🖤 ريماس 🖤

🖤Part 4🖤

هزت عينيها فيه .. لي تجخلطو بالكحل و المسكارا و قلبها
كايتهززززز مع كل ستنشيقا ..
عامر تصددم شافها تخطاتو و هو يجرها من معصم يدها حتا جات
قدامو بالسيف عليها : ماااالك ؟ علاااااش كاتبكي ؟
شنوووو وووووقع !!!
" طلق عينيه ف الارجاء كيشوف و رجع ركز شوفة فيها " 

هي كتمسح ف دموعها : و والو .. م ماوقع والو .. عافاك يالاه ..
ووصلني غ غير للدار ..
عامر ممصدقش عاد كانت غاتموووت بالفرحة و متحمسة شويا تقلبت كي الجو و دبا حااالتهاا كي ولات :
مغنتحركوووش من هنا قبل ماتقولي لي شنووو طرااا !
قررررب ليك حد همم ؟ أذاك شي حد هنااا ! غير دويي
وغانفررررجك فيه   ..
شكتت ونطرررت يدها بقووة : قلت لك لااااا ماوووقع والووو .. صااافي أ عامر الله استر عليك لاما وصلني ل د دار ..
ولا غانشد طاكسي راسي ..

زفر بغضب وسبق خليها الباب وهي تركب القدام حداه ..
هزت جلايلها وتكمشت فوق الكوساان ..
دارت صمطة وسندت وجهها للزاجة
و دمووووع حابسااهم مكترضاااش
تبكي قدام شي حد خصوصا هاد عامر كررررهت هاد الحالة لي
هي فيها دبا قدامو ..
ولكن ماعندها مادير تخنقت فديك البلاصة..
بقات تعضضض ف شنايفها ومنظر
مجد مع ديك خايتي حلف لامشى من بالها كتحس الناااار
شاعلة ف قلبهااا ..
عامر طاااار من تماا .. بقاا مركزز مع طريق و مرة مرة
كيشوووف فيها بنص عين ..

من بعد صمت طويل نطق : البكى ماشي حرااام .. خوي لي ف قلبك و بكي حتا تحسي راك ارتاااحيتي .. ايلا بقيتي هاكا غاتمرضي ..

سكتت كتصغر ف عينيها عندو صح نيت .. شويا اعتدلت ف الجلسة .. وجابت يديها قدامها .. و بدات كتديماااري و هي
تبدا تهرنن كي شي بنت تالفا عليها مها وسط زحااام واحد
البكية عندها كادير الضحك ..
اهىىئ اهىىئ واااااع اهىىىىى اهىىىى
هءهءهء هءهءههء
بقات شي ربع ساعة وهيا غير كتنوح تا صافي عيات و تهدااات سكتت و هزت يديها كتمسح عينيها و تدير شهيق زفير ..
عامر قرب صبعو كيحك وذنووو .. ندم گاع لاش قاليها شي
حاجة .. هز كلينيكس مدو ليها ..
ليلى : ش شكرا ...
مسحت خناينهاا و مزال ماشافت حالة كمارتها كي دايرة كون
تخلعت ..
عامر دور وجههو شاف فيها : داااابا مزياااان ؟
ليلى اكتفت بهزة راسها بلا متدوي و عينيها شاردين و يديها
كيلعبو بالكلينيكس ..
عامر : اوووبس عاد تفكرت خلينا ديك صاحبتك تما عادي !!
ليلى : عادي .. غاتعيط لشيفور د باباها ايوصلها ..

عامر : ااااه بون

ليلى : باقي الحال ياك ! نقدرو نجلسو فشي بلاصة مابغيتش نمشي
للدار هاكا بلييييز .. ماما غاتمرررضني بأسئلتها ..