تبارك

البارت٣

#تبارك

البارت3

مساء الخير داده شونكم شخباركم  مبين عليكم زينين تفاعلكم ميعجبني  ابد مجاي تساعدون المهم لا تنسون لايك كومنت
زهراء:!وصلنا لبيت عمو ابو مهند
بيتهم يجنن اني احب اروحلهم ومشتاقتلهم احسه بيتنا الجبير بيت اجدادي وكذا
الصدمه موعدي✋🏻
عد تبارك ضلت بس تباوع😄
-
-
-
تبارك:وصلنا اول شي البصره تجنن ودخلنه منطقه بيوته شكبراتهن ماشالله يعني
بيت وحديقه اماميه وزرع فدشي
المهم وصلنا لبيت عمو جواد
بيت حيدر يعني
اباوع شنو هاي بيت فخم جنه قصر وهيج ع صفحه معزول المضيف
بيت ثاني عبالي اني
زهراء كالت هذا مضيف مالتهم
عازلي عن البيت مضيفهم عبالك بكد بيتنا😄
واشوف عدهم ع اليمنا هيج حديقه تجنن حلوه عاشت ايد اليسكيهه مرتبه وتجنن
وبالباب كومه زلم كومه
حته اول منزلت من السياره كتله مامه خاف بيبي ماتت🤦🏼‍♀️
شهالناس
كالت لا يمه اسم الله ذول ناس جايه تشوفهه
وهمه هيج خطارهم هواي
المهم حيدر كال عمه دخليهن منا ع البيت ودخلن كبل
صدك مشه ويانه لحد مادخلنه وولد هيج يعني يمكن بعمري يجي او اصغر دخل الجنط
دخلنا واشوفلك ماشالله نسوان كومه
يعني بمعنى الكلمه كومه
وبيتهم من جوه يجنن جنه قصر يعني صدك بيت شيوخ
-
-
-
والنسوان كلهن هجمن علينا بس فدوه شلون يرحبن بينا ومامه وزهراء يعرفنهن ف اكثر شي ممصدكات بيه اجيت
فدوه ربي يخليهن مكيفات
وحده حظنتني وباستني حيل
باوعتله كتله انتي عمه حنان موو
هههه هاي عمتي اعرفه لان هواي تتواصل وي زهراء وتدز صورها وندزله صورنا ف اعرفه بس مملتقيه وياهه بالصدك
هيه تجنن حلوه هيج شكله محبوب
وهي هم شبابيه بعمرنا موكلش جبيره تقريبا
31عمره
حنان:يي يبعد عمتج اني حنان شلونج يعمه
ليش حارمتنه من شوفتج
تبارك:كظيته هه ويي وهه ويي
وماعرف شجاوبهم
كعدنا وكل ساع وحده دخلت وسلمت ميخلصن والله تعبت كومه
وحته كومه يسلمن ماعرفهن
شوي ارتاحينا عمه حنان عرفتنا
طلعن بنات عماتي وكومه هنه ماشالله
وبنات عمامي هم ماشالله اعداد هائله وكله حلوه
نسل جدي جانن عيونه خضر😂
وهم كعدت يم عماته يسئل ويعتبن لان ماجي
باوسنه بيبي بس ماعرفتنا نستنا يكولون اليوم الصبح سالت عليجن وهسه نستجن
بعد المرض هدهه
خطيه زهراء ضلت تبجي تاثرت حيل
زهراء وامي حته كمت ماشوفهن ماخذات ع المكان ويعرفنهن
اني الوحيده الضاله بمكاني
وكل ساع بنيه تكلي تعاي يمنا
واكلهن لامرتاحه هنا
-
-
-
-
حيدر:اول مادخلنا مثل ماتوقعت زلم شكثرهم والمضيف غاط وزلم واكفه بالطرمه
وهوسه بس وره نص ساعه مو اكثر كله طشت
لكيناهم متعشين كله بس اهل البيت محد متعشي
احنا هيج مانتعشه اله لمن نكف ضيوفنا لل8ونص كله طشت سدينا باب الشارع عمامي كله واصله هي وعوايله وعماتي جايات اربعتهن ماعده عزيزتي عمتي حنان هاي صاحبتي مو بس عمتي هاي الوحيده بيتها يمنا بالبصره
دخلنا للبيت طلعن البنات نظفن المضيف والطرمه
دخلو الزلم الي همه العمام وولدهم ومحد غريب
