اللهم صلِّ وسلم وبارك على سيدنا محمد وعلى آله الطيبين الطاهرين اجمعين وسلم تسليما كثيرا
يا حي يا قيوم برحمتك أستغيث أصلح لي شأني كله ولا تكلني إلي نفسي طرفة عين
•
_ ومتي سنتعافى يا رفيقتي...!؟
= عندما نسمع
"سلامٌ عليڪم طبْتم فادخلوهـا خالدين "🕊
#اللهـم_هذا_الشعور🥺🤎"
ازيكم عاملين اي دي الخاتمة للجزء الاول بتمنى لكم قرأة ممتعة😌
فيروز: ماما هو بجد بابي هيعمل حفلة
دورا: اه يا روحي عشان نجاحكم ويالا جهزي نفسك عشان هنروح نشتري لبس ليكي
فيروز بابتسامة: حاضر يروحي
صعدت جناحها لتبدل ملابسها كي تذهب مع والدتها الى المول وجدت هاتفها يرن ووجدتها اختها فردت عليها بسعادة
فيروز:اي يا ريري
ريماس: مبسوطة يا روز
فيروز بسعادة: دا سؤال برضو دا انا هطير من الفرحة
ريماس بسعادة لسعادتها: يارب ديما اشوفك مبسوطة يانورعيني
فيروز وريماس في صوت واحد: بقولك انا رايحة مع ماما المول نشتري لبس
فيروز بضحك: اي دا بجد
ريماس بضحك ايضا: ايوا بس انتوا رايحين ليه
فيروز: عشان الحفلة اللي بابي عاملها
ريماس باستغراب: اي دا وبابا كمان
فيروز: انا مش فاهمة حاجة
فريدة بعد ان دخلت: هقولك انا بابا وعمو محمد وعمو احمد وعمو امجد هيعملوا الحفلة كلهم وهتبقى هنا في القصر وانجزوا نفسكوا عشان نلحق نروح ونيجي نجهز نفسنا الحفلة على شرفنا احنا
ريماس: انا مش مصدقة
فيروز: طب خلاص يا ريري بسرعة عشان نروح
اغلقت معها ودخلت غرفة الملابس لتبدل ملابسها وخرجت لفريدة مرة اخرى
فيروز: يالا بينا
فريدة: يالا
نزلوا وجدت رويدا وزهراء وولاء وتمارا يجلسون مع والدتها
فيروز بابتسامة: ازيكم يا جماعة
الجميع: الحمدلله يا حبيبتي
فيروز: زهراء جاية معانا
زهراء: ايوا وهيلي وبيتو كلنا يعني
ولاء: اوعى بقى دي هتبقى فلة
ضحكوا عليها ونزلت بتول ايضا وكان في دخول مازن
مازن: متجمعين عند النبي إن شاء الله
الجميع: عليه افضل الصلاة والسلام
فيروز: خير يا حبيبي جاي بدري يعني
مازن: اه جيت اخد حاجة نسيتها في اوضتي
فيروز بحب: ميزو تيجي معانا
مازن: اجي فين
فيروز: المول
مازن: عندي شغل والله يا حبيبتي بعد اذنكوا
وقف مرة واحدة وهو يصعد السلم: بيتو عاوزك
بتول بابتسامة: حاضر بعد اذنكم
صعدت خلفه ودقت الباب ودخلت عندما اذن لها بالدخول
بتول: اي يا مازن
مازن بحب: انتي رايحة معاهم
بتول: ايوا كنت لسه هتصل بيك واعرفك
مازن بحب: ماشي يا حبيبتي
ثم ذهب الى غرفة الملابس وعاد بشئ في يده
مازن: خدي يروحي
بتول: اي دا
مازن: دي حاجه بسيطة خالص عشان كنتي زعلانة مني
بتول وهي تنظر الى السلسلة بحب: انا عمري ما ازعل منك ابدا يا مازن شكلها تحفة اوي
مازن: حبيبتي عشان عيونك شافتها فهي جميلة وبعدين انا حسيت انك زعلانة فجبتها اصبري بقى لمفاجاة بالليل
بتول: لا متكلفش نفسك تاني دي كفاية اووي انا هخليها والبسها بالليل على الدريس اللي هجيبه
مازن: حبيبتي اي اكلف نفسي دي انتي متعرفيش انتي بالنسبالي اي خليها والبسيها بالليل عادي
بتول وهي تهمس له: بحبك اوي ربنا يديمك ليا
قالت هذا وخرجت بسرعة من امامه ضحك هو على خجلها منه اخذ الورق ونزل وجدهم يخرجون
مازن: خلو بالكم من نفسكم
فيروز: حاضر يا حبيبي
ذهبوا الفتيات جميعهم ف زهراء قالت لدورا بانهم سيذهبون هم بمفردهم
رويدا: ازاي يا دورا يروحوا لوحدهم طب واحنا مش هنجيب ولا اي
دورا: مين قالك مش هنجيب
تمارا: ايوا انتي نسيتي كارمن ولا اي
رويدا: اي اللي جاب سيرة كارمن دلوقتي يا تمارا
دورا: حبيبتي كارمن هنا في مصر واتصلت عليا بتقولي انها عاملة فساتين هايلة اتفقت معاها تيجي ونشوفهم
رويدا: يعني انتوا مخططين لكل حاجه من الاول
دورا: والله ابدا انا معرفش انها نازلة اصلا
تمارا: خلاص يا ريدا خلي البنات ينبسطوا واحنا انتي عارفة مش بنلبس غير من عند كارمن
رويدا بتنهيدة: اوكي هقوم اتابع شوية شغل
تمارا: شغل اي
رويدا: شركة هنا طالبين اعمل معاهم عقد لان في شركة روسية جاية ليهم وعاوزين مترجمة
دورا: تمام يا حبيبتي وانا هشوف برضو الصفقة بتاعت الشركة اللي في تركيا
تمارا: ايوا صح وانا برضو دي صفقة مهمة لشركتنا
رويدا: انتوا اللي هتكسبوا متقلقوش
قامت كل منهم تتابع عملها
عند الفتيات وصلوا إلى المول ودخلوا ليشتروا ما يريدون
العميلة:اهلا اهلا يا هوانم تحبوا اساعدكم
