តែម្នាក់ ( SHOULD BE ONLY ONE ) (ចប់)

ភាគទី៤ : ចាប់ផ្ដើម

(អស្ចារ្យមែនគ្រូពេទ្យរូបស្រស់សង្ហារដែលរៀនចប់ពីស្រុកក្រៅពេលនេះជិះរទេះរុញមកបើកសម្ភោធហាងពេជ្រថ្មីទាំងដែលខ្លួនពិការទាំងភ្នែកនឹងជើង...)
ព័ត៌មានផ្សាយមិនទាន់ចប់ផងស៊ុងហ៊ុនលើកតេលេបញ្ជារទូរទស្សន៍បិទភ្លាមៗធ្វើឲ្យអ្នកដែលកំពុងមើលសើច
"មិននឹងស្មានថាអ្នកផ្សាយព័ត៌មាននេះហ៊ានបែបនឹងសោះ...បងចាក់លុយទៅស្អែកក្រុមហ៊ុននេះរលំហើយ" បុរសសង្ហារតែវ័យសាមស្ដើងឈរនិយាយទាំងសើចតិចៗតែបន្ទាប់ពីឃើញទឹកមុខស៊ុងហ៊ុនហើយគេក៏ផ្អាកសំណើច
"ណ្ហើយអាប្អូន!!ឃើញព័ត៌មានអស់នេះប្រហែលជាធ្វើឲ្យឯងឈឺចាប់ណាស់ហើយបងសន្យាលើកក្រោយអត់មើលទៀតទេ" បុរសសង្ហារដើរទៅទះស្មារស៊ុងហ៊ុនថ្នមៗធ្វើឲ្យស៊ុងហ៊ុនប្រញាប់បកស្រាយ
"មិនមែនបែបហ្នឹងទេបងជីន ខ្ញុំមិនសប្បាយចិត្តដោយសារតែព័ត៌មាននេះឡប់ៗ មិនគួរណាមនុស្សដូចជាពេទ្យមកជួបរឿងបែបនឹងសោះ" នាយសង្ហារសុជីនរៀងភាំងបន្តិចមុននឹងពោល
"ស្អីបីសាចឯណាចូលសណ្ឋិតនឹង?នេះអាណិតអាសូរគេមែន?មើលខ្លួនឯងផងរកតែលុយទិញបាយមិនបានផង" ជីនពោលបែបហួសចិត្តនឹកឃើញរឿងគ្រួសាររបស់ជេគមកប្ដឹងស្ទើរតែធ្វើឲ្យម្ដាយស៊ុងហ៊ុនប្រេះទ្រូងស្លាប់ទៅហើយ
"តែពេទ្យជេគមិនដូចអ្នកដទៃទេ ម្សិលមិញគាត់យកកាបូបមកឲ្យខ្ញុំថែមទាំងដាក់លុយប្រមាណជិតមួយពាន់ដុល្លាចូលក្នុងកាបូបខ្ញុំទៀត សំខាន់ថ្លៃព្យាបាលម៉ាក់គេលួចឲ្យកូនចៅមកបង់ឲ្យមួយឆ្នាំពេញតែម្ដង ចំណែកថ្លៃសាលារបស់ ស៊ុងហ៊ូក៏ត្រូវបានគាត់បង់ឲ្យបួនឆ្នាំពេញដែល" ជីនឈរស្ដាប់ចំហមាត់ហើយលួចគិតឆ្ងល់ថាការដែលស្ដាប់ឮនេះពិតឬអត់?
"បងកុំធ្វើមុខបែបនេះខ្ញុំពិតជារអៀសខ្លួនណាស់ ខ្ញុំជាអ្នកធ្វើឲ្យគេពិការដើរមិនបានមើលមិនឃើញតែគេបែរជាមកជួយខ្ញុំនៅពេលដែលខ្ញុំត្រូវការជំនួយទៅវិញ" ជីនរឹតតែមិនមាត់ក្នុងចិត្តកាន់តែព្រឺសម្បុរតើពិតជាអាចទៅរួចមែនឬ?
"ធ្វើឲ្យគេពិការមិនគ្រប់គ្រាន់នៅធ្វើឲ្យជីនីគូស្នេហ៍របស់គេស្លាប់ទៀតហើយគេមកជួយខ្ញុំបានន័យថាមិច?"ស៊ុងហ៊ុនច្របល់ក្នុងចិត្តគិតអ្វីក៏ហាក់ដូចជាមិនរលូន
"គិតបែបនេះទៅចឹង ឯងសាកធ្វើខ្លួនឱ្យចូលទៅជិតគេហើយសួរនាំនូវអ្វីដែរឯងចង់ដឹងទៅ" ជីននិយាយស្រាលៗតែធ្វើឲ្យស៊ុងហ៊ុនភ្ញាក់ដូចគេទះ។