غـــــــــــــــــلا/للكاتبه رمش الغلا , مكتمله

part(25)

رن منبه غلا والساعه كانت تسع الصبح ، فتحت عينها بكسل كبيـر ورغبه شديده انها تكمل نومتها بس صوت لطيفه من بره الدار خرب عليها نومتها وقامت ،،

حطت ريلها بالشبشب وهي تمشي للحمام (وانتوا بكرامه) بكســـل وبردو وتمسح وجهها وتلم شعرها .

طلعت من الغرفه بعد ماتسبحت لانها حست انها مكسله حيل اليوم وطلعت من الحمام منتعشه فريش

لبست بنطلون بني محروق وعليه قميص طويل من الشيفون بس شوي ثقيل كانت الوانه الاحمر والبني وطلع عليها رررررررررهيب ،، كحلت عينها وحطت شوي شدو بني حطت قلوس يبين حمرة شفايفها بس بخفه ونعومه كملت لبسها ولبست طقم من الالماس الاحمر والبني مرصع الطقم خاتم مع سلسلته وسويرته وساعه ماركة شوبارد ..

كملت لبسها ولمت شعرها ولبست شيله بنيه قلبتها حمره وتعطرت من الزين بعطر Miss Dior وطلعت .

اول ماطلعت مالقت فالصاله غير عمر انحرجت لانه لما شافها وقف عمر كان طولاان حيـل عن قبل ونزل بوزنه والنطلون الخيشي بين روعة جسمه فصخ نظارته الشمسيه وحطها بمخباه الصدري وهو مرتبك من غلا

عمر ( شنو حلوه بالاحمر ، ابي اقولج شكثر بس انا وعدت نفسي اخفف من كلامي معاج عشان ماغثج! حلووووه وربي حلوه)