🖤 ريماس 🖤

🖤Part 8🖤

قصة : ريماس 💣🥺
Jouri-mer 

حلت عينيها مطرطقاهم بصدمة غير كتبحلق ..
جاب ليها الله بحالا مسمعتش مزيان : ش شنو ! ش شنو قلتي !

حط ليها لوراق ف يديها : هادو وراق زواجنا .. انا وقعت خاص
                          توقعي غير نتي
" مد ليها ستيلو و كيشوف ف عينيها " أااالي فاازي

تصددددمت معرفات باش تبلااات .. نزلت عينيها على دوك
   لوراق كتبحلق فيهم و شافت توقيعو الكبير .. و هي
               مزالا ممستوعباش هادشي ..

رجعت شافت فيه قهقهت بسخرية ممتيقاش اش هادشي لي
كيوقه قدامهااا واش كتحلم : ههه لاااا بزااااف واش صااافي
         طار لك الفريح ! لااااااا واااش منيتك !

"كمشت دوك لوراق فيديها بقوووة كتقطع فيهم طريفات طريفات
و دارت رماتهم ف البحر من فوق داك الصور ديال اليخت لي
     كانت متكيا عليه و زادت حمررررت عينيها فيه :

واخااا نعررررف نموووووت منتزوجش بيك و غانرررجع
نعااااودها نتاااااا " هزت صبعها السبابة موجهاه ليه باتهام "
رااااك مرييييييض كاتسمممع ؟؟ مرييييييييييييييض و خاصك
   تشوف شي حد يعاااالجك هادشي ايلا لقيتيه بعداااااا
     حيت حالتك صعييييييييبة بزاااااااف و يمكن
               مستعصية العلاااج ..

شدت فشعر راسها هازا عويناتها للسما : اشنوووو درررت
يااااربي اشنوووو درررت فحيااااتي حتا تحاااازيني بواحد
  فحياتي بحال هداااا اشنوووو دررررت اشنوووو ...

هو طول ديك المدة لي هي كتعرعر فيها و كطبل وتغوووت و
تسب وتلعن و تستحقر فييييه و كاتبين ليه شحال عايفااااااه
                             ..
في حين هو كان مربع يديه و غير كيشوف فيها لجموود و نظرات
غراااب مكيتفسرووووش .. داك البيل سماطي لي لابس قرب
     يطرطق على ضلوعو لي تصلبوووو و تطراساو
                       فيهم العروق ..

           مسح نيفو بحركة خفيفة و حك يديه مع بعض ..
               كيختار كلماتو .. عاد شاف فيها :
دفعتيني باش ندير حوايج ماكنتش كنفكر نديرهم بالحق هاكا
              غايكون حسن ليك و لياااا ..

                   هي غووتت بقوووة :
واااا المخيرررر ف خيلك ركبووو مغاديش تخلعني كاتسمع ؟ و
  ايلا بغيتي تنزلني لداك البيت عاود غير نزلني ليه هو احسن
من شووووفتك و لا لوحني هنا احسن .. واش انت كتحلمم ؟؟
    نتزوج بيك نتاااا ؟؟ هههه لاااا رااااه هدا بصح
                    السطاج اللخر ..
كون مكانتش القتيلا حرام عند الله و معصية كووووون
    قتلتتتتتتك بلاا منتردددد بلا منرمش جفن ..

رمات ليه هاد الكلمات بحال السم وكتنهج .. شدت بيدها فداك السور
      و البرد عنكش شعرها لي كيجي على وجهها و ب
           عينين حمريييين كتشوفيه بتحددددي ..