اللهم صلِّ وسلم وبارك على سيدنا محمد وعلى آله الطيبين الطاهرين اجمعين 💚
يا حي يا قيوم برحمتك أستغيث أصلح لي شأني كله ولا تكلني إلي نفسي طرفة عين💚✨
متنسوش اخواتنا في فلسطين من دعائكم 🥺
واحدة من أفضل الجُمل التي سمعتها على الإطلاق كانت على لسان الشيخ الشعراوي "لن تحصل أبدًا على شيءٍ كامل، ستحصل على أشياء ناقصة تكتمل برضاك".. فاللهم الرضا الذي يجعل قلوبنا هادئة، وهمومنا عابرة، ومصائبنا هيِّنة، اللهم الرضا الذي ينتهي بأبواب جنتك ❤❤❤❤❤❤❤❤❤❤❤❤🔖""_
في صباح يوم جديد استيقظت بتول مبكرا وقامت لتوقظ هيلين
بتول: هيلي هيلي
هيلين بنوم: نعم
بتول: ما تقومي مش هتروحي الجامعة
هيلين: مش عاوزة
بتول: قومي يا زفتة انتي متعرفيش الدكتور اللي هيجي دا هيبقى عامل ازاي
هيلين بتأفف: حاضر قومت
بتول بضحك: شطووورة يالا هروح اصحي الباقي
هيلين: طيب
خرجت من جناحها متجهة نحو جناح اخيها اولا
بتول وهي تدق على الباب: يا ابيه
آسر: انا صاحي يا بيتو
بتول بابتسامة: ماشي هروح للبنات
ذهبت الى جناح فيروز ودقت الباب ودخلت
بتول: انتي يا حاجة انتي وهي
ولكنهم لم يردوا
ذهبت نحو الستائر وفتحتها
فيروز بتأفف: استغفر الله العظيم يارب اقفلو النور
بتول: قومي يختي انتي وهي عشان تفطروا وتشوفوا وراكو اي
ريماس: معندناش حاجة
بتول: هتقوموا ولا اخلي آسر يجي يصحيكوا
قاموا بفزع ما عدا فريدة
بتول بضحك: ودي ما قمتش لي
فيروز: دي ميتة مش بتحس بحاجة
فريدة بنوم: والله يا فوااز لو مسكتي لاقوم اموتك
بتول: طب ما انتي صاحية اهو قومي
فريدة بتأفف: خير يا ست بتول
بتول بضحك: قوموا عشان تفطروا وذاكروا حاجة قبل ما تمشوا
ريماس: انا قومت اهو الدور والباقي علي اللي لسه نايمين
بتول: انا هنزل وخمس دقايق لو منزلتوش انتو حرين
فيروز بسرعة: احنا نزلنا اصلاا
ضحكت عليهم بتول ونزلت وجدت اخوها وكريم وهيلين يجلسون في الصالون
بتول: صباح الخير
الجميع: صباح النور
آسر: صحيوا
بتول بضحك: اه لو مكنتش قولتلهم آسر هيطلع يصحيكم مكانوش قاموا
فيروز بصوت عالي من على الدرج: يااا اهل البيت انا جعاااااانة
ريماس من خلفها: حسوا بيناا يا ناااااس
فريدة بضحك: كتكوا هطل اوعوا
نزلت فريدة اولا ثم قالت بابتسامة: صباح الخير عليكم
الجميع: صباح النور
فيروز: فين الاكل يا ست بتول بقى
بتول بضحك: جاي اهوو
فيروز: انا هطلع
آسر بصرامة: خلصتوا اقعدوا
جلسوا من غير كلام وفيروز تجلس بخوف من نبرته العالية
آسر موجه كلامه الى فيروز وريماس: اي صوتكم العالي دا
نظروا الى بعضهم ثم نظروا له
آسر: بكلم نفسي انا ولا اي
فيروز وريماس بخوف: احنا اسفين
كريم: يالا الفطار جاهز
نظر له فيروز وريماس باعين دامعة وقاموا
كريم: استني يا روز انتي وريري
وقفوا ودخل بتول وهيلين وفريدة الى غرفة الطعام ولم يدخل آسر
كريم: اي يا آسر مدخلتش لي
آسر برفعة حاجب: نعم
كريم: عاوز اتكلم مع البنات شوية لوحدنا
قام آسر على مضض وبقى كريم وفيروز وريماس
كريم: مالكوا بقى
فيروز ببكاء: هو بيكلمنا لي كدا احنا ما عملناش حاجة غلط
ريماس ببكاء ايضا: احنا عاوزين نرجع بيتنا مش عاوزين نفضل هنا هو كل شوية يزعقلنا ولا اي
كريم:ممكن تهدوا وبعدين ما دا بيتكوا برضو بس هو مش بيحب الصوت العالي
فيروز ببكاء: يكلمنا براحة مش يزعق كدا
ريماس: وبعدين دا بيت فيروز انا عاوزة ارجع بيتنا
نظرت لها فيروز بصدمة فقالت بصوت عالي: اي الهبل اللي بتقوليه دا بيتي هو بيتك انتي فاهمة
ريماس ببكاء وصوت عالي ايضا: لا مش بيتي يا فيروز مش بيتي انتي فين وانا فين فرق كبير اووي
فيروز بصدمة وبكاء: ر.. ري.. ريماس انتي بتقولي اي انتي اختي احنا مفيش بينا الكلام دا انتي اكيد مش ريماس
ريماس ببكاء: هي دي الحقيقة يا فيروز اللي محدش يقدر ينكرها راجعي نفسك كويس وهتعرفي ان في فرق وكبير اووي بس هتفضلي اختي برضو
فيروز بسخرية: هه بعد اي بقى ما انتي قولتي كل حاجة خلاص يا.. يااختي
خرجت مسرعة والكل ينظر الى ريماس بصدمة اخذت فريدة اغراضها هي وفيروز وخرجت خلفها ولكن قبل ان تخرج قالت
فريدة: صدقيني هتندمي على كل حاجة قولتيها
خرجت بسرعة الى فيروز رأتها تخرج بالسيارة فاوقفتها
فريدة: هتسبيني وتمشي
فيروز ببكاء: عاوزة امشي من هنا
فريدة: حاضر افتحيلي وهنمشي سوا
فتحت لها وخرجت السيارات بسرعة ولم يتبقى ولا سيارة حراسة واحدة فكلهم خرجوا خلف فيروز
اما بالداخل اقتربت بتول من ريماس
بتول بغضب: اي اللي انتي قولتيه دا ازاي تكلميها كدا اصلا
ريماس ببكاء: سبوني في حالي
آسر: بتووول
بتول بغضب: انا ماشية
خرجت هي الاخرى واستغربت فلم تجد ولا سيارة حراسة واحدة ولكنها اخذت سيارتها ومشت نحو الجامعة وخرجت خلفها هيلين هي الاخرى
آسر: انا ماشي يا كريم وصل ريماس الدرس وتعالي
كريم: حاضر
خرج آسر ايضا ولم يبقى سواهم
كريم بهدوء: ممكن اعرف عملتي كدا لي
ريماس: عشان دا الصح
كريم: غلطانة دا مش الصح انتي اكتر واحدة عارفة فيروز واكتر واحدة عارفة هي بتحبك ازاي وبرضو عارفة انها ممكن تعمل اي حاجة عشانك حتى لو هتسيب البيت وتيجي تقعد معاكي صح ولا انا غلطان
بكت ريماس كثيرا فهو محق هي لا تعلم لماذا قالت لها هذا
كريم: ممكن تهدي عشان اوصلك
