اللهم صلِّ وسلم وبارك على سيدنا محمد وعلى آله وصحبه الطيبين اجمعين وسلم
ياحي ياقيوم برحمتك استغيث اصلح لي شأني كله ولا تكلني الي نفسي طرفه عين
فتـاةٌ أرقٌ من أنّ تحمـلَ كـُل هـَذا الأذىَ فـِي قلبـَها قبـل
ملامِحها..🦋💙"
وقفنا البارت اللي فات لما فيروز خرجت من القصر وشافت شخص واتصدمت ولما كان آسر ومازن يتحدثون مع والدتهم ونزلت اليهم بتول واتصدمت هي الاخرى
بتول بصدمه: اي دا اومال فين فيروز
نظر لها كل من آسر ومازن وچولنار هانم باستغراب فتحدث آسر قائلا
آسر باستغراب: يعني ايه فين ما هي معاكي فوق
بتول بخوف: لا انا سبتها ودخلت اخد شاور وخرجت مش لقيتها قولت يمكن لبست ونزلت
آسر ببعض الغضب: يعني اي تسبيها كدا يا استاذه هنوصلها ازاي دلوقتي
بتول بخوف وهي على وشك البكاء: والله يا أبيه انا يدوب دخلت وخرجت مش لقيتها هي كانت مصره تمشي بس قولتلها تصبر وانا اوصلها وقالت ماشي وبعدين خرجت مش لقيتها
مازن بهدوء: اهدي يا بيتو بس طب هي كانت عاوزه تمشي لي
بتول ببكاء: هي كانت عاوزه تمشي عشان اخوها عاملها مفاجأة وكمان عشان انتو شوفتوها بلبس البيت وبشعرها وهي اتضايقت من نفسها جامد
نظروا لها باستغراب ف لا يوجد احد رآها غير چولنار هانم ولكن مازن خجل وبشده من تصرفه
آسر باستغراب: سيبك من موضوع ان حد شافها دا بس هي قالت معندهاش اخوات ازاي انتي بتقولي عندها
بتول: ما هي معندهاش ايوا
آسر بعصبيه: بيتو متعصبنيش عليكي ازاي معندهاش وازاي عندها
نظر له مازن وچولنار بغضب فقالت امه
چولنار هانم بغضب: آسر ازاي تزعق ف اختك كدا وانا واقفه اي مفيش احترام ليا ولا اي يابشمهندس
آسر باسف: انا اسف يماما مش قصدي والله بس بيتو انا مش فاهم منها حاجه وكلامها كلو الغاز
بتول بتسرع: انا مش بقول الغاز هي معندهاش اخوات ايوا بس دا اللي مربيها يبقى ابن عم صحبتها واللي بيكون كريم
نظروا جميعا لها بصدمه مما تفوهت به
اما بالخارج منذ قليل كانت تسير وهي تنظر خلفها خيفه من ان يراها احد واصتدمت بشخص ونظرت بصدمه لهذا الشخص!
عند كريم وريماس بعد ان دخلو من البوابه الرئيسيه وقف السياره وقال
كريم: يلا ياريري روحي ادخلي وانا هركن العربيه وجاي
فقالت هي: طب انا معرفش حد هنا
كريم: انزلي انتي بس روحي للباب اللي هناك دا وخبطي وقولي عاوزه الهانم الصغيره بس
ريماس بحيره: حاضر
ونزلت من السياره وظلت تمشي وهي تنظر للارض وفجأة اصتدمت بشخص فقالت وهي ما زالت تنظر للارض
ريماس باسف: انا آسفه مش قصدي
فيروز بصدمه: ريري
اما عن ريماس عندما سمعت صوتها استغربت كثيرا فهذا يشبه صوت اختها كثيرا فاقت سريعا من افكارها ونظرت لها بصدمه
ريماس بصدمه: روز انتي هنا
فيروز وما زالت مصدومه: ايوا انتي جيتي ازاي وعرفتي المكان دا منين
كانت سترد عليها ولكن قاطع كلامها صوت تعرفه جيدا
كريم: انا اللي جبتها ياروز
نظرت خلف ريماس وجدته هو اخيها نعم هو فانطلقت نحوه تحتضنه بشوق
قالت بدموع وهي تحتضنه: وحشتني اووي اووي يكريم كدا متقوليش انك جاي
