🖤 ريماس 🖤

🖤Part 9 🖤

دخل عامر للصالون و لقاها جالسا و كتفرك فيديها جلس مقابل معاها : هاد الخبار كتفرح بعدا .. آخر مرة شفت عمي يوسف مكانش هو هداك .. بقا فيا بزاااف .. و الحمدلله دابا خرجتي
ان شاء الله تقاد أمورك كلهااا .. يكون غير الخير ..

ريماس شحال و هي حابسا البكية كتشوف لتحت و تعض على شنايفها بقوووة نطقت بصوت كيرررجف : الله ارحمهااا و اوسع عليها ضيق القبور .. كانت ضررريفة بزاااف .. كانت مسكينة ديما مبتسمة و عزيز عليها ترحب بالناس و تعاون باشما كان ..

" مسحت دموعها و تنهدددت بحرقة " شي حوايج تيوقعو ف الحياة متتكونش ضارب ليهم الحساب تتحس الدنيا توقفات و مقادرش مزال تزيد تحرك و لو غي سنتيم من بلاصتك .. تتكحال الدنيا ف عينيك و تتحس بالموت ارحم من ذاك الألم و لكن هادي هي الدنيا ..

     عامر نطق بصوت مغنغن و بحالا ضاربو بالبرد :

         لي ماخرج من الدنيا ما خرج من عقايبها ..
                الحمدالله على اي حاجة ..
الحياة راه كتستمر أ ريماس .. تا حنا غانموتو واحد النهار .. كلشي
غايموت .. و لو كاتبقا حرقة داك الإنسان لي عزيز و غالي عليك
  وتتبقا بلاصتو و لكن العبد راه ضعيف ماعندو مايدير من غير
                          الصبر و الدعاء ..

       ريماس تبسمت : و نعم بالله .. الله ارحمها يااربي ..

عامر : آمییین سمحيليا عمرني جيت طليت عليك ولا
شي حاجة والله كنت غاااارق ف الخددمة و المشاكيل .. راك
عارفة " حك عينيه تا حمارو "بتعب كنت ديما كنسول غير
مهدي فاش کنتلاقاه بالصدفة و لا عمي يوسف مادرت فيها
والو صراحة غير سمحيليا ..

ريماس : عااارفة و الله .. و مقدرا أي حاجة ..
متخممش انا فاهمة كولشي و الله احسن العون ..
غیر رد البال ل رشاد .. رد ليه البال بزاااف ..

عامر : ضروري واخا لي تيعذبني هو كيخبي فقلبو .. مكيبكيش
قدامي و لا يقولي مالو .. غیر ساکت .. فاش نسولو كايقولي لا
انا بخير متخافش عليا ..
حرررت والله حررررت زاد" تنهددد و وجهوو "حمررر ..

ريماس زولت كاسكيطتها تنهدددت :

راك عارف رشاد ماشي بحال كاع دراري لي فعمرو .. هو عقلو
كبر من سنوو عارفك نتا مشطون مع الخدمة و مهموم
داکشي علاش ما باغيش يزيدك بهموو .. مابغاش يشغل بالك
عليه  ..

و لكن هاذشي صعيب عليه صراحة مزال صغير ف السن

عامر خربق شعرو و خرج صوت غلیبیظ : ما علينا .. نتي ياك
مزيانا ؟؟ ريماس راك بحال ختي صغيرة و كثرررر و عزييييزة
عليا .. ايلا خصاتك شي حاجة قوليها ليا سمعتي ؟
متحشمیش راني عارف غاتكون صعيبة عليك دابا من كاع
جوايه حيت عاد خرجتي من الحبس ..
هاذ البلاد السعيدة غير الله اعفو علينا منها .. ياربي ..