අවාරයේ සකුරා (complete bl)

episode 01

අවාරයේ සකුරා මල්

🌸.......●●●

මේ ලෝකේ හැම මලකට ම හැංගුන රහස් කථාවක් තියෙනවා..
ඒක උබ දන්නවද ..?

සොහොන ගාව තනි රකින අරලිය මලකට
ආදරේ නාමෙන් පේ වෙන සූරිය මලකට ..
හුගක් තැන්වල අතින් විතරක් අරගෙන
හිතින් කුණු කූඩේට දාන
රෝස මලකට...

ඔව් ඒ හැමෝටම කතාවක් තියෙනවා.

මේ එභෙව් අවාරයක පිපුන සකුරාවක කතාව ගෙත්තම් කිරීමට අවසර ...

_______________________

හැමදේම පටන් ගත්තේ කොහෙන්ද...
කවුරුහරි ඇහුවොත්
මම ඒ දවස හරි ආදරෙන් වගේම සතුටින් මතක් කරනව ...

තරු මී  වල ඉපදිලා අවුරුදු පහලොවක් වෙනකන් උස් මහත් වෙලා හරි අහම්බෙන් තෝකියෝ වලට යන්න හම්බ වුන දවස ...

ආන්න ඒ දවස ..
ඒ දවසේ ඉදන් හැමදෙයක්ම මට කියන්න සිද්ධ වෙනව ..

තරු මී වල ඇහුන කුරුල්ලන්ගේ කිචි බිචියේ ඉදන් තෝකියෝවේ වාහනවල දුම් වලලු ගැන පවා මට කියන්න වෙනව ...

එච්චර දිග කතාවක් කියවන මගේ නමවත් ඔයා අනිවාර්යෙන් දැනගන්න එපැයි..

මම සචිසන්..
හදුනා ගැනීම සතුටක්..

ඉතින් මම මුල ඉදන් ම ඒ කතාව කියන්නම්.

වර්ෂ 1920 December 12 ..

"ආත්තම්මේ මම යුශීරා මුණ ගැහෙන්න යනව .."

ඇදිරි වැටෙන්න කලින් එන්න. උදේ රැයින් තෝකියෝවට යන්නත් එපැයි ..

මුහුදු රැල්ලකින් එන හුලං පාර ගම ඇතුලට එනකොට එක එක මල් සුවද කැන්දන් ආවා ..

ඒ හුලග මුමුණ කියන රහස් කතා අහන්න මම හුගක් ආස වුනා ..

තෝකියෝවේ හුලගත් මෙහෙම වේවී නේ ...

යුශීරාගේ ගෙදර තිබුනේ අපේ ගෙදරින් පැය කාලක දුරකින්...
ඉක්දෝ කන්ද පාමුල ...

යුශීරා කියන්නේ දන්න කාලේ ඉදන් මගේ එකම යාලුවා...

මේ ගමේ තියෙන ගස් කොලං වගේ ම සතා සිව්පාවා පවා අපි ගැන දන්නවා..

මොකද ගොඩක් වෙලාවට ඉස්කෝලෙ එපා කරපු නිව්ටන් ගැනයි අයිස්ටයින් ගැනයි ඉගෙන ගන්න පාඩම් වලට වඩා අපිට ඕන කරේ
තරු මී වල හුලං රැලිවල රහස් කතා අහන්න.
චෙරි මල් පිපෙන කාලය වෙනුවෙන් බලන් ඉන්න.
කන්ද මිටියාවතේ ඉන්න කුරුල්ලන්ගෙ පියාපත් යන යන පාර ඔස්සේ දුවන්න...
ඇත්තටම අපිට ඕන කරේ සැනසීමේ ඉන්න..