بتول:اهلا بيكي احنا بس عاوزين حاجات لحفلة
العميلة:اتفضلي معايا يا بتول هانم
فيروز بهمس:هي تعرف بيتو منين
هيلين بهمس وضحك: حبيبتي تعرف بتول وزهراء كمان
فيروز باستغراب:ازاي
هيلين بضحك:هو انتي متعرفيش هما مين ولا اي
زهراء:لو بطلتوا انجزو عشان نلحق نمشي
فيروز:زوزو حبيبتي هي البنت دي تعرفكم منين
زهراء:هو انتي مسمعتيش هيلي وهي بتقولك انتي متعرفيش احنا مين
فيروز بتذمر:خلاااص
فريدة:يالا يا فواز بسووورعة عشان نجيب كل حاجة
ريماس:ايوا يا روز
فيروز بتذمر:خلاص دلوقتي انا اللي معطلاكو يعني
انبهروا كثيرا بالتصاميم
ريماس:واااااو
زهراء بغيظ:متبينوش انكم متفأجين كدا يقولوا عليكوا اي انتوا مش عارفين انتوا ولاد مين
فريدة:احم طبعا الكلام مش ليا
زهراء:كلكم
فيروز بثبات:لوسمحتي عاوزين حاجة محجبات
العميلة:حاضر يافندم
زهراء بغيظ:بصوا متضيقوش من كلامي بس حاولوا تبينوا كأنكم شوفتوا الاحسن من كدا دا كدا مش حاجة اصلا متتفجأوش اوي كدا
ريماس بخجل:احم انا
قاطعتها بتول :ريري حبيبتي زهراء مش قصدها حاجة انتي عرفتي الظروف اللي كنا فيها ف انتي لسة مش متعودة على أن بابكي رجل مشهور جدا ف ابحثي واعرفي مين هو والدك والنهاردة عاوزكم كلكم تتعاملوا على أساس اميرات ماشي
ريماس بابتسامة:حاضر يا بيتو
العميلة:دا المحجبات يا هانم
اختاروا كل شئ وذهبوا إلى قسم الاكسسوارات واختاروا ما يناسب الفساتين ودقت بتول إلى الحرس ليأخذ الشنط
زهراء:كدا تمام يالا بينا نروح
صعدوا إلى السيارة ودقت بتول إلى شخص ما
بتول:ازيك يا هانيا
هانيا:مش معقول بتول المهدي وحشتيني يبنت الايه
بتول بضحك:متغيرتيش يا هيني
هانيا:ولا انتي كمان وبطلي هيني دي بقى
بتول:حاضر بقولك
هانيا:اؤمريني
بتول:الامر لله عاوزاكي تجيلي القصر سمعت انك ميكب ارتست عالمية اوي
هانيا بضحك:على أساس مكنتيش تعرفي يعني
بتول بضحك:دا انتي متبعاني بقى
هانيا:وانا معقول ابعد عن تؤام روحي ولا اي
بتول:المهم هتيجي
هانيا:عزومة ولا
بتول:هعزمك ليه يختي عاوزاكي في شغل عندنا حفلة عشان بنت عمو محمد خلصت ثانوية وكد وانا خلصت ف عملنا حفلة عاوزينك تعملي لينا ميكب
هانيا:مش معقول فيروز
بتول بضحك:ايوا فيروز هتيجي ولا
هانيا: اكيد طبعا هلغي كل حاجه وجاية لك حالا
بتول بضحك:هستناكي يا مجنونة
فيروز باستغراب:مين دي اللي تعرفني
بتول:دي هانيا
فيروز:عرفتها انا كدا يعني هي مين
زهراء ببرود وكأنها لم تفجر قنبلة أمامهم:بنت عمتك ساجدة اخت طه وحسين ومعتز
فيروز بصدمة:نعم ياختي
بتول:ايوا فعلا هانيا بنت عمتو يا روز وبنت خالو آسر
فيروز:مبقتش فاهمة حاجة خالص
هيلين بضحك:لا اهدي كدا دا لسة المشوار طويل
بتول:طيب خلاص انا هتصل على خالتو واعرفها
دقت إلى دورا لم ترد من اول مرة دقت ثانية ولم ترد أيضا
فيروز بخوف:اي يا بيتو مش بترد
بتول:اهدي اكيد بتعمل حاجة
ردت ولكن في نهاية الرنة
دورا:اي يا بيتو
بتول:اي يا حبيبتي مكنتيش بتردي ليه
دورا:معلش يا حبيبتي مسمعتش الفون كنت بتابع صفقة تركيا
بتول:اوكي ياروحي عاوزة اقولك هانيا جاية لو جت قبلنا خليها تستني
دورا:بجد جاية
بتول:اه والله كلمتها قولتلها
دورا:ماشي يا حبيبتي
وصلت هانيا إلى القصر ولم يفتح لها أحد
هانيا:اووف انت يابني يلي على الباب
الحارس:مين حضرتك
هانيا :متعرفنيش ولا اي
الحارس:لا حضرتك
هانيا:اوكي انا هانيا آسر الجندي ها عرفت
نظر لها الحارس باستفهام
هانيا بزهق:ياربي غبي طيب انا بنت مدام ساجدة المهدي كدا حلو
الحارس:حضرتك انا
ولكن صمت حينما سمع
اركان:انت يابني في أي
نظرت هانيا إلى الخلف وجدته هو اركان
هانيا :مش معقول اركااان
اركان بصدمة:هانتي
هانيا:انت نزلت امتى
اركان:بقالي فترة واقفة ليه كدا
هانيا:الغبي دا مش راضي يدخلني
اركان:انت يابني هانيا هانم تدخل فورا دي بنت عمتو فاهم
الحارس بخوف:تحت امرك يا باشا
دخلوا سويا ولكن كل منهم في سيارته
هانيا بعد أن نزلت:إنما انت جاي دلوقتي ليه مش المفروض انك في الشركة معاهم
اركان:جيت زهقت بصراحة اصل مش بعمل حاجة انا بفكر ارجع تركيا
دخلوا وجدوا دورا وسربين وجميلة ورويدا وتمارا
اركان: السلام عليكم
الجميع: وعليكم السلام ورحمه الله وبركاته
هانيا:ازيكم يا جماعة
الجميع: الحمدلله يا حبيبتي
هانيا:اومال فين بيتو
