وَ قيلَ؛
ماهيَ اَجملُ مناظِر الأرض
قال:عِيونــها...
..........................................................................
"لگيتها بس اني وافحصها مالگيت عليها شريط وخلفها مكتوب
جينم D.r"
"الا اني كلت معقولة هاي مالتي بس هاي كُلش ثگيلة ؟خلي افتحها، فتحتها ويا ريتني مفاتحتها بعد ما عرفت منو صاحبها"
"فتحتها بس طلع بيها عطور رجاليه انواع مختلفه بس مليانة الجنطة مابيها غير عطور "
"سمعت صوت احد من ورايه يصيح ..
-عفواً بس هاي الجنطة الي
"التفت وياريتني ما التفت طلع الدكتور' اهنا اني فقدت الامل بعد ما شافني اني نفسها البنت اللي انقذها و گعد يمها (ابتسم)وگال...
-بس جنطتج ما أخذتيها
-ها استاذ
-جنطتج ضلت عندي ليش ما اخذتيها ؟
هل بسبب الموقف اللي صار بالطيارة
-(بتعب) لا استاذ بس اني اعتذر بالبدايه ما تشكرتك وهسه شردت منك اني كلش آسفه
-لا لا عادي اني متفهم وضعج
(هزيت اله راسي مقدرة كلامة)
-هاي اللي بأيدج جنطتي ،وهاي جنطتج
"مدلي جنطتي آخذها وآني اخذتها"
-تسلم استاذ
-لا العفو بس شنو اسمج؟
"باوعت اله بأستغراب وعگدت حواجبي "
-عفوا؟
-لتفهميني غلط آنسة بس لا خلص ولا شي عالعموم اني اسمي..
(جينم)
-اهلا وسهلا تشرفت استاذ جينم
جينم: ألي الشرف
-وآني ..
(رُمام)
-تشرفت آنسة رمام
"لا اراديا احنة ونحجي ضلينه نمشي يحچيلي هوَ شنو اختصاصة وشلون هوَ صار دكتور (رئيس اطباء) بالرغم من عمرَ رحت جبت جنطي الباقيات وبعدنا مستمرين الى ان لگيت نفسي بالاسواق "
"بس لا أرادياً حسيت ديستجوبني "
رُمام:استاذ جينم براحتك اني راح اروح
-اخذنا الحديث (بأبتسامة)
"رديت اله الابتسامة وعفته ورحت اتمشى اسأل نفسي هواي أسأله "
"ليش يسألني هالگد
ليش توتر من اغمى علية واني بالطيارة"
"رحت گعدت بصاله الانتظار هالوقت كله اني ما شفته وگعدت 3 ساعات انتظر الطيارة حرفياً تعبت كلش"
"من صاحوا بأسم طيارتي شفته يتوجه للبوابه "
"ما حبيت الحچي اللي دار بيناتنا حسيته غريب او يريد يستجوبني لذلك تخطيته ومشيت بدون لا اسوي شي يلفت الأنتباه"
"صعدت بالطيارة وهاي كذلك (first class)
گعدت من جهة اليمين مالتي بذيج الطيارة من جهة اليسار هسه من اليمين اما هوَ كذلك حاجز درجة اولى بس جهة اليسار فرحت لانو لا بنفس السطر مالتي او بصفي"
"گعدت يمي مرأة بس هالمرأة غريبة الى درجة من كد ماهي غريبة خفت "
"جانت لابسه اسود بأسود بس مو ملابس عاديه لا
لابسة ثوب اسود وفوگاه جبة وهم نقاب "
"اني ما اعرف انو اللي بدبي نصهم من السعودية ويتنقلون لذلك ضليت باوع الها لا ارادياً"
"التفت عليه اني درت وجهي بسرعه الا تكولا ..
-عفواً مستغربه من لبسي؟
"تحجي بالجهة السعوديه"
رمُام: لا اني كلش اعتذر
-لا عادي آنا من السعودية وأحنا عاداتنا نلبس نقاب من نسافر او نطلع خارج السعودية
"بس تحجي بطريقة مثل العُربية يعني مبينه من السعودية"
-اني كلش اعتذر بس استغربت شلون انتِ من دبي ومحجبه
-لا آنا مو من دبَي من الرياض .
رمُام:تشرفنا وعلى راسي عاداتكم وتقاليدكم
-يابعد عمري شو هاللسان اللي ينگط عسل
-تسلمين خاله
"چان مبين عليها چبيرة بالعمر من صوتها لذلك احتراماً الها هيج كلت"
-انتِ شو اسمچ؟
-آني..
رمُام
-اسم الله اسم الله شو هالزين كلة
"صارت ميانة بين بعض بهاي الكم ساعه واني كلش ارتاحيت الها وضلينة مستمرين سألتها عن اسمها"
رمُام: يابعد عمري ياخالتي ،انتِ شنو اسمج؟
-آنا منيرة
-اسم قالب كيك (بغمزة)
منيرة: واي واي آنا حبيتچ وايد
-وآني هم ياعيوني
"الطريق كلة نحچي خاله منيرة عندها بنات 2 وحدة مثل عمري والثانية اصغر من اختها بسنتين ودتحچيلي انو هيَ مسافرة علمود بنتها اللي دتدرس وشلون خلتها تكمل دراستها معَ انو هالشي بالقبائل ميصير بس همه قبيلة غنية ومعروفه كلش"
"استغربت انو بعدَ نظام القبائل بالسعودية مستمر وانو ميصير البنت اكمل دراستها،
عالعموم ما انطيت للموضوع اهمية وضليت منسجمة وياها بالحديث"
اثناء ما آني وخاله منيرة نحجي التفت ردت اصيح للمظيفة تجيبلي وجبة الأكل ولاأرادياً اجتي عيني بعين جينم الااشوفة يباوع عليه وحواجبة عاگدهن وصاير وجهَ نار ......
حماس؟؟🫣🔥
يتبع ..........😭
أنت تقرأ
قطوف آريا
General Fictionجَسد ضخم ملامِح باردة شخصية عظيمة اثناء مرورَ من جنبي اردف(آريتي)