خرجوا بعد ان غسلت وجهها جيدا واتجهوا نحو السنتر
عند فيروز كانت تبكي وفريدة بجوارها
فريدة: بالله تهدي حرام عليكي اللي بتعمليه في نفسك دا
فيروز ببكاء: هي ازاي تقولي كدا ازاي دي اكتر واحدة عارفة انا ممكن اعمل عشانها اي حاجة وفي الاخر تقولي كدا
فريدة: هي تلاقيها اضايقت من حاجة بس ما انتي كمان عارفاها يا روز
اخرجت فيروز هاتفها ودقت الى اخيها
مازن: حبيبة ولكنه صمت عندما استمع بكائها
مازن بخوف: حبيبتي مالك
فيروز ببكاء: انا عاوزة امشي يا مازن مش عاوزة افضل في القصر
مازن بخوف اكبر: اي اللي حصل حد كلمك
فيروز وقصت عليه كل شئ
فيروز: مش عاوزة افضل انت هتيجي امتى
مازن: ممكن النهاردة بالليل
فيروز: انا هروح عند فريدة يا مازن مش هقدر اقعد صدقني
مازن بتنهيدة: ماشي يا روز بس لو جيت النهاردة هاجي اخدك
فيروز: بس انا مش عاوزة ارجع القصر
مازن: خلاص هخدك ونروح الشقة بتاعة بابا
فيروز: ماشي متتاخرش
مازن: سلام يا حبيبتي
فيروز: سلام
فريدة بمشاكسة: اي دا اي دا يا فوااز هتيجي تباتي معايا لا لا مش مصدقة
فيروز بضحك: لو قولتي فواز تاني مش هاجي معاكي
فريدة بضحك: ما انتي بتقولي فرفر وبسكت برضو
فيروز: ماشي لو سمحت ممكن توصلنا السنتر بقى
السائق: حاضر يا هانم
وصلت ريماس السنتر ودخلت ولم تجد فيروز ظنتهم بدأو ولكنها رأت ولاء واحمد يتجهون نحوها
ولاء: ازيك يا ريري اومال فين البنات
ريماس باستغراب: فين اي هما مجوش
ولاء: لا هو في حاجه ولا اي
ريماس: تعالي طيب نقعد
جلسوا وحكت لها ريماس ما حدث
ولاء: ازاي تقوليلها كدا يا ريري
ريماس: اللي حصل بقى
دقائق وكانت فيروز تدخل هي وفريدة
فيروز: هاي ازيكم
ولاء باستغراب: الحمدلله
فريدة: تعالي يا فوااز نروح نحفل على حد هقهقهقهق
فيروز بضحك: يالا بينا
ولاء باستغراب: هي دي فيروز
ريماس: ولسه انتي شوفتي حاجه
ولاء: اي اللي هيحصل
ريماس: ادينا هنشوف وست فيروز هتظهر وشها التاني
ولاء: ربنا يستر
اما في الجامعة وصلت بتول وهي غاضبة جدا ومن خلفها هيلين
هيلين: يا بيتو استني
بتول: هيلي لو سمحتي
هيلين: في اي انا كلمتك
بتول: انتي ما شوفتيش ريماس كلمتها ازاي هي بتكلمها لي كدا
هيلين: بصراحة معرفش هي كلمتها كدا لي واي اللي خلاها تقول كدا اصلا
بتول: انا هتجنن خايفة على فيروز
هيلين: متخافيش فريدة معاها
بتول: دا اللي مصبرني اصلا ان فريدة معاها
جأ اليهم فتاتان
الفتاتان: السلام عليكم ورحمة الله وبركاته
بتول وهيلين:وعليكم السلام ورحمة الله وبركاته
الفتاة الاولى: مين انسة هيلين
هيلين باستغراب: انا
الفتاة الثانية: احنا بنشكرك جدا على اللي عملتيه
هيلين باستغراب: لا معلش مش فاهمة انا عملت اي انتو تعرفوني
الفتاتان بضحك: انتي متعرفيناش بس احنا عرفناكي من البنات وكمان صحبتنا قالت انك وقفتي للدكتور اللي منعنا من الدخول بالنقاب
هيلين بابتسامة: اه انا معملتش حاجة يا قمر انا عملت الصح وبعدين اخويا اللي عمل انو فصل الدكتور دا بصراحة هو يستاهل اللي حصلو ودي كلها ترتيبات ربنا عشان ترجعوا تاني وبعدين انا مش بعرف اسيب حقي بصراحة
الفتاتان: شكرا ليكي مرة تانية ووصلي شكرنا لاخو حضرتك
هيلين بابتسامة: العفو يا حبيبتي
غادروا الفتيات
هيلين: ربنا يقدرنا على فعل الخير
بتول: هتتغري في نفسك بقى انا هقوم عشان مش نقصاكي مش هيبقى انتي وبنت عمك
ضحكت هيلين وظلت جالسة حتى يأتي موعد محضرتها
جأت اليها فتاة اخرى
البنت: هاي
نظرت لها هيلين باستغراب
هيلين: اهلا
البنت: انتي هيلين صح
هيلين: ايوا مين انتي
البنت: انا شاهندا معاكي في الفرقة
هيلين: اهلا يقمر
شاهندا: ممكن اقعد معاكي
هيلين: اكيد اتفضلي
شاهندا: انتي بجد من تركيا
هيلين: دا يخصك في اي
شاهندا بغيظ: ولا حاجة وبعدين احنا زمايل عادي يعني
هيلين بعد ان قامت: انتي قولتي اهو زمايل تشاو يا شاهندا
مشت وظلت شاهندا تنظر لها بغيظ وغضب
شاهندا: بقى انتي تكلميني كدا ان ما وريتك
ذهبت هيلين الى المدرج ووجدت من يشاور لها وجدتهم البنتين اللي قابلتهم اتجهت نحوهم بابتسامة
هيلين: اهلا يا بنات
الفتيات: تعالي اقعدي معانا لو مش هيضايقك
هيلين بابتسامة: لا خالص
جلست ثم نظرت للبنت اللي جانبها
هيلين: انتي اللي وقفتي امبارح مع الشاب صح
البنت بضحك: ايوا بصراحة كنت متغاظة جدا من الدكتور دا ومصدقت ان حد اتكلم
هيلين بضحك: اي خدعة يستي عدي الجمايل
البنت بضحك: حاضر يستي
هيلين: ما تقولولي اساميكوا كدا نبدء بيكي انتي
البنت بضحك: انا يستي اسمي شاهي
هيلين: عاشت الاسامي بس شاهي اي بقى شاهي تركيا ولا لبنان
شاهي بضحك: دمك عسل بجد مش مصدقة انك من تركيا
الفتاتان بصدمة: تركيا
هيلين: في اي يجماعة اتصدمتوا لي كدا ايوا تركيا بس عرفوني بنفسكم الاول
الفتاة الاولى: انا شمس
هيلين: عاشت الاسامي يا شموسة
شمس: حبيبتي
الفتاة الثانية: وانا عائشة
هيلين: عاشت الاسامي يا عائش
عائشة بابتسامة: حبيبتي
شاهي: اسكتوا الدكتور دخل
التفتت هيلين واتصدمت من ما رآت
هيلين: معقوووول
عند فيروز كانت هي وفريدة ينتظرون الدرس
فيروز: فرفر
فريدة: نعم
فيروز: تعالي اعزميني علي حاجة
فريدة: انتي يبت مفيش دم خالص انتي اللي بتطلبي يا بجحة
فيروز: معلش يالا بقى انا نسيت الفلوس