دورا:تعالي استنيهم هما شوية وهيوصلوا
سمعوا صوت في الخارج
رويدا:اهم جم
ولكن وجدو الحارس يدخل
الحارس:انا اسف يا هانم بس في بنت برا بتقول اسمها كارمن
دورا:دخلها بسرعة
اركان بهمس:كارمن الله دي هتحلو
هانيا بهمس أيضا لأنها سمعته:ما تحترم نفسك يا جدع انت
ضحك اركان واستغرب الجميع
كارمن:هلا
الجميع:اهلين
دورا:اهلين حبيبتي تعي
سلمت على الجميع
تمارا:دورا حكتلنا انك مصممة فساتين جديدة
كارمن:اي صحيح وحكتلها قلت انتو اهم بهدول التصاميم
رويدا:حلو وينهم
كارمن:تسمحولي دقيقة
دورا:اتفضلي
خرجت وغابت دقائق وكانت تدخل وتحمل معها أشياء كثيرة
سربين:هي هتصمم من الاول ولا اي
تمارا بضحك:اصبري طيب
كارمن:هدول
ولكن قاطعها دخول أحدهم
آسر: السلام عليكم
الجميع : وعليكم السلام
نظرت له كارمن بصدمة وسعادة
آسر باستغراب:كارمن ازيك
كارمن:اهلين آسر كيفك
آسر بابتسامة: الحمدلله
كارمن:اتوحشتك كتير كتير
آسر:وانتي كمان
فيروز من خلفه: آسر
نظر لها آسر بصدمة :ف..فيروز
فيروز بدموع:انت جيت امتى
آسر بتوتر:ا..أناا.لسة جاي
بتول بهدوء:طب ممكن تدخل وتدخلنا عشان الحاجة اللي معانا
دخل آسر وهم خلفه وصدمت زهراء عندما رأت كارمن
زهراء:اهلين كارمن
كارمن:اهلين زهراء
زهراء:خانم زهراء خانم كارمن
كارمن:احم زهراء خانم كيفك
زهراء بغرور:منيحة
ثم ذهبت إلى آسر واحتضنته وقبلته أمام الجميع ونظرت لها فيروز بصدمة كبيرة
زهراء بدلع:اتوحشتك كتير بيبي
آسر بابتسامة وتوتر: حبيبتي وانا كمان
كارمن بغيظ:اوكي دورا خانم هدول التصاميم
رويدا بضحك:اتفضلي يا كارمن اقعدي
جلست بغيظ من زهراء وكانت تعرض لهم تصاميمها وتنظر إلى زهراء وهي جالسة بجانب آسر
فريدة:أبيه آسر
نظرت لها كارمن بصدمة وقالت بضحك:أبيه شو صرت أبيه يا آسر
آسر:اي يا حبيبتي
فريدة:كنت عاوزة أسألك على حاجة ممكن
آسر بابتسامة:اكيد طبعا يا حبيبتي
فريدة وهي تنظر إلى فيروز:ممكن لوحدنا
قام آسر معها ودخلوا إلى المكتب
فريدة جلست وضعت قدم فوق الأخرى:اي اللي حصل برا دا
آسر برفعة حاجب:افندم
فريدة:اسمعني كويس انا مش بتكلم مع حد كدا ابدا بس اللي يجي على فيروز ولا يفكر يزعلها صدقني هزعله
آسر للاستمتاع:هو انا جيت جنبها
فريدة:انت شايف دي تصرفات انسان كويس يعني وانا هتكلم مع زهراء
خرجت من أمامه فهي لا تريد ان تقول له بأن فيروز تحبه ولن تسمح بأن يكسرها أحد حتى لو كان آسر
فريدة:روز عاوزاكي
قامت فيروز بدموع محبوسة في عينيها ورأت ذلك دورا فكانت ستقوم
زهراء:خالتو خليكي انا هطلع وراهم
دورا:زهراء بس
زهراء:انا عارفة مالها
صعدت خلفهم وسمعت صوت فيروز:شوفتي يا فريدة شوفتي بيضحك عليا ويقول عايش على ذكراكي وبحبك وزهراء ضحكت عليا وقالت إنها مش بتحبه اومال اللي عملته دا اي لما هي مش بتحبه
زهراء بعد أن أغلقت الباب خلفها:لأن بكل بساطة كارمن معجبة بآسر ونفسها يكون ليها فهمتي عملت ليه كدا
فيروز:يعني اي
زهراء:كارمن بتحب آسر وعاوزة يكون ليها بأي طريقة ولما انا عرفت قولت لازم أوقفها عند حدها عشان آسر بيحبك وهي هتلفت نظره بأي طريقة مرة كان آسر في لبنان روحتله واللي اتوقعته لقيته لقيتها عنده وقاعدة بطريقة مقرفة دخلت وقولتلو كدا يا بيبي تسبني لوحدي كل دا وروحت عملت نفس اللي عملته دلوقتي وهي اتضايقت جدا وقالتلو مين دي سبقته انا ورديت وقولتلها انتي اللي مين انا حبيبته ومن ساعتها واحنا قولنا قدام الكل اني حبيبته عشان كدا هيلي قالتلك انتي ازاي بتحبيها وهي بتبحه لأن الكل كان فاكر كدا طبعا بتول ومازن وكريم كانوا عارفين كل حاجه
فيروز ببكاء:انا اسفة يا زهراء بس غصب عني
زهراء:اسمعيني يا روز آسر مش سهل وانا عارفة يا فريدة انك زعقتيله بس هو قلب الطربيزة عليكي عشان كدا خرجتي بسرعة آسر مش سهل خليكوا عارفين دا آسر حويط ومتعرفيش تجيبي اخرو انا عارفة يا روز هو بيحبك قد اي انا وآسر بير اسرار لبعض وانا اكتر واحدة بفهمو هو أو اركان اخوكي انتي تتعاملي عادي ولا كان فارق معاكي حاجة هو هيتجنن من كدا بس عاوزاكي تشوفي بنفسك هو بيحبك ازاي
فيروز:حاضر
زهراء:دلوقتي تقومي تغسلي وشك واتعاملي ببرود خالص فاهمة
هزت رأسها وقامت دخلت الحمام لتغسل وجهها
زهراء بخبث:احكيلي اللي حصل
فريدة بكبرياء:ابدا انا دخلت وحطيت رجل على رجل وقولتله .....................
