شاجور السادة 5.11

شـَاچور التاسـع والعشرون

شاجور الساده 5.11

البارت (٢٩)

بقلم: حور ال جواد

حلوتاتي لا تنسون تصويتت تعليقق بين الفقرات ومتابعة الحسابب احبكممم واااييتتت 🥹♥.

ما بيّة حَيل أخِذ نِفَس
ما عِندي واهِس للحَجي
مِن بَرّة تِلكاني أبتَسم
و مِن جوّة أطِك مِن البَچي
ما بيّة أكمّل هالدَرُب تعبَان،
خلوني أنتِچي .

==============♡

سـَديم....

طفرت فاكه عيوني بصدمه وأميمه تشهك وصيح واني حيلي راح فزيت من الهامي هزني من كتافي

بلعت ريكي ارجف مشيت بخطوات ثكيله كعدت على ركبي ضاك صدري كمت كوه اسحب نفس

-: اخذني لأميمه الهامي بسرعه

لزمني اخذني لسياره صعدت شهكت بخوف ودوعي تنزل بحراره صعد الهامي طلعنه وهوه عين على درب وعين علي

-: سديمي بس باوعيلي شبيه أميمه كليلي

لزمت صدري اريد بس احجي ونطق كلمه ماكدر غمضت بكل قوتي وسحبت نفس وكوه طلعت مني هل كلمه

-: ابن أميمه شرهان راح يموت

باوعتله بتعب ودموعي عشره عشره مشه بسرعه ويحاول بس يوصل بس وصلنه بل باب رجلي وكفن ماكدر امشي من سمعت اميمه تصرخ

نزل الهامي قبلي يدك بل باب نزلت كوه امشي سحلت روحي سحل وصلت لباب فتحت لباب اميمه متخبله مزلغه وجهه وصدره وعيونه مورمه أشرت علبيت صوته رايح ترجف

أمـيمـه :- شرهانن ماتت ماتت ابني سديم ابني مات ماكدر اسويله شي مات واني اباوع علي وماكدر اسوي شي

دخلت بخطوات ترجف دخلت لمطبخ لزمت كلبي خايفه ادخل صاله ونصدم

مجرد خطيت هل خطوه الي دخلت بيه لصاله كعدت بل كاع حيلي خلص من شفت شرهان بل كاع لافته بلحافه ومفتح عيونه وجهه ابيضض وشوي شوي زراك يلتهمه اباوع بنحاء لبيت ليش محد موجود وينهم عن أميمه رحت يمه سحبته لحضني جسمه قالب ثلج اكوم ورجع اوكع ماكدر امشي واسمع الهامي يصيح بس بالي كله ويا شرهام ليش ليش مات ؟

وليش محد بل بيت؟ وليش محد يرد عليهه؟؟

شلت شرهان طلعت بره لكيت الهامي يحاول يشيل أميمه بس هوه هم حيله راح فتحت سياره خليت شرهان ورحت ويا الهامي شلت أميمه صعدناهه بسياره

سحبت شرهان لحضني واني روحي ترجف

والهامي يسوق بلا وعي معرف شلون وصلنه لمستشفى بخير راح الهامي يصيح اجن ممرضات ودكاتره اخذو اميمه وشرهان والهامي يحاول يوصل لعقاب واهله اخر شي رد عقاب حجه الهامي بصياح روحه رايحه