#تبارك
البارت 10
ارسلان جاف
اسف اتاخرت عليكم داده وحقكم شتحجون بس البنيه تحجي قصتها مختفيه واليوم اجت وحجت وياها المهم اخذت وعد منها تحجيلي حته نكتبها ونزل القصه بشكل يومي اعذروني والله ولا تنسون لايك وكومينت وارسال طلب صداقه حته يوصل الكم اشعار نشر
(صباح الفاتحه)
تبارك: اليوم حيكون اخر يوم للفاتحه
طبعا كعدنا ب5الصبح
اني بالنسبه الي مانمت بس ساعتين
ع العموم
اليوم قرايه وملايه وختمه
وكذالك الزلم عدهم ختمه
واعداد الناس الجايه
كلش هواي
وكلهم شيوخ وناس كبار القيمه
المهم
———————
كعدن البنات وسوون صينيه للختمه بثواب بيبي
عماتي ع حالهن مياكلن ابد
——
صار الغده وهوسته
واني موصلت بره ابد
لان كلت خاف زين هناك
المهم خلصنا الغده
وعمه رقيه اليوم كلش موزينه
لان مماكله كلش وهيه ضعيفه خطيه
وره الغده
مامه ومصطفى اخذوهه
لان كلش خطيه تكوم وتوكع
قطره حيل مابيه
ومتاكل
ف امي كالت ع الاقل نخليله مغذي
اخذوهه وراحو
المهم
سولفت لزهراء عله سالفه زين
وكالت لتطلعين بره خيولي
وكالت اني احاجي احمد يخلي باله يمه
المهم
دنحضر للملايه الجادر دنرتبه اجه طب زين
اني كبل طبيت
لان نسوان هواي كلش هواي ومالي خلك مشاكل وخاف هذا يسويله حركه شي كدامهن الخفيف
المهم وره مدخلت كلت لعمه ام مهند
تبارك:عمه خلي الشباب البره يم الجادر يطلعون
ام مهند:عمه جا غير يجيبون ويودون النه خطيه
تبارك:ادري بس الختمه حتبدي والنسوان بدن يطلعن للجادر
وجودهم محلو والله
ام مهند:ميخالف عمه هسه اكلهم
————
لشوي بعده مجايه الملايه
اجه سجاد كلي حيدر يريدج يم الجادر
فرحت اشوف شيريد
عود حيدر بيتهم ولكيته داير وجهه وموكلش داخل بالجادر
مو مثل زين بس يبحلق
ع العموم
حيدر:شلونج ولج
تبارك: انته شلونك
حيدر:دجاوبيني اول
تبارك:اكو تعب بس الحمدلله زينه
حيدر:جا انا هم زين
تبارك:هههه حته بهاي تغار وتقلدني
حيدر:شني الاوضاع
تبارك:تمام ماكوشي
حيدر:الكتلج علي مسويته
تبارك:يي ماطلع بره هواي بس للحاجه
وصدوك ..شكرا ع الحلويات ههه
حيدر:تدللين
تبارك:سلمت عله قصي😅
تبارك:هوه اجه سلم وانا رديت
تبارك:عفيه احسن
:دنحجي حته معرفت شنو جان رايد
كبل زين دخل للجادر بس مانتبهلي اني واكفه
حيدر ضاج كلش كبل صاحل
:زوين اطلع منا يمعود شسالفه لاهو غده. ولاهو عشه حته تطبون
نسوان حرمه شمالكم انتم؟؟؟
زين:ها ابو حسين ولك خويه جنت رايد طيبه
(طيبه مرت اخو زين)
حيدر:يي حبيبي اطلع بره وحده تصيحلكياه
لو خابره
تبارك:حيدر ديحجي وياه وهوه انتبهلي
زين:هلو تبارك صيحيلي طيبه حبابه
