#تبارك
البارت 8
ارسلان جاف
مساء الخير داده شونكم اخباركم اسف كلش على تاخير والله بدوام وحال ضيم حالي اعذروني والله لا تنسون ارسال طلب صداقه حته يوصللكم اشعار نشر لا تنسون لايك وتعليق تفاعلكم هم قليل كلش والله مجاي يسوي واهس
زهراء:عمو جواد عزم بيت عمه حنان ع الغده وكلهم العرس الاسبوع الجاي وابدو من هسه ماريد احد يكلي مالحكت
والحنه يمنا وعلينه
ابو احمد:معدل طول عمرك يابومهند
جواد:لا جا حميد وليدي
هاهيه من هسه ابدو الحنه الخميس والجمعه العرس
ابو احمد :هاهيه خويه
———-
⏳
⌛️
تبارك:بعد مرو 6ايام وباجر خميس
خلصنا كلشي هوسه الجهاز وهوسه الحجر صالون وبدلات وهوسه الذهب
وتجهيز الحفله والمطربين واللبس
من صدك عرس زهراءصار متعب كله تعبت بي حته الجهال الصغار حمودي وسجاد انهلكو لعد الكبار شلون
كل هذا لان المده قصيره
ويوم الثنين بيبي حيل تعبت كلش ودوهه للمستشفى كالعاده باتت يوم وطلعوه ع مسؤليتهم وضعه تدهور كلش
واحنا بينا ومانستعجل
اليوم خلصنا كلشي الحمدلله
———-
طبعا عمه احلام فتحت موضوع ام زياد وكالت لمامه ومامه كبل سدته للموضوع لان تدري بيه شرح اجاوب
————
تبارك:اليوم كله اجت يعني حته اولاد وبنات عمتي المزوجين وجناتهم
ماشالله البيت نترس نسوان والبره زلم
يعني مرات اصفن اكول الله يساعد جنه ع الرجل التجيهم ماشالله خطارهم هواي ويهلك
————
الساعه 5العصر
بعد خلصنا لازم اودي جهاز زهوره وارتبه
زمن:مامه تبارك يله بعد اخذي وحده من البنات وروحي
تبارك:يي هوه اني منتظره احد يجي من الولد ياخذني شوكلهم اختفو
زمن:يي غير كلهم يم احمد بيتهم
بعدين كتلج اخذي وحده وياج وروحي مو اله تنتظرين الولد همه مو بعيد بيتهم الفرع البصفنه
تبارك:ميخالف انتظر حيدر يضل يحجي
زمن:ههههه ولج مامه هاي من شوكت هيج صرتي
تنحكمين عفيه ببنيتي
تبارك:ياا مامه شنو انحكم منو هوه حته يحكمني بس مالي خلك مشاكل
——————
رحت اريد وحده تروح وياي لكيتهن كلهن ملتهيات
فاطمه وجنه ودموع ونور وكلهن
وزهوره كلش تعبانه من الحجز وطلعه والطبه والجهاز فنايمه واصلا مو مال اخذه لبيتهم ترتب جهازه تستحي
ريتاج بت عمو ضياء
اجه مرتضى ابن عمه احلام ودانه
طبينا لبيت عمتي طبعا من اجيت لهسه اول مره اشوف بيته واطبه ماشالله همات جبير وحديقه اماميه بيت فخم بس بيت عمو جواد اكبر وافخم
طبيت طبعا جنت لابسه جبتي وشال ماروني ذبيته لفه بسيطه
هههه والله وكت وصرت البسه
اصلا تعودت عليه احس
المهم دخلت للبيت وصلت للطرمه واشوفلكم الاستقبال متروس ولد ماشالله صدك ع كولة مامه كله هنا ومشغلين الديجي
من جمال الدكات والصوت
