شاجور الساده 5.11
البارت (٤٠)
بقلم: حور ال جواد
تصويت تعليق بين الفقرات لطفاً 🍃.
ذب گلبي حسره عليك
تدري شكبره
ولك مو حسره چنها
شيوخ ذبت عگلها
==============♡
مـاس...
حسيت ضربات على خدي وحجابي نصه ماي
فتحت جسمي يرجف همست بتعب
-: ابني آسر ابني
مسح وجهي ويحجي بخوف
-: ماس كولي يا الله كومي ترا ليو بس يصرخ باعيله
صار تركيزي ويا صرخاته وخرت ادين آسر
واكح بقوه مختنكه
رحت علي شلته ضامته لكلبي وليو بس يشهك
سوالنه جلسات دكتور كال راح يوميه بـ5 العصر الحد 7 بليل نحاول ويا الحد ما يرجع
رجعنه للبيت لازمه گلبي
روحي ممروده على ابني شنو توحد ليش اصلا
رحت الهامي لزمته ابجي واستفسر
مـاس :- كلي منو منو جان بي توحد ما اتذكر اني احد ولا سامعه انت جنت واعي كليي الهامييي
لزم ادي باس بطنهن ويحجي بخوف
الـهـامي :- والله محد مو وراثي صدكيني محد جان عنده هل مرض يعني لا توحد ولا عوق ولا اي شي
كعدت لامه ادي صدري اشهك دخل آسر شايل
ليو نايم يباوعله متحسر
اخذه للغرفه كعدت بل مطبخ ايدي على راسي
اجت سديم تحجي ويا جومانا نطتني جهاز بس شفته بجيت تحسرت وكالت
جومانا :- امي انتي بنتي لا تضعفين خلي املج بربج يجوز بهل ساعه يرجع طبيعي الله سبحانه وتعالى قادر على كل شيء احمدي ربج ودامن بصلاتج ادعيله والله كريم اصبرو فأن الله مع الصابرين بنيتي
مسحت دموعي اشهك واحجي
مـاس :- اصبر لعمر كله لخاطر عيونه وليدي
لمهم يرجعلي بصحه زينه وما بي شي بس يعني احنه ما عدنه هل شي يعني سألت الهامي كال مو وراثه يعني عادي
جومانا :- بنيتي هوه مادام مو وراثه اكو أمل يتشافه بس انتبهي علي حاولي لا تخلونه يضوج والله كريم
تشكرت منهه وسلمت ونطيته سديم
رحتله للغرفه شفته نايم وآسر كاعد ويباوعله بحزن
رحت كعدت بصفه اخذت نفس بتعب
يا كلمه تنحجي وتريح كلوبنه
رجعت حجيتله كلام جومانا ول وعسى يخفف من لقلق ولخوف الي بي بس بلا فائده
عيونه ما فاركت ليو وبس يتحسر
كمت توضيت صليت لمغرب ولعشه وركعتين
لوجه الله شهكت رافعه اديناتي واحجي بشهكه
فدوا لأسمك يا ربي انت الرحمن الرحيم
انت الغفور الكريم لا ترد ايدي فارغه
لا تموت أملي اللهم اذا گان هاذا عقاب الي لو اختبار يا ربي لا تختبرني وتعاقبني بابني
يا ربي انت اعلم عن معزته وغلاته شافي وعافي
رجعه الحضني سالم يا رب يا رب ياا رب
دعيتك لا تردني وحق عرشك العضيم روحي تموت لو صارله شي ماريد انكسر بأبني
أنت تقرأ
شاجور السادة 5.11
Bí ẩn / Giật gânجمَيلة لكنها مَغرورة بعَض الشِيء فتَاة كالمرأةِ تماماً تعكسِ لك مَا تظهر لهَا.. إننـي فتاة غريبة كـما يقولـون فأنا تعريفاً للتناقض من الصعب فهمي ومن الصعب جداً معرفة ما أريد فتاةٌ ذات مزاج متقلب حنونهٌ للغاية لكنها تغضب كثيراً لطيفةٌ جداً لكنها...