فريدة: قومي قومي عشان مرتكبش فيكي جناية
فيروز بضحك: واهون عليكي يا فرفورتي
فريدة بتقزز: يععع اي القرف دا اي فرفورتك دي
فيروز بضحك: بدلعك
فريدة: فوااااز
فيروز: سكت اهو
خرجوا يشتروا شئ ياكلوه
اما امام قصر المهدي كان يقف يوسف الشامي واخوه واركان
يوسف: نورت مصر يا اركان
اركان: مصر منورة باهلها يا عمو
يوسف: إبراهيم يا إبراهيم
إبراهيم: يوسف باشا اهلا يا باشا افتح يبني البوابة
فتح الحارس البوابة ودخل يوسف الشامي ونزل هو واخوه وزوجاتهم واركان
يوسف: اعرفك يا إبراهيم اركان محمد المهدي اخو مازن
إبراهيم بصدمة: معقول يا باشا دا اركان بيه
يوسف بضحك: ايوا يا إبراهيم اومال فين الشباب
إبراهيم: اهلا اهلا يا اركان بيه نورت مصر
اركان بابتسامة: شكرا ليك مصر منورة باهلها
إبراهيم: آسر بيه واستاذ كريم راحوا الشركة وبتول هانم هي واستاذة هيلين في الجماعة والآنسة فيروز هي وريماس وفريدة في الدرس
يوسف باستغراب: مين فريدة
إبراهيم: بنت سعيد باشا
يوسف بتذكر: ايواا يعني مفيش حد خالص
إبراهيم: لا كلهم مشيوا
يوسف: هتعمل اي يا اركان
اركان: ممكن حد يجي يوصلني عند فيروز الاول وبعدين اروح لهيلي
إبراهيم: اكيد طبعا يا باشا محمود يا محمود
محمود: ايوا ياعم إبراهيم
إبراهيم: تاخد اركان باشا توصلوا عند الانسة فيروز في السنتر
محمود: حاضر اتفضل يا باشا
ذهب اركان معه بعد ان ودع يوسف والجميع
يوسف: إبراهيم اركان
إبراهيم: متخفش يا يوسف باشا دا ف عيني
يوسف: تمام احنا هنمشي عاوز حاجه
إبراهيم: مع السلامة يا باشا
عند فيروز كانوا اشتروا سندوتشات لانهم لم يفطروا وكانوا بيعدوا الطريق ولكن في سيارة كانت هتخبطهم على اخر لحظة وقفت
فيروز بغضب: ما تفتح يا اعمى انت
نظر السائق لها بخوف وقال: انا اسف جدا يا هانم
فيروز باستغراب وهي تتجه نحوه: محمود انت بتعمل اي هنا هي ماما چولنار نزلت
فتح باب السيارة ونزل وصدمت فيروز عندما رآته
اركان بابتسامة: اي موحشتكيش ولا اي
فيروز بصدمة ودموع: ا. اركان
اركان بزعل مصطنع: شكلي كدا هرجع تاني
اتجهت نحوه بسرعة واحتضنته بشدة وظلت تبكي
اركان: اهدي اي الدموع دي كلها
فيروز ببكاء: وحشتني اووي اووي انا مش مصدقة نفسي
اركان: وانتي كمان يا روحي وحشتيني اووي اهدي طيب
فيروز ببكاء: مازن هيفرح اوي لما يشوفك
اركان: هو في الشركة
فيروز وقد هدات قليلا: لا دا في امريكا بيخلص شغل
اركان: ماشي مالك بقى
فيروز: هحكيلك بعدين
اركان: ممم طب مش هتعرفينا طيب
فيروز بضحك وهي تشد فريدة من يدها: دي فرفر نستها
اركان بضحك: لا طبعا عاملة اي
فريدة بخجل: الحمدلله
اركان: فين ريماس وانتو بتعملو اي هنا
فيروز: ريماس في السنتر واحنا كنا بنجيب اكل
اركان: ماشي يحبيبتي انا هروح اشوف هيلين بقى
فيروز: لو روحت دلوقتي مش هتعرف تكلمها لانها عندها محاضرة ودا اول يوم ليها ف روح الشركة احسن
اركان: اوكي ماشي هروح الشركة
فيروز بسعادة: بااااي
اركان بابتسامة: باي يروحي
مشى اركان ودخلوا السنتر وهي سعيدة للغاية وبدأوا دروسهم
عند هيلين صدمت عندما رأت الدكتور
شاهي: مالك متنحة ليه كدا
هيلين: هاا ابدا مفيش
شاهي: ركزي طيب
هيلين: اوكي
ظلت تعبث في هاتفها ولم تركز ابدا في المحاضرة
الدكتور: الاستاذة اللي ماسكة الموبايل
ولكنها لم تسمعه
الدكتور بغضب: الاستاذة اللي ماسكة الموبايل
هيلين بنتباه: حضرتك بتكلمني
الدكتور: حد غيرك ماسك الموبايل وبعدين اقفي وانتي بتكلميني
قامت بتأفف فنظر لها بصدمة
هيلين: نعم يا دكتور
الدكتور: انتي هتردي
هيلين: انا مردتش حضرتك انا بقولك نعم
الدكتور ونسى انه ف المدرج: انتي نزلتي امتى
نظر له الجميع بصدمة
هيلين: نزلت من حوالي اسبوع
الدكتور: اتفضلي برا
هيلين بصدمة: نعم
الدكتور: ما سمعتنيش ولا اي يا هيلين بقولك برا
هيلين: انا ما عملتش حاجة عشان اخرج
الدكتور: مترديش عليا علشان ميبقاش ليا تصرف تاني مش هيعجبك
هيلين بغضب: ماشي هخرج
الدكتور: مش عاوز اشوف حد هنا واظن انتي فاهماني
هيلين بغضب اكبر: حاضر دي مبقتش عيشة اصلاا
اخذت اغراضها بغضب
شاهي: انتي هببتي الدنيا يبنتي
هيلين بغضب: والله لاوريه
شاهي بصدمة: هترفدي دا كمان دا جاي من برا مصر
هيلين: عارفة بس لما يخلص بس
شاهي باستغراب: انتي تعرفيه
الدكتور: انتي لسه عندك ليه اتفضلي انتي معطلة المحاضرة
هيلين: منا قولت خارجة باخد حاجتي
كانت تخرج وهي تنظر للجميع وهم ينظروا لها باستغراب وشاهندا تنظر لها بانتصار وقبل ان تخرج همست للدكتور
هيلين بهمس: وحياة ربنا لاوريك بس لما تخلص لينا مكان يلمنا يا آسر يا جندي
همست له بهذه الكلمات وخرجت وهي ستموت من الغضب اما هو ف ضحك وهذا ما صدم الجميع ف كيف تقترب منه هكذا وماذا قالت له ليضحك هكذا
الدكتور(آسر): اوكي يا شباب احب اعرفكم انا دكتور آسر هدرسلكم مادة........ اتمنى تكون سنة جميلة وتتعاونوا معايا
بدء بالشرح اما هيلين ذهبت الى الكافتيريا ودقت الى آسر
آسر:خير يا هيلي
هيلين: الدكتور طردني
آسر بصدمة: اييي ليه عملتي اي تاني
هيلين: مش لما تعرف مين هو الاول وانا معملتش حاجة
آسر باستغراب: يعني اي مين هو حد نعرفه
هيلين: اومااال دا يبقى آسر
آسر :آسر مين
هيلين بصدمة مما رآت: اركاااان
آسر: ما تخلصي يزفتة
