كانو جالسين فوق رملة د البحر لي ناشفة .. ريماس وصاحبتها عيشة روح بروح كي شي زوج فردات مكيتفارقوش عشرة كتر من 5 سنين .. تشاركو الحلوة والمرة ديما مع بعضياتهم مساندين و فوقت الحزة ميفوتوش بعضياتهم .. ونهار كاضيق بيهم وتوصل فيهم للعضم كيقصدو البحر بحال ليوما .. ويجلسو ساعات وساعات وهما كيتأملو فيه .. بحالا كيشكيو عليه .. بلا ميحتاجو ينطقووو .. ريماس تنهدات مستنشقة ريحة البحر الممزوجة بداك النسيم العليل لي داعب نيفهاا وخلا أعصابها تبرررد .. ونطقت بصوت دافئ
الله على راحة فهاد البحر مكرهت غا تبقا هنا ومنتحركش ..
عيشة كتنقي صباغة حمرا لي ف ظفارها : وايييه أ عشيرتي ..
سعدات دوك لي خدامين ف البحر .. كنحسدهم
ريماس كتخطط بصبعها فوق رملة : اشمن سعداتهم الله اهديك .. غيرتمارة الكحلة .. البحر سهلتيه مساكن كيغامرو بحياتهم على قبل دغمة د الخبز .. اما نهار يهيج البحر راه كايبقاو جالسين و الرحيم الله
عيشة مجبدا شنايفها : وا لا الخرا .. مدويتش انا على البحرية
دويت على دوك لي كايكونو ف الباطويات الكباار لي كيكونو فيهم سهرات وداكشي .. احححح هما لي عايشين الحياة ..
ريماس : شششت بلا ماتجبدي لينا داكشي .. خلينا نشوفو غا حالنا حنا
عيشة حطت يدها على حنكها مكالياه .. وعينيها زادو وساعو
شاردين : ياربي بغيت غير شي فارس الأحلام يكون لابااااااااس عليه .... وغزاااال اححح ويجي يديني من هاذ القهرة .. بحال ساندريلا وتا انا تضحك ليا الدنيا ..
ريماس قهقهات باستهزاء : نوضي فيقي تشللي نيت بهاذ الما
د البحر لعل وعسى تفيقي شويا ..
عيشة : اودي غا ضاحكة .. ولكن بصح انا مكرهتش هادشي ..
نتي عارفاني عيني كبيرة وعمرني طلبتها صغيرة .. ديما كنطمع
لحاجة لي صعيبة .. علاه شكون كره شي راجل بفلوسو و خيرو و خميرو و يكون ولد ناس وظريف و قريب لله .. يمتعك ويمتع عائلتك و يخرجك من الفقر .. علاه نتي كرهتي هادشي ؟
ريماس : ماشي كرهت أ عيشة .. ولكن عمرك تلقاي هادشي كامل مجموع فشي حد .. الله خلق ف أي واحد فينا نقص ..
معمرك غادي تلقايه كامل مكمول بجميع الأوصاف .. " تنهدات مكملة " اصلا أ عيشة معرفنا الخير فين كاين شي نهار يسهل عليك الله وتحققي گاع لي بغيتي .. دنيا مخبيا لينا بزااف مزااال ..
عيشة : ان شاء الله ياربي .. و ماقلتيش ليا الخانزة بعدا كيفاش
كتمناي فارس أحلامك
ريماس بقات كضحك بعفوية حنا صغارو عينيها : هههههه انا ؟
عيشة : لا زكي .. وشكون ؟ دوي القحبة ونتي كاضحكي ..
ريماس جمعت ضحكة شويا بقات كتفكر: والله معرفت .. عمرني
فكرت فيها .. مدابزا مع الوقت غادي يبقى ليا نفكر فهاد الحزااااق ههه فارس الأحلام غا الكلمة براسها كاضحكني ههههه
عيشة عوجت سيفتها ... وا بااااز نتي طاسيلتك علامك بوووحدك
ريماس وقفت و كتنفض الرملة من حوايجها و تسوس يديها : انا قرفادتي يبست بالبرودة .. نوضي نتقودو من هنا .. غايطيح الليل
و حنا مزال ماتحركنا ..
عيشة ناضت .. كانت لابسا غير عبايتها كحلة سامبل و فيها شويا
د العقيق ف الكمام .. وشعرها طايح ورا كتافها .. شي قصير و شي طويل و محروق شويا من لتحت بقوة سيشوار .. كان كحل غري ..
قصيرة شويا وعامرة .. طرمة خاااارجة و البزول حاظر بقوووووة و ضروري من دوك ترهلات الكرش شويا و جناب خارجين شويا .. عينيها كبار كحلين .. و ملامحها عادين واخا مزويناش بزاف .. و لكن فيها شي حاجة كتجذب العين ليها ..
ريماس كانت العكس طويلة شويا عليها وطايتها ما غليظة ما ضعيفة .. داكشي حدو قدو .. صدرها عادي و طرمة غير شويا معندهاش فائض ف الثروات ههه .. وجهها .. ملاااائكي فحال شي بنية صغيورة بدوك الملامح لي متنااسقة .. كيحمل واحد البراءة غريبة .. عويناتها خضرين مجبدين و كبار وحجبانها مقادين .. بشرتها حنطية .. وشعرها قهوي مغموق ..
تمشاو بزوج ف خط واحد . . و لي شافهم يتعجب ويقول كيفاش تجمعو بزوج وحدة مكاتشبه لاخرى ..
ريماس : دبا بسباب ديك القحبة جرا علينا داك شارف .. نحساتنا
ف رزقنا تفووو ..
عيشة : شششت متفكرينيش العار .. كون لقيتها قدامي ايلا خليت فيها غير شي عظم صحيح راني مانكونش بنت حبيبة ..
ريماس زفرررت بتعب وقلة الحيلة : كرهت خدمت البيران و مايجي منها .. ولكن ماعندنا مانديرو غدا نمشيو و نضبرو على
شي صرييفات و نرجعو بحالنا .. الله ماكيسد باب تاكيحل بيبان ..
شدو طوبيس ومشاو .. منين وصلو لحومة تسالمو وتفرقو ..
كل وحدة قصددت عشتها
أنت تقرأ
🖤 ريماس 🖤
Mystery / Thrillerمرحبا بيكم في قصة جديدة تحت عنوان ريماس قصة درامية بإمتياز .. حاضرة فيها الدراما ، التضحية ، الأسى ، الحقد ، القوة و الجبروت ، الضعف ، الاكشن ، و ايضا السفالة ..🔥🔞 ...
