تبارك

البارت١١

#تبارك

البارت11

داداتي مثل ما كلنالكم ما اجوز حد الختمه انزلها بش كل يومي بس لا تنسون كومنت ولاي ليش عبالكم ما ارجعها بين يوم ويوم ارجعها اذا ما لكيت تفاعل وداعت جدي
تبارك:صباح الخير
حيدر:هلا خويه
وينج فاطمه سويلي ريوك
تبارك:شنو هالرد شنو هالرسميه شنو هالطريقه
ليش دتسوي هيج
حيدر: اضن وضحت امس
الا والاي مالتج الهن طريق ومايبقه شي عله حاله
تبارك:ليش هيج سويت جنه اصدقاء وولد عم
اني ماتحمل هيج تعاملني بهالرسميه هاي
حيدر:رح تشوفين الاسوء من هيج
تبارك:بس .....
داحجي وقاطعني وراح
هذا يحجي صدك شهالطريقه صار واحد ثاني ليش ديربط الحب بعلاقتنه ك اولاد عم
اصلا مازال هوه هيج يتعامل ماشي
بكيفه انشالله ميشوف شر اني هم رح اعامله هيج
واصلا مباقيه هنا يمه
———
فاطمه:ها خويه كلو صحتلي
حيدر:يي فطومه سوي ريوك بسرعه وجيبي يم عمتي  حنان
فاطمه:صارر
———
حنان:هلا يمه شلونك يبعد گلبي
حيدر:بخير عمه انتي شلونج رقيه شلون صارت
حنان:يمه الحمدلله
صدك جنت بالنجف
حيدر :يي رحت لجدتي
يله نتريك سوه ولاتكليلي مااكل تره انا هم مااكل
(طبعا ماكلت لعمتي لان مو وكته وهم هيه تعبانه من موتت امهه هم الله يساعده)
حيدر:ولا مصدكه مشت من صدك
حنان:اوف ولك يعمه عافتنه ومشت
سبحه وضاع شاهولهه
حيدر:الله يرحمه يعمه
ادعله بالرحمه اقرله قراءان
حنان:يي يمه نقرالهه جا شلون
حيدر:ديله مره خصتج
خل انام تعبان ومنعس
حنان:الله وياك حبيبي محروس
————
تبارك:طبعا خالتي باجر الفجر ترجع متنتظر السبعه ماتكدر تعوف بيته هواي
واني قررت ارجع وياهه
امي وزهراء ماقبلن بس اني رحت حاجيت بابه وكال روحي براحتج
همه هم وره السبعه بيوم يرجعون بس يطمنون عله زهراء بيت رجله
ويرجعون
بعد ماابقه هنا
———
زهراء:صار العصر وحيدر كعد طبعا هاي المخبله تريد ترجع قبل اهلي.
ومجاي تاخذ حجينا
فكلت احاجي حيدر بلكي يقنعه هو ماضل بس السبعه
المهم
زهراء: حيدر
حيدر:ها خويه كولي
زهراء:رايدتك بشغله
زهراء: حيدر تبارك تريد ترجع وي خالتي باجر
وانته الوحيد التكدر تغير رايهه
حيدر:من سمعت هالجمله احس واحد وضربني كل قوته عله گلبي
صار الوضع من جذب
صارت السالفه صدك
اذا تبارك راحت انا وين اروح
انا شيصير بيه
دخيلك ياعلي
حيدر:يي خلي تروح اذا تريد
زهراء: صدوك تحجي هو اني اريدك تحاجيه
حيدر: خل تكول لعمي وهوه يقرر بعد
زهراء:كالت لبابه وكله روحي
حيدر:يي بعد شنو خل تروح
زهراء:تفاجئت من رد حيدر كلش
المهم عفته ورحت
وصار الليل والعالم مكافه من بيت عمو
انهلكنا من الخطار
اني والبنات ادينه نملت من الشغل
المهم صارت ساعه ب10
دخلت للغرفه
لكيت هاي تلم بالملابس ملاته
زهراء:تبارك فدوه لاترحين هسه
زين بس كلينه ليش حترحين اله هسه ولج ماتكدرين تنتظرين شوي
تبارك:جريته وحضنته وبجيت بحضنه حيل
ولج زهراء شلون رح اعوفج شلون اكدر بدونج
زهراء شسويتي ليش اختاريتي البصره
ليش ؟؟
صرتي بعيده علي
زهراء:اذا اني هيج عزيزه ليش رح ترحين من وكت؟
زهراء:ماجاوبنه بعض بس ضلينه وحده حاضنه الثانيه وحده تبجي بحضن اللاخ
واجت مامه وكالت لتبارك تاخذ حمودي وياهه حته ترجع للبيت مالنه لان تدري بيه متحب تبات يم بيت خاله
وحضرنا ملابس حمودي وغراضه
ورجعنا نسولف انا وياهه