زهراء بابتسامة:برافو هي دي تربية تمارا الجندي صح
فريدة بغمزة:وتربيتك ولا اي
ضحكت زهراء بصوتها كله
فيروز باستغراب:في أي
زهراء:عاوزاكي تتعلمي من فريدة ومني عاوزاكي قوية فاهمة
فريدة:زهراء عاوزة اقولك فيروز قوية جدا ومحدش بيقدر يوقف في وشها ابدا بس دا في أوقات معينة إنما في العادي زي ما انتي شايفة كدا
زهراء:اسمعيني يا روز مش وحش انك تكوني طيبة ورقيقة بس دا مينفعش قدام اي حد ومش كل الوقت لأن في ناس هتستغل دا عاوزاكي دائما قوية في كل الأوقات والكل يعملك حساب ويخافوا منك فاهماني
فيروز بثقة:اكيد فاهمة ومن النهاردة هتشوفي فيروز تانية خالص يالا ننزل
نظرت زهراء إلى فريدة وابتسموا ثم نظروا إلى فيروز ونزلوا وجدوا كارمن تنظر لآسر نظرة غريبة وهيلين لم يعجبها الأمر ولم تفهم شئ وهانيا وبتول مشغولون بالحديث وأركان ينظر إلى هيلين بابتسامة
فيروز:احم سوري يا جماعة احنا اتاخرنا عليكم
هيلين بغيظ:ايوا اتاخرتوا اووي
اركان بضحك:مالك يا هيلي في أي
كانت سترد ولكن قاطعها صوت احد يدخل
شاهي:هيلووووووو
هيلين بسعادة:شااهي وحشتيني اووي
قامت اتجهت تضمها بسعادة ونظرت خلفها رأت شمس وعائشة
هيلين بسعادة:مش معقول
شمس بسعادة وضحك:وحشتيني يا كلب البحر
هيلين:شموسة عييب عيب هيبتي كدا هتضيع قدام العيلة الكريمة يا حلوفة
عائشة بضحك:لسانك زي ما هو يا زفتة ما عقلتيش ابدا
هيلين بضحك:اسكتي يا صرصار البلعات انتي خالص
بتول:طب ما تدخليهم ولا هتقفوا برا
اتجهت ناحيتها شمس وعائشة :وحشتينا والله يا بيتو
بتول بابتسامة:وانتوا كمان تعالو
هيلين:يخرب عقلك اي اللي جابك هنا
نظروا لها من صوتها العالي وجدو انس يقف ويضحك
انس بضحك:جرا اي يا هيلو بلاش اجيب اختي وولاد عمي ولا اي
اركان بغيظ:هيلو
هيلين:مش وصلتهم يالا مع السلامة
سربين:بنت عيب كدا اتفضل يا حبيبي
انس بضحك:معلش يا طنط انا همشي بس هقصلك لسان بنتك السكر دي
هيلين وهي تخبطه بخفة في كتفه:يالا بيتك بيتك انت وصلتهم خلاص امشي
انس بضحك:ماشي لينا مكان يلمنا
اركان بغضب:بعد اذنكم
خرج من القصر وهو غاضب كثيرا وضربت زهراء على جبينها بخفة: والله مجانين
شاهي:احم هو احنا جينا في وقت مش مناسب ولا اي
دورا:لا ياحبيبتي تيجوا في أي وقت وكدا كدا كنتوا هتنورونا بالليل في الحفلة
هانيا:يا جماعة ما تقعدوا بقى اي دا
زهراء:اهلا هانيا هانم
هانيا بتوتر:احم اهلا زهراء
فيروز:انتي هانيا بنت عمتو ساجدة صح
هانيا بابتسامة:صح يا سكر وانتي روز بنت خالو محمد اكيد
فيروز بابتسامة:ايوا يا حبيبتي
هانيا وهي تنظر إلى آسر:ما شاء الله ياروحي قمر بفكر اخدك للواد معتز
ضحكت فيروز بصوت عالي واستغرب الجميع لأنهم لم يروها تضحك هكذا
فيروز بضحك:انا ومعتز بتهزري دا اليوم اللي وصلني فيه الدرس حصل مصايب
هانيا بضحك:ههه اخويا وانا عارفاه
فريدة:مامي انتي بتعملي اي
تمارا:بخلص شوية شغل ياروحي واحتمال اسافر
فريدة بخوف ولم تظهر لأحد ولكن أحست به تمارا:تسافري ليه
تمارا بطمأنينة:هاخدك معايا ونسافر تركيا هخلص شغل هناك
فريدة بسعادة:اوك ياروحي
فيروز:احم مامي كنت عاوز اروح لبابي
آسر:تروحي تعملي اي
فيروز وهي تتجاهل كلامه:ها يا مامي
دورا:معنديش مشكلة هتعرفي تروحي
فيروز:هروح انا وفرفر والسواق معانا
دورا:اوكي ياعم إبراهيم
جاء إبراهيم:ايوا يا دورا هانم
دورا:عم إبراهيم شوف سواق يروح مع البنات الشركة
إبراهيم:محمود موجود يا هانم والهانم الصغيرة عارفاه كويس
اتجهت ناحيته فيروز:عمو إبراهيم انت في مقام جدي بلاش هانم دي بالله عليك انا فيروز بس ولو عاوز تدلعني يعم انا موافقة
إبراهيم بابتسامة:بنت محمد بصحيح حاضر يابنتي اللي يريحك ربنا يبارك فيكي انتي وأخواتك يارب
فيروز بابتسامة:تسلملي يارب
ثم لفت إلى فريدة:ها جاهزة انتي وريري
ريماس:انا كمان
فيروز:ايوا بتول قاعدة مع هانيا وهيلين معاها صحابها وآسر معاه صحبته دي ف انتي هتقعدي ليه
ريماس:هقعد مع زهراء
زهراء وهى ترتدى نظارتها:زهراء وراها كام مشوار هتخلصهم وتروح الشركة
فيروز:اهو يالا بينا
آسر بغيظ:ومين قالك اني قاعد
فيروز ببرود:وانت واقف مثلا ما انت قاعد
آسر بغيظ من ردها:انا كنت جاي عاوز خالتو في موضوع ولقيتها مشغولة اكيد مش هسيب شغلي واقعد
فيروز:اوك
خرجت وخلفها ريماس وفريدة وهي تبتسم وزهراء أيضا
آسر:شايفة بنتك
دورا:هي قالت اي يعني يا آسر مش شايفة أنها غلطانة وبعدين انت ازاي تكلمها كدا اصلا وموضوع اي اللي عاوزني فيه
آسر :طبعا منا بشكي لمين لدورا هانم اوكي اتفضلي. معايا المكتب عشان عاوزك في شوية صفقات
قامت ودخلت بكل كبرياء
هانيا:اوعاا دي فيروز هتربي آسر ثم قالت بخبث:وانا معاها طبعا
بتول:مش اتفقت هي وزهراء استني وشوفي
هيلين:اي اللي مقعد البت الرخمة دي
هانيا:سيبكم منها وتعالو نطلع فوق
لم تسمعهم كارمن لأنهم كانوا بعيد عنها ويتحدثون بصوت هادئ أيضا
في السيارة التي بها فيروز