اله شوي اطب وياهم هههه😂
يبووو حته موتي يصير حلال عله ايد حيدر
دخلت كبل عمه اشرتلي طبن منا ع الممر
مرتضى طبب الجنط مال جهاز وراح
تبارك:عمه جان خليتيني اهزلي شوي جتف وياهم ليش صحتيني🙄
حنان:فلك حته هيه هزه وهيه طلقه براسج من حويدر
تبارك:ههههه اني هم كلت هيج بس والله كلهم ولد عم وعمه ماكو غربه
حنان:يااا ولج هو انتي شفتي شي اصلا شكثر شباب غرب صحبان حويدر واحمد وهم ولد عم احمد وناس هواي غرب
تبارك:اليوم وهيج سوو لعد باجر بالحنه شيسوون
ريتاج:ههههه خليه صدمه انتي ماشايفه اعراسنا
تبارك:ع كولتج خليه صدمه
حنان:يله صعدن الغراض لو اصيح عباس يصعدهن
تبارك:يي عمه صيحي عباس
(عباس اخو جنه واحمد الصغير عمره17)
صعدنا وطبيت للسويت مال زهراء يجنننن بمعنا الكلمه يعني الترتيب والنزاكه
ومسوين سويت كامل صاله ومطبخ وغرفه نوم
زهراء اجتي شافته بس اني اول مره
ع العموم
لشوي صوت الديجي وكف
يعني خلصو يمكن 😅
رتبنه الغراض وبالساعتين يله خلصنا
لان كلش هواي
وحسب شلون مازهراء وصتني ع الترتيب
نزلت بس شنو هلكانه من صدك
حيدر:جنت كاعد بالصاله مال بيت عمتي
وتبارك نزلت بس شاله نازل بس موكله يعني مقدمه الشعر شوي وهوه شعره يلمع
وجنه فحطانه
تبارك:اا اشن و ما هل و اا 🤧
حيدر:شبيج كمتي تسحكين حروف
تبارك:انته بعدك هنا
حيدر:يي وانتي شجابج هنا
تبارك:اجينا نرتب الجهاز
حيدر:دعدلي شالج عدلي
بيت كله زلم ونازلتلي هيج
تره خلي بالج هواي جاي اعبرلج
فلا تختبرين صبري
اكول خطيه ماخرب عليه فرحته باخته لان ادري بيج من تزعلين تنعزلين فقدري هالشي ولا تدوسين بطني
تبارك:هاي شنوو ع كيفك شدعوة شمسويه هوه جنت تعبانه ونزلت مامنتبه لشالي
حيدر:كصري الحديث ومنا وهيج انتبهيله صار معلوم
تبارك:صار🙄
:منو يرجعنا للبيت
:جلبت بينه عمه وخطيه جانت مسويتلنا كيكه الي ولريتاج بس حيدر ماقبل نكعد ناكله جابته ريتاج وياهه
——-
بالطريق
تبارك حيدر
حيدر:هاا
تبارك:سمعت حتلبس قاط بيوم العرس
حيدر:ههه بله منين تجيبين هالسوالف
تبارك:لا الله عليك كول
حيدر:يي صحيح
تبارك:هههه خاف تغطي ع حمودي
حيدر:لاتجاملين عاد مولهالدرجه
تبارك:لا والله تره واضح رح يطلع عليك احله
حيدر:هاااا منو جاي يحجي
تبارك:شبيك والله
حيدر:يالله اكو تغيرات عنصر الاحساس مشتغل اليوم
يوميه مطفيه 😉
تبارك:مافهمت
حيدر:هيج انسي
تبارك:زين شنو لونه
حيدر:كحلي
تبارك:صدووك والله لو تجيب بيجي يكون فدشي
لان اللون البيجي حلو عليك
حيدر:هالالوان الفاتحه مارغبله واستحي البسه
وصلنا يله طبي
تبارك:وين رايح ليش متطب انته هم
حيدر:لا العباس عليج لازم اكلج يعني؟