لحد مانمنا سوه وجن منريد احد يفرقنا
ولانريد نتذكر انو رح يجي الصبح والدنيا تفرقنا ونبتعد عله بعض
———
حيدر:ساعه8 الصبح واني الليل مانمتا
ماجاي تدخل بعقلي انو تبارك راح تمشي وتخليني
جنت منتظر وعبالي تتندم وتجي وتكلي امشي وياك
بس ماجت ماجت
طلعت كعدت بالطرمه بالحديقه
واجتني زهراء كالتلي رح يرحون فدشوي مرح تحاجي تبارك؟؟
كتله لا خويه هيه حره وبراحته
——-
تبارك:كعدت بدلت وتريكنا واني الحسره بيه
وعيوني مغوركه مادري شحس
خالتي تكلي يمه شبيك اذا تردين تبقين ابقي وتعاي وي اهلج
خالتي المتعرف شي حست
كتله لا خاله اروح وياج
رحت سلمت عله كرار وخطيه وصاني اجيهم بالاربعين
ورحت سلمت ع مصطفى وحسن وعباس و احمد هم اجه ومهند
وعماتي حضنتهن وبستهن وسلمت عليهن كلهن ماقبلن بروحتي وضاجن خطيه
حضنت عمه حنان وبسته وبجيت بحضنه
البجي صار ميداني بهالفتره ناس تبجي عله بيبي ناس تبجي عله حاله
رحت سلمت عله نسوان عمامي وعمه ام مهند
وبعدين سلمت عله البنات كلهن
وكلهن باوسني وحضنني واني احس روحي ماريد افاركهن ماريد افارك البصره ماريد افارك....
تيهت دربي يربي ارشدني
المهم حته زمرد سلمت عليه وبسته
اخر شي حضنت زهراء واتمنيت ماعوفه اتمنيت اموت بحضنه تمنيت مانتفارك وتمنيته ترجع وياي
كلهن ردتهن سوه
طبو عمامي يسلمون علي كلهم لان ماكدر اطلعلهم اني بره زلم
طب حيدر  وي ابو وضل يباوع من بعيد
سلمت عله عمامي
ووصيت احمد عله زهراء وكتله جيبنياهه عله طول
خطيه ماكال شي
المهم
حمودي هم سلم عله سجاد
وعليهم كلهم
—-
حيدر:دخلت وشفت تبارك واكفه ومخلصه ومبدله
الحسره ضلت تجر
كلبي صبح مكسور
عيونه احسهن دمه صارن
ضليت مثل الواكف مخذول
معقوله كلبي هيج رخيص
معقوله محبتي اله وعشكي هيج سامته
من صدك راح تروح؟؟
من صدك خلتني ؟؟
احسن كلبي رح يطك احسن روحي موذاك الزلمه
الموزون حسيت روحي مهزوز للمره الثانيه
اشتاقيتله وانا اكباله
كلت لازم اطلع
لان اذا اضل مو بعيده اروح احضنه واشمنه واكله لاترحين ولج لاترحين وتاخذين كلبي وياج
تبارك :داسلم عله البقيه وعيني عله حيدر
شو هذا خله وطلع كبل
والله ردت اسلم علي قبل لاروح
ردت انهي علاقتنه بسلام يليق بيه ع الاقل
والله بجيت من هالموقف
يعني ًوين هذاك حيدر الجان يهتملي ويغار علي
الاعزه هيج سوه
ع الاقل مااجه ودعني
حته مكال شي لان حرجع وي قصي
بجيت لان افتقدت غيرته علي ومحاسبته
حسيت من صدك بقيمه كلمته من كال
اذا اختاريتي الا او الاي ثنينهن الهن طريق
ضليت ابجي بس محد يدري علمود حيدر
عبالهم هم عله بيبي
اله عمه حنان جرتني بالمطبخ كالتلي بجيتي لان حيدر من دون الولد مودعج
كتله اي
خلت وكالتلي انتظري
—
حيدر:اجه سجاد الي وانا بره كلي عمه حنان صيحلك
طبيت لكيته جايبه تبارك بالمطبخ وكالتلي جانت تبجي لان ماسلمت عليه وطلعت بره
حيدر:انا شحجيت عله البجي
لاتبجين كافي
تره ماسلمت عليج لان كلهم يمج جوه ومحد من الولد بره والخطار كاعد وحده
تبارك باعيلي خويه روحي الله وياج
الله يوفقج بدراستج وبحياتج
وانتبهي عله طول لروحج وشالج وتصرفاتج لان هناك ماكو حيدر هناك انتي وحدج تادبين روحج
يله مودعه بالله في امان الله
تبارك:يحجي وياي وراسه بالكاع جنه مجبور يسولف وياي ماعرف مستحي ولا جنه هذاك حيدر