كريم بشوق فهو اشتاق اليها كثيرا: اهدي يحببتي انا خلاص جيت اهو
نظرت الى ريماس وقالت: وانتي يا كلبه مش تقوليلي ان كريم جاي والله لاربيكي وجرت حتى تضربها ولكن كانت ريماس الاسرع ووقفت خلف كريم وقالت
ريماس بخوف مصطنع: والله انا زيي زيك ماعرفش غير النهارده والبيه كان في مصر من امبارح اصلا
نظرت له هل هذا حقيقي ام لا فنظر لها وهز رأسه فقالت بغضب مصطنع: طب اوعى بقى كدا ملكش دعوه بيا تاني انا مخصماك بس
فقال هو بضحك على اخته: يبنتي يعني انا لسه جاي من السفر وانتي هتخاصميني خلاص هرجع تاني بقى
نظرت له طويلا ثم جرت عليه وقالت: لا خلاص مش تمشي تاني وانا مش هخاصمك بس زعلانه شويه صغننه وضمت اصابعها على هيئه شئ صغير
ضحك عليها كثيرا فقالت ريماس ببعض من الغيره
ريماس بغيره: ما خلاص احنا هنقضيها احضان ولا اي احنا ف الشارع
نظر لها كريم وفيروز بصدمه وفيروز استغلت غيرتها وحضنت كريم اكثر وباسته من خده وقالت: وانتي هتولعي لي كدا اهدي مفيش مياه عشان نطفي نارك وبعدين براحتنا محدش ليه حاجه عندنا
نظرت له ريماس بغضب دفين وقالت: خلاص يحببتي اولعوا انتو الاتنين وانا مش هولع ولا حاجه دا ابن عمي اوعوا خلوني ادخل وانتوا خليكوا بقى
نظروا لها وانفجروا ضاحكين على غيرتها الواضحه بشده فنظرت فيروز الى كريم وقالت
فيروز: بتحبك اووي علفكرا بس صحيح انتوا عرفتوا ازاي اني هنا
نظر لها كريم وقال: اه بتحبني اووي وبعدين هتعرفي جوا تعالى نلحق المجنونه دي
وشالها ولحق ريماس ومسك يدها وضغط عليها هي فهمت قصده ومشت بجانبه دخل على اخر كلام بتول نظر لهم وجدهم مصدومين فقال: والله وليكوا وحشه يولاد المهدي
نظر الجميع له بصدمه اكبر وجدوه يحمل فيروز داخل احضانه
فقال آسر ومازن بغضب: انت شايلها لي كدا يحيوان انت نزلها
اما هو فقد صدم حقا من رد فعلهم اما عن فيروز فخافت كثيرا وخبأت نفسها داخل احضان كريم اكثر
فقال هو بعد ان فاق من صدمته: في اي يعم انت وهو دي اختي
فقال مازن بغضب وغيره ولا يعلم سببهم: انت هتستعبط يا كريم انت معندكش اخوات نزلها يحيوان بقولك وكان سوف يذهب ليلكمه ولكن ارتد للخلف قليلا من ازاحت بتول له وهي تجري بدموع واخذت فيروز من احضان كريم وحضنتها هي وقالت بدموع: كدا ياروز تخضيني عليكي كدا انا زعلانه منك
تشبثت بها فيروز وقالت: انا اسفه والله بس مكنش ينفع افضل واخويا كان هنا
بتول بعد ان ابعدتها عن احضانها قالت: طب وانا يا فيروز ما اهمكيش انا كمان متعرفيش انا كنت عامله ازاي لما مش لقيتك ف الجناح
نظرت لها فيروز باسف وحضنتها جامد وقالت: انا اسفه يحببتي والله مش قصدي اخوفك كدا معلش بقى يبيتو
بتول بفرحه: خلاص مش زعلانه بس مين القمر دي
نظروا جميعهم الى هذه الفتاه الرقيقه الهادئه هم ظنوها كذلك ولكنها عكس كذلك تماما فقالت فيروز بعد ان سحبت يد ريماس وقالت: ريري اختي يا بيتو
بتول بصدمه هل هذه هي حبيبه اخوها والتي كلمتها امس