دخلنا للبيت
مهند اخوي صاح مرته
كله يله خل يصبن
طبعا اخوي مهند ماخذ جنه بت عمتي حنان
بنيه ورده
ع طاري الورد اشو هذيج ماتبين
-
-
-
تبارك:طبعا دخت ماشالله ماتوقعت عمامي هيج عوائلهم كبار
لشوي ولد صاح ع مرته صبو عشه
زهراء:تبارك باعي مهند هذا اخو حيدر
وهاي زوجته جنه بت عمه حنان
تبارك:هااا
لشوي وديصبن بعدهن دخلت الولد كله
ماشالله مجموعات ولد عمي كومه همه سته واحدهم مخلف كومه
ماشالله همه اغلبهم كبار يعني ناس جامعه ناس اعداديه
حمودي اخوي وابن عمو ضياء اصغر حفدين للعائله
المهم دخلو عمامي واني ماعرف حسيت بسند من دخلو حسيت براحه وهيبتهم تسطر
باوسوني اني وزهراء وماصدكو طارو بينا
وعماتي وعمامي يعرفوني ع ولدهم
همه كومه تعبت 🤦🏼‍♀️
نوب زهراء تكلي احفظي اسماءهم موتصيحين لواحد بسم اخو😂
المهم صبو والعشه كله ثكيل يعني لحم ودجاج وسمج وتشريب وتمن وهوسه
ماحب هالاكل يعني قله اكله بس لمن اشتهي
المهم كتلهم لا مشكورين شبعانه اني
كلهم اصرو
واني ارفض كله كعدت بنات وولد وزلم ونسوان الاستقبال جبيره وهم طبعهم ماطول ماكو غريب بينهم مايفصلون سفره الزلم ع النسوان
-
-
-
زهراء:طبعا حلالي الجو لان كلهم احبهم لمتهن تونس انشالله بيبي تكوم ع حيله وتكمل فرحتنا بس بوكت العشه داكل واحس احد ديباع علي من صفحه اليمنا يبو ع الاحراج يربي
اباوع الكاه احند ابن عمتي حنونه
اني ممختلطه بي هواي ومشايفته هواي وهاي ثاني مره اشوفه
حته من سلم حسيت سلم وهو صافن بوجهي
استحيت كلش منا
ماعرف شهالنضرات هيه نضرات بريئه وحلوه
بس يعني شكو ليش ديباوع صدك مضل بيه دم من الخجل
ومن ادير وجهي اشوفه ديباع لولا كبل يدير وجهه هوه
😕✋🏻
-
-
-
تبارك:اني رحت دخلت للمطبخ
وصحت ولد ابن عمو ضياء صديق حمودي😂
كتله هاك هاي فلوس جيبلي حلويات وكتله جيب هيج وهيج وهوه مايفهم عليه اكله جيب جبس ديروتوس يكلي شنييي؟؟
هههه واسمع واحد يحمحم!!
حيدر:احم احم
عدلي شالج
تبارك:يله حبيبي ملازم روح ارجع اكل
حيدر:كتله عدلي شالج وهيه تحجي وي سجاد ابن عمي ضياء ولايمهه
مدري شتريد منا
هيه من دخلت مشافتني بس اني اشوفه لان وولد كومه حقه تتيه 😂
المهم كتله
حيدر:مو احجي وياج
تبارك:رجاءا لاتحجي وياي مالي خلك تسوي مشاكل وعيب من عمامي
حيدر:مومخبل اني واسوي مشاكل وحدي انتي تنرفزيني
تبارك:تمام باي
كتله باي ولزمني من ايدي عود اوكفي
ارسلان جاف
تبارك:تخبلت عوف يدي
حيدر:تبارك للمره الالف اكلج من احجي وياج لاتخلين وترحين
ممخلص حجي ليش مصره ع انو علاقتنا تصير بس عركات احنا اولاد عم خلينا متفاهمين حته عيب من اهلنا
تبارك:مني لو من تصرفاتك وتدخلك بيه الماله معنى
حيدر:ماله معنى ؟؟
ولج من حرصي عليج وهاي البنات الشفتيهن كلهن نحرص عليهن ونخاف احنا خاما قصدنه بس ندخل بس غيرتنه ماتسمحلنا
تبارك شوي اتفهمي هالشي
