كيـف أنا فيك آتسلى وانت وجهك قبلهً لـي

بارت5

قراءة ممتعه

عند هايف
هايف: سلمان ياوليدي وقف على جنب امدد رجولي شويات
سلمان: يبه باقي ٢٠ دقيقه ونوصل
هايف: اقول وقف وانت ساكت
سلمان: ابشر ابشر
وقفو على جنب وطلع هايف من السياره يمدد رجوله
بس صار الي ماكان في الحسبان ، وقفو سياره وراهم بالضبط ونزلو منها ٧ أشخاص وكان منهم هايم ، وكان معه مسدس وناوي ينهي حيات هايف ، مسكو هايف و سلمان و الي في السياره ،
هايم: هلا والله بخوي وراك ماعد ترد علي ولا خايف؟
هايف : اقول كل شي يصير بينا خلي الي فسياره يروحون!
هايم: ابشر بس اخلص منك و اخليهم يروحون بعدين
واحد من العصابه: س..سي..سيدي
هايم وجه السلاح عليه :لا تقاط كلامي يا قوس ولا بيصير فيك شي ثاني!!
قوس: ح..ح..حاضر
هايف: ابك وش مسوي فيهم حتى هم ما خليتهم!! انت ما تستحي على وجهك تجبرهم يصيرون رخوم مثلك ومثل ولدك الصايع الي يمشي ويحبب بنات الناس!!
هايم بعصبيه :اقوولل ولا حرف أنا الوحيد الي اتكلم على ولدي فاهم!!
هايف: لا ماني فاهم انت مب اخوي الاول كيف كذا مع الايام تغيرت ليه وش صار ؟، هايم ما تتذكر كيف كانت علاقتنا قويه ما تتذكر كيف كنا نلبس نفس السروال ما نغسله تتذكر كيف امي تلحقنا بسلك الملابس تتذكر كيف ابوي اربعه وعشرين ساعه يطقنا بعقاله، ومع ذالك كنا مع بعض وما افترقنا للحضه وحده! كبرت وصرت واحد ما تستاهل كيف ليه تغيررت!!
هيام ما انهزت شعره من كلام اخوه هايف و ببرود قال هايم: ادري تغيرت بس.. للأفضل
هايف: طيب ليه ساحب عيال الناس ومخليهم عصابه بس عشان تقتلني ؟؟ أخوك أنا اخووك!
هايم: لا تحاول مارح احن عليك
هايف : ما طلبتك تحن علي قلت ليه تغيرت سوال واضح
هايم: تمام اول شي كل ذا بسببك انت انت الي خليتني اكره الدنيا انت و امك و ابوك ما تستاهلون شي مادري كيف تحملت غثاكم كرهتوني و كرهتكم بس عشان سبب تافه مثلك
هايف: وين التافه  انت عصبت على امي عشان سحبت منك دخان !و ضربتها و ادمنت وصرت واحد مدمن و ابوي عجز صرت تسيطر على ابوي اكيد بتدخل و أدافع عنهم انا كذا بريت بوالديني انت عصيت وتقول ليه يكرهونك
هايم : مالك دخل انت تفهم ولا ما تفهم
هايف: لا تغير الموض......
ما كمل كلامه إلا و هيام طلق عليه بكل حقد وكره لاخوه
هايم: انت واحد ما تستأهل اضيع وقتي عشانه
قوس: سيدي فيه صوت شرطه بعيد
هايم: خلي جثته تتعفن هنا
قوس : حاضر
راحو كلهم إلا قوس الي كان بحيره هل ينقذ واحد كبر ابوه ولا يسمع كلام واحد ما همه إلا نفسه بعد تفكير عمييق قرر ياخذه و يمشي ولا كأنه صار شي
قوس يناضر المرايه و دمعته بطرف عينه: والله ياعم مو بيدي بس باسوي الي اقدر عليه
كان هايف يسمع كلامه لان الطلقه جت بطرف كتفه بس ما يقدر يتكلم او يتحرك منصدم من اخوه كيف سوا شي كذا كيف يحاول يقتل حياه اخوه؟!
قوس: ياعم تكفى سامحني ان كنت تسمعني والله اني مجبور بتقول كيف لانه يصرف علينا في الشهر ٢٠٠٠ هي نعمه بس كيف بتكفينا اوديها للكهربا ولا المويا ولا المقاضي ولا ولا ولا ، أشياء كثيره كيف بتكفي كيف
هايف ناضر المرايه وشاف وجهه واضح ان وجهه مافيه إلا الخير
هايف بين نفسه: مسامحك يا ولدي والله مسامحك
—
عند نجد و سامر
نجد: انت وش تبي في وحده ما تبيك ما تحبك افهمم وليه موقف في ذا الطريق مافيه إلا بيتين و واضح مهجور
سامر: مارح يصير شي بس بسلم على ساره و اجيك و المكان مو عشانه شبه بر صار مهجور
نجد: سد فمك يابو البنات
سامر لف عليها: عيديها وشوفي الي يجيك
نجد: يابو البن... ما كملت كلامها إلا و سامر يرمي عليها كوب الشاهي الحار على يدها
نجد تصرخ بألم وماقدرت تمسك نفسها قامت تصيح على كل شي صار لها و تحس انها السبب في كل شي صار
سامر من كثر الغضب نسى السياره مفتوحه و نجد استغلت الوضع و نزلت وصارت تركض و تصيح بشكل هستيري إلى ان ابتعدت عنه بشكل كبير
—-
عند طلال و ياسر
ياسر: الحين سكر الباب عليك و على الوراعين و انتبه لهم بجيب سيارتي عشان نروح بيت آمن