لو ماجاي ومودعني احسن من هالطريقه الرسميه هايه 🥺
حيدر:ماعرف شلون طلع مني هذا الحجي
بس ماباوعت بوجهه لان اذا اباوع انهار فحجيت كلشي بسرعه في سبيل لا اباوع بوجه ولا اسمع رده واسمع صوته لان اذا اسمع صوته انهار ماعوفه بعد
خليت وطلعت كبل لشركة الاتصالات ارد اشغل روحي باي شي في سبيل ماتذكره
وماريد ابقه اباوعله وهيه تروح ماتحمل
فخليت ورحت
———
تبارك:طلعنا.وكرار كال لقصي اني اوديكم عرفت انو حيدر محاجي وموصي
المهم طلعنا وجنه ذبت وراي مي كالت حته ترجعيلنه
ههه حبيبيتي وصيته عله طفله
وسلمت عليهم كلهم وصعدت
والحسره ماتنوصف حسيت من صدك ماريد افاركهم
وحته بيت عمو ماريد افاركه موبس اهله
وحته البصره
طلعنا ورحنا
مرور اوقات)
حيدر :بعد ماراحت تبارك صرت مادخل للبيت اله وكت النومه
صرت ماطيق روحي ولا طيق البيت
نومتي وكعدتي كله افكر بيه
صارت السبعه وخلصت وراحو عمامي كلهم  لبيوتهم
ورجع  عمي قيصر ومرته لبغداد
بعد ماامنو عله زهراء وكعدت بيت رجله
العالم كله تكلي تغيرت صرت واحد ثاني
ياهو اليشوفني يكلي هالحجايه
يكلولي وين هذاك اليشاقه اليسولف صاحب الضحكه ابو السوالف
شو هسه ماخذتك السكته
حقهم صرت واحد ثاني
ماسولف هواي
والي يسولف وياي اختصر وياه
في سبيل ماطول حجي
احمد جم مره كلي اروح احاجي تبارك بس انا ماخلي
هاهيه قررت انساهه مثل ماهنت عليه لازم تهون علي
عفت كلشي وضليت مركز بالشغل
صرت مثل المخبل اتمنا الليل يخلص حته اروح للشغل في سبيل اشغل روحي ومافكر بيه
زهراء هم حاجتني اكثر من مره وحلفته متسولف ل تبارك عله وضعي ولاتحاول وياهه اصلا
واجت الاربعين وكله اجت مره ثانيه بس هيه ماجت وي اهلهه
مرت الايام والاشهر وانا عله هذا الحال
———-
تبارك:من بعد مارجعت البغداد تمرضت شهر كامل
كامت تصير عندي حالات اختناق مفاجئه صحتي النفسيه ابد موتمام مامه وبابه بس يفترون بيه مستشفيات
لمده شهر يله بديت اتحسن
تاذيت حيل من فقداني لزهراء
تاذيت من وضعي الاخير وي حيدر
بديت احس روحي شوي شوي اشتاقله
بديت احس ذاك الاحساس يي ذاك الاحساس الماحسيته بحياتي وي احد
معقوله صدك احبه
لا لا
وضليت عله هالنكران الي صار بيني وبين گلبي
الشهر الاول فات علي مثل السم
كل ماريد اسال زهراء علي ماكدر
احس شي يكلي لاتسالين
واحسه مرات من تخابر تتقصد تسمعني اخباره تكلي ملتهي بالشغل ومايجي للبيت اله بنص الليالي
اجت الايام وراحت الايام
واجت المدارس وبديت التهي بالسادس
وحمودي هم ملهيني شوي لان اول ابتدائي وملتهيه بي
وضعي تغير مو اني نفسي الجنت بذيج السنه
بس اصريت انو اتفرغ للسادس حته اطلع معدل زين وهم منه التهي وابتعد عن التفكير
وبعد مرور فتره زهراء صارت حامل
وقبل جانت تجينا بالشهر مره هسه كل شهرين مره
لان متكدر من وره الطريق
ومرت الايام
وخلص السادس بعد هلاك وتعب صرت عوده
وبدت امتحانات  النهائيه وهم خلصت
جنه جابت توؤم بنين وباقر
طبعا بعد انتضار مميت طلعت النتائج
وطلعت معدل 92كلش فرحت الحمدلله
سويت حفله واجت زهراء واحمد ومهند وجنه هم
بس حيدر مااجه
يكولون كالوله بس ماعده وكت
المهم فاتتت ايام واشهر
ودموع بت عمو جواد تزوجت
مصطفى ابن عمو كاظم
اهلي راحو واني هم مارحت
وبعد مرور سنه و3اشهر من جيتي من البصره
يعني 15شهر !!!