فريدة:شابو يا روز هو دا اللي احنا عاوزينه
فيروز:ولسه انا هوريه آسر ازاي يتعامل معايا بعد كدا
ريماس بضحك:هتلاعبيه ولا اي
ولاء بضحك لأنها ذهبت معهم أيضا:دا احنا هنتبسط اووي
ابتسم محمود عليهم
فيروز:انا عاوزة اعرف اركان راح فين هيلين غبية اوي
فريدة:عندك حق
ريماس:انا بتصل عليه اهو
اركان: السلام عليكم
ريماس:وعليكم السلام يا حبيبي انت فين كدا
اركان:في حاجة يا ريماس
ريماس باستغراب لانه اول مرة يناديها باسمها:انت كويس يا اركان
اخذت فيروز الهاتف
فيروز:انت فين
اركان:في أي يا روز هو انا صغير
فيروز:اركان انت فين
اركان:بتمشي شوية
فيروز:فين يعني عاوزة اجيلك
اركان بتنهيدة:انا على النيل ياروز
فيروز:اوكي انا جيالك ماشي
اركان:اوكي
أغلقت معه وقالت:محمود لو سمحت ودينا على النيل الاول
محمود بابتسامة:تحت امرك يا هانم
عند زهراء ذهبت إلى شركة والدها وصعدت له
زهراء بابتسامة:بونجور بابا
امجد بابتسامة:بونجور حبيبتي
زهراء:محتاج مني اي مساعدة
امجد:لا ياروحي
زهراء:طب انا كنت جاية اقولك احتمال اسافر لبنان
أمجد:خير ليه هاتسافري
زهراء:بابي انت بتعرف كتير منيح ليش شركاتي هنيك وكل شي بيخصني هنيك وانا تركت كل شئ واجيت
أمجد: حبيبتي انا مش ضدك ابدا وانتي عارفة دا بس هو انتي قررتي تعيشي هناك
زهراء:اكيد لا بس بدي رتب كل شئ هنيك وارجع وعد بابا
امجد بابتسامة:اوكي ياروحي اللي يريحك اعمليه
زهراء وهي تقبله من خده:بحبك كتير كتير
امجد بحب:وانا بحبك اوي
زهراء:اوكي بابا انا همشي دلوقتي عشان اشوف اركان واروح شركة المهدي
امجد:اوكي يا حبيبتي
خرجت من عند والدها وذهبت إلى اركان وكان في وصول فيروز والبنات
فيروز:زهراء
زهراء:بتعملو اي
فيروز:جاية اشوف اخويا
اركان:اهدوا في أي
زهراء:اركان انت كويس
اركان:كويس
زهراء:اركان انا عارفة انك مش كويس ارجوك اتكلم
اركان بتنهيدة:تعبت زهراء تعبت كتير هي ليش عم تعذبني هيك بعمل إلها كل شي بدها إياه وفوق كل هاد ماني عاجب الأميرة شو ساوي اكتر من هيك شو اعمل والله تعبت
قال اخر كلام بحزن فاتجهت له فيروز وضمته داخل أحضانها بحب
فيروز:اهدي يا حبيبي هي اكيد متقصدش
زهراء:اركان انا رح سافر لبنان وانت بتجي معي اوكي
فيروز بخوف:اي تسافروا ليه
زهراء:اهدي شوي رح نخلص شغل هنيك ونرتب كل شي ونرجع
اركان:روز انا فعلا محتاج ابعد عن هيلي شوية انا بجد تعبان
فيروز بحنية:وانا مقدرش اشوفك تعبان خلاص يا حبيبي اعمل اللي يريحك بس انتوا هتسافروا أمتي
زهراء:رح نحضر الحفلة ونسافر الصبح
فيروز:اوك
فريدة:متزعلش بقى يا كوكو والله احنا هنربيها
اركان باستغراب:كوكو يالهوي انتي هتعملي زي مازن ولا اي احترمي نفسك
فريدة بغيظ: والله شكلي هضربك
اركان برفعة حاجب:نعم
فريدة:قصدي يعني هنمشي سوا ولا اي الدنيا
ضحكوا عليها وذهبوا جميعهم إلى الشركة وصلوا والجميع ينظر باستغراب لهؤلاء الفتيات
اركان:هتطلعي لبابا
فيروز:ايوا انتوا رايحين فين
زهراء:انا هروح المكتب اللي كنت قاعدة فيه هجيب شوية ورق عشان لما ارجع من لبنان هيكون محمد خلص الشركة وهنشتغل فيها
ريماس:ايوا هو قال لبابا انو فعلا قرب يخلص
زهراء:ايوا
فريدة:طب يالا ولا اي
فيروز:طب وأركان
اركان:هروح لمازن
زهراء:طب يالا الاسانسير نزل
صعد اركان إلى مازن وزهراء إلى المكتب وأكمل فيروز وفريدة وريماس وولاء صعودهم الى محمد ولكن وقف الاسانسير ودخل شخص ما
الشخص: السلام عليكم
الفتيات: وعليكم السلام ورحمه الله وبركاته
الشخص :انتوا جايين لمين يا حلوين ودخلتوا ازاي الشركة
فيروز بثقة:ومين حضرتك
الشخص باستغراب:مين انا اللي بسألكوا
فيروز:وانا كمان بسالك
الشخص بإعجاب:انا يا ستي مهند رأفت جاي لصحبي
هزو رأسهم وصمتوا فقال:مقولتوش انتو مين
ريماس:استاذ مهند اظن حضرتك جاي لحد هنا ف مش من حق حضرتك تسألنا على حاجة
فيروز:ومين صاحبك دا اسمو اي يعني هي الشركة بقت للمقابلات
مهند بإعجاب أكثر:لا يا ستي مش للمقابلات انا جاي لرئيس مجلس الإدارة
فريدة بتريقة:وانهو واحد بقى انت متعرفش انو في كذا رئيس
مهند باستغراب:نعم ازاي دا
ولاء باستخفاف:اومال جاي ازاي وانت متعرفش
مهند:انا جاي لآسر المهدي هو في حد غيرو ولا اي
فيروز:اه فيه
مهند:المهم طيب مقولتوش جايين لمين هنا
فيروز بكبرياء:جاية لبابا
مهند:مين دا
فيروز بكبرياء:محمد المهدي
مهند بصدمة:انتي اخت مازن
فيروز:اه بعد اذنك
خرجوا عندما وقف المصعد
فريدة:دا اي الرخامة دي انسان بارد
ولاء:فعلا وحشري اوي هو مالو دخلنا ازاي
ريماس:ويقولك جاي لصحبي وانتوا جايين لمين
فيروز:خلاص افصلوا بقى
دخلوا إلى السكرتير
فريدة:اي دا في سكرتير
فيروز باستهزاء:اومال هيكون اي يعني
تقدموا منه
فيروز:احم لو سمحت في حد جوا
السكرتير:مين حضرتك
فيروز:فيروز فيروز محمد المهدي
قام السكرتير:اهلا اهلا يا هانم اتفضلوا اعرف محمد بيه
فيروز:ميرسي
دخل وغاب دقائق وخرج لهم:اتفضلوا
فيروز:باابي
