تبارك

البارت الاول

#تبارك

البارت الاول
لا تنسون داده اهم شي تفاعل عدنه فديتكم يا احلى باجيات
السلام عليكم اسمي تبارك من بغداد والقصه هاي تحجي عني وعن صدفه دخلة حياتي وغيرتها راسن على عقب✋🏻
-
-
عائلتنا متكونه من بابا قيصروالوالده زمن واختي زهراء واخوي حمودي(محمد)
عمري 17سنه طالبه خلصت من الخامس بوجهي ع السادس
حاليا عطله الصيف
اختي زهراء اكبر مني بسنتين وتدرس بالجماعه قسم علوم سياسيه
وحمودي عمري 5سنين بس كلش يعرف😂
-
-
-وصفي بنيه طبيعيه بيضاء البشره وعيوني عسلي
بيتوتيه ماحب اطلع هواي اله ماندر واله الناس قربه علي وصديقاتي
عكس اختي اجتماعيه وتحب تنسجم احسده ع هالشي😁
عندي خال واحد وخاله وحده خالي شوي بعيد علينه
بس خالتي يم بيتنا قريبه وكولش احبه
-
-
-
اعمامي
5  وي ابوي 6 عمو جواد جبير اخوته وكاظم وبعده بابه وعمو حسين وعمو زيد والكعده ضياء وعماتي4 احلام وهنا ورقيه وحنان وكلهم بالجنوب ناس بالبصره ناس بالناصريه واكو بالسماوه
بس اولادهم ماحافظه اسماءهم
ربي يحفظهم مرات انسه شكل عمامي
يعني للامانه بسببي هالشي لان اني ماحب اطلع هواي
وخاصا البصره
وهمه هم جيتهم لبغداد تصعب لان عدهم اشغال يجون قله النا بس ابوي يروحلهم
بس ع طول ابوي وامي من يرحون يسالون ويتصلون
ويتمنونا نروحلهم
اختي تتواصل وياهم وهمه يحبوها هواي لان تسال وتخابر وتتواصل وياهم عكسي
وكم مره راحت وي اهلي للجنوب وهواي يعتبون لان ماروحلهم وخاصا بيبي
اني شوي بعيد عليهم لان هذا طبعي تعودت ع هيج موبسهوله انسجم حته من يتخابرون وي اهلي مرات يجبروني اكمش التلفون واحاجيهم لان ماعرف شكول هههه
اليوم
بابه خابرو علي الصبح عمامي
طبعا هوه قبل سبوع يمهم  هوه وامي لان  يشوفون بيبي خطيه
  بي اعوذ بالله (سرطان الدم)
خابره عمي جواد كل الحك الحجيه بالمستشفى وكلش تعبانه حالته كلش ابوي من النوع كلش حنين ويموت عليه يكولنا اتمنا كل يوميه انام بحضنه بس المسافات وهي متعوده ع البصره متريد تجي لبغداد
المهم ابوي تخبل شغل السياره واخذ امي وراحو بقه حمودي وزهراءًواني بالبيت كالعاده وصونا وراحو وابوي حته هالمره مسالنه ترحين لولا لان خطيه مل كل مره يقنع بيه اروح ومل
كام مايسئل وزهراء ضل باله رادت تروح بس اني كتله ابقي يمي
مخليته
-
-
-
قيصر:من بعد تلفون جواد ماكمت اشوف بعيوني ماعودت اوصل
طريق بغداد لل البصره سويته خطوتين
زمن:يمعود ابو زهراء عله كيفك السيارات دتتخاطف منا ومنا
ليصير حادث لاسامح الله
المتكلم:وصلو قيصر وزمن للبصره وقيصر بوجهه للمستشفى مراح لبيت جواد
قيصر:دخلت المستشفى مكلوبه كله هناك اخوتي وولدهم وخواتي كله ماعداي
قيصر:ها خويه ابو مهند(جواد) بشر شبيه الوالده
جواد:عله كيفك ع كيفك انته هم ضغط اكعد ارتاح شوي
البارحه جبناهه تعبت بالليل كلش
قيصر:تحجي صدك واليوم يالله كتلي جا شبيكم ماخابرتو وكلكم موجودين ماعداي
