غـــــــــــــــــلا/للكاتبه رمش الغلا , مكتمله

part(29)

ثاني يوم العصر غلا فتحت باب دارها بكل هدوء عشان محد يسمعها
لفت يمين ويسار مالقت حد رجعت لبست عباتها ونزلت ..
خذت الخدامه وشردت لبيت يدها لعمها سعد ..

فتحت باب بيت يدها وشافت يدتها الكبيره قاعده فالصاله بروحها
راحت لها غلا وقعدت تصيح عندها
غلا: يممه انا مابي ولد عمي خالد تكفون مابيه
اليده : يايمه ولد عمج خالد ريال . وانتي اللي تيوزين له ..
تغريد اللي سمعت الصياح طلعت .. وشافت غلا حزنت وايد وراحت لها مسكتها من يدها وقومتها
غلا لمت عمتها بقوه وهي تصيح وتشاهق
غلا: عمتي الله يخلييييييييج ياعمتي والله بسوي لكم كل اللي تبونه بس انا خالد مابيه والله ماحس بخالد انا
عمتي واللي يخليج ابوس ريلج مابي خالد
تغريد: ياحبيبتي لاتقولين هالكلام انتي طولي بالج ..
غلا: شطول بالي انا ماااااااابيه (تصيح)
وخرت عن حظن عمتها ومسحت دموعها ركضت لعمها سعد على الدرج
وصلت لداره
طقت
طقت
العم سعد كان نص نايم فتح الباب وغلا كانت منزله راسها رفتها لفوووق لعمها الطويل
سعد : غلااا !
غلا لمته ووصلت لنصه : عمييييييييييييييييييييييي ييييييييييييييي
سعد لمها ودخلها لداره
خلاها تصيح وتصيح لين ماسكتت وهدت شوي عطاها ماي وكلمها
غلا: عمي شلون ترظون انتو؟
سعد وقف على طوله: غلا انا طبعاً مب راظي انا تهاوشت مع اخوي العود بسبة هالسالفه
لكن سعود لوشنسوي دام هالقرار دخل مخه بينفذه انا لو لي كلمه عليه ماوخرتي عن حظني دقيقه وحده
غلا: عمي شسوي؟ (تصيح)..
سعد: الا تعالي يدرون انج هني؟
غلا ارتبكت : مافيها شي جايه بيت يدي
سعد : مايدرون يعني
غلا: لا
سعد ماحب يقولها شي لانها فحاله يرثى لها ..
بعد المغرب خذاها ومشاها شوي ورجعوا للبيت
غلا شوي نست السالفه
ولما ردت شافتهم
خالد كان فالصاله البعيده عن صالة الإستقبال ..
كان لابس ثوبه وهو حالته تعور اقسى قلب حاط راسه فكفة يده وسرحاااااااااااااان
لطيفه وسعود وقفوا لما شافوهم
سعد ماعبر لطيفه . وراح لخالد قعد حذاه
خالد حس انه عمه بس ماهزه شي خلاص اكثر من جي شبيهزني بعد ؟؟
سعد يحط يده على جتف خالد ..
سعد : خالد ،،، خالد ،، أنا سعد ،، رد عليي ..
خالد غمض عينه (برد عليك عمي برد بس مب الحين) : .................................
سعد: افا يابوسّعود ماتبي تكلمني خلاص اخليك
وخر سعد عنه بس خالد مسكه بكل قوه من يده وهو بنفس وظعيته
سعد لم على خالد وخالد لمه بكل قوته خالد ماعرف شيسوي
لطيفه : ماتعرفين تقولين انج بتطلعين ؟ شتسمين الي سويتيه! تشردين مع خدامه ودريول؟
غلا: انا ماسويت شي رحت بيت يدي وكاني رديت مع عمي
لطيفه: انا ماقولج وين رحتي ومع من رديتي انا اقولج عن حركتج شلون رحتي ماتفهمين بعد؟؟
غلا نزلت عينها وهي فيها الصيحه
لطيفه: ماتردين ولا شاطره صراخ بس
غلا لفت ويهها تطالع عمها سعد وين لقته بعيييييييييييييييييييييد عنها مثل كل مره اقرب الناس حيل بعاد عني
طالعت عمها سعود وتشجعت لاول مره
غلا: عمي،، لو أبوي هني تتوقع بيرظى عن اللي يصير؟
سعود بقق عينه على كلامها: !!
غلا: عمي لو كنت انا بنتك بترظى يصير فيني جذي؟ انا ابوي اكيد مايرظى لاتزعل ابوي وامي فقبرهم
سعود ماعنده أي رد على جواب بنت اخوه ام الـ17 سنه
راحت غلا دارها
غلا( وينك عمر! وييييييييييييينك عني؟)
عمر كان تعبااااااااااان من دموعه اللي نشفت اول حب له ضاع منه ، الوحيده اللي شافها وصارت دنياه جدام عينه ظااعت! يااااه والله عدوي ماتمنى له اللي صار لي ،، شلون جذي يمه ! وانا اللي فكرتج متمنيه لي كل الخير طلعتي تزرعين لي شوك فممشاي ،، ليش يمه شسويت انا ؟