محمد بابتسامة:روح بابي تعالي تعالوا يا بنات
دخلوا بابتسامة واحتضنته فيروز
محمد:خير يا حبايبي
فيروز:ابدا كنا قاعدين زهقانين قولتلهم تعالوا نروح الشركة
محمد:الشركة نورت يا روحي
رفع سماعة الهاتف وطلب لهم عصير وكان السكرتير يدخل في مجئ مازن واستغرب مازن كثيرا
مازن:مراد استني
مراد:نعم يافندم
مازن:اي العصاير دي
مراد:دا للهوانم الصغيرة
مازن باستغراب:هوانم صغيرة
مراد:ايوا يافندم اخت حضرتك
مازن بابتسامة:طب هات الحاجة دي وشوف شغلك
مراد:مينفعش يا مازن باشا
مازن:روح يا مراد
اخذ منه المشروبات ودخل عندما سمع إذن والده بالدخول
مازن:وانا اقول الشركة منورة ليه اتاري الاميرات هنا
ابتسموا له
فيروز:ميزو البكاش
مازن:انا برضو
محمد:خير يا استاذ
مازن:احم انا اسف يا بابا كنت محتاج حضرتك فكام حاجة كدا
محمد:اقعد طيب
جلس أمام والده والفتيات كانوا يجلسون على أريكة داخل المكتب
مازن:كنت عاوز اقولك انا هسافر لندن
محمد:ليه
مازن:هخلص حاجات هناك وهرجع
محمد:حاجات اي يعني
مازن:هخلص صفقة هناك وجون هيجيلي نتمم على العقود عشان نخلص الصفقة اللي بينا
محمد:اوكي يا حبيبي هتمشي امتى
مازن:بكرة أو بعدو
فيروز بدموع:هو انت كمان هتسافر
مازن بحنية:مالك بس ياروحي انا هخلص شغل وهرجع
محمد:تقصدي اي انت كمان يا روز
فيروز:اصل اركان كمان هيسافر
محمد باستغراب:نعم فين
فريدة:هيسافر لبنان ياعمو مع زهراء اصل هو وهيلي زعلانين من بعض
فيروز:هو اللي زعلان وهي غلطانة اصلا
محمد بصوت عالي نسبيا:ممكن تهدوا
صمت الجميع
محمد بصرامة:ابعتلي اركان
مازن باحترام:حاضر بعد اذنك
ذهب مازن إلى مكتبه وأخرج محمد هاتفه ودق إلى سربين
سربين: السلام عليكم
محمد:وعليكم السلام انتي فين
سربين باستغراب:عندكوا في القصر في حاجة ولا اي
محمد:اي اللي حصل من هيلين
سربين:هو اركان
محمد:انا مشوفتش اركان من ساعة الفطار اي اللي حصل
حكت له سربين كل شئ
محمد:بنتك غبية يا سربين غبية على فكرة بقى اركان مسافر لبنان ومش هيرجع تاني خلي بنتك تتبسط
اغلق معها وهو متضايق سمع دق الباب فأذن للطارق بالدخول
اركان:نعم يا بابا
محمد:هتسافر امتى
اركان:بكرة مع زهراء
محمد بتنهيدة:اوكي روح بكرة لبنان ولما مازن يسافر تروحلوا لندن اوكي
اركان باستغراب:بس ليه
محمد:بعدين اتفضل
خرج وهو لا يفهم شئ
فيروز:احم طيب يا بابا احنا هنمشي
محمد:اتفضلوا
خرجوا إلى السكرتير
فيروز:لوسمحت
مراد باحترام:تحت امرك يا هانم
فيروز:احم ممكن تقولي مكتب مازن فين
مراد:اكيد يا هانم الدور اللي بعدينا لا اللي بعديه على طول
فيروز:شكرا يا اسمك اي صح
مراد:احم مراد يا فندم
فيروز بابتسامة:ميرسي جدا يا مراد وبلاش هانم وفندم والحاجات دي انا فيروز بس ماشي
مراد:بس مينفعش حضرتك
فيروز:شوف هيقول حضرتك برضو ياسيدي انا موافقة ومحدش هيقولك حاجة صدقني ولا بابا ولا مازن
مراد بابتسامة:حاضر
فيروز:فرصة سعيدة يا مراد
خرجوا واتجهوا إلى المصعد وظلوا ينتظرون إلى أن وصل لهم الاسانسير وجدو آسر يقف بالداخل
فريدة بهمس:الله هتحلو
فيروز:انتوا وقفتوا ليه ادخلوا
التفت على صوتها وابتسم ابتسامة جانبية
دخلوا ووقفوا جميعهم
آسر:طالعين فين
ريماس:احم لمازن
آسر:اشمعنا يعني
ولاء:فيروز عاوزاه
آسر:عاوزاه ليه
فيروز ببرود:اظن يا باشمهندس دي حاجة تخصني انا واخويا مش من حق حضرتك تعرفها ولا اي
آسر بغيظ:طبعا طبعا
ضحكت فريدة غصب عنها:سوري سوري يا روز اصل افتكرت حاجة
فيروز بابتسامة:انا ما اتكلمتش اصلا شوفي فونك بيرن
فريدة:دا أحمد ردي عليه يا ولاء
ولاء بضحك:هو عاوز فريدة مش ولاء
فريدة بغيظ:ما تردي يا رخمة
ضحكت ولاء وردت على اخوها
احمد :ساعة عشان تردي
ولاء بضحك:أهدى طيب
احمد باستغراب:ولاء اومال فين فريدة هي كويسة ها
ولاء:اهدي يابني فريدة زي القردة اهي عاوز اي
احمد :طب ما تخليني اكلمها
ولاء بخبث:بجد يا احمد هي عندنا دلوقتي وقاعدة معاك طب كويس اومال انت اتصلت ليه
احمد:بتقولي اي يا عبيطة انتي هي مين دي
اخذت فريدة الهاتف بغضب:هي مين بقى اللي الاستاذ قاعد معاها لوحدهم دي والله لاموتك
احمد بضحك بعد أن فهم مقصد أخته:اهدي انتي مش عاوزة تكلميني ليه
فريدة بغضب يزداد:مين اللي معاك انطق
احمد:محدش معايا والله العظيم ولاء عملت كدا عشان انتي مش عاوزة تكلميني
فريدة: والله
احمد:اه والله حتى انا بقولها هي مين دي
فريدة:طيب لما اروح هكلمك انا مع البنات في شركة المهدي
احمد:اوك خلي بالك من نفسك
اغلق معها ونظرت هي إلى ولاء بشرر يتطاير من عينيها
ولاء بخوف مصطنع:اهدي اهدي هنتفاهم
فريدة: والله لاوريك يا حيوانة
فيروز:اخرسوا بقى
صمت الجميع ونظر لها آسر باستغراب
ريماس:احم صح يا آسر هو مين مهند دا
آسر باستغراب:وانتي شوفتي مهند فين
ريماس بخبث:اصل هو كان معانا في الاسانسير واحنا طالعين لبابا محمد وكمان كان بيبص لفيروز بإعجاب اوي وفضل يسألها انتي مين وكدا