حيدر:شنهي🤨🤨🤨🤨🤬
تبارك:الكلب شلون حرك كلبي هسه هذا حيدر شيفهمه
دخيلك يربي ساعدني
حيدر كام يباوعلي بنضره خرب وكف كلبي حته هذا مانتبهتله حيدر اباوع علي صار كلش عصبي
حيدر:زوين اطلع وانا اصيحلك وحده هسه تصيحله اطلع
تبارك:زين طلع خارج الجادر بس بعيد لان واضح يخاف من حيدر مادري هيج حسيت
علي كلامه مفروض عله زين
المهم
حيدر : تعاي من باب البيت الوراني وطلعلي للبستان نسوان هنا ماريد ......🤬
تبارك:هااا😧
حيدر:دقيقه وحده والكاج هناك😠
تبارك:رحت بس اني كلبي بطني والله
احس راح يصير شي بيه ماعرف يعني هذا كلشي يسوي
طبيت للبستان طبعا لكيته كبالي
حيدر رجاءا بدون عصبيه افتهم الموضوع
حيدر:دنعل ابوج لا بو حته حيدر👌🏻😠🤬
تبارك:😧🤨
احترم نفسك ولتغلط عله ابوي
حيدر:تاكلين تبن وتنجبين وتقربت لزمته من الشال من ركبته بيدي
تبارك:حيدر اختنكت😖😓
حيدر:تحجين لا وحگ الخلقني وخلقج
ترحيله اليوم
عفته بس هيه صارت حمره لان خنكته من صدك الكلبه فقدتني
تبارك: كح كحححح 😖😞
ردت اموت هسه بيدك انته تدري
وانته منو حته تحدد شوكت اروح الربي
بعدين اذا هيج حابني اموت ليش شلت ايدك متموتني وترتاح وتخلص
حيدر:اذا حجيتي كلمه زايده بعد والحسين اصطرج راجدي صدك يغمه عليج هسه
بت الكلب احجي منين يعرف اسمج هالقندره هذا
تبارك احجي ونفذي بروحج
تبارك : انته مخبل انته موصاحي
مسخر بس علي اصلا بيبي وماتت بعد ماتشوف وجهي
حيدر: موتتني بحجايته هاي
لزمته من ايده
اخر فرصه الج احجي
تبارك :كافي والله مليت هذا اجه البارحه بوكت العشه بالتوزيع عمه كالت النه اطلعن جيبن الاكل اني ونور وجنه
ومن جاي اخذ الاكل هذا جان الي يناوشني
فشافني وكال انتي منو
حيدر:شكتيله هالكوا...احجي شكتيله😖😠
تبارك: كلبي حيوكف من صياحه والله
:يي اني سكتت لان ماعرفه وماعرف شكله نور تعرفه كلتله هاي بت خالي قيصر وهوه سكت
حيدر:وريده سكت سكت ✋🏻
باوعيلي متاكده سكت تره اني رايحله بكل الاحوال ارد اسمع الحجي كله
تبارك:وين رايحله😱
حيدر:جاوبيني
تبارك:حيدر والله سكت بس ضل يباوع حسيت بي بس اني ماباوعت
وحته والله ردت ادخل بس ماخلتني نور لان بس احنه الننقل بره
حيدر:خاب اني واحد سكط عار مثل هذا الحريمه
يخوزز بعرضي خاب كملي بس وحك الحسين كلمه وحده متحجيه معناهه جبتي نهايتج بيدج
تبارك:بعدين بليل طب راد امه
ومن صاحله جانو يباعون عليه
وره شوي اجت نور وكالت يريدج
والله كل ضني انته دازه عله شي من غرفتك اوهيج
المهم من كمتله ضل يسال انتي تدرسين؟
انتي محجوزه؟
واسويج مرتي ومن هالكلام.........