تبارك:هههه موقصدي بس هوه سوال
حيدر:رايح اغير لون البدله (القاط)للبيجي😉
تبارك:ههههه كلي حبدل لون القاط اجيب بيجي ههههه وكبل طلع
☺️غيرت قراره
هههه مادري حبيت الموقف كلش من احترم رأي وغير رايه علمودي
———-
البيت كله هوسه وناس اجت تبات حته غرفتنا اني وزهراء اجت نور وريتاج ويانه نامن لان هواي ناس——-
من بعد يوم متعب نمنا
——
ال9صباحا
(الحنه)
💎❤️
تبارك:يوم الحنا يوم فرح وحزن بنفس الوكت🙁
طبعا اليوم كعدنا ولكينه عمو كاظم وعمه هنا واحلام هستوهم جايين
من المستشفى بيبي متخربطه بليل وماخذيه والصبح يله راجعين
طبعا راجعين مو بشفاء بالم الدكتور مأيسهم كلش بحيث كللهم هاي
جيته للمستشفى تاذيه لان تبتعد عن جهاز القلب مالته وغير كل هذا
مجازفه جيته وهم مابيه فايده يعني خلاص ميؤس منه
والوضع كله متوتر من الصبح
خطيه حته زهوره شبعت بجي ع بيبي وهم ع موعد حنه وصار هيج الصبح كلش تاذت
احلام:ياعمى الليوم ليله عرسج واليوم حنتج
جا عليش هالبجي يبعد عمتج مسحي دموعج
موخوش فال يبعد عمتج
هناا:يله بنات اخذنه هناك
جواد:بويه تبارك يله امشن روحن للصالون ماريد احد يتكدر خاطره من الصباح وبالنسبه لحنان لاتجيبون طاري حته الولد لاتكلولهم
بلا قلق
تبارك:اوكي عمو احنا معدنا شي خابر كرار
جواد:هسه اخابره يجيكم
تبارك:عمو حيل متاذي اضافه الى بابه بس عمو جواد كل شوي ياخذ بابه ع صفحه علمود يحاجي انو ليخرب واهسنا
خطيه والله بيبي تكسر الخاطر ونوب موقف عمو جواد اذاني يريدنا ننسه ونكمل هاليومين ع خير
رغم كل الاذيه البي كال لعماتي يله كومن بعد وراجن كومه شغل وهنه هم كلمن كام لشغلته وكامو يدكون الديجي والركص ونضفن وفرشن من جديد والتهت كله
_
-
-
-
-
-
ع العموم احمد خابر زهوره بس كلتله حنطلع مابينتله شي ع بيبي
المهم خلصنه وكملنا
واني لبست فستان طويل لون لحمي بيجي ساق بي كرستال ذهبي وفضي بس كولش حلو وكعب وشعري سويته مجعد وهو طويل صار علي الكيرلي يجنن
وعروستنا الكمر بدلته ماروني وفدوه من خلصوهه ضليت ابجي بعد ماكدرت والله
شهالاحساس داحس بالوحده من هسه لعد من نرجع وارجع وحدي شلون
المهم عروستنا طلعت كمر🥰
زهراء:ولج خيتي شطلعتي شهالجمال ولج اني العروسه خليني ابين لاتغطين علي
تبارك:هههه ع كيفج
مو لهالدرجه
زهراء:ولج دباعي اللون اللحمي يجنن عليج
تبارك:ههه بس لتخافين خيه انتي احلا مني تبقين بارزه انتي وبدلتج😏😂
: احمد خابر زهراء كلله اني رح اجي اخذكم
طبعا بعد ماحاجه عمو جواد وكله رح اجيبهن
صارت ساعه1وخلصنا واجه الكيك الثاني
فدوه النسيب جنه ورد يجنن ولابس قميص ماروني وبنطرون جينز طلعو طقم كامل هيه وياه😂