جنت رايحه للمول العصريه كلش ويه حمودي وصديقتي رفيف علمود احضر للجامعه وكذااا
رفيف :خلصنا جنا دنطلع
اجتي سياره وحمودي اخوهه مقابيل السياره صار جرته والسياره دعمته هيه
رفيف:ولج تبارك تبارك باعيلي تبارك
السياره حركت ومشت حته مانتبهت عله رقم السياره بس جان سايقه طفل مراهق واضح جان خايف كلش
مانتبهت بس عله تبارك بالكاع والدم ماخذه
التمت الناس علينه
حمودي ضل بحاله صدمه  
بس يباع عله اخته
اخذناهه بسرعه بسيارتي للمستشفى
وخابرته ابوهه وامهه
ماجاي اتحمل الموقف تبارك ماخذه النزيف ومتنشاف من وره الدم
كبل لكيت اهلهه منتضرينا
اخذوله اشاعات سريعه واجراءات عرفو عده كسر بالجمجمه ونزيف حاد اضافه الى الكسور بالجسم
ورضوض لان السياره جانت بكل سرعته
دخلوه للعمليات امر عاجل
——-
حيدر:جنت هستوني جاي من الشغل وتعبان عمتي حنان خابرت كالت تعال اتعشه يمنا
رحتلهم عله ماصار المغرب واني وحميد بالاستقبال احمد:ياخوي شني ماتزوج
حيدر:خاب حميد شمالك جنك امي
يازواج يامسوليه لاجلبولي بهالسالفه بعد
احمد:لاتجذب عله روحك وانته تدري وانا ادري ليش ماتزوج
فلا تحط عذرك بالزواج والمسوليه
حيدر:جا ماطولك تعرف المن سالت
احمد:يي بس خاما نكضي العمر هيج
لازم تنسى وبعد فاتت سنه عله موتت الحجيه.