هيلين: استني دا اركان هنا
آسر بزعيق: هيليييين
هيلين: اسفة معلش الدكتور يبقى خالو آسر واركان اخو فيروز هنا في الجامعة
آسر: ازاي دا مش فاهم منك حاجة
هيلين: استني بس اركان جاي عليا
اركان بابتسامة: بونچور
ولكنها لم ترد عليه
جلس بجانبها بضحك: مش بكلمك ولا اي
هيلين: انت اي اللي جابك وبعدين انت مالك بيا ودخلت هنا ازاي
اركان: اولا انا جاي اصالح حبيبتي ثانيا ملكيش دعوة دخلت ازاي
آسر: هو دا اركان
هيلين: يختااي انت لسه ع الخط ايوا هو
آسر: اديلو الموبايل
هيلين: خد كلم آسر
اركان: اي يا آسر
آسر: بتعمل اي
اركان: انا كنت جايلك الشركة بعد لما روحت لفيروز الدرس عشان هي قالت هيلين هلاقيها ف المحاضرة فقولت اجي اشوف برضو الاول
آسر: خلص وتعالي
اركان: حاضر
اغلق معه ونظر لها
اركان: ها انتي برا ليه بقى
هيلين بغيظ عندما تذكرت الدكتور: الدكتور طردني
اركان بغضب: نعم طردك ازاي دا قومي معايا
شد يدها وذهب الى المدرج كما وصفت له وكل ما تحكي يقول لها بان تصمت لحين يذهبوا
دق باب المدرج
الدكتور: ادخل
دخل اولا وقال
اركان بغضب: انت ولكن صمت ونظر للدكتور بصدمة وكذلك نظر له الدكتور
الدكتور(آسر): اهلاا خير
اركان وما زال مصدوم: انت
الدكتور(آسر) بغضب: خير يا استاذ
اركان : انت طردت هيلين
الدكتور(آسر) ببرود: ايوا
اركان ببرود مماثل: احب اعرف ليه
الدكتور(آسر): مش مركزة في المحاضرة
دخلت هيلين بعد ان ابعدت اركان فهي كانت تقف خلفه
هيلين: انا هدخل المحاضرة على فكرة ماشي انا كنت بشوف حاجة وبعدين المفروض تكلمني براحة مش تقولي اطلعي برا
الدكتور(آسر): انتي قاعدة مش مركزة عاوزاني اقولك اي وقولتلك محدش يجي وروحتي جبتي اركان برضو
هيلين وهي على وشك البكاء: على فكرة انا مكلمتش حد انا لقيتو جاي وسالني ف قولتله حتى ملحقتش اقوله مين الدكتور وجه على هنا
اركان : اهدي طيب لو سمحت يا دكتور ممكن كلمة
الدكتور(آسر): اتفضل
اركان : ممكن تخليها تدخل الاول
الدكتور (آسر): لا طبعا
اركان : معلش لو عملت حاجه تاني اطردها
اتنهد دكتور آسر: ادخلي يا هيلي بس لينا كلام تاني
هيلين وهي تدخل بسعادة: اه نبقى نشوف
كل هذا والجميع ينظر لهم بصدمة
اركان: ممكن تيجي معايا دقيقة
دكتور آسر: تمام
هيلين بعد ان جلست بجانب شاهي
شاهي: يا قادرة دخلتي برضو ازاي
هيلين بضحك: هو انا اي حد ولا اي
شاهي: بس هو انتي تعرفي الدكتور ولا اي شايفاكي بتتكلمي معاه كانك تعرفيه
هيلين بلامبالاة: هعرفه منين عادي
شاهي: مش مقتنعة بس ماشي
اما بالخارج
اركان : انت جيت ازاي وازاي اصلا بتدرس
دكتور آسر بضحك: طب قول حمدالله على السلامة الاول
اركان : بتكلم جد
دكتور آسر: يحبيبي انا اصلا دكتور جامعي مش بشتغل في الشركة
اركان: نعم ازاي
دكتور آسر بضحك: هو اي اللي ازاي يبني انت
اركان: اوكي ماشي مش مهم بس اهدى شوية على هيلين
دكتور آسر: هي هيلين دي حد بيقدر عليها دي كان ناقص تقوم تضربني
اركان بضحك: طب سلام انا بقى وربنا يعينك
دكتور آسر: هستناك بالليل
دخل المدرج وجدها تضحك مع زملائها
دكتور آسر: هيلييين
هيلين: نعم
دكتور آسر: ركزي ومسمعش صوتك
هيلين بغضب: هو مفيش غيري ولا ايي
دكتور آسر: مش بعيد كلامي
تنهدت بغضب وكانت تستمع له جيدا وكان يسألها وهي تجاوبه
دكتور آسر: اوكي يا شباب احنا خلصنا المحاضرة اللي عندو اي سؤال يتفضل
خرج الجميع وكانت ستخرج لولا انها رأت شاهندا تقترب منه فاقتربت هي ايضا
شاهندا بدلع: لو سمحت يا دكتور كان في حاجة مش فاهماها
دكتور آسر: اي هي
شاهندا: اللي هي ولكن قاطعتها هيلين
هيلين: اظن الدكتور سال ومحدش رد عليه مقومتيش ليه وسالتي يحبيبتي
شاهندا: انا مش بكلمك انتي
هيلين: دكتور عاوزااك
دكتور آسر: اي اللي مش فاهماها يا انسة
شاهندا بغيظ: خلاص
خرجت وبقت هيلين معه
هيلين: انت بتطردني قدام الكل
دكتور آسر: انتي اللي قاعدة مش مركزة
هيلين: تقوم تزعقلي وتطردني
دكتور آسر بخوف مصطنع: اهدي بس كدا وهنتكلم
هيلين: تعزمني وتخرجني النهاردة
دكتور آسر: حااضر
احتضنته هيلين: بحبككك اوووي انت نزلت امتى بقى وازاي انا معرفش
دكتور آسر بضحك: هحكيلك بس لما نخرج
ودعته وخرجت ولكن هناك من كان ينظر لهم
شاهندا بغل: والله ووقعتي يا حلوة
ذهبت هيلين الى الكافتيريا وجدت البنات يشاورون لها فذهبت لهم
هيلين: سبتوني ليه
شاهي: احنا فكرناكي معانا بنبص ملقيناش حد
شمس: كنتي فين بقى
هيلين: كنت في المدرج
شاهي: بت انتي تعرفي الدكتور دا ومتقوليش لا عشان مش مصدقاكي
هيلين بضحك: حاضر هقول
كانت ستتحدث ولكن وجدت بتول تدخل
هيلين: ثواني يا بنات ثم نادت على بتول
بتول بعد ان ذهبت اليهم
بتول بابتسامة: ازيكم يا بنات
البنات: الحمدلله
هيلين: اقعدي معانا
جلست بتول بجانب عائشة
شاهي: انجزي تعرفي الدكتور منين
بتول: اه صح مين اللي دخل عليكوا النهاردة وعملتي اي
عائشة بضحك: اطردت برضو
بتول: ينهارك مش فايت دا آسر هيموتك
شمس باستغراب: انتي كمان تعرفي الدكتور
بتول باستغراب ايضا: دكتور مين دا اخويا
شمس: الدكتور اسمو آسر برضو
بتول باستغراب: معرفوش لا انا اخويا مهندس
هيلين: خلاص انتو لغبطوا الدنيا يا بيتو الدكتور اللي جه النهاردة يبقى خالو آسر
