" "
جينم
"عفت علي وهو بس يجر بيه ...
-علي ولك خلي نفتهم شكو
"فتحت الباب وطلع هادئ باوعت لعلي ولگيته ذب نفس"
"گعد على القنفة وآني اجيت يمه وانضم النا هادئ"
علي:الحمد الله والله جان رحنا بيها
هادئ:خير شباب اكو شي شبيكم
جينم:لا ماكو شي انتَ بيك شي؟
هادئ :لا
اني وعلي گلنا بنفس الوقت:-خييير ان شاء الله
"ضل هادئ يتصفن ميدري شمصخمين اصدقاءه
شويه وگال"
هادئ:شباب اليوم انتوا معزومين يمي بالمطعم
علي:هلاااا راح نتسمم ،بويه فلوس تهريب
جينم:اي خوية نجي ان شاء الله دز العنوان ونجي ،وعلي انلصم لا أجي اني اسكتك
هادئ:زين شباب اكيد تجون
علي:اني اول واحد يمك
جينم:واني كذلك
هادئ:شباب احسكم بيكم شي
"دورت انظاري على علي وعلي كذلك"
جينم:لا خوية شكو ؟،ماكو اي شي
علي اكو شي؟؟
علي: ههههه لا ماكو شي
هادئ: وضعكم ماعاجبني بس خير
"يمعودين عايشين توتر يقرا الففف هادئ بس يعرف اني هيج مسوي وكاشف اسمي الحقيقي الا يملخنا آني ما أهتم اله بس علي خطية يوگع بيها"
جينم:اگلك هادئ نجي لابسين رسمي او كلاسيكي؟
علي:اني راح البس لون قرمُزي
هادئ:شباب لتفشلوني لخاطر الله
علي: ههه اشاقه راح البس لبس كلاسيكي
جينم:اني راح البس لبس عصابات
هادئ:حلو تظهر على حقيقتك
علي:هههههههههههههه
جينم:شباب كلمه ثانيه واعوف البيت واطلع
"ضلو بس يدردمون عليه يعرفوني اني اشتغل هيج بس ما احب احد يصيحلي ابو عصابات "
"طلع هادئ من البيت واني وعلي شويه يراد ونروح للمطعم لان صارت الدنيا بالليل"
"بدلت وطلعت من البيت اني وعلي بسيارتي الفيراري
طقمت ملابس ويَ السياره لأن لونها اسود وطلعنا"
"وصلنا للمطعم و استقبلنا هادئ بأحضانه اللي متعودين عليها مثل ابونا "
" "
رمام
"اله ارفع عيوني عليه واشوفه"
نفس الشخص اللي انقذني و كمش أيدي"
" ياربي شنو هاي كل مرا يطلع بوجهي اشرت لـ ناْب
ودرت وجهي وحطيت ايدي اغطي بيها وجهي"
رمام:ناب ديري وجهج بسرعه