شمنتظر
حيدر:بعدنا جا نسولف وسمعنا عيطه زهراء
احمد كال لعمتي يمه زهراء رح تجيب لانه بشهرهه
بس عيطت البنيه بجي
صعدوله ونزلوهه
حنان:ولج عمه بس فهمينا شبيج بس بالهداوه شي يوجعج احجي
زهراء:ولج عمه تبارك تبارك
حنان:يمه بس عله كيفج شماله تبارك
زهراء:تبارك ضاربته سياره اخذوني هسه تاخذوني😭
حنان:ولج يمه سوده عليه ولج وهسه
حيدر:شجاي تحجين انتي
هسه وينهه
زهراء: بالعمليات عده كسر بالجمجمه ونازفه كومه
حيدر:عمه حضروهه وحميد انته هم بس اجيب السياره ماريدكم تطولون
حنان:عمه انا هم اجي وياكم بس لاتكول لاهلك شي
حيدر:استعجلن
الدنيا صارت ضلمه
من وره حجايه زهراء روح ماضلت بيه
حسيت من صدك تبارك راح تروح من يمي هالمره
ولو هيه مو  يمي اصلا بس ع الاقل بخير وسالمه
طلعنا والطريق كله يمكن 10مرات ردنا اسوي حادث بيهم
ونذرلتله  نذر يم امير المؤمنين  بس تطيب وتكوم عله حيله اخذه مشي هالسنه مشاي لكربلاء
ادري نذر غريب بس هذا الاجه بالي
حيدر:وصلنا ولكينا خالته وصديقاتهه وعمي ومرته
خطيه فروحو بجيتنه باثناء جيتنه جانو جاي يخلصون الاجراءات ويطلعوهه من العمليات يعني مخلصه العمليه وناجحه
الف الحمدلله
ولو العمليه طولت لان نزفت كلش هواي
ساعه ب11طلعوهه من العمليات للعنايه المركزه وشفتهه بالسديه
شفتها يي شفت تبارك
شفت رويحتي الجانت ضايعه مني
شفت كلبي الجان يمهه
وحسيته ردلي
رد لون وجهي من شفته ردتلي العافيه
اخ بويه لو ما الوادم جاكمت حضنته ولا خلي احد ياخذه مني
اوف ياتبارك ليش هيج شسويتي وخليتيني وخليتيني بلا كلب
من صدك تشكرت من الله ورحمته عليه ومن امير المؤمنين ماقصر مولاي
نقلوهه للعنايه طبعا ماكدرنا ندخل لان كله نسوان وهوسه عمي كال بس يروح مفعول البنج وترتاح اطلعه لغرفه خاصا
وانتظرنا وانا اللهب كله بگلبي
وره ساعه تقريبا
ااجت زهراء كالت لابوهه كعدت الحمدلله
وفكه البنج بس موكلش 
رحنا اني واحمد اخذنا غرفه خصوصي
نقلناهه بس جانت شوي البنج بيه بعده وبس تغفي
طلعناهه
وانا اللزمت السديه الطريق كله من العنايه للغرفه وانا ابد مافاركت وجهه حته الدرب ماشفته
جني واحد ضامي وشاف الماي
المهم هيه كضتهه نوم الليل كله وحته ماحست بوجودي او بوجود اخته
تكعد شوي بليل تكول راسي يوجعني راسي يوجعني وترجع تنام
سوده علي كون المرض والحادث لافيني ولا لافيج
احمد اخذ خالته وعمتي حنان وامهه وداهن
بالكوه امه قبلت
وراهم عمي تعب كلش خطيه هم كلناله روح وتعالو الصبح ماتستفادون شي هيه رح تضل نايمه
وكبل حته لا احجي عمي كال سد موضوع الولد الدعمه صديقته تكول طفل وجان خايف هاهيه بويه الله يهدي ماطوله طفل تلكا انرعب
وضل يحلف واوعدني المهم قنعني
المهم راحو بقينه انا وزهراء
الليل كله مافاركت وجهه جني من صدك ماشايف
زهيره تباع علي وتضحك
خايبه انا وين وانتي وين
انا بس اريده تكوم عله حيله
المهم الصبح ساعه ب6 اجت الدكتوره ضربته ابره بالمغذي وكم شغله وصتنا وبيه وراحت
هيه طلعت الدكتوره وهذوله هجمو علينه
كلهم اجوو
كتلهم يابه جا مو هستوكم رحتو
طلعت عمتي ضاله تبجي عله بتهه
المهم كعدت تبارك🌸🌛
تبارك:اخ 🤕🤕
ولج ماما راسي...اه
زهراء:يابعد كلبي
تبارك:هههه هاي صدوك عود انتي هنا
زهراء:جا شلون
تبارك:ولج زهراء شو بعد كلبي وجا
شنو شبيج شبسرعه تاقلمتي
عدليني عدليني خل اكعد
زهراء: ولج حته بهذا وضعج ماتوبين
