وعند ياسر
شالهم وراحو عند الغنم عشان يتونسون شوي
عروب: زعتر وينه؟
ياسر: زعتر مين؟
عروب: خروفي
ريان كان معجب فيها بس مايبي يقولها لانه عارف انها تعلمهم
ريان: هناك
عروب: شكرا ريوني
ريان: وجع لا تناديني كذا!!
عروب: اوكي ريوني
احمد: ياسر تتحداني انحاش؟
ياسر: لا
عزيز: معليك امش و خله
ياسر: عيد العزيز ارجع مكانك
احمد و عزيز انحاشو ولا همهم تهديد ياسر
عزيز: لالا ما يصلح لازم ننادي سالم
احمد: يلا نناديه
ياسر بصوت عالي: يلا يا عيال نروح و نخلي احمد و عزيز
سالم: وينهم
ياسر: بتروح مثلهم؟
سالم : لا أنا ما احب اروح معهم بس وينهم
ياسر: هناك
سالم: صدقت؟ ههههه
انحاش سالم و لقى احمد و عزيز و فرحتهم ما تنوصف
ياسر: اجل خليهم هنا و نرجع البيت نشوف ماما و جدو
احمد وهو يركض: امممي ويين
ياسر : في البيت ينتضرونا
رجعو من البيت وكل ورع راح عند امه
طلال: والله يا ياسر انك ماقصرت معنا و تعبت مع الوراعين والله اني مستحي منك ماعرف كيف ارد جميلك
ياسر: لا ياخوي ولله استانست معهم و الحمدلله قبضو على هايم
طلال دق تحيه: عز الله يعزكم
ضحك ياسر: استرح استرح انت في السعوديه مايضيع حقك
طلال: يلوموني في حب السعوديه
كمل طلال: تفضل تفضل
ياسر: لاولله مشغول اربع ايام مارحت المركز
طلال: تتفضل لا تردني
ياسر: ما أردك تم
طلال: ادخل بجيب القهوه وجايك
ياسر دخل المجلس لكن ماكان يدري انه بيشوف وحده ماقد شاف بنت بجمالها وشافها لابسه فستان ابيض مخصر وشعرها يغطي ضهرها
حصه تنادي بصوت عالي :يمه متى يجون الجيران
هيله: مادري حياهم اي وقت
لفت تبي تطلع لكن صدمت بجسم شخص طويل لابس ثوب كحلي وريحه العود تفوح بالمجلس و اختلط مع ريحه العطر النسائي
لفت حصه من سمعت صوت
ياسر صد عنها: طلال قالي ادخل المجلس
ارتاحت انه صد وعرفت انه رجال كفو مارح يسوي لها شي
راحت بدون ما تتكلم بس ماتدري انها بتجلس بعقل واحد ما يداني الزواج ولا طاريه
دخل طلال: اجلس وراك واقف
ياسر: الحين ماعندي وقت ولازم اروح بكرا بجيك و بجيب ابوي معي في موضوع لازم اتكلم عنه
طلال: يعني اقول لابوي؟
ياسر: ايه بكرا بأذن الله
أنت تقرأ
كيـف أنا فيك آتسلى وانت وجهك قبلهً لـي
Художественная прозаقصه خياليه عن عائله متكونه من جد و جده و احفادهم تحت سقف واحد و بيت قديم هل بيتغير حالهم للأفضل ولا بيجلسون على ذا الحال؟؟.
