قبل عشر سنين...
مثل اي يوم عادي تحت سقف واحد و بيت صغير ..
سلمان: من زمان عن جلسات البلوت( البلوت جزء كبييير من حياتهم)
هايف: صب قهوه وخلك من البلوت و الكلام الفاضي
سلمان: سم
فيصل ضحك و رمى على سلمان البلوت عشان يوزع
سلمان:مافيه الا انا و انت ، روح نادي فهد و و طلال
فهد:هاذاني هنا مايحتاج تناديني
سلمان: طلال وينه؟
فيصل: راقد راقد ماغير يصحى ياكل و يرجع يرقد
سلمان : اجل من رابعنا ؟
نجد تركض من بعيد: مافي الا انا
فيصل : لا لا لا كنسل
هيله : لا معليكم بنيتي تعرف
جلست نجد معهم و الابتسامه شاقه وجهها
..
البنات و الاولاد برا في حوش صغير مره يلعبون علبه اللوان ومره غميضه و مره تلفون خربان و طول الوقت فرحانين ...
في المطبخ هيله توزع الاشغال على الحريم وقالت الغدا ذي المره على نجد و حصه
نجد سمعت اسمها وتروح ركض و ترمي الاوراق
وصلت وهي تاخذ نفس : كني سمعت اسمي؟؟
منى: ذي لو تسمع اسمها تروح ركض سلامات؟
نجد: شدخلتس انتي ماغير تتلقفين؟
هيله: خلاص يا بناتي بلا دلع فاضي
نجد سكتت عشان امها
جت حصه من بعييد تركض :عسى ما فاتتني الهوشه؟
نجد :ليتك جالسه مكانك
طلعو الحريم ماعدا نجد و حصه ومنى
حصه: نجد انتِ سوي كبسه و انا بسوي الملوخية ومن ذا الكلام و منى جهزي السفره
منى: لا والله من متى الصغيره تختار وش اسوي؟؟
حصه: اجل وش تبين بعد ؟
منى انا باسوي الملوخيه
حصه : تمام لا تصيحين
خلصو العشى و حطوه رحو العيال المجلس ينامون و الحريم في غرفه وحده ينامون
منى في راسها خطه بس خايفه انها تتطلق ... شالت المقص وراحت الى نجد و جلست تعدل في شعرها و تبدع
صباح اليوم الثاني يسمعون ضحك هايف و هيله من الصباح و سوالف الي ما ينمل منها قامو الحريم و طلعو
سلمى: امي الضحكه واصله عندي علمينا نضحك معك
هتاف جلست بالأرض و تتسمع سوالف والدينها
هيله :يا سلمى جيبي اخوانك ودي اسولف معكم بذا الصبح
سلمى: تبشرين يمه
جو وبقى نجد
هايف: حصه قومي نادي اختك
حصه: سم سم
حصه دخلت الغرفه وشافت نجد تصيح و شعرها مقصوص(نجد شعرها كان طويل و زين و الكل يمدحها)
حصه سحبتها حصها وهي تقول :مين سوا فيك كذا؟؟!
نجد: البعير ما غيرها
نجد من كثر القهر شالت سطل مليان مويا وكبته فوق منى في الغرفه
منى: يا بنت الحرام شايفتني لعبه ؟؟!!!
نجد : وانا شايفتنه فُله تلعبين بشعري؟؟!!
نجد عطتها كف بأقوا ما عندها جت هيله على صراخ منى
نجد : شوفي يمه وش سوت بشعري لعبت فيه لعبب
هيله مسكت منى : اطلعي لزوجك وفكينا
سلمان : انا داري ان وراها بلى تزوجتك وليتني ما اخذتك ورقت طالقك تجيك لبيتك
منى : والله لو ادري بتطلقني كان سويتها من اول
راحت و شالت عفشها و خلت عيالها
هيله : يا ولدي اهدى ما توصل للطلاق
سلمان : انا تعبت منها تعبت
هيله: خلها في بيت اهلها بس لا تطلقها ابي احفادي مابيهم يروحون!
سلمان: سمي والي تبينه يصير
طلعت هيله الصاله وقالت الي صار
فهد: الله يهديها بس
فيصل: خلكم من ذا الكلام تلعبون بلوت؟
فهد: تستهبل الولد زوجته بتطير وانت همك البلوت؟
سلمان : خلها تطير ، جب جب البلوت
هايف : ذي المره بلعب
فيصل: س..سم يبه
هايف: ليه عيب العب يعني؟!!
فيصل : لا لا ما قلنا عيب
هايف: الا الا قلت!!
فيصل: والله يبه ما قلت
الكل جلس يضحك
_____________________________________
اذا عجبكم البارت ذا اكتبو عشان اكمل💙💙
أنت تقرأ
كيـف أنا فيك آتسلى وانت وجهك قبلهً لـي
General Fictionقصه خياليه عن عائله متكونه من جد و جده و احفادهم تحت سقف واحد و بيت قديم هل بيتغير حالهم للأفضل ولا بيجلسون على ذا الحال؟؟.
