ဧကရာဇ်၏ ခြူလုံးလေး(Completed)

Part 24

#Unicode

"ဘာလို့ ဝမ်းသာစရာမဟုတ်ရမှာလဲ ။ Jeon Taehyungမှာ ကိုယ်ဝန်ရှိနေတာက ဝမ်းသာစရာကိစ္စပဲပေါ့ ... နောက်ဆုံးတော့ Jeon မျိုးဆက်ဖြစ်တဲ့ ရင်သွေးလေးကို ဧကရီက ခေါ်ဆောင်လာနိုင်ခဲ့ပြီ"

Taehyung ရဲ့ကိုယ်ဝန်ကိစ္စကို မယ်မယ့်အားပြောပြတော့ မယ်မယ်က ဝမ်းသာအားရပင်တုံ့ပြန်တော့သည် ။
Jungkookအတွက်တော့ ထူးဆန်းနေခဲ့၏... တကယ်ဆိုရင် Taehyungက ယောက်ျားလေးတစ်ယောက်မို့ ကိုယ်ဝန်ဆောင်နိုင်စရာအကြောင်းမရှိပေ ။

"မယ်မယ်... Jeon Taehyung ကိုယ်ဝန်ဆောင်နိုင်တာက သွေးရိုးသားရိုးတော့မဟုတ်ဘူးမို့လား ။ ကိုယ်တော်မသိအောင် မယ်မယ်တို့ဘာတွေလုပ်ထားတာလဲ"

အခုလိုအခြေအနေရောက်လာမှတော့ မထူးတော့ပြီမို့ Eun Jinလည်း အရာအားလုံးကိုအမှန်အတိုင်းဝန်ခံလိုက်တော့သည် ။
ထိုအခါ Jungkookမှာ အလွန်အမင်းဒေါသထွက်သွားတော့၏ ။

"အစကတည်းက ရင်သွေးမလိုအပ်ဘူးလို့ပြောခဲ့တာတောင် မယ်မယ်ဘာလုပ်တာလဲ! အခုကိစ္စက ကိုယ်တော့်ရဲ့Jeon Taehyung ကို ထိခိုက်နိုင်တာကို မသိဘူးလား!"

Jungkook ဒေါသတကြီးဖြင့်အော်ဟစ်လိုက်မိ၏ ။ ဖခင်ဖြစ်တော့မှာမို့ ပျော်ရွှင်စွာအောင်ပွဲခံနေမည့်အထဲမှာ Jungkook မပါပေ ... Jungkook အတွက်တော့ Taehyung လောက် ဘာမှအရေးမကြီး ။

"ဧကရီကိုယ်တိုင်က လိုလိုလားလားနဲ့ ကိုယ်ဝန်ဆောင်နိုင်ဖို့ ကြိုးစားခဲ့တာပါ ။ မယ်မယ် တွန်းအားပေးတာမျိုးမလုပ်ခဲ့ဘူး"

Eun Jin စိတ်မကောင်းဖြစ်မိသည် ။ သူမရဲ့သားက သူမကို အထင်လွဲမှားနေမလားမသိပေ ။ Taehyung ကိုဖိအားပေးပြီး ကိုယ်ဝန်ဆောင်ဖို့ အတင်းတိုက်တွန်းခဲ့သည်ဟု ထင်မှတ်မှာကို သူမ စိုးရိမ်မိပါ၏။

"ဘာပဲဖြစ်ဖြစ် တားခဲ့ရမှာမဟုတ်ဘူးလား! Jeon Taehyungက ကိုယ်ဝန်ဆောင်ဖို့လုပ်ခဲ့တယ်ဆိုရင်တောင် မယ်မယ်ကတော့ တားသင့်တာပေါ့! ဒါက ဘယ်လောက်တောင်အန္တရာယ်များတယ်ဆိုတာ သိနေလျက်နဲ့လေ!"

အမျိုးသမီးတစ်ယောက်အတွက်တောင် ကိုယ်ဝန်ဆောင်တာက ခက်ခဲလွန်း၏ ။
အဲ့တာကို အမျိုးသားတစ်ယောက်က ကိုယ်ဝန်ဆောင်သည်တဲ့လား ။
Jungkook ကြိတ်မနိုင်ခဲမရဖြစ်နေမိသည် ။