آسر بغضب:اه دا صحبي
ريماس:شكلك لسه ما شوفتوش اصلو مستنيك
هز رأسه وصمت وابتسموا جميعهم على ريماس وخرجوا عندما وقف المصعد
فيروز:شابو يا ريري
ريماس:ولسه
دخلوا إلى السكرتير وتحدثت فريدة هذه المرة
فريدة:لو سمحت مازن موجود
السكرتير:أقوله مين
فريدة:قوله فيروز اختك
السكرتير:اهلا اهلا يا هانم لحظة واحدة
فيروز بغيظ:فريدة بتعملي اي
فريدة بضحك:اي يا روز هو مش انتي اختو برضو
السكرتير: اتفضلو مازن بيه منتظركم
فيروز بابتسامة:ميرسي جدا
دخلوا وجدوا اركان يجلس أمام مازن
فريدة باستغراب:هو انت مش لسة نازل لحقت توصل قبلنا
لم يرد عليها وجلست فيروز أمامه
فيروز:مالك يا اركان
اركان بتنهيدة: مليش انا ماشي
خرج ولم يتحدث بأي شي اخر
مازن:اي يا حبايبي في حاجة
فيروز:لا مفيش احنا هنمشي احنا كمان
خرجوا متجهين إلى القصر واستغربهم مازن كثيرا وجدوا سيارة اركان ف دخلوا وجدو كارمن مازالت موجودة
فيروز: السلام عليكم
الجميع: وعليكم السلام
فيروز:اركان فين يا مامي
دورا باستغراب:اركان هو اركان جه
فريدة بسرعة:اي يا روز انتي مشوفتهوش وهو قاعد في الجنينة برا
دورا:طب اي ياروز مش هتقعدي مع هيني شوية دي جاية عشانك
فيروز بابتسامة:انا طالعة اهو هما عند بيتو
دورا:ايوا ياحبيبتي
تمارا:اطلعوا كلكم يا بنات هانيا بنت خالكم
فيروز بضحك:هما هيطلعوا يا ماما ولو مكانوش طلعوا هما حرين
ضحك الجميع وصعدوا جميعهم ولم يتحدث أحد إلى هيلين مما ازعجها
هيلين بغيظ:هو انا شفافة مش بتتكلموا معايا
لم يرد عليها أحد ففهمت بتول وهانيا من نظراتهم
هانيا:احم هو فين كوكو
فيروز باستغراب:كوكو كوكو مين
هانيا بضحك:سوري سوري اركان هو فين
فيروز وهي تنظر لهيلين بغيظ:تحت في الجنينة
هيلين :طب أن
قاطعتها ريماس وهي تقول:ومش عاوز حد معاه دلوقتي
صمتت بحزن
هانيا:طب يالا وروني الدريسز بتاعتكم عشان اشوف اي الميكب المناسب
فريدة:مش شايفة معاكي حاجة يعني
هانيا بضحك:معتز شوية وجاي ومعاه الحاجة
ظلوا يتحدثوا إلى أن أتى معتز
معتز:السلام عليكم
الجميع: وعليكم السلام ورحمه الله وبركاته
معتز:ازيك يا ماما
دورا بابتسامة: الحمدلله ياحبيبي في حاجة ولا اي
معتز بغيظ:الست هانيا خلتني اجبلها الحاجة عشان البرنسيس مش قادرة تشيلهم
هانيا وهي تنزل السلم:بتقول اي يا معتز مش سامعة
معتز بغيظ:بقول اي مش قادرة تشيليهم
فيروز بضحك:معلش يا معتز خليها عليك اختك برضو
هانيا:تخيلي يبنتي اختو الكبيرة كمان يعني الشحط دا اصغر مني
معتز بغيظ:طب خدي حاجتك وانا غلطان اني جيت اصلا
فيروز بضحك:معلش يا زوز اختك استحملها
معتز بضحك:عشان خاطرك يا جميل بس
ضحك الجميع عليه
معتز:احم بتول عاوزك
بتول بجدية:اتفضل معايا
دخلوا المكتب وجلسوا جميعهم في الصالون
كارمن:هيك حلو يا خانم
تمارا:تسلمي ايدك كارمن
هانيا:بقولك اي ياروز
فيروز بضحك:قولي ياقلب روز
هانيا:تعالي نخرج
دورا:لا مفيش خروج اتفضلوا اطلعوا عشان تجهزوا كفاية اوي كدا
هانيا بتذمر:بس انا
جميلة :قولنا خلاص يا هانيا
صعدوا إلى الأعلى وكانت بتول تخرج من المكتب هي ومعتز
معتز:تمام كدا
بتول:اوكي تمام
معتز:اي خدمة يا جميل
بتول بضحك:تسلم انت جاي الحفلة اكيد
معتز:اكيد يالا سلام
دورا:في أي يا بيتو
بتول:مش دلوقتي يا خالتو بعد اذنكم هطلع للبنات
صعدت ولم يفهم أحد شئ ودخل اركان
اركان: السلام عليكم
الجميع: وعليكم السلام ورحمه الله وبركاته
دورا:اركان مالك
اركان:مفيش ياحبيبتي فين روز
دورا:فوق
اركان:اوكي
صعد إليهم هو الآخر دق الباب فسمحت له فيروز بالدخول
اركان:ازيكم يا بنات
هانيا:تعالي ادخل
دخل وسلم عليها
هانيا:ها يا ولاد عاوزين تتدخلوا اي
فيروز:هندسة إن شاء الله
فريدة:طب بإذن الله
ريماس:السن إن شاء الله
ولاء:اداب فلسفة إن شاء الله وأحمد طب
بتول:انا في حاجة محيراني ازاي احمد كان بيحضر مع روز ويذاكر معاها وازاي هيدخل طب انتوا هتجننوني مش هو علمي رياضة زي روز
ولاء بضحك:لا الفكرة أن احمد كان بيحضر للمدرسين بتوع الفيزياء والكيمياء معاها وفريدة مع مدرسين تانيين إنما احمد علمي علوم اصلا
بتول:عشان كدا
فيروز:وانتي يا هانيا خريجة اي
هانيا:انا ياستي خريجة اثار لغات
ريماس:بجد طب ما اشتغلتيش ليه
هانيا:ساعات وساعات لا حبيت شغل الميكب اكتر
فريدة:اتعلمتي الميكب ازاي
هانيا:خدت كورسات كتير فيه ومن برا كمان
اركان:هي واخدة كورسات من أمريكا وعمتو وخالو معترضوش لأنها حابة كدا وكمان لما راحت عند تيتا فيروز خدت كورسات هناك برضو
هانيا بضحك:عارف تاريخي كلو
ضحكوا جميعهم
ريماس:وانتي يا شاهي
شاهي:انا ياستي مع هيلو فنون قسم تصاميم
فيروز:تصاميم ازاي يعني
عائشة:يعني تصاميم يبنتي😂مثلا قرى سياحية وكمان تحددي مداخل ومخارج المدن وشكلها وكدا
ريماس:طب ما حلو اهو يا هيلي يعني تشتغلي في الشركة عادي
نظر لها اركان وجدها تنظر له بحزن فبعد وجهه عنها
اركان:بعد اذنكم
ريماس:هيليييي