اجينه والطريق كله وهمه واحد مستحي من الثاني ولاجنهم هذوله اليتخابرون يمه اللفاحه مالتج يخيتي سوت روحه ميته خجل🙃
وصلنا دندخل اكيد من الباب الخلفي حيدر موصي احمد واني ادري ليش وصى
وعماتي طلعن تلكن وهلهلن ودطببن زهوره البنات
المهم دخلت اني لابسه جبه بس المكياج بارز علي
مااحس اله واحد جراني بيده
حيدر 😧😧😧
جراني للغرفه الي تصير جوه الدرج بس همه مسويه غرفه مخزن بيه ملابس وكذا
المهم
تبارك:
اباوعله لابس دشداشه لون بيجي ورافع شعره عالي
وهوه ولحيته جنه هلال العيد
تفاجئت مجنت اضن يلبس دشداشه بس شايفه مهند يلبس بس هوه مضنيته
مع انو دشاديشهم كله الاصليات وكلهن فخامه وكلهن غاليات بس جنت عبالي هوه ميحب يلبس
من صدووك تفاجئت بي
نرجع لموضوعنه
تبارك:😧😧😧😧😧😧
حيدر:شبيج
تبارك:ليش جريتني كدامهم والله عيب
حيدر:جنت جاي احاسبه ع مكياجه وممغطيه وجهه من طبت
هوه صح بس نسوان من الباب الخلفي بس الطريق كله زلم
المهم لاكلكم ولاتكلولي من شفته عن قرب نسيت ابو الحجي جن حسبالك اشتاگيتله ومن جريته بالغرفه ظليت صافن بوجه نوب هيه سالتني ليش جريتني
بعد ماردت اضوجهه
:لا ماكو شي بس ردت اكلج عدلي شالج
تبارك: افف استغفرالله تمام
حيدر:بلا تأفف
تبارك:شعجب هنا عبالي تروح يم بيت عمه
حيدر:لا شلون جا غير كله هنا الوادم
تبارك ماوصيج هله هله بحجابج بلبسج انتبهي احد طاب احد طالع
تبارك:اوكي بعد؟؟
حيدر:يبوووو ماتتحاجه
في امان الله
تبارك:ههه الله وياك باي
خليت وطلعت
—————
تبارك:شهالضحكه هاي دخيلك ربي الكالي حل منك اللهي ياامه تنسيني هالبنيه ياما هذا التعلق والهيام نهايه تكون من نصيبي
دخيلك ربي لاتعيشني الاخاف منه
ماريد اتعلق بيه وتاليه تكسر بيه
———
تبارك:ماسولفلكم ع الناس يعني بحيث البيت ماشالله ماصار محط رجل وهمزين من اجينا كافين الغده هستوهم
طبعا ماتفاجئت من الاعداد ماشالله لان البنات شكد سولفو وكلولي رح ينترس البيت والمضيف والطرمه والشارع
ولاجذبن من طبينه السيارات تارسه درابين البصفهم
والزلم غاطه بس ماشفنا الباب عدل بس الطالعين بره لان دخلنا من الباب الوراني
ع العموم صارت ب4
بده الدك الركص وركص عمامي يخبلون وي نسوانهم والحجيات الكبار ودكات وهوسات وكولات
فاطمه:ولج تبارك شطالعه شخليتي لزهوره
تبارك:هههه يعمري والله الجمال كله عدجن يبنات البصره الشعر والجمال
فاطمه:لامن صدك والله البنات كلهن تفاجئن شهالجمال
تبارك:ولج كافي تره ماعرف ارد ع هالكلام هههه
كرار:فاطمه 🗣🗣🗣
فاطمه ها خويه جيتك
——
تبارك:اجتني فاطمه كالت بيدي شغله وحيدر دز كرار عله سلاحه فدوه صعدي جيبي
