شاجور السادة 5.11

شـَاچور الثانـي والعشرون

شاجور الساده 5.11

البارت (٢٢)

بقلم: حور ال جواد

حلوتاتي لا تنسون تصويت + تعليق بين الفقرات + ومتابعة الحساب احبكمم واااييت ♥🗿.

شغَيرني وشغيّرك ، چِا
و الوّعد ويَنة ؟
نتَلاگة مّلگة الغُرب ،
نتسِالم ونفترّگ !
" مَحد تِرف عيّنة ..
===============♡

مـاس...

:- سلام عليكم عيوني بس انطيكم علم صاحب تلفون توفه وحاليا هوه بمستشفى الـ** تعالو شوفو

وكع تلفون من ايدي كعدت بل كاع مصدومه دمعه ما نزلت من عيني اخذ تلفون آسر شفته نصدم اجه يريد يطلع جلبت بي ما اكدر اكوم حته

شالني جلبت بركبته ودافنه وجهي بصدره
وبلشت ابجي وحجي بشهكه

مـاس :- ليش يا ربي ليش بس هوه بقالي من اهلي ليش اخذته مني مالي غيره يااربيي

صعدني بسياره وهوه يهدء بيه
آسـر :- اششش كافي لا تحجيت هيج هسه نروح ونتأكد كافي

صعد وشخط سياره وطار وعقيق ودانيال وتقي بس يردون يفهمون شصاير من ما حجينه وعفناهم لحكونه
وصلنه لمستشفى وآسر طاير اباوع رجلي هوه هوه

ركضت ورا كوه اركض دخلنه لمستشفى سالنه على الهامي نصدمنه ماكو اي مريض او متوفي بهل اسم

ضلينه اني وآسر واحد يباوع بوجهه ثاني
الحد ما سمعت صوت الي بكل يوم وبكل ثانيه ادعي ربي ما يحرمني منه

الـهـامي :- آسر ماس

لتفتت علي اول ما لمحت طوله ركضت علي وحضنته حضنته بكل قوتي وحجيت بنحيب ابجيي

مـاس :- الهاميي بويهه حبيبي تعبتني لا تعوفني بعد لا تعوفني

مسح على راسي يبوس بيه وحاضني بكل حيله
آسـر :- شصاير يمعود خابرونه من رقمك وكالو مسوي حادث ومتوفي شسالفه مو هل كلشي ما بيك والله وكفو كلوبنه الله لا ينطيكم

كومني يمسح بخدودي ويحجي
الـهـامي :- مابيه شي مابيه بس دخت ودعمت ولد بل غلط وتلفوني جنت غالقه ومن نزلت على لولد وكع من ايدي وناس عبالهم للولد دعمته لا تخافون ماكو شي بعدين هاي شنو شبي حلكج ليش هيج ازرك

لزمت حلكي مصدومه من ذكرت آسر مزوركه
اباوع على آسر يضحك منزل راسه حمحمت وكلت

مـاس :- لا جنه نضف بزاهي وكعت على حلكي ونمرد ماكو شي لا تخاف

حضني وكال كلبه خله كلبي يركض
الـهـامي :- ها والله خفت كلت واحد من لولد شوف شسولج كلت اطردهم ونهبهم نهيبه سوده

بتسمت امسح على ضهر الهامي وخزر وآسر لبعد شوي ينمطل ويفطس من ضحك

مشينه وشفنه لولد بثلاجات جسمي رتعش من لخوف شراح يصير يا ترا