تبارك:واذا جان ع كولتك حرص هيج يحجون طبي بدلي وبصياح والبارحه تكلي مترحين بيت خالتج
وماعرف شلون طريقتك
حيدر:بسببج انتي تستفزيني
تبارك: تره البارحه واليوم يله عرفتك
يعني ماعرف شلون طريقتك وانته همات متعرفني
حيدر:هوه صارلنا يوم ونص وكضيناها عركات
هيه ضحكت هيج ضحكه خفيفه😳
ياعلي شهالضحكه هاي ترد العافيه
هيه جنه الكمر ومن تضحك عبالك تضوي
عود هاي هيه مبتسمه ماضاحكه
تبارك:العركات من وراك✋🏻
حيدر :شتردين من سجاد
تبارك :يروح للاسواق وداوصي كلشي ميفهم عليه
حيدر :ليش شتردين
تبارك :مو تعيب لو تصنف😕
حيدر:لا وعلي بس احجي
تبارك:داريد اتعشه🤦🏼‍♀️
حيدر:ها خيرات الله ماتعشيتي😧
تبارك:ماكل هالاكل
حيدر:صدك
تبارك:يي
حيدر :دكولي شتردين
تبارك :صدك حتروح انته
هاك💸
حيدر:صدك ماتستحين🤨 تنطيني فلوس بسرعه احجي شتردين تره ابطل
تبارك:هاهيه بطلت اني اصلا ماريد
حيدر: ها خبله وعده خلك كلت اخذ الفلوس منه ومن اعرف شتريد اذبهن عليه
اني عبالي تكلي جيب مثلا بيتزه صاج همبركر هالسوالف الاكلات السريعه هاي اكلاتهم
جان تكلي
كيكه الفانيله ونستله وكتكات وجلكسي وببسي وجبس ليز وديروتوس
وعلج  وحب
وهالسوالف
كتله هذا عشاج😧
تبارك:يي احب اتعشه هيج شغلات
حيدر:مال الثول عدج حول بالوجبات الحلويات تتعشه بيهن
والعشه تعوفينا لوكت الحلويات بالليل مو؟😕
تبارك: تجيب لولا🙄
حيدر: رح اجيب هاج💸
اسمعه ضلت تصيح وتدردم وتكلي ماكلهن اذا متاخذ فلوسهن
شكد تحجي وتدردم
المهم مشيت اني واحمد
احمد ابن عمتي حنان هذا صديق الطفوله  والشباب عمرنا كله سوه حته الجامعه
وابن العزيزه
احمد:وين رايحين
حيدر:للاسواق اجيب غراض لتبارك
احمد :يي عمي تبارك الله يستر عليه شلون بنيه
حيدر:هههههههه كلش
احمد:شو ماعاجبك
حيدر:سولفتله كل الصار من وصلت لحد هاللحظه
لان هذا ربيعي وهو الوحيد المحط اسراري
بعد حمودي كفو منه
احمد:يي حلو الحرص بس ع كيفك وياهه لاتنسه بت بغداد مو بسهوله تتعود
يعني هسه انته متعود ع شي ويجي واحد يريد يغيره شي اكيد تصعب عليه
فعله كيفك وياهه
حيدر:ولك هسه لو شايف اخته هم ببغداد بس احسن منه تتقبل النصيحه وشلوناتهه
احمد:ع طاري زهراء هاي ثاني مره اشوفه والمره الاوله صارله تقريبا3سنوات اكلك هيه شتدرس
حيدر:علوم سياسيه
احمد: ها
حيدر:حميدد ليش تسال😄
احمد:بطل سوالفك وادخل وصلنا للاسواق
ارسلان جاف
حيدر :دخلت جبتله كل الي رادته
بس نستلت الكتكات ماموجوده
-
-
-
حنان:خويه جواد خاما نبقه نباوع ع الحجيه بعيونه وكلشي منسوي
جواد:ياخويه شنسوي لا تهيجين الجروح عليه
زمن:كعدو كلهم يم امهم وحته الاحفاد اجو اغلبهم
خطيه ناس تثغب وناس تبجي
وعمتي بعالم ثاني حته ماكامت تذكر الكل
وضعه يصعب ع الكافر
وولده زلم شكبر الواحد من يكعدون يمهه
ينوحون نوح المره الفاكده
الله يساعد كلوبهم
شلون واحد يباع ع عزيزه وهو جاي يروح منه
طبعا قيصر هواي ارتاح من اجه
لان قريب ع الحجيه وكلساع وشامه وبايسهه
.