تبارك:ولج يمه هم سلاح وهم مال حيدر لو اموت ماجيبه وبعدين شنو حيرمون تره والله اخاف شنو هاي حته حرام
فاطمه:ولج جا كلشي ماشايفه بعدج هاي عادات وهمه يعرفون وين يرمون ولج
تبارك:حته لو ماندله
فاطمه:بخانته مال العطور والساعات
تبارك:ولج وين اعرف خاناته اني
فاطمه:خايبه طولتيه لوصاعده انا ابركلي
دوري الخانات وتشوفيهه
هاج المفتاح
تبارك:صعدت لغرفته وفتحته ولج مامه ريحته تجنن وبارده
دادور فتحت اول خانه بيه عطور وساعات يجنن والله مرتب شلون مسويهن باللوكر وكلهن ماركات احسن من ترتيب خانت ساعاتي🙁
صدك ولد شيوخ
فدادور ع السلاح
————-
حيدر:كرير شنهي راح تصنعه فطيمه
كرار:خاب هاي الفاهيه تجيبه
حيدر :كول لوحده من البنات غيره شوف نور جنه
كرار:اوكف احسن شي هل اصيحلك عمه احلام
حيدر:صاحله
وصاحتني
احلام:عمه سويتلك درب اصعد كبل لغرفتك مامش بنيه بدربك
حيدر:جا انتن جيبنا
احلام:جا شمدرينه وين خاله
حيدر:خاب هيه الفهاوه منين تنبع من فطيم
يالله. يالله 🗣🗣
يابه درب
حيدر:صعدت لكيت الباب مفتوح شويه
طبيت
😧😧😧😧😧😮😮😮😦😦
تبارك:ااااااااااا ماامه😱😱😱😱😱😱
حيدر:ولطم صوتج
وسديت الباب
لا موصدك الجاي اشوفه موصدك
دخيلك ربي شجاي اشوف
اللبس والشعر والشكل والوجه والجسم والنبره مال خوفته وعيونه التلمع مثل الطفل
استغفرالله كبل درت وجهي ع الباب
تبقه عرضي مامحلله عليه
هوه المباوع مالتي ماطول يجوز 5ثواني بس غير ماتنسي من العمر كله
نوب هيه كمزت صارت ليوره😂
تبارك:احس كلبي ضل يرجف اول مدخل كبل وجهه صار بوجهي بس هوه دار وجهه بسرعه
واني كبل كمزت وره جربايته
والبجي والصياح
:انته شلون تفوت هنا بأي حق خاف حسبالك اني عادي عندي هيج تصرف لا لعد انته ماتعرفني عدل
حيدر:اول شي صوتج هذا تنصي وحلكج تلصمي اصلا وغير كل هذا مو غريب الشافج ابن عمج فلا تضنين ابن عمج يباعلج بنظره ثانيه
وغير كل هذا منين اطلع بره
من غرفتي؟؟؟
هااا جاوبي
انا لو انتي بغرفتي
واصلا لو ادري بيج هنا ماطب عمتي كالت سويتلك درب طب
وشسوين هنا اصلا
تبارك:اني هم مادري بيك رح تجي فاطمه دزتني ع سلاحك 😭
حيدر:كافي لاتبجين جنج جاهله تخافين من كلشي
تبارك:اني احس ايدي وكلبي نفس الحركه الرجفه ماراحت بس مجرد المنظر كلش كافي
جنه غرفتي اني وياه
من دخل وسد الباب
تبارك:هسه شلون اريد اطلع
حيدر:اوكفي ضلي بمكانج اني راح اخذ السلاح وطالع وانتي اقفلي الغرفه وراح
(طبعا نحجي وانا وجهي ع الباب وهيه وراي)
:طلعت وانا الوحيد الواگف القوي صرت جني كرير افهه من كرير عمي كرير احسن مني يتحرك يساعد يرحب اما انا كلش فهيت احس كلبي وعقلي وكفن وي ال5ثواني ذنيج