ولج عمري الحمدلله ع السلامه بيه ولا بيج
تعاي اكعدج
تبارك:هااااااا😧🤕
حيدر؟؟
حيدر:(خاب اروح فدوه لهالوجه لهالصوت)
هلا يابه الحمدلله عله سلامتج شسويتي بينه
شلونج شلون تحسين روحج
تبارك:هاا😧😖
حيدر:خايب شمالج
تبارك:مدا اصدك😖
حيدر:هههه شلونج اكو شي ياذيج
تبارك:الحمدلله بس اكو الم براسي 🤕
حيدر:يي طبيعي الدكتور كال طبيعي
تبارك:اممم تمام🤕
حيدر:كيفت بعمتي حنان وضلت حاضنته وانا اتحسر هسه لو انابدال عمه حنان شيصير بالله
بس ع العموم انا مابين اله كلشي لان باعتبار كدامه هذاك الموضوع نسد هاهيه حته ماريد اذكره بي
المهم كعدت وسووله اكل وشوربات وهالامور شوي عوضت طاقه شوي
المهم
صار اليل وهم بتت يمه انا هذا اليوم الثاني وانا حته مارديت لبيتهم
كعدت باليل فزت شالت راسه شافتني
ابتسمت ابتسامه تعب وردت نامت
وضلت. ع هالحال كلشي ماتسولف بس تضحك وانا اريد ضحكته من الله❤️
بعد مرور يوم تبارك مثل المصدومه عله متفاجئه من جيتي
المهم كعدنا الصبح انطونا ترخيص نكدر نطلعه
كيفت هيه تريد تطلع خطيه اختنكت من جو المستشفى
طلعنه
بس انا وعمي وامهه
زهراء وخالته وحيدر راحو قبلنا بشوي للبيت
المهم
وصلنا لبيتهم
بيتهم الي بي ذكريات هواي
لمن اول مره شفته لمن تعاركنا بالطرمه عله لبسه
كلشي صار يذكرنا بينا قبل سنه
ع العموم طبينا ارتاحينا
كامن هنا يسون غده وهالامور
وعمي وحيدر طلعو يسوكون
كمت كعدت يم التخم اليم راسهه هيه جانت صافنه بالحايط
كلت خل اشبع منه احنا باجر ماشين
ع الاقل لاتحسر عله اللحضات بعدين
وصلت كمزته
تبارك:😖😖😖😖
لوصاير بيه شي
حيدر: انتي فاهيه بسرعه تكمزين
تبارك:حيدر سوال
حيدر:تبارك جواب
تبارك:ههه لا والله صدوك ارد اسئلك شي
حيدر:ههه يي كولي
تبارك:انته اجيت من نفسك لهنا لو زهراء وعمتي هم جابوك
حيدر:والجواب شيفيدج
تبارك:جاوبني لترد علي بسوال
حيدر:هههه واذا اكلج انا جبتهم
تبارك:هههه صدوك يعني انته اجيت من نفسك
حيدر:يي
تبارك:شكراا تعبتك
حيدر:شسالفه عليش هالحجي
بالمناسبه ابو اسواق فتح يمنا ويبيع الككو التحبي كتكات مادري شسمه
تبارك:هههه شجابه بالك
حيدر:والله اجه بالي
تذكرت من رحت لبعيد حته اجيبلجياه
بعد مايحتاج اروح لبعيد هوه قريب ....
تبارك:هاا😧
حيدر:اسف اسف 😓
اااا قصد ...قصدي
قصدي من تجين النا وين اهلج اذا ردتي دزي سجاد صار قريب
تبارك:هههه مع انو كل ربط ماكو بس تمام
حيدر:هاا افا هسه حجي صار مابي ربط 😟🙄
تبارك:هههههه حشاك بس شعجب دتسولف وياي هيجي باخر يوم من ردت اطلع منكم وين جان اسلوبك هيج زين
حيدر:انسي هسه مووكت هالحجي
تبارك:حيدر اني اسفه اذا جرحتك اوشي بس هذيج الفتره جانت ب...
حيدر:كتلج هاهيه انسي هسه
المهم بالخير ع النجاح
والله كفو ماتوقعت من هالعقل المحجر يطلع92
تبلرك:🙄🙄🙄
هسه انته مدحتني وذميتني بنفس الوكت
حيدر:ههههه ديله ارتاحي نامي
تبارك:حيدر خفت عليه
حيدر:جا شلون ولج اخذتي روحي بالعباس
وامير المؤمنين اجيت اندعم كم مره بالدرب
(كبل حسيت عله روحي
شمالني هيج صرت اسولف وياهه)
حيدر:يعني موقصدي هيج بس....
قاطعتني
تبارك:يي امشي!!!!!!!
حيدر:شني وين تمشين؟؟؟
تبارك:وياك
انته موسئلتني كبل سنه
اذا مشيت بدرب الحب تمشين وياي
الظروف خلتني اجاوبك غير جواب
بس هالمره هذا الجواب نابع من كلبي
حيدر يي امشي وياك وين متروح امشي وياك
يتبع