طلال الي كان مو بعقله مو مستوعب الي صار و كيف بيطلع من البيت الي كل ذكرياته فيه ، اخذ نضره على البيت وكل زاويه فيها ذكريات مشى اتجاه غرفه ابوه و انسدح على سريره بتعب كبير تذكر كلام ابوه
نرجع للماضي~~~
هايف: يا عيالي احس ان موتي قرب
سلمان فز : الله لا يقولها
حصه: يبه لا تقول كذا
هايف: أنا اقول احس احس
فهد: يبه مايصلح تخوفنا كذا
ضحك هايف من خوفهم عليه
هيله: والله لو عاد تحس مره ثانيه مايصير خير
فيصل: أووه امي تخاف على ابوي
طلال : واضحه يمه
الهنوف: هاو ؟ ترا معها حق تخاف عليه
سلمى: ايه بعد كلنا نخاف عليه
هايف: اسمعوني امانه عندكم إذا مت ل لا قدر الله ابيكم تفتحون وصيتي في الغرفه مو الحين
طلال: وليه مستعجل
هايف: ماني بمستعجل لاكن اقولكم بس
نرجع للحاضر~~~
طلال وهو يتذكر جلس يصيح و يتذكر كل شي
طلال بينه وبين نفسه: والله ثم والله ثم والله لايرجع كل شي نفس ماكان ولا ما اكون ولد هايف بن نهيان
ياسر دخل على طلال وقال : الحمدلله قدرنا نمسكهم و نرجعهم كلهم سالمين الا هايم و ...
طلال : تكفى لا تقول ابوي
ياسر: مو بيدي والله
طلال انهار و قام من الارض يصرخ بشكل هستيري مو مستوعب كيف صار كل ذا
ياسر : تكفى يا طلال اهدا وربي يرجع ابوك انت بس ادعي
اغمى على طلال وحلقه تجرح بسبب الصراخ القوي
دخل ابو خالد ( إبراهيم )
ابو خالد بدون اي تردد شال طلال 
ياسر: يابو خالد وده المستشفى وانا هنا مع الوراعين
~~~
نجد مدت يدها عشان توقف اي سياره
لقت سياره بعيده جايه نجد حسبت انه سامر راجع لها مره ثانيه لاكن ركزت لقتها سياره غير ارتاحت و مدت يدها عشان يوقف لها
~~~
عند سامر
سامر دخل البيت و كان ينادي شهام
سامر : كم؟
شهام: بـ***
سامر: وراها غاليه ترا كلها مىْوم
شهام: تبي تشتري اشتري ما تبي سريها
سامر: جيب جيب
طلع سامر و معه مويا فيها مىْوم ، صرخ يوم شاف الباب مفتوح ومافيه احد
سامر: وينها بنت الكلب الله لا يوفقها
~~~
عند قوس و هايف
شاف وحده تأشر له من بعيد و واضح عليها التعب
توكل على الله وراح لها
قوس: انس ولا جن
نجد: حسبي الله جن في عز الضهر؟!
قوس صد عنها لانها كاشفه
نجد شرحت له السالفه من يوم مادق الجوال إلى وصولها هنا ، قوس تورط لو تشوف الي ورا راح تخاف منه و ما يقدر يركبها قدام لانه مو محرم لها
قوس: اركبي قدام
نجد: لا بركب ورا
قوس طيب بفهمك كل شي
بدأ يشرح لها كل شي صار من الف إلى ياء
نجد: انت عصابه؟
قامت نجد تركض ونزل قوس بس كان اسرع منها و مسك يدها وقال والله يابنت الحلال ماني مسوي لك شي
نجد ارتاحت مره بس ما تبي تبين
نجد: خلاص فكني بس بركب ورا
قوس: ارجع و اكرر في واحد ورا
نجد : ليه ما يجي قدام؟ ولا تبي تستدرجني
قوس: مصااااب مصاابب رصاصه بكتفه
نجد وهي تصيح: طيب ليه تنفخ
قوس : اسف اركبي
نجد : ابي ادق على اخوي
قوس مد لها الجوال و جى على بالها طلال دقت عليه
~~~
عند طلال وأبو خالد
ابو خالد: طلال ترا كلنا سالمين
طلال ادري ادري بس ابوي تكفى يبو خالد ابوي احتاجه
ابوخالد: ابشر بأذن الله يرجع
دق جوال طلال و ابتسم لا شعوري لما شاف اسم قوس خويه من اولى ابتدائي إلى المتوسط
طلال بشعور متلخبطه : اسلام عليكم
نجد: طلال انا نجد
فز طلال: وينك و وش جاب جوال قوس لك
نجد: مين قوس
قوس: انا
نجد: قالت السالفه له
طلال: الحمدلله خليك معه
نجد: شعرفك فيه؟
طلال : خويي
نجد : اها تمام
مدت الجوال له
قوس : معليك اختك بترجع سالمه بأذن الله
طلال: افا يالقوس ماعرفتني
قوس : الللاااا يابععدد حييي والله مادريت شلونك شخبارك عساك طيب
طلال: الحمدلله انت شلونك
قوس: اخضر هه امزح الحمدلله
طلال: يا سخيف سخافتك ما تخليها
سولفو و تغيرت نفسيه طلال مره قفل طلال
لفت نجد و صرخت :.....
___________________________________________
اتمنى عجبكم تكفون ابي دعم يحفزني اكمل و انزل بارت اقوى و مليان احداث، ايضا راح يكون اكثر من ٢٠٠٠ حرف وعد مني إذا جاب دعم💙💙