لحد مااجه حميد واهله وعمامه
————-
تبارك:طبعا اني صار عندي هبوط من وره هالموقف والله اتمنا الكاع تنشك وتبلعني نوب الكاتلني الفستان كلش دلع وبي فتحات ومن غير شعري
خرب حضي كل مااذكر احسه اتعس يوم
يربي شلون اباوع بوجهه بعد
ع العموم اجه العريس وركصناهم وركصور وحدهم بعدين واكلو كيك وحناهه وباساهه😂
وراحو
طبعا وراهه تقريبا بربع ساعه من طلعتهم سمعت عمه رقيه تحجي وتخابر وتسئل وكلبه مفرفح
طبيت اله كتله شبيج عمه
كالت ماكو شي كتله احجي جنه شكو وجهكم يفسر الغير
جنه:حبوبه اخذوهه للمستشفى
تبارك:هاي شوكت
جنه:قبل ساعه
تبارك:شنو هاي شوكت شو محد كال
جنه:حته احنا تونه درينه من البنات
جانن كاعدات بالمطبخ وشايفاتهم يطلعوهه متخربطه ويمه خاله احلام
ومخابره خالي جواد وهسه البنات حجن
خالي جواد كالهن لاتحجن
كبل طلعو من الباب الوره
وهسه خابر كال خل الولد يجون مادري شالوضع
وره شوي طل عمو كاظم بس صوته يمه يصوته اوف سوده عليه يابابه هذا عمو كاظم وهيج لعد بابه شلون
كاظم:رقيه هنا ام مهند امشن بسرعه
الحجيه تعبانه والتطول نخليه ونمشي دقيقتين
هوه هيج كال والعالم كله انصدمت
كله انصدم لان محد يدري مثلنه شوكت بيبي راحت للمستشفى
جنه: ماطول حجو واعلنو الحجيه تعبانه
بدون مايضمون علمود الحنه يعني حبوبه
بيه شي من صدك هالمره
تبارك:فدوه لاتوكفين كلوبنه جنه
:لشوي صارت ساعه ب9 الولد كله اجت
وجن السالفه صارت صدك لان خابرو عليهم كلهم اجو بدلو وطلعو للمستشفى ونوب العالم كومه
نصه راحت للمستشفى وراهم
ومن وره المخابرات وكفت كلوبنه
الفرح تحول حزن
كمنا بدلنا وبدلنا الزهراء نوب كومه عالم غربه وعماتي كله هناك وامي وحته نسوان عمامي
ضلينه احنا البنات مثل السمجه المزوهره
بس نخابر
خابرت جنه عله مهند
جنه:فدوه مهند فهمنا والله احنا هنا كلوبنه خلصت
طمنا فدوه
مهند:شطمنج جنه شطمنج
الحجيه مودعه الليله
جنه:😱😱😱😱يمه شجاي تحجي
تبارك:عله شهكه جنه كلنا ركضنا للصاله
جنه:ولجن يكلي حبوبه تودع ولجن تودع😭😖
تبارك:صار البجي ماله والي بذاك اليوم
البنات كله وزهراء كلش كلبه رح يوكف من البجي كطعت گلبي شهالحظ
حته نسوان الغربه هذني كلبنه مناحه واني ضليت اهدي بذاك وهذا
—————
ومشه الليل واحنا كلوبنه خلصت دخيلك ربي تحول يومنه من الى كلش
لل3الفجر وكله عله فرد سهره
اجه كرار ومصطفى
همه طبو. واحنه كلوبنه وكفت كلنا هاهيه
دموع:ولك كرار حبوبه شبيه كرار
كرار:اسمعني كلجن جده موزينه وابوي كال جيب التريد تجي تشوفه
اني كلتله مايجن هنه وصريخهن ويخزنه
بس بعد شسوي