بتول بصدمة: خالو آسر مين
هيلين: هي مش طالبة غباء على الضهر خالو آسر احنا عندنا كام خال اسمو آسر
بتول بصدمة: مستحيل آسر الجندي
هيلين: ايوااا
شاهي: استني كدا الدكتور يبقى خالك وطردك قدامنا كلنا
هيلين: هو انا سيبتو ولا اي هيخرجني النهاردة ويدلعني بسبب اللي عملو😂
بتول: طب وروحتي فين
هيلين: اسكتي مش اركان هنا وهو اللي دخلني واتصدم صدمة لما شاف خالو قدامو
بتول بصدمة اكبر: اركااان
هيلين: ايوا جاي يصالحني عمل زي مازن فاكرة😂
بتول بضحك: اه طب هو فين
هيلين: راح الشركة لآسر
نسيبهم شوية دول عالم رغاية😂
في الشركة عندما وصل اركان اوقفه الامن
حارس الامن: مين حضرتك
اركان: اركان
حارس الامن: اركان مين
اركان بشموخ: اركان محمد المهدي
حارس الامن بسخرية: والله انا صدقتك كدا مفيش غير مازن باشا المهدي انت مين
اركان بضحك: بجد طيب انت اسمك اي
حارس الامن: انت هتهزر
اخرج اركان هاتفه ودق الى آسر
اركان: الامن مش عاوز يطلعني
آسر: اديلو الموبايل
اركان الى حارس الامن: خد كلم
حارس الامن اخذ الهاتف: الو
آسر: اي يابني موقف اركان بيه ليه طلعوا بسرعة دا اخو مازن باشا
حارس الامن بخوف: حاضر يافندم
اعطى الهاتف الى اركان وقال: انا اسف جدا يافندم اتفضل حضرتك
دخل اركان وكمل حديثه مع آسر
اركان: انت فين بقى
آسر: اخر دور
اركان: اوكي
صعد اليه ودخل على السكرتير
اركان: صباح الخير
سعيد برسمية: صباح النور يافندم اي خدمة
اركان: عاوز ادخل لآسر
سعيد: في معاد سابق حضرتك
اركان: لا بس قوله اركان
خرج آسر وكان سيقول الى سعيد عندما ياتي اركان يدخله ولكنه وجد اركان
آسر: اركان تعالى سعيد اتنين قهوة مظبوط
سعيد: حاضر يافندم
آسر: ها خير
اركان: اي
آسر: اي اللي نزلك وانا معرفش
اركان: جاي اصالح هيلين واشوف اختي
آسر: هيلين عملت اي
اركان: اطردت وروحت ادخلها لقيت خالك آسر انا مبقتش عارف انطق لما لقيتو بس دخلتها برضو
آسر: اوكي
اركان: انا هعمل اي بقى مش بحب اقعد كدا
آسر بضحك: اشرب قهوتك وروح لكريم
دخل سعيد: القهوة يافندم
آسر: سعيد دا اركان محمد المهدي اخو مازن
سعيد بترحاب: اهلا اهلا يا باشا نورتنا
اركان: تسلم
اركان موجه حديثه الى آسر: بص بقى انا هاخد قهوتي وهروح اشربها مع كريم عشان لو فضلت معاك هتشل قولي كريم فين
آسر: والله ماشي لما نروح وكريم في الدور اللي تحتينا على طول
اركان وهو يخرج: هقعد في اوتيل انا مش مستغني عن عمري
ضحك آسر عليه كثيرا وخرج سعيد وهو مذهول
نزل اركان عند كريم
اركان للسكرتير: كريم جوا
السكرتير: ايوا يافندم اقوله مين
اركان: قوله حد عاوز يقابلك ضروري
السكرتير باستغراب: اقوله مين يعني
اركان: قوله كدا بس
السكرتير في سماعة الهاتف: كريم باشا في حد عاوز يقابلك ضروري لا يا باشا مقلش مين
السكرتير لاركان: اتفضل حضرتك
دخل اركان بعد ان سمع اذن الدخول
اركان: كيمووو والله وليك وحشة يا جدع
كريم بصدمة: اركاااان يخربيت عقلك جيت امتى
اركان: لسه نازل مع ابوك النهاردة
كريم: بابا كمان نزل
اركان: ايوا هو وعمك
كريم: طب كويس انت هتفضل معايا
اركان بضحك: ايوا آسر هتشل لو قعدت معاه ومازن مش هنا قولت اروح لكيمو حبيبي
كريم بضحك: احنا هنخربها النهاردة
اركان: تشرب قهوة😂
كريم بضحك: ما نخليها شربات
اركان: ياريت والله يابو نسب😂
كريم: بقولك اي هخلص الايميل دا ونتكلم
اركان: اوكي
اما في تركيا لم يحدث اي شئ سوا نزول يوسف الشامي واخوه وزوجاتهم وأمجد وزوجته واولاده
وارسل الباشا الى تمارا وسعيد بان يأتوا اليه
تمارا: ليش الكينج بدو ياني
والدتها(عهد): ما بعرف شوفي شو بدو وانزلي مشان بنتك وكلميها منيح
تمارا: انا شو عملت لها
والدتها(عهد): معاملتك معها كتير جافة هي بنتك عمليها حلو ليش كل هالقسوة هي
تمارا: حاضر ماما
ذهبت الى تركيا وجدت زوجها هناك
تمارا: سعيد انت هون
سعيد: ايوا الباشا كلمني وجيت
تمارا: اوكي حبيبي تعا ندخل
دخلوا وجدو رسلان وسليم يجلسون في الصالون ومعهم محمد الشامي
سعيد: تحياتنا إلكم
رسلان: تحياتنا اتفضلوا
جلسوا بجانب بعضهم البعض
تمارا: كيفك خالتو
سوزان: الحمدلله حبيبتي وانتي كيفك
تمارا: الحمدلله وينا خالتي يارا
يارا: هون يروحي
تمارا: اهلين فيكي
رسلان(الباشا): تمارا
تمارا بانتباه: نعم عمو
رسلان: ليش بتعاملي بنتك هيك
تمارا باستغراب: كيف
رسلان: انتي بتفهمي قصدي كتير منيح بدي هالتعامل يتغير وإلا رح اعمل شي ما يعجبك
تمارا: حاضر
رسلان: سعيد كيف الشغل
سعيد: كلو تمام يا كينج لا تشغل بالك
رسلان: رح تنزل مصر خلص دورك خلص وتروح لعند أمجد مشان الولاد عرفوا كل شي وبنتك عرفت
سعيد: عرفت
رسلان: اي واليوم الكل رح يعرف انو زهراء بنتو لأمجد
سعيد: اوكي
رسلان: تقدروا تسافروا هلأ
سعيد: من بعد اذنك
خرجوا متجهين الى المطار ف الباشا قد حجز لهم بالفعل
سعيد: اي اللي بيحصل وانا مش عارفه
تمارا بخوف: مفيش
سعيد بجدية: تمارا اي اللي بيحصل بينك انتي وفريدة
تمارا: هو اصل
سعيد: تمارا حبيبتي احنا معندناش غير فريدة يبقى نتعامل معاها كويس انتي ليه بتكلميها بجفاء دي بنتنا الوحيدة المفروض تديها كل حاجة عشان تبقى مبسوطة انا ملاحظ انها بتخاف منك جدا ومش بتتكلم معاكي زي ما بتتكلم معايا قربي منها دي بنت واكيد في حاجات هي مش هتعرف تحكهالي ويمكن تحكيلي وانا معرفش اوصلها الكلام صح زيك قربي منها ومتخليهاش تخاف منك اوكي يروحي
