كيـف أنا فيك آتسلى وانت وجهك قبلهً لـي

بارت 8

..
هايف الدمعه بطرف عينه بس مايبي يوضح وهيله ماتبي توضح لهم انها بتصيح
هايف: هاه يا بتني وش قلتي و تراه رجال كفو محافظ على دينه
حصه: خلاص  موافقه بس بشرط
هيله : هاه وشهو شرطك
حصه:بيت بس
هايف: مبروك يا بنتي والله يتمم لك على خير
هيله: مبروك ياحصوص والله يتمم لكم على خير
...
عند ياسر ما كان مصدق انه بياخذ الي مأخذه عقله
ابو ياسر: امش خلنا نرجع
ياسر: امي باقي ما طلعت
ابو ياسر: امك اليوم طالعه غير
ياسر: الحمدلله وهي اني اقدر اتأملها
ابو ياسر: ارفع علومك ولاشوفك تقول ذا الكلام
ياسر: اوف يبه طلعت غيور تراها امي
ام ياسر ركبت السياره: البنت ماشاءالله تهبل بسلوبها و شكلها
ياسر وهو يحاول يستفز ابوه: يمه وش الحلاوه ذي تعودنا عليك حلوه بس اليوم زايده بلمره
ام ياسر ضربت كتفه بخفه: ههه استحي لا تقول كذا
ياسر: يلبى الي يستحي
ابو ياسر: ارجع ورا انا بسوق
ياسر: يبه ما يصلح  لاز..
ابو ياسر: اقول ولا حرف ارجع
ام ياسر: لا ياسر تعال قدام ولا ترا برجع ورا
ياسر: افا يمه شفيك
ام ياسر: شوف ابوك يبي ياخذ الثانيه له اسبوع على ذا الموضوع
تقدم ابو ياسر وطلع ثلاث خواتم: انتي الاوله و الثانيه و الثالثه و الرابعه وحبي لك كل ماله يزيد
استحت ام ياسر: اص لا يسمعنا بس ههه
ياسر: طلعت حق غزل هاه؟؟
ابو ياسر: اقول انطم ورا خلني اتأمل اختيار امي
...
حصه: نجد مقدر مقدرر مابي اروح و اخلي امي
نجد: شفيك هاذي وهي باقي ما جت الشوفه
حصه: اسكتي بالله مب فاضيه لك
سلمى: يووه ذكرتيني يوم جا ابراهيم يتقدم لي كنت اصيح و استخرت سبع مرات وكنت مرتاحه بس برضو مابي فراق الام
حنان: والحين اروح عند امي اسبوعين في الشهر و الحمدلله مرتاحين
...
عند راكان و غيم
غيم : راكان ليه جالس هنا
راكان: مادري بس تعالي اقولك وش سمعت
غيم: حتى انا في اخبار كثثير
راكان: انا اول
غيم: اناانا تكفى تخيل في ناس تقدمو لحصه و حصه تصيح تقول تبي امها
راكان: ايي تخيلي شفتي الي تقدم لها طلع لواء و غني و بيصير عندها بيت لها
غيم: طيب ابي اصير لواء إذا كبرت
راكان: ما يصلح لازم رجال انا بصير عشانك
غيم: شاطر
...
عند عروب و ريان
عروب ركضت اتجاه ريان: رييووونني
ريان: خير
عروب تصيح: زعتر ضاع
ريان: عادي اجيب لك غيره
عروب: ريون انت يوم جبت زعتر لي قلت ما أضيعه والحين ضاع
ريان: عادي اجيب ثاني
عروب: من وين
ريان: ازرف من شبك جارنا سمعته يقول مايبي غنمه
عروب: شكرا رونيي
ريان: بمقابل ما تناديني ريون
عروب: اممم افكر بس اول شي جيبها
...