سولفتله كلشي حته امه من حاجتني وطريقتهم بالحجي
وكتله ماردت اكلك حته لتصير مشكله وردت احاجي مامه عله اساس واخليه عله علم بس مصارت فرصه
بس اني من سولفتله وخاصا من كالي اسويج مرتي ومن هالحجي
صارت عيونه بكصته تخبل
والله كلت حيموتني علمود يفرغ هالغضب
المهم اول مخلصت حجي
كلي اذا طلعتي بعد بره رجلج تنكسر وانتي المسوله عن كسره رجلج
خله وراح
بس مع انو راح يمشي عله كيفه الا انو واضح الغضب علي وجنه رح يسوي شي الله يستر يارب
المهم اني صعدت فوك لعبت نفسي من الوضع اخذت عمه رقيه وصعدت لان كالوله لازم ترتاح حته الملايه قرت وخلصت واني فوك
المهم صارت الختمه مال زلم هم وخلصو واني منزلت ابد
لليل صار العشه وخلص واحنا فوك
وميحتاجونه لان كلش هواي نسوان وبنات
والناس بدت تكف وتروح واني فوك
المهم صارت ب9ونص هيج طبت زهراء
كالت ولج تبارك حيدر يدري بموضوع زين؟؟؟لولا
تبارك:يي ليش😧
احجي شصاير👌🏻😖
تبارك:😱😱😖
احجي شصاير ليش
زهراء:ولج يكولون زين مضروب ومكتول خطيه ومايحجي ويكول منو ضاربه
ولج امه هسه خابروهه
تبارك:😱😱😱😱😱😱😱😱
زهراء:والله واني ربطت فيشه وي موضوعج مال بارحه من امه حاجتج
كلت اله حيدر يدري بي وهيج سوه للولد
تبارك:ولج يدري يدري يي 😓
زهراء:خل انزل انتي لاتنزلين
تبارك:لا يمعوده مانزل
زهراء:طبيت للاستقبال واشوفه هذا طاب لامه يريد ياخذه وجهه رايح متفلش وعيونه زرك بنفسجي وشاد راسه وامه كالت هسه جاي من المستشفى ماخذيله اشعه وطال عنده فطر بالجمجمه
وهوه طافره روحه بس مايعود ياخذ امه حته يطلع
ونوب هيه تصيح علي تكله احجي ولك احجي منهو هذا
وهوه ولا يمه
المهم اخذ امه واخذ مرت اخو وراحو
—-
حيدر:وره الختمه لزمت هذا السكط واخذته بيت احمد وهناك طلعت ضيم تبارك وحركت كلبي وحته ضيم الحجيه بي دك بوكسيات عله وجهه عله بطنه بيست بي وبراسه مارحمته لو مااحمد خلصه من ايدي لان جان هسه مودع
وره ماكتلته
كتله اذا تجيب طاريي جيبه وكلهم حيدر كتلني
بس اذا تجيب طاري سبب المشكله لو طاري بت عمي او وحده من عرضي وحق الحمزه هالمره حميد ميخلصك من ايدي
وتاخذ امك وتمشي هسه
ودست عليه هواي بالحجي
خله وطلع يمشي اعوج ابن الاعوج
———
تبارك:طبعا عرفت حيدر هوه الكاتله بس المحيرني هوه ليش ميكول تعاركت وي حيدر ليش ضام الموضوع المهم منتضره حيدر شوكت يجي ارد افتهم الموضوع منه
المهم خلصت فاتحه بيبي ومرحت اشوف بابه
وشالو الجوادر والحدايد وهالسوالف
ف كفت الفاتحه العالم كلش هواي قلو يعني مو هواي باتو
نزلت بعدين نضفت وي البنات البيت وخلصنا بطلعان الروح
المهم ساعه ب12سمعت دخلو كلهم الولد
وهوه هم دخل صعد فوك
كبل صعدت دخلت لغرفته