تمارا بحب: حاضر يروح قلبي انا بجد بحمد ربنا انو بعتك ليا انت احسن زوج في الدنيا كلها
ضمها سعيد اليه: حبيبتي انا مليش غيركم في الدنيا دي
صعدوا الطائرة متجهين الى ارض مصر الحبيبة
اما في السنتر خرجوا جميعهم
فيروز: اووف الحصة كان دمها تقيل بشكل
فريدة: عندك حق يا فواز والله احنا هنروح ننااام
فيروز: طب يالا بينا
ولاء: ريري تعالي اوصلك معانا
ريماس: لا يا حبيبتي روحي انتي كريم جاي
ولاء: اكيد
ريماس: ايوا
ولاء: خلي بالك من نفسك
ريماس: حاضر
اخرجت هاتفها ودقت الى كريم
ريماس: الو
كريم:اي يا ريري
ريماس:انا خلصت الدرس فاضي تجيلي ولا امشي
كريم:طب وفيروز
ريماس:مشيت مع فريدة
كريم:برضو ما اتكلمتيش معاها
ريماس:هتيجي ولا لا
كريم: جاي
اركان:في اي
كريم:ريماس وفيروز متخانقين ودلوقتي فيروز راحت مع صحبتها
اركان:صحبتها مين
كريم:بيقولوا فريدة بنت سعيد الاسيوطي
اركان:ايوا عارفها طيب انا هقوم اشوف روز وانت روح ريماس
غادروا هما الاثنان ركب كريم سيارته متجه إلى السنتر وركب اركان مع محمود وقال له بان يذهب إلى منزل سعيد الاسيوطي
اما عند فريدة وفيروز فكانوا قد وصلوا وجلسوا في الصالون ودقائق ودخل والدها ووالدتها
سعيد: السلام عليكم يا حبيبتي
فريدة بسعادة:وعليكم السلام ورحمة الله وبركاته
تمارا:عملتي اي ف اليوم اللي سبناكي في ده
فريدة:ولا حاجة فضلت مع روز وهي جت معايا النهاردة
نظر لها سعيد وتمارا
تمارا:اهلا اهلا يا حبيبتي منورنا
فيروز بخجل:بنورك يا طنط
سعيد بابتسامة:انتي بقى فيروز بنت محمد
فيروز:ايوا يا انكل فريدة قالتلي انك كنت صاحب بابا اووي
سعيد:ايوا فعلا جهزوا نفسكم عشان هنروح عند عمك يا فريدة
فريدة:بجد يا بابا
تمارا:ايوا يا روحي وكمان في مفاجأت كتير وهنعمل شوبينج كتير
فريدة:تمام بعد اذنكم
صعدت هي وفيروز وصعدت تمارا وزوجها ايضا
فيروز :يا فرفر اتكلمي كويس انا شايفة انها بتكلمك كويس اهي
فريدة بدموع:دا عشان انتي موجودة بس مش حابة تبان انها ام مش كويس قدام صحابي
فيروز:انا مش شايفة كدا بس قوليلي انا هروح فين لما تمشوا
فريدة:هناخدك معانا
فيروز:بس
فريدة:هشش اسكتي بلا بس بلا مبسش
تمارا من خلف الباب بحزن:ياه للدرجة دي انا كنت قاسية اووي كدا صدقيني يا بنتي هكون معاكي احسن من كدا بكتير
سعيد من خلفها:وانا عارف دا كويس وهي قلبها ابيض وهترجع احسن من الاول كمان
تمارا:طب يالا يا حبيبي نروح نلبس انا متشوقة لما يعرفوا
ذهبوا الى غرفتهم وارتدوا ملابسهم وفريدة وفيروز ايضا وخرجوا متجهين نحو منزل أمجد الاسيوطي كان اركان قد وصل ورائ سيارات الحراسة المكلفة بحراسة اخته فقال لمحمود بان يذهب خلفهم الى ان وصلوا الى منزل أمجد
اما في السنتر وصل كريم وركبت معه ريماس
كريم:هتروحي فين
ريماس:على بيتنا
كريم:تمام اصلا بابا وعمو نزلوا
ريماس:طب كويس
ظلوا صامتين الى ان وصلوا الى المنزل ونزلت ولم تتحدث باي حرف وعاد هو الى عمله
في منزل أمجد عندما وصلوا نادى علي على اخواته
علي:يا لولو يا احمد
ولاء:ايوا يا ابيه احنا فوق
علي:طب تعالوا عايزكم
احمد:علي انت فاضي واحنا مش فاضين خالص
علي:انت يا حيوان بتكلمني كدا ازاي انزل بقولك
احمد:عارف لو طلعت حاجة تافهة
علي:هتعمل اي يااذكى اخواتك
احمد:هقول لبابا
كل هذا وزهراء تضحك عليهم
علي:اخلص يا زفت بدل ما اجي اجيبك بطريقتي
نزلت ولاء واحمد بتأفف
احمد:نعم يا ولكن صمت عندما رائ والديه وفتاة اخرى
احمد بصدمة:بابا ماما
رويدا:تعالى يا قلب ماما
اتجه احمد اليها وضمها بحب وكذلك فعلت ولاء مع والدها وبعدها تبادلوا الأدوار ف احمد حضن والده وولاء والدتها
علي:وانا موحشتكوش ولا اي ياخسارة تربيتي
اتجه احمد نحوه:والله البيت مكنش ليه طعم من غيرك يابو علي
ولاء:فعلا يا ابيه والله كنا بنقول مين اللي هيجري ورانا الصبح بالحزام عشان نقوم
انفجرت زهراء من الضحك
ولاء:صح مش هتعرفونا
أمجد:ثواني بس في حد تاني جي
احمد وولاء باستغراب:مين دا
أمجد:ثواني وهتعرفوا
جلسوا جميعهم دقائق ووصل سعيد الاسيوطي واركان
الامن:مين حضرتك
سعيد:سعيد الاسيوطي اخو أمجد بيه
الامن:اهلا يا فندم اتفضل
دخلوا جميعهم واركان حمد الله انه دخل دون أن يسأله الامن
نزلوا من السيارة واركان ايضا
اركان:فيروز
نظرت له فيروز بصدمة وكذلك تمارا
تمارا وفيروز:اركان
ثم نظروا الى بعضهم البعض
تمارا:انتي تعرفي اركان يا روز
فيروز:ايوا يا طنط اخويا
تقدم اركان منهم وقال:بتعملو اي هنا
فيروز:انا جاية معاهم
اركان وهو يادي التحية فقد نسى تماما:تحياتي إلكم سعيد بيك وخالتو تمارا
سعيد:تحياتنا اركان
تمارا:اهلين فيك حبيبي ليش انت هون
اركان:مشان اختي وهيلين
فيروز وفريدة:انتو تعرفوا بعض
سعيد:طب كويس ان اركان هنا تعالوا ندخل وهتعرفوا كل حاجة
دخلوا جميعهم
سعيد:يا أمجد
أمجد:ادخل
دخلوا جميعهم وصدمت فيروز عندما رأت زهراء وكذلك اركان ولكنه لم يصدم كثيرا فهو يعرف بأنها بنت أمجد
فيروز بصدمة:زهراء
قامت زهراء واتجهت ناحيتها :روز اتوحشتك كتير
فيروز:انا اكتر يا حبيبتي بس ازاي انتي هنا
