كيـف أنا فيك آتسلى وانت وجهك قبلهً لـي

بارت 16

ريان: ناخذ كوفي ونرجع البيت
ركبو السياره و توجهو للكوفي
عروب: بعدها نروح البقاله ناخذ عصيرات لليل و نطلع
ريان: اقول احمدو ربكم اني طلعتكم بقاله مافيه
عروب: طيب مابي كوفي ابي البقاله
ريان: لا
عروب: طيب طيب
ريان: طلباتكم
غيم : انا و شهد و وصال و ريم نبي  V60 و يارا و نجد موهيتو و عروب مادري
ريان :جيب 5 V60 و 2 مهوهيتو
عروب: و انا؟؟؟
ريان: مسويه فيها زعلانه ازعلي خلي الزعل يفيدك
غيم: حرام عليك ما اكلت شي من الصبح
ريان: لو تبي كان تكلمت
غيم: طيب كانت نايمه
ريان استلم الطلب و وزع مشروباتهم
نجد :الخامس لمين؟
ريان : لي
فكت عروب الباب و كان ماك قدام الكوفي
غيم فتحت الدريشه: تعالي عروب وين رايحه
نجد: ريان شفيك عليها ترا ماهي رجال عشان تقسى عليها و قسوتك ذي مارح تفيدك عروب حساسه اي كلمه تتحسس منها و فوق ذا كله ما اخذت طلبها
ريان: بتسوون محاضره عشانها
غيم: ايه وصلنا البيت و ارجع لها لان ماك زحمه مارح تاخذ طلبها بدري
نجد: والله لو ما وديتها ترا اعلم ابوي
ريان: وفري تهديدك
نجد: تكفى ياخي حرام عليك
ريان :بوصلكم و ارجع لها
وصلهم ورجع شافها تنتظر طلبها وهي تصيح
ريان:تصيحين عشان كوفي؟
عروب : أنا كم لي اقولك ابي اطلع و لمى طلعت ما شريت لي
ريان: لانك ما تكلمتي
عروب: لانك ما عطيتني مجال اتكلم!
ريان: مشكلتك بنتضر عشر دقايق لو ما جا و أكلتي بمشي
عروب: امشي ما قلت انتضرني
ريان: مجبور والله الا مشيت وما انتضرت ثانيه
عروب: طيب توكل
ريان جلس ينتضر
وصل طلبها وجلست تاكل بكل برود عشان تستفزه بس قدامها اكثر واحد بارد
ريان: بطلع ادخن إذا خلصتي اطلعي
عروب سحبت دخانه : ماعندي ذي الحركات
ريان: جيبي
عروب: ما استهبل يسبب سرطان و يسبب..
ريان: مالك دخل
عروب رمت دخانه بالزباله (الله يكرمكم)
عروب: مافيه يعني مافيه يلا نطلع
ريان: سحبها بقوه للسياره: تبينها كذا؟
عروب بدموع التماسيح: جرحتي والله ما اسامحك
ريان: ماتمشي علي
عروب: طيب
طلع دخان ثاني وشالته عروب: ياخي وش الفايده تكتمني و تأذي نفسك
ريان رفع صوته: ترا وربي لو ما ترجعين ما يصير خير
عروب بعناد رمته من الدريشه: ما سويت كذا إلا اني اخاف على صحتك
ريان: طيب بتشوفين
عروب: طيب لا تسرع
ريان: ماسرعت
عروب: كيف و السرعه  200
ريان: عشان تتعلمين ما تأخذين شي مايعنيك
عروب صرخت : ريااانننن وقففف
ريان لف على عروب: ما اسمعك
عروب: خلاص ياخي اسفففه

ريان هدا سرعته: خليك كذا
عروب: وين رايح
ريان: بجيب خالتي نوال
عروب: مين ذي
ريان : اخت امي
عروب: متزوجه؟ عندها بنات؟ عندها عيال؟
ريان: ياكثر سألتك ،زوجها توفى و ماعندها إلا بنت اسمها جود
عروب: مين جود؟
ريان: كانو يقولون ريان لـ جود و جود لـ ريان
عروب ناضرته من فوق لتحت: طيب
ريان: اشوفك ما حبيتي الوضع
عروب: إلا حبيت
ركبت خالته نوال قدام: هلا والله كيف حالك ريان
جود بتصنع: كيفك ريان
ريان: الحمدلله تمام وانتو كيف
نوال: الحمدلله بس مين ذي وراك
ريان: بنت عمي
نوال بكراهيه: اها يعني من أهل ابوك
جود تحاول تتصنع: هاااي شسمك؟
عروب : عروب
جود: ههه تذكرت السمكه الي عطاني إياها ريان وانا صغيره
عروب: وش الرابط العجيب ذا
جود: لان ريان قال اسم السمكه عروب
ريان ناظر عروب بالمرايه ، وعروب بادلته النضرات
عروب :حلو اسمها بس ريان ليه سميتها كذا ؟
ريان الي كلهم أنصدمو من جرائته
ريان: كنت احب عروب فا سميتها كذا
عروب: كنت؟ 
نوال: الولد له بنت خالته ولا لا؟
جود: هه اكيد
عروب تستفز جود: ريان نفسي بكوفي
ريان بنفس عميق: طيب
جود تضحك:الحين تطلب موهيتو ابو ذوق الأمهات
عروب تتصنع: عشان جود اطلب لي موهيتو
...
وصلو البيت

رحبوا فيهم بسعه صدر عكس عكس نوال و بنتها جود الي كانو شوي وياكلونهم بنضراتهم
هيله: حي الله من جانا نورتي البيت
هتاف : حياك الله تفضلي
غيم سحبت عروب للغرفه: وش صار
عروب: ماابي اسمع لك كلمه لا انتي ولا اخوك
غيم : ياخيي لا تنكدين علي جايبه لي ولك شي خطيرر
عروب: وشهو
غيم : شي يخلينا نكمل وضيفتنا في المستقبل
طلعت غيم حقت الرقاصات وحطتها على خصرها
عروب: ععشققيي لازم بعدين نسوي جمعه بنات و نوريهم مهاراتنا في المجلس
غيم: صح و احسن المجلس لان الشخص الي برا مايشوف الي داخل
عروب: سمعتهم يقولون بيطلعون كشته العيال الساعه ٢ و يرجعون الصباح
يارا طلعت من وراهم: ححلوو بقول للبنات نتجمع هناك
عروب: ذي من متى ورانا
...

جلسو يسولفون و أخذتهم السوالف إلى الساعه ١ اليل
دخلت يارا على الحريم وهي تنادي ريم و شهد و وصال عشان يروحون المجلس
هيله: يا بنيتي ماودكم جود تجي معكم تراها ضيفه
يارا بابتسامة تسليكيه: هه إلا نبيها
راحو كلهم المجلس وبدت سوالفهم
جود: بنات تخخيلو رياني وش عطاني وانا صغيره
شهد: وشو
جود: هذاني سمكه وقال انه يحبني و بيجيني في المستقبل و يتزوجني
يارا: اخخ بس لو تشوفين الي يبيها ريان تقولين ليتني رجال و اخذتها
غيم: تدرين ان كان اسم السمكه عروب لانه كان يحبها
جود : بس ماكان يقصد عروب هااذي!
———————————
اعذروني قطعت لاني مشغوله و بأذن الله انزل لكم بشكل مستمر، اشكر كل شخص دعمني و كل وحده عارفه نفسها والله مانساكم حبايبي، نزلت بارت واحد و خليته طويل ❤️