بس بالحسين اليطلع حسه لو شي كدام الوادم
بالحسين ارجعه والله لوواصلين لغرفت الانعاش
ارجعه
من هسه التبقه عله هذا النوح والبجي والعياط ماخذه وعلي
تبارك:البنات كله بدلت وجابو كيه مال ابن خالتهم
وصارن حشك كلهن راحن
وحته من هذني النسوان هم راحن وبقن بعد كم وحده
ف مصطفى كال تبارك ابقي انتي ونور يم النسوان عيب جا شلون نفرغ البيت
حجايته صحيحه بقيت اني ونور وراحو
زهراء وجنه والبنات كله راحت
واسم الله عبالك ماخذ جنازه البجي والصياح و توقيت الفجر ياخذ الحيل
رجعن ب6الصبح وكم واحد من الولد هم رجعو وياهم
بس عمامي وحيدر وكلهم ضلو
وضعه وقتي بهاللهجه حجو وصارحونه الدكاتره
رجع مرتضى ابن عمه احلام ومصطفى وحسن
وكم واحد بس مو كلهم رجعو
اجن البنات ع نفس النوح والبجي يكولن كلشي مافهمنه
بس من بعيد شفناهن
وحيدر مرجعهن كالهن صوتجن وانتن وبجيجن وكومه زلم
وانا بدون ميكولون عرفت حيدر مرجعهن
بس صدك يعني كومه زلم عله حجي زهوره تكول المستشفى غاطه بس ناسنه
نص البنات نامن ونصه ضلت تسوي جاي وماعرف شنو حته يودون للمستشفى
اني نمت شوي وزهراء هم لان كلش تعبت بعد ماقاوم اوكف اساسا داحس بهبوط والم براسي اله انام يله
ينعدل راسي
نمت تقريبا ساعه ونص هيج شي
كعدت البيت كله فارغ طبعا العرس انلغه
لان كله بالمستشفى والناس الي يمنه بالبيت
تريكت وراحت لهله ومناك يرحون للمستشفى هم
صارت الساعه ب9الصبح
كرار خابر دموع👌🏻
كرار:ولج حبوبه ماتت ولج ماتت
دموع:ولج حبوووووووووووبه😓😫😖
-
-🥺🥺🥺
ولج حبوبه 🗣
ولج حبوبه شلون هيج
حبوووبه وينج
ولج حبوبه ماودعتي احفادج
اگعدي
تبارك:😧
😧
💔
😧
💔
💔
😧
بس مجرد ماسمعنه الصرخه كلنا ركض ع المطبخ
اباوع دموع التلفون واكع من ايده✋🏻
وصريخه وتعيط ولج جنه حبوبه ماتت🗣😞
تبارك:هنا صارتلي علامه فارقه من الصدمه الي
ماتوقعته اني هيه اذيتي ع موت بيبي يعني اني
مميتلي احد قبل ومحاسه بالفقد هيج
بس من سمعت حجي دموع بعيدا عن الصراخ
الصار وكبت للستار وناس شكت هدومه ناس
طلعت ناس تصرخ عله كل هذا اله اني ضليت
بحاله صدمه
حته عله زهراء مهتميت سحبت روحي رحت للغرفه الفوك
احس اكو شي صار اكو شي بكلبي بس شنو هالاحساس
ماحسيت غير كعدت بصف الجربايه
وضليت اصرخ بعالي صوتي😓🗣
بس وين اذا هوه البيت كله نكلب صريخ حته صوتي مايبين
اول مره هيج ابجي واصرخ بحركه لااراديه 🤕😭
معقوله هيج احساس الفقد واني مامجربته
وهاي اني علاقتي مو كولش قويه بيبي يعني لاكاعده لامسولفه وياهه وهيج صار بيه لعد هذوله شلون
وشرح يصير بيهم
ابوي عمامي
الولد
عماتي
البنات
هذوله شلون
اوووف ياموتت بيبي شسوت بينه
يتبع.....
