🖤 ريماس 🖤

🖤part 16 🖤

ليلى : يدير لي بغا اصلا مندمتش .. حيت تال الخيانة سطوووب .. كون عرفتو سوء فهم شي نورمال مكنتش غاندير هاكاك ...
                      ونيت نستاهل لعصى صراحة ..

عامر جرها من يدها و عنقها: لاء .. نتي تستاهلي هاذ التعنيقة ..

        ضحكت و يديها على صدرو : توحشتك بزااااااف  ...

باش فوق راسها : انا كترررر.... ليوما كنت غارق ف الخدمة .. و 
هاكاك بالي معك حسيت شي حاجة واقعة . .

جرت الفراش و تخشات حداه نعست على جنبها مقابلا معاه و هو غير كيشوف : مغنمشيش لدار بلا مادير فيا هاذ شوفة ..

حط يدو على شعرها : ليلى غايتخلق ليك شي مشكل غير سيري اروحي و غدا نشوفك وعد ..

سدت عينيها و همست بصوت متعب : والله مغانمشي عيييت ..
عفاك غدا انفيق بكري و نمشي ..

تخشا حداها بزربة و جذبها لعندو معنقها .. جر اللحاف على كتافها و باس خدودها : صافي غير نعسي .. صباح ونفيقك ..

تبسمت بفرح : حتا نتا نعس عافاك ..

عامر : لاااء مستحيل .. انبقا مقابلك حتا يخطفني نعاس ..

قرب ل شفايفها طبع بوسة حااارة عليهم و زاد خشاها فصدرو :
نعسي حبيبة ديالي ارتاحي ..

صبح صباح جديد .. ضبابة كثييييرة و الجو مغيم...

حلت ليلى عويناتها فوق سرير عامر لي مكينش اثرو حداها .. بقات كتجبد فيديها و تفوووه .. مسخاتش بهاد النعسة الحلووووة .. واخا البيت غير صغير و الأتات غير متواضع و لكن عمرها حسات بهاد
الطعم فبيتها لي كبر من هاد الدار بالاضعاف ...

تنفضت من الفراش و قاداتو .. خرجت و هو يبان ليها عامر ف الكوزينة كيوجد ف الفطور .. عاطيها بالضهر لابس سيرفيت ف لكحل و ظهرو العريض و كتافو كيتحركو بجاذبية سطاتها...

ليلى : اووووه ريحة اتاي شحال زوينة هي لي فيقاتني من النعاس ..

دار لعندها بتبسيمة كتسحر و صوتو الباح شويا ممزوج برنة خشنة :
شنيولا ديالي فاقت ...

قربت لعندو تا عنقاتو و عطاها بوسة خفيفة على شنايفها : امممم
نعستي مزيااان ..

ليلى : بزاااااااااااااف و الله اول مرة نفيق مرتاحة فحال هاكا هههه
واقيلة خاصني نبقى نجي ديما هههه ..

عامر : هههه كنقولك زربانة على خبزتك ..

اجي جلسي تفطري انا غادي نفيق رشاد باش ميتعطلش على ليكول
..