قطـــوف آريا
"رحت عالعنوان ومن وصلت وشفت منو اهناك انصدمت
حسيت الدنياا من صدگ صغيرة...
"شفت خالة منيرة واگفة يم العنوان ووياها البنت اللي اني المفروض اسكن وياها"
"فرحت كلش وبس ردت اعرف شنو دتسوي خاله منيرة اهنا"
"رحت لخالة منيرة وسلمت عليها..
رمُام:شلونج خاله منيرة ماتوقعت اشوفج
"أجابتني بفرح وحنية"
-يا يما شو جالسه تسوين اهني ،ما توقعت اشوفج
-عيوني اني البنت اللي اسكن وي هذي البنيه
(اشرت على البنت اللي واگفة بصفها)
منيرة:من صجج الحمدلله الف الحمدلله يارب، انتِ راح تسكنين مع بنتي
"انصدمت من صدگ الدنيا صغيرة راح اسكن ويَ بنت الخاله منيرة فرحت كلش كلش...
-خاله الحمدلله من راح اسكن ويَ بنتج
منيرة:اي يما ،ما عرفتج هاذي بنتي
(ناْب)
-ياعيوني مرحبا اني اسمي رمام تشرفت بمعرفتج
ناْب:مراحب عيوني اني اشرف
"ناْب انسانة مبينة من شكلها كلش حبابه ومحترمة بس اللي استغربتة شلون تعرف تحجي عراقي!؟"
-بس ما گلتيلي وين تعرفتي على امي؟
رمُام:تعرفت على امج بالطيارة صدفة وچانت احلى الصدف وفرحت اكثر من التقينة سوية و فرحت اكثر من راح اعيش وياج
-حلو،ياعيوني واني هم فرحت من شفت هيج انسانة محترمة وحبابه
-اشكرج
منيرة:يما راح نگضيها چذي عالباب يلا ندخل داخل
-صار ماما ،تفضلي عيوني رمام خلي نتناقش على موضوع السكن ونتعرف اكثر
رمُام:تمام حبيبتي
"دخلنة الشقه وضلينة نحجي عن الأيجار والتفاصيل وبعدين تعرفت على ناب وجانت انسانة مهذبة ومؤدبة ولطيفة بمعنى الكلمة "
"ردت اطلع بس خالة منيرة لحت هواي علية ابقى يمهم..
-يما رمُام حبيبتي انتي لخاطري ضَلَي
رمُام:خالة لازم اروح
-رُمام حبيبتي ضلي اليوم يمنا مثل ماگالت امي
تعودنه عليج ههههه
-ههه حبيبتي ناب تمام بس خلي اروح اجيب الغراض من الفندق وارجع علمود اضل اهنا واستقر
ناب:تمام حبيبتي
-اي يما روحي بسرعه وتعالَي
رمُام:صار خاله، يلا باي
"طلعت من الشقة متوجهة للفندق اجيب غراضي طبعا جُنطي هوااي وحرت شلون اجيبهم بس تخطيت هالشي ورحت"
أنت تقرأ
قطوف آريا
General Fictionجَسد ضخم ملامِح باردة شخصية عظيمة اثناء مرورَ من جنبي اردف(آريتي)
