#تبارك
البارت9
داده صباح الخير حقكم اعرف جاي اتاخر عليكم ان شاء الله بعد ما اتاخر عليكم حبايب فديتكم
بعد ماخابر كرار وعرفنا 🥺💔
تبارك:ضلينا جنه مخابيل بالبيت نفتر ونبجي وحال البنات فجعني
مادري شنو اسوي
حاله رعب وخذلان وفجئه
المهم
صارت ب2الضهر
واحنا نخابر ومحد يرد
والبيت نترس نسوان
جيران وكومه نسوان كرايب نترس البيت
بجن يصرخن ويثاغبن واحنه جنه واحد وماصدك
صار اللطم ع الوجه
ونوب زلم كومه بس من نكلهم بعدهم بالمستشفى كبل يرحون للمستشفى
اخر شي خابرو
كالو كبل طلعو للمغيسل ومحد قابل يرجع للبيت
وهمه متاخرين بااجراء المستشفى
-
-
-
صارت ب3ونص وهمه طبووووووو😞✋🏻
ومانسمعلك بس صووووت الصريخ
والعياط
واللطم
خو صوت البجي والثغيب زلم ونسوان
همه فتحو باب الشارع وطبووو بيه⚰️
واحنا ع نفس الصرخه
يصرخن:ولجججححححح حبوووووبه😭😖
وزهراء تصرخ بيبي💔😭وينج ماشفتيني عروس
والله منظر بعمري ماانسى احس الدنيا وكفت بهاليوم
طبووو وصلو للطرمه واحنا طلعنا كل احنا
حطو التابوت بالكاع
اباوع عليهم!!
ابوي وعمامي هذوله الزلم يبجون بحركه كلب
كل بجيه تعادل نوح وبجي مال نسوان
بابه لازم راسه ويصيح ولازم التابوت
وعمو ضياء لازم التابوت ويصرخ بس شنو الصوت
العالم ملتمه امه محمد نوب ولد وشباب كومه مشايفيهم وزلم معكله صارتلك كتل ناس ماتعرف شنو شكدهم كومه
وعمو جواد لازم ضهره اوووف😞
تحس ضهره نكسر بامه 🥺💔
وعمامي كله تبجي
والولد الي همه الاحفاد يبجون
يعني يبجون بجي ولا جن هذوله الجانو يركصون البارحه ويخبلون
اووووف يا موتت بيبي شسوت بحالنه💔🤕
اني ماشوف حيدر لان هيه هوسه صارت وحته احمد مشفته ميبين احد من الناس
بالكوه بين مهند
عماتي وعياطهن
خو عمه احلام صريخه يعادل صريخ عشر نسوان بس خطيه فاقده كلش فاقده مثل المخبله
والنسوان لازمات ثوبه يعني الضاهر شاكته وشاله مهوس يعني مشلعه شعره كلش واضح
عمه حنان والباقيات كلهن بحاله فقدان
الله يساعد كلوبهن
يدكن ع التابوت رح يكسرنه
والتمن البنات عله التابوت نوب الصريخ يوكف الي ع بعد سبع شوارع
وزلم والنسوان يجرن بعماتي وعمامي
حيدر:👿👿🗣🗣
خاب هذا ياهو الحط التابوت هنااا
شنهي السالفه بويه
طلبهن جوه
بله وخرن وخرن👿
وخرن اكلجن
تبارك:حيدر اجه وعيونه حمر يمه سوده عليه والله زلم البصره يفطرون الكلب من يبجون مايبينوهه هوه عله صياحه وعياطه بس واضحه البجيه حته صوته مبحوح
طب بينهم صاح بصوته بس كلش عالي يخوف بحيث ع الصريخ وينسمع
عاط بيهن
كال للولد طببو التابوت جوه
كال هيج لان كل البنات طلعن والنسوان وصراخنه
والطرمه كله زلم ونترس المضيف غط كلش وحته وصلو للشارع
نوب حيدر يتخبل من هاي السالفه
طببو التابوت وماسولفلكم ع الصريخ الصار
عماتي احس كلوبهن رح توكف
وانترس البيت نسوان نترس وربي
واللطم والكولات يمه كولاتهن
تفطر باب الگلب
-
-
لشوي طلعو الجنازه وراحت بيبي ✋🏻🥺☹️
والبنات فقدن ع طلعته⚰️
وصعدو يمكن ب3كوسترات وسيارات صغار
اوف ردناهن بعرس مو بجنازه
الولد راحو بقه كرار وعباس ومصطفى وحسن
وطبعا الناس والشباب مو كله راحت
راحو بس الزلم الكبار يعني( كبار القيمه)
ونسوان كذالك موكلهن
عمامي كلهم راحو ماضل ولا واحد
عماتي كذالك هنه وازواجهن
والبنات مراحن علي وكرار ماخلو ولا وحده تروح
خطيه كلهن رادن يرحن بس ماقبلو
-
-
-
-
طبعا وره المغرب كومتنه مامه ونسوان عمامي
سوينه همه ع البيت
وخطيه النسوان ماقصرن كلهن كامن والشغل خلص بسرعه لان هنه ماشالله كومه
ونظفنا وجهزنا
اوووف ياربي البارحه جنه نجهز لعرس وفرح
واليوم نجهز لفاتحه وعزه
الحمدلله😞