كاظم:خويه احنا هنا بالجنوب گريبين علي انته بغداد وطريق وكلفه
وبعدين البارحه جانت موش مثل اليوم اليوم تعبت كلش
وخابرناك
قيصر؛دخلت ع الحجيه ماصدكت من شافتني
ولمتنني وحظنتني وتسال ع البنات
-
-
-
كاظم :اكلكم الدكتور يريد واحد يحجي ويا امشونا كلنا
الدكتور:انشالله الشفاء العاجل للحجيه
طبعا الي رح اكوله كلام انشالله مايصير بس بعد المصارحه واجبه  علي كدكتور
جواد:خير انشالله دكتور سولف
للاسف جسم الوالده ماجاي يتفاعل وياخذ وي العلاج والمرض متقدم للاسف وقررنا نوقف الكيمياوي لضمان عيشه فتره اطول لان الكيمياوي مثل ماجاي يخلصنا من المرض جاي ياثر عليه
وهو المرض متقدم ف الكيماوي شغله صارت بس ياثر عليه
-
-
-
زمن:بهالحظه الصدمه ع وجوه الولد كلهم حقهم امهم
وكلهم نفس السوال يعني والزبده
الدكتور: الوالده حالته تعدت الخطره يعني العمر بيد الله ايامهه معدوده
زمن :الدكتور كال هيج وكام الصريخ من حمواتي ومن الزلم وناس تصيح ع الدكتور
وهو يكلهم الامل مفقود من الطب بس مامفقود عد الله خلي ايمانكم بالله عسى ولعل يخلص الحجيه من هالمحنا
-
-
-
زمن:بحيث كللهم اخذوها للبيت خل تشبع منكم
-
-
-
رجعنا كل احنا بيت ابو مهند (جواد)
وماشالله هم عشيره مو عبالك عائله لان كله جايه
حته بناتهم بس بناتي ماجن😕
وصلنا وكعدو الزلم والنسوان تسمع
وماعودو الحجيه حجت كلمه كالتلهم (يمه لاتخلوني باتو يمي )
وفجاءا ابو مهند كال
هاي ايام ماحاجه احجي شصعبه بعد واني اطرح عليكم تجون انتم وعوائلكم تكعدون يم الحجيهً
هو قصده اخر ايامهه تلتمون يمهه بس مكدر يحجي من الحسره
طبعا كلهم ايدو وهمه الموضوع سهل عدهم لان ناس بالسماوه وناس بالناصريه وناس اصلا بيوته هنا بالبصره
احنا حتصير صعبه علينا بس يهون لعيون ابو زهراء
هاي الام وهيه مره خوش مره مامأذيه احد
-
-
-لحد العصر جاي نرجع حته نجيب غراضنا والبنات
ونامن ع البيت
جواد :بويه حيدر روح وي عمك قيصر ساعده محد ويا صاحب بنات يحتاجك
حيدر:صار بويه بس ابدل
ارسلان جاف
اني حيدر
اسمي حيدر عمري24مخلص اداره واقتصاد بس عندي حس بالاتصالات والمبايلات والميديا فدخلت شراكه وي صديقه بشركه اتصالات واشتغل بيه
المهم
حيدر :بدلت وخلصت وطلعنا لبغداد وي عمي ومرتا
بالطريق واسمع عمي ومرت عمي يفكرون بتهم تبارك وشلون يقنعوها تجي وياهم
حيدر:عمي ماعتقد البنيه تمانع يعني حبوبته بوضع موزين وتعبان ماضن تكول شي
زمن:ولك عمه انته ماتعرفه هاي نحسه ابد ماتحب تطلع نوب تسمع للبصره تتخبل هسه هيه طلعه متجي للبصره نوب تبات
عشتو بيتوتيه
عكس زهوره اصلا رادت تجي ويانه بس تبارك مخلته
حيدر:همه يحجون عليه وحسيته ماتنبلع وقنقينه😁
اني اعرف حمودي يجيبو وياهم
وزهراء مرتين اجتنا ف اعرفه وتتواصل ويانه
بس صدك هاي القنقينه ماعرفه ولاشايفهه
لشوي واذن المغرب واحنا بالطريق فعمي خله دعاء
وره الاذان من تلفونه ربطه ع الاوكس مال سياره