حيدر:استغفرالله تعبان ومالي خلك تعبيني بالزايد
تبارك-انته الضارب زين موووو
حيدر—يي ليش
تبارك-حيدى شنو ليش شكو هيج ضاربه علمودي
حيدر—اولا انتي حسابج عسير هم مو حسبالج تخلصين
وثانيا ماحاجيته علمود جنابج
حاجيته لان عيونه زايغه وبس يخوزز
عله البنات مو بس عليج
سمعتي
تبارك:اني ادري كلش زين انو رحت ضربته علمودي
ماحاجه للخفي
حيدر:وهسه شتردين يله اطلعي ارد انام ومالي خلكج بالحمزه
تبارك:الي اريده (شنو السبب)
ليش اني الوحيده الي متعمق بحياته
من بنات عمك ليش اني الوحيده المقيدني
لهالدرجه ليش من دون البنات بس اني تضوجني
وتضربني وتبجيني وتغار عليه
حيدر:لانهن كلهن ماشيات عدل
بس انتي العوجه
والاعوج يرادله اليعدله
تبارك:شوف مع انك جاي تجاوز بس نعبر مو مشكله
اني اريد سبب حقيقي
ليش اني الوحيده ماذيني هيج ليش
شنو مسويه جاوبني بسبب منطقي
لو ماكو سبب
حيدر:سواء ان كلت السبب اولا
ماكو فايده من الحجي
تبارك:كلامك يعني اكو سبب
حيدر:كافي كتلج طلعي بره
لاتخلينا نصيح بهالليل والعالم نايمه وتعبانه
تبارك:مااطلع اذا ماتكول شنو سبب تصرفاتك هاي
كولي السبب
اقنعني
:تقرب مني كلش ولزكت بالباب وبخزره
(طلعي بره اخر تحذير😠 )
باوعت بعيونه وبخزرته وكلبي يرجف من الخوف حسيته حيضربني وكتله
كتلك مااطلع
اله تكول شنو السبب
يعني تدخلك بيه وضربتك الي هذيج المره
ومتخليني احاجي هذا
ومتخليني اطلع وي هذاك
وعصبيتك
وكل هذا متسوي وي بنات عمامك
وكل هذا تجي تكلي لانج العوجه الوحيده بيهن
هذا مومنطق
ولاسبب
اني اريد سبب حقيقي شنو معناهه تاذي واحد بدون سب.....
حيدر:لاني اعشگج......!!!!!!!!!!
تبارك:😧😧😣😣
حيدر:يي يي
انا حيدر نعميت عله وجهي وعشكت
يي لاني اعشكج
يعني مااحبج عابر مرحلة الحب
واصل للعشگ
من الاول واني ماناوي اعترفلج
والسبب انتي
لان اعرف بيج تكسرين بيه
وادريج ماتحبيني
وادريج ماتحبين البصره
وادريج مستحيل تصيريلي
بس ماكدرت اقضي عله حبج او استغفل روحي
ماكدرت اقنع روحي بانج شي مستحيل
ولو انا اكدر اخليج الي واكدر انهي عليج واخذج
وفنه اليفك حلكه
بس ماسويته ليني عاشگج👌🏻
وما انحسب زلمه اذا اخليج بحضني مغصوبه
تبارك انا ماكول هيج حته اكسب تعاطفج
لا انا كتلج اكدر اخذج لو رايد
بس رايده تطلع منج
وما اكلج ابقي ولا اكلج لاترحين بس هيه كلمه وحده
(انا ماكدر بدونج )
تبارك:احس كلشي بيه خفق
احس كلبي بس يدك
رح يغمى عليه
يربي شهالصدمه هاي شنو شديصير بيه
حيدر يحبني
يعني شلون
شلون 😰
شدتحجي انته شدتكول تخبلت شنو هاي
صدمتني حيدر صدمتني
حيدر:لو وحده غيرج جان من زمان عرفت بحبي
لان كلشي سويت حته تحسين بحبي عده الاعتراف
تبارك:انا مااعرف شكول....