نظفنا بالنسبه للطرمه والمضيف الولد غسلو ونضفو وفرشو فراش جديد للمضيف
وبدووو
اجت سيارات الجوادر والكراسي
وتجهيزات الفاتحه
مدو جادر ع طول فرعيين صار جادر شطولاته
كلتلهم كلش هواي مبالغين بالجادر وكاطعين فرعين
يكولن البنات هواي عالم تجي هيج ويه المضيف ويادوب
وسوو جادر يطل من الطرمه للبيت للنسوان بس موبكبر جادر الزلم طبعا
وفرشو وكملو
باوعت شوي من الجادر😳😳😳
يمه زلم كومه ناس ينصبون بالجادر ناس كاعده ع كراسي وولد كومه يشتغلون
تفاجئت من العدد والله عبالي تجي الصبح الناس
ع العموم
خلصنا تنظيف العالم كامت تجي
كامت تتكاثر كلش هواي بحيث الراحه ماطابتلنا ابد
واجن نسوان فوك الموجودات
وكعدنا ساعه نقره قرأن مرت عمو حسين تقره بينه
وساعه نبجي والنسوان اليجن نكوم نلطم وياهن وع هالحال
للساعه ب11
نسمع صوت الجوادر والحدايد خلص
يعني خلصو نصب الجوادر
تقريبا ب12اجووووو😭😭😭 (الدفانه)
تبارك:اجوو😭
طبن النسوان بس
لان الزلم ضلو يم الزلم بره
وصار جزء ثاني من البجي والعياط والنوح
خاصا من عمتي احلام
تسولف عله الدفن وي صريخه تبجي الحيطان
وزهراء شبكت عمه حنان
وضلن ثنينهن يبجن ويصرخن بحضن الثانيه
اني هم سحبتني عمه حنان
وبجيت بحضنه😭💔
طبعا اجني كلش تعبانات ميتات كلش
البنات فرشن الهن
بالبدايه عاندن مانامن
بس بعدين من التعب استسلمن ونامن
.
.
.
.
صارت ب2الليل
داريد انام
لان متت تعب
وتلفون زهراء يمي يدك عليه احمد
فطلعت حته اصيح زهراء
لان راحت للبستان وي جنه يعجنن
داطلع من الغرفه
لمحت حيدر طب لغرفته
حيدر:طبيت للبيت
اطلعلي ملابس وكم حاجه من الغرفه واطلع
وسولي طريق
البيت متروس نسوان
نص نايمات نص كاعدات
حته استحتيت كلت لو كايل للبنات يجيبلي
صعدت كبل لغرفتي
واني كلي امل اشوف تبارك
بس وين اشوفه ع هالنسوان البلبيت
وين الكاهه
طبيت لغرفتي
سديت الباب جاي اطلع ملابس
ندكت الباب
حيدر :فووتو🗣
تبارك:السلام عليكم
حيدر:درت وجهي وشفته
بويه نسگت روحي من الضمه✨
شوفته ترد الروح الي احسنه👌🏻💍
حيدر:وعليكم السلام فوتي
تبارك:البقيه بحياتك
حيدر:حياتج الباقيه مشكوره
تبارك:شنو هاي شصاير بيك
الله يساعدكم ع التعب
ليش هيج عيونك حمر كلش
حيدر:يي الحساسيه جلبت كلش
تبارك:حته بهيج مواقف تكابر
تره البجي طبيعي وربي بهيج مواقف
-
-
تبارك من كتله هيج جر حسره وسكت🥺
حيدر: تبارك ماراح اكلج ماجنت ضان بيه تموت
وتخلينه
بس اكلج ماجنت ضان روحي هيج احس بفرق بفرگاهه
تبارك الحجيه هيه مربيتنا
هذا البيت كبرت عمامي كله
تكبر وتطلعهم ببيت
تكبر وتطلع
بس ابوي كبرته وخلته يمهه
من هاي طفولتي ومراهقتي وشبابي
كله مربوط بيه
اذكر كل مواقفه وسوالفه وحجيه
من جانت بحيله
تبارك:هوه يحجي واني ضليت ابجي🥺
انتي ماشفتي شي منهه وهيج تبجين
جا انا المربيتني شكولن
مانلام لجن بجيت عليه
تبارك:لا اكيد متنلام
الله يلوم الي يلومكم والله
والبجي مابي شي
انته ماجاي تبجي ع بزونه
جاي تبجي ع بيبيتك
فطبيعي
حيدر:حبوبه ولج مو بيبي
تبارك:هاي او هاي بالحالتين ماسمعته من يمي
وبصوتي
حيدر:يي والله حسافه
صدك ماطولج هنا اسمعيني
تبارك وعلي مابيه حيل معاند
وداعت عيونج
افقد وااذيج خاصا بهالوضع
فلاتخلين بالي يمج
وترفعين ضغطي
مباوع من الجادر ماريد
حجابج ماينزل من راسج
بس وكت النوم
لبسج ماريده مال بيت هذا التلبسي
لا عريض
بره بجادر النسوان يجون ولد كل شوي
يجيبون اكل يودون شي
فالروحه والجيه هناك تصير مالتهم
من هسه اكلج
ابتعدي من تشوفين احد يطب منهم
لان شباب موبس ولدنا وناس گرايب
انتي حته ماشايفتهم يمكن
تبارك:واضح بس والله تره ما......