زهراء:انتظري شوي
بعدت عنها واقتربت من اركان
زهراء بضحك:اتوحشتك هالدقائق يا بيك
اركان بضحك:والله حمد الله على سلامتك يروحي
زهراء:وانت كمان حبيبي
رويدا:ممكن تيجوا تقعدوا
جلسوا جميعهم وجلس اركان بجانب اخته وزهراء بجانبهم
ولاء:فيروز انتي تعرفي مين دي
فيروز:دي صحبتي اعرفها من فترة طويلة بس هي مش عايشة هنا
أمجد:طيب يولاد حابب اقلكم حاجة
صمت الجميع ينتظر ما سيقوله
أمجد: لولو واحمد حابب اعرفكم دا سعيد اخويا عمكم
سعيد:اخباركم يولاد
ولاء واحمد:الحمدلله يا عمو
رويدا:حبايبي ودي تمارا اختي ومرات عمكم سعيد
ولاء:ازيك يا خالتو انا لسه عارفة من فريدة
تمارا:الحمدلله يا حبيبتي وانت يا احمد
احمد:اهلا بيكو
امجد:واخيرا يا ولاد زهراء أمجد الاسيوطي اختكم
ولاء واحمد بصدمة:نعم
رويدا:في اي اختكم
احمد:دا اللي هو ازاي يعني
نظرت لهم زهراء بخوف فمسكت بيد اركان تلقائيا
اركان بهمس:اهدي حبيبتي
علي:ممكن تهدوا يعني اي ازاي يا احمد
احمد:ايوا ازاي وانت صدقت الكلام الفارغ دا
أمجد بصرامة:احنا بنقول كلام فارغ يا احمد
احمد:ازاي يعني اختنا مش فاهم وكانت فين دا كلو
رويدا بغضب:اختك غصب عنك وكانت عند جدتك في لبنان ولاسباب كتير اووي اختك كانت حياتها معرضة للخطر وكانت ممكن تموت في اي لحظة بس الحمدلله نزلت لما الخطر قل من عليها بس لسه معرضة للخطر بس هي حبت تعرف أخواتها ويعرفوها دا جزاتها يعني
تمارا:مالك يا ولاء مش بتتكلمي لي
ولاء:هو الكلام دا صح يعني انا عندي اخت بجد
فيروز:بعد اذنك يا طنط ممكن اتكلم
تمارا:اتفضلي يا حبيبتي
فيروز:احمد معرفش انت اي اللي معصبك كدا على فكرة زهراء طيبة جدا وكانت ديما تحكيلي عن أهلها وقد اي هي بتحبهم وانتي يا ولاء قربي من اختك والمفروض انتي اول واحدة كنتي تجري عليها اول لمى تعرفي انها اختك وتضميها مش تقعدي مصدومة كدا
نظرت لها ولاء ثم نظرت الى زهراء وجدتها تمسك بيد اركان بقوة وخوف
ولاء موجهة كلامها الى اركان:وانت مين
اركان:انا اركان اخو فيروز
نظر لهم علي اخيرا وجد اخته تمسك بيد اركان بقوة فذهب وجلس بجانبهم وضمها اليه
علي:انا جمبك متخافيش من حاجة ثم وجه كلامه الي اركان بغيظ وانت استحلتها ولا اي
اركان بضحك:على فكرة هي اختي قبل ما تكون اختك ياما حصل بينا حاجات كتير
علي: وانا موجود خلاص
اركان:خلاص يعم في اي
ابتعدت زهراء براحة عن علي واقتربت من اركان ومسكت فيه بشدة
زهراء بخوف:خايفة كتير
اركان بتهدئة:اهدي يروحي انا معاكِ
أمجد بتنهيدة:ودا اركان محمد المهدي اخو فيروز وبيكونوا ولاد خالتكم برضو
ولاء وفيروز وفريدة واحمد:نعم
اركان:اي يا روز خالتو رويدا وخالتو تمارا بيكونوا ولاد خالة ماما
فيروز بسعادة:انا مبسوطة اووي طلعتي قريبتي كمان يا زهراء
زهراء:اي حبيبتي
فريدة:ياااه بجد مش مصدقة
ظلت زهراء تمسك اركان بشدة فتحدث
اركان:عمو أمجد زهراء لو وجودها مش مرحب بيه انا هاخدها معايا لان مش هرضى ابدا انها تقعد في مكان هي مش حاسة انها غير مرغوب فيها
امجد:اي اللي بتقولو دا يا اركان
اركان:اللي حضرتك سمعتو علي مفكر أن عاوز اخد اختو ومش عارف اي بس زهراء دي اختي وصحبتي ومش هقبل ابدا انها تقعد في مكان هي مش مرغوبة من اهله انا عمري ما شوفتها خايفة قد دلوقتي انا هاخد زهراء معايا وتقدروا تشوفوها عادي بس مش هسيبها لحد يضايقها
قال اخر كلامه وهو ينظر الى احمد
علي بغضب:ومين هيسمحلك اصلا
اركان بشموخ:انا مش محتاج اخد اذن من حد انا لو عاوز اخدها وامشي همشي
علي بغضب اكبر:وريني
اركان ببرود:اوكي يالا يا زهراء
قامت معه وهي ترتجف فوقف الجميع
رويدا:زهراء
التفتت لها
زهراء:اسفة ماما بس انا غلطت لما نزلت هون رح ضل شوي مع اركان وروز وارجع لبنان هُنيك مكاني
رويدا:هادا بيتك
زهراء وهي تنظر لاخواتها بحزن:بس أهل البيت مو حابين وجودي فيه ليش رح ضل
اركان:خالتو لا تخافي عليها هي بعيوني
رويدا:اركان مشان الله دير بالك عليها
اركان:اكيد خالتو ثم وجه كلامه الى زهراء يالا حبيبتي
زهراء:روز يالا
فيروز:انا هروح مع فريدة مش هرجع القصر
زهراء باستغراب:ليش
اركان:ريماس روحت يا روز والبنات زمانهم رجعوا من الجامعة
فيروز:عشان مازن لما يجي هيجي عند فريدة
اركان:براحتك يا روز
خرج هو وزهراء متجهين نحو قصر المهدي
علي بغضب:هو ازاي ياخدها ويمشي كدا
رويدا بغضب ولأول مرة تغضب هكذا:وانت ازاي كنت ساكت واخوك عمال يتكلم بأسلوب قذر كدا زهراء اختكم غصب عنكم فاهمين بنتي عمرها ما كانت ضعيفة كدا على رأي اركان اول مرة اشوفها خايفة كدا انا غلطت لما خلتها نزلت عشان تقابل اللي المفروض أخواتها واركان يا استاذ علي فاهم زهراء كويس اووي متخافش عليها اووي كدا طول ما هي مع اركان او آسر او مازن او كريم لان دول اكتر أربعة فاهمين زهراء كويس اووي
تمارا:اهدي شوية ممكن
رويدا:ما شوفتيش كلموا اختهم ازاي انتي عمرك شوفتي زهراء خايفة كدا يا تمارا ها
تمارا:بصراحة انتو غلطانين اووي المفروض تضموها ليكم مش تخوفوها كدا وهي طول عمرها بعيد عن أهلها دي كويس انها قابلة امكم وابوكم لانها طول عمرها مع خالتي يارا او ماما وقليل اووي لما كانت بتشوف امكم او ابوكم لو زهراء مشيت عمرها ما هترجع تاني انا خارجة يا سعيد خلص مع اخوك وتعالى