بتول بصدمه: انتي ريماس بجد
نظرت لها ريماس باستغراب وقالت: ايوا انا بس معلش حضرتك عرفاني منين ونظرت الى فيروز بغيظ وقالت هي الهانم لحقت تسوحني كدا
بتول: انتي بجد مش فاكراني انا بتول اللي كلمتك امبارح مع روز
ريماس بخجل: اه معلش نسيت اصل جايه مع كريم ف مش مركزه بصراحه ان هنيجي هنا عامله ايه يا بيتو
بتول بسعاده: الحمدلله يحببتي
اما چولنار هانم ظلت تنظر الى كريم وهو نظر لها وتحرك نحوها ونزل قبل يديها وقال
كريم باحترام: عامله اي يا امي اي موحشتكيش ولا اي
نظرت له طويلا ثم اخذته في احضانها وقالت: وحشتني اوي يا كيمو وحشتني اوي يحبيبي وظلت تبكي كثيرا
فنظر لها البنات بتأثر وكذلك آسر ومازن ف بعدت عن احضانه قليلا وقالت بصوت هامس لا يسمعه سواه
چولنار هانم: هي دي
قال كريم بصوت هامس ايضا: قصدك مين فيهم
چولنار هانم: اكيد مش اللي كنت شايلها
فضحك بصوت عالي على دهاء ولدته الثانيه وهز راسه بمعنى نعم فضحكت هي الاخرى وقالت: لا بس برافو عليك
فاستغراب آسر ومازن وفيروز وريماس كثيرا ولكن بتول علمت عن ماذا يتحدثون فقالت بمرح: لا عيب عليكي يماما دا كريم بالذات بيقع واقف
نظر لها كريم وقال: ما هو قرك دا اللي جيبني ورا حلي عن دماغي يبيتو عشان مزعلكيش
ضحكت واتجهت اليه وقالت: انا يا كيمو اخس عليك بجد هتزعلني منك
نظر لها ونظر الى ريماس وجدها تستشيط غضبا فقال بصوت هامس: اهدى شويه يا بيتو دي بتغير موت حتى من فيروز
نظرت لها وجدتها غاضبه بشده فاستغلت هذا فحضنته وقالت: انا زعلانه منك على فكرا عشان مش رضيت توديني الملاهي قبل ما ننزل مصر واحنا ف باريس بس مين يا معلم مش هسيبك غير ام توديني
اما ريماس كانت تنظر لهم وهي ستموت مت الغيره والغيظ فهو يحضن هذه مره وهذه مره فقالت
ريماس بغضب مكتوم: عن اذنكوا طالعه برا شويه
فضحك كل من بتول وريماس وچولنار كثيرا واستغرب آسر ومازن فقالت فيروز بعد ان توقفت عن الضحك
فيروز: طب بعد اذنكوا هشوفها وجايه
نظرت لها بتول وقالت: وانا جايه معاكي عقبال ام يخلصوا الفطار
وخرجوا الفتيات وراء صديقتهم وجدوها غاضبه كثيرا ف وضعت فيروز يدها على كتفها الايمن وبتول وضعت يدها على كتفها الايسر وقالوا في صوت واحد جميل: متزعليش نفسك احنا بنهزر والله وكريم اخونا
نظروا الى بعضهم البعض وضحكوا كثيرا فجلسوا على العشب وقالت بتول
بتول بشرود: ريماس كريم اخويا بجد ايوا اخويا انا وابيه آسر اخوات ف الرضاعه
ريماس بصدمه: اي دا ازاي
بتول: اه والله زي ما بقولك كدا طنط والده كريم تعبت بعد ام ولدته ف ماما رضعته لانه كان اصغر من ابيه اسر بشهور بس وماما رضعته لحد لما مامته خفت وقامت بالسلامه
ريماس بنفس الصدمه: طب ازاي وصلت مرات عمي ليكوا يعني انتو على كدا تعرفونا كلنا بقى وتعرفوا فيروز كمان
بتول بشرود وكذب: لا احنا نعرف طنط مامت كريم لانها كانت صحبه ماما اووي لانهم من بلد واحده ونزلوا مصر سوا ف انا معرفكيش لا ولا فيروز لسه عارفاكوا اهوو