حيدر:كلشي لتكولين وكلشي لاتبررين خلج صريحه وياي
من الاخير لان وحك علي گلبي خلص
ومادري شلون اعترفتلج هسه
اسمعي هالجمله بس
وردي عليه
{{لومشيت بدرب الحب تمشين ويايه شريكه}}
بس خلي بالج هذا جوابج رح يفتك بين وبين
يعني
ال (لا) مالتج اله طريق
وال(اي)اله طريق ثاني
يعني مايبقه شي عله حاله بعد
تبارك:(بيني وبين نفسي)
شنو شديصير بيه
حته بعدني ممتقبله فكره حبه الي
كبل كلي اختاري لو تمشين وياي لولا
يعني تحبيني لولا
شديصير يربي ساعدني
جوابي شنو حيكون ارد اتنفس ماكدر
يعني اني شنو والحب شنو
اني شنو والزواج شنو
اني شنو وحيدر شنو
اني ويا مختلفين كلش
هوه واحد متسلط وغير كل هذا يحبني
يربي حموت اختنكت🥺😭😞
حيدر:تبارك باعي بعيني لتبجين كتلج للمره الالف لا اني ولا عشره تخليهم ينزلون دمعتج سمعتي
تبارك جاوبي الي هوه بيج
ولاتصنعين الاجابه علمودي
تبارك:(بيني وبين نفسي)
اباوع بعيونه المتعوبه صارن حمر
بس اني مستحيل اعيش بالبصره
مستحيل اعوف بغداد
بس شلون اعوف حيدر
اني تخبلت شهالتفكير هذا
اني معقوله احبه معقوله اكون حابته ومادري بنفسي
لا لا اني اجيت هنا لفتره
وبعد هالفتره المفروض ارجع لوضعي لبغداد لدراستي لا لا مستحيل
اني مااحب ماعيش هنا
حيدر شلون لعد؟؟
اخخ كلبي يربي ضاگت بيه الوسيعه😭🥺😞
تبارك:لا {{ماكمل وياك!!!!!!!!!!}}😓
حيدر:تصبحين عله خير خويه
تبارك:خله واخذ سويجه وطلع
وجهه صار احمر عيونه صارن حمر
گلي خويه
خويه ؟؟
وهوه ابد ملافض هالكلمه وياي
يربي اذا صار بي شي شلون
حيدر اذا تاذه بسببي شلون
ضليت بغرفته ابجي بحركه وقهر وكعدت ع الكاع ابجي
شديصير ياللهي حموت فدوه انته المعين🥺😣😭
حيدر:
هنا صارت علامه فارقه
تغيرت حياتك يحويدر
تكدر تنسى
تكدر تمشي وتتناسه الصار
تكدر تسوي رويحتك ماشفت منهم شي
تكدر تحسبه مثل الهوى
وماتهمله تكدر
اعاتب روحي
واسولف وي روحي مثل المسودن صرت
طلعت من غرفتي وانا افكر
شلون الكه حل لعلتي
شلون اضمد جراحي
شلون انساج وانسى سوايتج وياي
شلون المطعون اول مايدجونه
يدورله ضماد
يدورله جاره لجرحه الجاي ينزف
صرت مثله
خليته ومشيت
وخليت گلبي يمهه بقه💔
هذا اليوم الي يفوت باسوء يوم بحياتي
مشيت للكراج ارد اخذ السياره وانا مادري وين الوجهه
مادري وين رايح
امشي وجني مسودن مامندل دربه
ولا جني هذا حيدر زلمة ابوي
ولاجني هذاك الي يهابونه الزلم من شيمته وشيمت اهله
راحت هيبتي كله
ولا جني هذاك الاسد
صرت جني عصفور مكسر جناحه
ليش ياتبارك
ليش يابعد گلبي
ليش يابعدهم
ليش ردج هيج صار
ليش مكسور رديتيني
ليش مالميتيني
ليش الكسره من عدج صفت
ليش وليش والف ليش ضلت تسرح بفكري
عله مامشيت هستوني جاي اطلع
وطب احمد
للطرمه
شافني
احمد:ها حويدر وين رايح ولك بهالليل
جا ماتعبت من الفاتحه ولك نهد حيلك روح نام
حيدر:دنكتله من الجامه شوي كتله رايح بشغلة
وجاي احرك السياره
احمد:هوب هوب دنطينه صبر اوكف
حويدر شماله وجهك لونه مخطوف
ولك شماله عيونك حمر
(جاي احاجي جر حسره ودنك عله الستيرن)