حيدر:ادري بيج ماتسويهن
بس مع ذالك اوصي
تبارك:تمام
انته متنام
حيدر:يي يمكن انام شوي بره
هاج هذا مفتاح غرفتي خلي يمج
من اريد شي من الغرفه
ادز خبر الج انتي تنطينياه
لان نسوان هواي بعد مادخل للبيت
يمكن لحد متفض الفاتحه
يله في امان الله
تبارك:ماشي
تصبح عله خير
تبارك:باوعلي ابتسملي ًوصفن علي صفنة واحد تعبان وكلي
تصبحين ع خير
ديربالج ع روحج ✨ وراح
الصبح
زهراء:تبارك اكعدي حبيبتي يله ساعه ب6
تبارك:ولج خليني انام شوي
زهراء:ولج يانوم شوفي العالم الاجت هسه من جديد
تبارك:من السته شعده جايه من السته الناس
زهراء:دكومي ياعيني هيه هاي فواتح اهل الجنوب
تبارك:احمد شكلج البارحه
زهراء:كلي اطلعي بالبستان ارد احاجيج
كتله اني بالبستان اصلا
اجه واعتدز مني وكانما هوه السبب
كتله عله شنو هالاعتذاز قدر وصار
وضلينا نبجي سوه باساني من راسي وراح
خطيه حيل متاذي وراسه من اجه كلش يوجعه
فماطولنا لان ردته ينام شوي يرتاح
* تبارك:يي خطيه حته حيدر منتهي
زهراء:الله يساعدنا ويساعدهم
ويساعد عماتي وبابه وعمامي
اوف يابابه ولج طلعتله اجه يم الجادر وطلعتله
بجيت بحضنه هوه هم بجه لحد ما هلك
سوده عليه
يكلي بويه لو ادريه هيج جا اجلت عرسج
كتله ياعرس بابه
الله يساعدك انته ع المصيبه
فطر گلبي ولج
-
-
-
تبارك :كعدنا كل احنه البيت انترس نسوان وحته الجادر هم انترس هواي ناسهم كلش
هذا بسبب علاقاتهم
وخصه عمو جواد ومكانته بين الشيوخ والناس
الله يساعد الطباخ شرح يلحك
المهم عماتي لكيتهن كاعدات من زمان
خطيه ع فرد صدمه
كلهن متاذيات
الله يلوم الي يلومهن
———
صارت الكعده اغلبه بالجادر لان جبير وهمه الطبه مال نسوان تبدي منا ولطمهن وكولاتهن هناك
عمه احلام صوته راح خطيه كلش نبح حته صريخه ماينسمع اوووف
——
صار الغده وعمه ام مهند وزعت المهام
علينه
نصنه نوزع ونصنه ناخذ من الجادر من الولد
وكل وحده ع شي
فرشنا السفرات
اني من الي يوزعون مو من الياخذن من بره
كلت هوه الاحسن اكيد بره ولد ومالي خلك حيدر
المهم ماشالله الاكل مامقصرين ولامقتصدين ابد
طبعا كلشي همه يسوو الزلم
مخصصين منضفين للمواعين ماجريهم
والطبخ والصب كله تاجير
بس الجاي والكهوه ولدنا يسوهه
وكذالك النسوان
الجاي عله البنات
طبعا بالنسبه للفاتحه قررو الزلم الكبار الشيوخ
كالو محسوب اليوم الاول ع البارحه
لان بيبي ماتت الصبح
فااعتبرو انو اليوم هو الثاني
ع العموم الفاتحه هوسه وتعب رغم بس جاي نسوي بس تعب التنظيف والناس هواي ف صغط كلش قوي
خاصا اني ممشتغله هيج هواي
قبل لااجي لهنا
——
للعصر اجت خاله زينب حبيبتي حضنته وضليت مطوله بالحضنه عله كد مامشتلقتله
واجت جنته وياهه فدوه كولش حبابه