.
.تبارك:مااخذ الفلوس هذا😧
شكد عيب نوب شلون كعدت اعددله شريد وشريد
-
ام مهند:خاله تبارك 🗣
تبارك:اتفضلي خاله
ام مهند:يابعد گلبي صيحي حيدر شوفي وينه
شوفي بغرفته بالطرمه
تبارك: صدك شو هذا اختفه جنه ضحك عليه
ومجابلي شي
تبارك:اوكي خاله
-
-
-
حيدر:اول مفتت مدخلت لا ع الاستقبال ولا ع المطبخ
گبل لغرفتي لان ردت اجيب السويج حته اروح
لسوبر ماركت جبيره بس شوي بعيده
فكلت اروح بالسياره
-
-
-
-
تبارك:دورته ماكو يربي
عبدالله:خويه تره حيدر هسه صعد فوك
تبارك :شكرا
طبعا عبدالله ابن عمو ضياء التوم مال ريتاج
بس انطو لعمو زيد لان ميخلف حته باسمه مسجل
ف يعتبر ابن عمو زيد بعمري
بس ورده
مشفت منه شي
وهم كلهم من يسولفون راسهم بالكاع
المهم من كلي صعد فوك تفاجئت وكتله شكرا
بس اني جنت بالمطبخ جان
انتبهت لوصعد فوك
خليت وصعدت
-
-
-
حيدر:جاي اطلع من الغرفه فتحت الباب
واشوف تبارك ضربت بجسمي😳
تبارك:جاي ادخل للغرفه
وانفتح الباب
الزكت بحيدر
حيدر:شسوين هنا😧
تبارك:اخخخخخ خشمي
حيدر:شبيج
تبارك :هو هيج يطلعون من الغرفه
كبل 
:خشمي صدك اذاني انضرب بايده
صارت حركه لااراديه منه واذاني
حيدر:ههههه خاب كبر
هسه اني المفروض مو هيج اطلع
لو انتي المفروض تدكين الباب
تبارك:هاا
شمدريني مجنت اتوقعك هنا
اخخخ 😩
حيدر:صدك جاي ياذيج خشمج
بله اشوف
تبارك:وخر ششوف مابيه شي ضربه بسيطه
:ياضربه بسيطه هيه ايده شثكله🙄
حيدر :شسوين هنا مجاوبتي
تبارك:امك تريدك
انته شسوي هنا مو ع اساس جنت رايح
لو جنت تضحك علي
طبعا حسيت  اني لان مخذت فلوس
حيدر:وخري من وجهي خل اشوف امي
تبارك:😧
عابتله هسه اني اصلا صوجي المن كتله وخسرت حديث وياه
-
-
-
-
حيدر:لليل كلش اتاخرت بالرجعه
لان اني. واحمد رحنا لصديق عدنا
وراح بالي عله هاي ممتعشيه
الكتكات موجود والحلويات فوك
اني ماكتله الحلويات موجوده
-
-
-
حيدر :ولك احمد خل نرجع نسيت هاي ولك ممتعشيه
احمد:تحجي صدك بابه شبيك مستحيل
هسه تلكاه ماكلتله شي
وبعدين شدعوه هذني تسميهم عشه
حيدر:خاب مومال اسولف وياك
انا راجع
احمد:روح اني اجي وراك
-
-
-
-
تبارك:صدك ضجت من تصرفه هذا
اني شكو اصلا نطيته مجال
ابد ماكلت شي
البنات مقصرو خلو غرفه الي والزهراء سوه خطيه
هم بيتهم جبير كومه غرف
بس بنات عمو ابو مهند
خوش منضمات الغرف كلهن ع 3بنات او 3نسوان
وكذا هههه عبالك كاعدين بمخيمات
وديرتبون نومنا
ضليت بالغرفه ماريد اكول لزهراء مماكله شي
لان قابل شحتسوي منو حتدزه
هو مطبخهم متروس بس اغلبه اكل دسم وكذا
المهم جنت لازمه الفون اندكت الباب مال غرفتنا
فتحت الباب
-
-
-يتبع