي كلمه لولا ناس كده كانت هضيع مستقبلنا احنا و البلد. حازم: مخلاص يا شيطان في ايه خلاص اتحلت الحمدلله، ملك: خلاص حصل خير، الشيطان: انا رايحه الشغل،ملك: شغل ايه الساعه ١٢ بليل، الشيطان: اظنك عارفة ان شغلنا مفيهوش مواعيد بس عمتا انا عندي اجراءات هعملها و اجي: ماشي ابقى طمنينى عليكى. الشيطان: ربنا يسهل... سلام . نجلاء: و انا كمان هستأذن الوالده عماله ترن عليا من بدري و انا قلقتها و عماله اقولها في مشكله و مش هعرف اروح ف مع السلامه بقا انا بردو معلش يا شيطان وصليني في طريقك الشيطان: طب يلا عشان هتحرك دلوقتي وانصرفت الشيطان و نجلاء و «بقى الجميع غير عالمين بما سيحدث صباحا»
أنت تقرأ
__|| سم شيطان الكوبرا ||__
Action~~عندما تجتمع المخابرات و المافيا في عقل شيطان ماذا سيفعل العالم~~