افااا افاا يخوي شمالك حويدر
خليت وصعدت ويا وكلتله امشي
مشينه مسافه سولفلي كلشي الصار
بس هذا مو حويدر اليسولف
هذا مو الاعرفه
اول مره بحياتي اشوفه هيج منهار
اله شوي وتلكه الدمعه نازله
بس هوه يكابر كلش
بحيث عيونه مغوركه بس ماينزلهن
المهم شفته كلش متاذي منتهي
كتله انزل انا اسوق
وماكتله نرد للبيت لان اودي للموت بيدي اذا ارجعه هسه للبيت
احمد:تريد تروح تنفه عن نفسك شوي
مطعم ليلي هيج شي و تتونس وتنسه هاليوم
(طبعا بهيج حالات تصير هالمواقف )
حيدر: خاب حميد يانعل انته الثاني
اطلع للنجف
احمد:شنهي راح تدفني
حيدر:اطلع ومعليك
احمد :طلعنا
الفجريه وصلنا للنجف
وهذا كضاهه صفنات تجر صفنات
من امده الدنيا ياخوي
وعلي ماتستاهل ينكسر گلبك
انته الماعشگت مره
من ردت تعشك نكسر گلبك
المهم جاي الوف عله مكبرتنه لان من ندخل للامام بالاول ندخل ع المكابر
حيدر:اطلع كبل لاتلوف
احمد:جا موكلت ودينا للنجف
جا غير نزور موتانه حته نطلع للامام
حيدر:لا اطلع كبل لامير المؤمنين(ع)
من نرد نروح للكبور
احمد:مثل ماتريد
المهم طبينا توضينا ودخلنا للحضره الحمدلله
———————-
حيدر:وصلتلك سيدي ياعلي
مولاي انا اتمنى ماكو عالم هسه
جا بجيت بحضنك الف دمعه
ها يابو الحسن رايدلي جاره
انا طلبته منك ياعلي
شو كسرت بكلبي
شو مامشت وياي
سيدي انا ماكدر بدونه
اني تعنيتلك ليشني حسيت روحي مهزوز ومكسّر
شد حيلي سيدي
قويني مدني من قوتك ياعلي
كومني من هال الوكعه
انطيني بس القوه الكافيه حته اتضاهر باني ماطحت
انطيني بس القوه التخليني اتناساهه
لان ادري مستحيل انساهه
ياربي دخيلك بجاه وليك بجاه ابنه الحسين
گومني لان من صدك انا ماحس روحي ذاك حويدر نهديت
احمد:صلينا وخلصنا وطلعنا وردينا لجدتي ثنيناتنه كعدنا نوح ونون يمهه الله يرحمه
وحويدر ماصدك لكاله سبب يبجي
طلع حركته كله بالبجي يم المرحومه
المهم
ردينا لهلنا
وصلته للبيت وانا رحت للبيتنا لان كلش تعبان
بس ركنت سيارته بالكراج ورحت
حيدر: من وصلت لكيت عالم جايه وعالم هستوهه كاعده
دخلت سلمت وابوي شافني تعبان سالني كتله
رحت للنجف
كلي روح ارتاح الولد يمي
ماجذبت خبر كبل طبيت لغرفتي
✋🏻✋🏻✋🏻
ندكت الباب
حيدر:منووو
ام مهند:انا يمه
حيدر:فوتي يمه فوتي
ام مهند:شلونك يمه جاوين جنت البارحه
حيدر:يم جدتي
ام مهند:يا صدك جا ماحجيت ييمه وقافل تلفونك الدور
حيدر:مخلص شحن
ام مهند:دهاك يمه كوم اتريك
و عمتك حنان جتك الفجر وي الصلاه ومالكتك
حيدر:يمه اخذي الريوك هسه انزل اكل وي عمتي
وانطيه خبر كليله هسه يجيج
بس يسبح
ام مهند:ديله يمه يمك بس العافيه
———
تبارك:النوم مامر عله عيوني البارحه
كلبي يم حيدر وين صار
انتظرته للصبح
واني بس افكر خاف صارشي بي
وحسبه تجي وحسبه تروح
للصبح
لحد ماكالو اجه نزلت جوه حته اشوفه
كالو صعد كبل لغرفته
ضليت منتظره شوي وهم ماكو مانزل
كلت اكيد راح نام بعد
خلي اصعد مادام اطمنت هوه بخير
داطلع من باب المطبخ
وصار بوجهي
يتبع......
💜😞