خرجت مسرعة وصعدت رويدا الى غرفتها بغضب من اولادها
فيروز:على فكرة طنط تمارا معاها حق زهراء حكتلي كل دا وان أهلها مش على طول بيزوروها وهي قاعدة مع جدتها من وهي صغيرة وانتو غلطتو كتير اووي بعد اذنكم هستنى مع طنط تمارا يا فريدة
خرجت هي الاخرى وظل أمجد واخوه واولادهم
امجد:وبعدين يا أساتذة
علي:انا عندي شغل شوف هيعملو اي بس انا مش هسيب اختي تبعد تاني
خرج علي هو الاخر بغضب من تصرف اخوه
امجد:مردتش عليا يا احمد
احمد:هرد اقول اي
سعيد:يعني اي هتقول اي دي اختك فاهم يعني اي تخلص تتنيل تشوف هتعمل اي وترد علينا عشان نشوف هتفضل ولا هترجع لبنان تاني
ولاء بخوف:هي ممكن ترجع تاني
سعيد وحب يلعب على اوتارهم:انتي شايفة بعد اللي حصل دا هتقعد هنا تاني ثم وجه كلامه الي اخوه:أمجد انا ماشي شوف هتعمل اي ورد عليا عشان الحق اجهز ليها ورقها وحاجتها
خرج هو وابنته ونظر أمجد لأولاده بخيبة وقام صعد الى غرفتهم
ولاء:احمد هتعمل اي
احمد بتوهان:مش عارف
ولاء:احمد خليها ارجوك واديها فرصة تتعرف عليها دي مهما كان اختنا وبعيد عننا طول السنين دي
احمد:حاضر يا لولو
ولاء بسعادة:حبيبي يابو حميد
اما عند اركان عندما خرجوا وركب السيارة امر محمود بان يذهب إلى الشركة
زهراء:لوين رايحين
اركان:الشركة عند آسر
زهراء بسعادة:جد كتير وحشني
اركان بابتسامة:اي جد
زهراء بتردد:تفتكر ما رح يحبوني
اركان بطمأنينة:اكيد رح يحبوكي هنن بس مو واخدين عليكي
زهراء بخفوت:خايفة
اركان:جد انتي يلي بتحكي هيك انتي زهراء يلي ما بيهمها حدا ليش صرتي جبانه هيك
زهراء:ماني جبانة او ضعيفة ابدا اركان بس هدول اهلي ورفضوني ليش بدي ضل او كون قوية
اركان:تكوني قوية مشانك مو مشان اهلك طول عمرك وانتي قوية لحالك مو مشان حدا ما كان حدا بيقدر يوقف بوجهك حتى سليم كان بينفذلك كل شي بدك ياه ما بدي شوفك هيك ابدا سامعاني
قال اخر كلامه بحدة
زهراء بكبرياء:معك حق انا رح ضل هون ورح كون قوية مشاني ووقت هنن بيحبوا يشوفوني اوكي هدول اخوتي مهما كان
اركان بحب:هي هيّ زهراء
وصلوا الشركة والجميع ينظر لهم بصدمة من هؤلاء ف زهراء كانت ملابسها لا تناسب ابدا ملابس فتاة وكانت تمشي بثقة وكبرياء عاليين وكذلك اركان وصلوا المصعد وصعد الدور الذي يوجد به كريم دخلوا وقام السكرتير بسرعة
السكرتير:اهلا يا اركان باشا
اركان:كريم موجود
السكرتير:في انتظار حضرتك
زهراء:وين آسر
اركان:ما بدك تشوفي كريم
زهراء:اكيد بدي
دخلوا بعد ان سمعوا اذن الدخول
زهراء:كيمووووو
كريم بصدمة:زهراء كدا كتير بجد كدا كتير اووي
زهراء بحزن مصطنع:شو هاد رح ارجع والله
كريم:وحشتيني بجد ترجعي فين يا ماما انتي
جرت اليه واحتضنته بشدة:والله اتوحشتك كتير
كريم:وانتي اكتر حبيبتي تعالو نروح لآسر
صعدوا الى مكتب آسر ووقف سعيد عندما رآهم
كريم:آسر جوا يا سعيد
سعيد:ايوا يا كريم بيه
كريم:طيب ممكن ندخله واكيد انت عارف اركان
سعيد:طبعا يا فندم اتفضلوا
كريم:بصي يا زهراء احنا هندخل وبعدين انتي اوكي
زهراء:خلوني ادخل بالأول
اركان:اي هيك رأيي
دقت زهراء الباب ودخلت عندما سمعت اذن الدخول
زهراء:اسوري
آسر بصدمة:دا صوت زهراء نظر الى الصوت وجدها تقف أمامه فوقف سريعا
آسر:زهراء معقول
اقتربت منه واحتضنته بشدة:اتوحشتك كتير كتير
آسر:انا اكتر يروحي امت اجيتي
زهراء:اليوم
آسر:كيف وصلتي هون
اركان:معي
آسر:انت كنت فين
اركان:هبقى احكيلك بعدين
آسر:طيب تقدر تاخد زهراء وتمشي واحنا هنخلص وهنيجي
اركان:اوكي يالا زهراء
زهراء:بنتظرك بالبيت
آسر:اوكي حبيبتي
عاد اركان وزهراء الى القصر ولم يجدوا احد
اركان:هلأ بيجوا
زهراء:اوكي بنتظر
اما في الجامعة دخلوا باقي المحاضرات وها هم يخرجوا من آخر محاضرة
هيلين بزهق:اي اليوم دا يوم رخم بشكل
شاهي بضحك:معلش انتي عشان اول يوم بس
هيلين:لا بجد تعبت انتو هتروحو ولا
شاهي:اه طبعا
جأت اليهم بتول
بتول:اي الأخبار
عائشة بضحك:هيلين زهقت
بتول:من اولها كدا
هيلين:ايوا يختي
بتول:طب يالا ابيه اتصل وقالي ان زهراء واركان في القصر
هيلين:اركان وزهراء
بتول:ايوا وراكي حاجة
هيلين:لا انا ماشية
شاهي:هتيجي بكرا
هيلين:اكيد طبعا سلام
غادروا جميعهم وهيلين ستموت من الغيرة
وصلوا القصر ودخلوا بسرعة
بتول:ممكن تهدي شوية وقابلي زهراء كويس
هيلين:حاضر
دخلوا وجدو زهراء تلعب بهاتفها واركان يعمل على حاسوبه
بتول:السلام عليكم
اركان وزهراء:وعليكم السلام ورحمة الله وبركاته
بتول:كيفك زهراء
زهراء بعد ان قامت واحتضنتها:الحمدلله يروحي وانتي كيفك
بتول بابتسامة:الحمدلله
زهراء:كيفا الأميرة هيلين ان شاء الله تكوني بخير
هيلين:اي الحمدلله
جلسوا مرة أخرى
بتول:غريبة البنات لسه مرجعوش
اركان دون أن ينظر الى احد:ريماس روحت وفيروز عند فريدة
بتول باستغراب:عرفت منين
اركان ركن حاسوبه بجانبه:لان انا كنت مع فيروز وريماس كريم روحها
هيلين:هما لسه متخانقين
اركان:ايوا
هيلين:بعد اذنكوا
صعدت الى جناح بتول وصعد خلفها بتول وزهراء
حل الليل وعاد آسر من عمله وبقيت فيروز عند فريدة ف مازن لم يرجع بعد ونام اركان في جناح مازن وزهراء في جناح فيروز
وبكدا يكون البارت دا خلص اعملو كومنتات وتصويت بقى يا حلوين💗