وزهراء دكت ع ابوهه ففتح الخط وصوته صار بالسماعات يعني نسمع حديثهم
سلمت البنيه ع ابوهه سالته بيبي شلونه عمي كله والله موزينه
وفهما ع كلشي وهي مصدومه ياصدوك بابه دتحجي
شسالفه
وفهمه ع الجيه وانو راح يجي ياخذهم ويرجعون للبصره
وزهراء كيفت
بس كالتله بابه مارح اكل تبارك ع هالسالفه من تجي انتو حاجوهه تاكل راسي تكوم😅
اني صفنت لهالدرجه هاي تبارك ماتحب تجينا واهله هيج يحجون
المهم كله ابن عمج علي ويانه اجه يساعدني
سلمت علي وسلمت عليه
-
-
- فاامه سالته وين حمودي وتبارك
كلتله حمودي يمي وتبارك جاي تسوي عشه
عمي ومرته نصدمو وضكو 😯
تبارك؟؟تبارك؟؟تسوي عشه
هيه ضحكت كلتلهم والله تراهنا وكتله التخسر تسوي عشه وهيه خسرت
وصارله ساعه تدردم
وسلمو وسدت التلفون
-
-
-
تقريبا وره نص ساعه وصلنا
دخلنا عمي ركن السياره بالطرمه ماشالله بيتهم جبير وحلو
ومنطقتهم هدوء اسمه المنصور
بس بيتنا اكبر عبن ابوي يحب البيوت الفخام
دخلت اول شي عمتي وعمي بعده مدري شيسوي بالسياره
فعمتي كالت ادخل وهمه اول متدخل  الطرمه استقبال ع ايدك اليمنا والممر مال بيت ع ايدك اليسره فعمتي اشرت ع الاستقبال ادخل عمه وهي فاتت من الممر الثاني
دخلت شفت بنيه😦😦😧
—————————
تبارك:جنت كاعده بالاستقبال والاستقبال مالتنه بابين باب ع الطرمه وباب ع البيت الدخلي
فجنت لازمه الفون لابسه تراك ماروني وخاله حمره ماروني لان محد يمنا بالبيت وخدودي حمر ورافعه شعري كعكه✨
شوي وسمعت صوت سياره حمودي يمي كتله اجت مامه اركض
داكووووم اشوف اهلي
واشوف شاب دخل للاستقبال
😳😳😳😦
منو هذا
شاب حلو بس احسه قريب علي ماعرف الدم يحن
ماعرف لان بي لمحه وشبه من بابه ضليت اباوع بوجه ونسيت ملابسه حجاب🤦🏼‍♀️
حيدر:دخلت واشوفلك بنيه لابسه تراكسود وشايله شعره فوك والجمال دخيلك الله منو هاي
نوب هيه صفنت واني صفنت
استغفرالله هاي تبارك لان زهراءاعرفه
دنكت لان عرضي مايصير
وكتله 👿شمنتضره مدخلين
تبارك:عاط بيه وكلي ادخلي صدك اني شثولني ملابسه حجاب
دخلت اركض وگلبي ساعته ماسكت يربي مستحيه شهالموقف
دخلت عطت بزهراء كتله منو هذا كالت يااا هذا حيدر ابن عموو جواد
جاي وياهم ؟؟
خلي اسلم علي
زهراء:سويت نفسي مادري بي جاي لان تاكل راسي هاي😁
فدخلت سلمت
تبارك:اني لبست تراك طويل ونزعت الماروني
ودخلت كانو اول مره لان ميدرون بالموقف🤦🏼‍♀️
وزهراء ومامه ديعرفنا هاي تبارك وهذا حيدر
وكذا
فجاي اكول الموقف لان اني فطيره وع سجيتي
جاي اكلهن يي شفته عود من دخل بالغلط
جاي اكول يي شفت...
وهوى خزرني🙄
قاطعني تشرفت بيج تبارك♥️
-
-
-باوعت هذا شبي الحمدلله والشكر😕
ودخل بابه وسالناهم ع وضع بيبي خطيه
قيصر:يله  بنات سوو عشه النا عدنا موضوع وره العشه باباتي
يتبع.... لاتنسون تفاعل تعليق كومنت حته نزل القصه باسرع وقت واذا تفاعل حلو راح انزللكم هديه بارتات اضافيه ومثل متعرفون بين يوم ويوم القصه  بتفاعلكم يصير بيها هديه