هيلين بانتباه:ها بتقولي حاجة يا ريري
شمس بضحك:لا لا خالص
هيلين:اوكي
عدى الوقت سريعا وأتى الليل وكان قصر المهدي غاية في الروعة بعد أن تزين وارتدي الفتيات ملابسهم ووضعت لهم هانيا ميكب بكل احترافية وكانوا غاية في الروعة
كان الجميع بالحديقة من أصدقاء ورجال أعمال فمن لا يعرف مصطفى ومحمد المهدي وشركائهم وكانت فساتين دورا وجميلة ورويدا وتمارا وسربين وجولنار غاية في الروعة
سعيد بهمس لتمارا:كل شوية تحلوي اكتر كدا مينفعش
تمارا بضحكة خفيفة:يعني عاوزني اكون وحشة عشان تبص برا
سعيد بهيام:هو انا قادر اطلع من جوا وبعدين انا محدش بيملي عين من برا ابدا
ضحكت تمارا بخجل فجاء إليهم مصطفى
مصطفى بضحك:في أي يا سعيد عملتلها اي وبعدين انت لازقلها ليه كدا ابعد شوية
سعيد بغيظ:صبرني يارب عاوز اي يا مصطفى واحد ومراته انت مالك
أمجد بضحك:تعالى يا مصطفى كلم
مصطفى:اصبر بس اما اشوف اخوك دا واقف ليه كدا
أمجد:تعالي يا مصطفى
اخذه أمجد
سعيد بغيظ:عاجبك كدا انتي
تمارا بضحك:انا هروح اقف معاهم وانت شوف صحابك
ذهبت هي الأخرى إلى اختها واولاد عمها
مازن:عاش من شافك يا معتز
معتز:ما تشوفش وحش ياخويا
حسين باستفزاز:ما هو شافك اهو يا زوز
معتز بغيظ:احترم نفسك يا حسين عشان انت حر
حسين ببرود:هتضرب اخوك الكبير ولا اي
معتز بغيظ: والله لاقول لبابا هاا
ضحكوا عليه وتركهم وذهب
في جناح فيروز دق الباب وسمحت للطارق بالدخول فدخل والدها وقبل رأسها
محمد:حبيبة بابا
فيروز بابتسامة: حبيبي في حاجة
محمد:غمضي عيونك يا وردتي
غمضت عيونها وفتحتهم عندما قال لها والدها
محمد:بصي في المراية كدا
نظرت وجدت تاج أعلى رأسها
فيروز بزهول:بابي دا عشاني
محمد بحب:طبعا ياروح بابا انتي ملكة قلبي
حضنته فيروز بقوة: حبيبي ما اتحرمش منك ابدا
محمد:طيب يالا عشان ننزل
فيروز:طب والبنات
محمد:روحي شوفيهم يالا وانا هنزل
فيروز بسعادة:اوكي ياحبيبي
ظلت تنظر بسعادة وخرجت وذهبت إلى جناح بتول فجميعهم تركوها بمفردها في جناحها دخلت عليهم وجدتهم أمام المرآة
فيروز بسعادة:بصولي
انبهر الجميع بها كثيرا وبالتاج أيضا
بتول بابتسامة:جميل اوي ياروحي
فيروز بسعادة:بابي جابو ليا
ريماس بسعادة:مبارك عليكي ياعيوني
هانيا:طب يالا ننزل يا اميراتي
فيروز بحماس:يالا
هانيا:انتي هتنزلي في الاخر ماشي
فيروز بعبوس:ليه
هانيا:هو كدا
بتول:اوكي انا هنزل
نزلت بتول اولا وانبهر جميع الحضور من جمالها ونزلت خلفها هيلين وخطفت أنظار جميع الحاضرين ونزلت خلفها هانيا وكان الجميع ينظر لها بإعجاب واضح ونزل خلفها ولاء وفريدة وريماس ونظر لهم الجميع بدهشة من حجابهم الذي زادهم جمالا واخيرا نزلت فيروز وكانت تمشي بثقة كبيرة وكان الجميع ينظر لها بدهشة من بتكون هذه الجميلة
محمد المهدي:شرفتونا جدا يا جماعة وبشكركم لقبول دعوتنا الحفلة بمناسبة أن بنتي حبيبة قلبي أنهت مرحلة الثانوية العامة وجابت مجموع فرحنا كلنا وكمان ولاد شركائي وبنت اخويا بصراحة فرحونا جدا بالدرجات اللي جبوها وبشكركم مرة تانية
أحد الحضور:طيب يا محمد فين بنتك
أشار لها ابوها فوقفت بجانبه
محمد وهو يضمها تحت ذراعه:حبيبة قلبي فيروز محمد المهدي
صفق لها الجميع وكانوا ينظروا لها بإعجاب كبير
هانيا:خالو انا زعلانة منك بقى
محمد بضحك:ليه بس تعالي
وقفت جانبه هي الأخرى
هانيا:يعني الحفلة عشانهم هما بس
محمد:لا ياحبيبتي وانتي كمان
هانيا:ايوا اضحك عليا بقى انا اصلا متخرجة من بدري
محمد:اقدملكوا يا جماعة هانيا بنت اختي وحبيبة قلبي وفرحتي الأولى وبنتي الكبيرة قبل فيروز
أحد الحضور بضحك:وبعدين يا هانيا هانم مين ميعرفش حضرتك كلنا عارفينك ولا اي يا جماعة
فتاة:اكيد طبعا أنا اول لما شوفتك ما صدقتش انك هنا قدامي
هانيا بابتسامة: حبيبتي شكرا جدا يا جماعة
جاء اركان بابتسامة:احب اقدم قدامكم كلكم يا جماعة هدية لأختي ونورعيني روز بمناسبة نجاحها
كان الجميع ينظر باهتمام فدخل أحد بسيارة أقل ما يقال عنها روعة انبهر الجميع بها كثيرا
اركان: حبيبتي انا كنت وعدتك اني هجبهالك وانا وفيت بوعدي دي عربيتك
فيروز بدموع: حبيبي حلوة اوي اوي
مازن بحب:دلوقتي دوري انا
نظرت له ونظر له الجميع منتظرين ماذا ستكون هديته
مازن:اختي وحبيبتي الأولى وبنتي فيروز جبتلك احدث ايفون وكريديت كارد باسمك في البنك وفيها رصيد تصرفي فيه براحتك دي حاجة قليلة اوي عليكي بس اوعدك اني هعملك الاحسن من كدا
فيروز بدموع: حبيبي بجد مش عارفة اقولكم ايه
اتجهوا لها وضموها بكل حب والجميع ينظر لهم بتأثر وحب أيضا
مازن:دلوقتي هديتي لبيتو حبيبة قلبي وبنت عمي
نظرت له بحب
مازن: عمي مصطفى انا قدام الناس دي كلها بطلب منك ايد بيتو وعاوز اقولك هي فقلبي قبل عيوني اسمع ردك
مصطفى بضحك:بالسرعة دي انا مش موافق
نظرت له بتول بصدمة هي ومازن
مازن بصدمة:مش موافق يعني اي مش موافق
مصطفى بضحك:ايوا مش موافق
مازن بجنون:لا عمو متهزرش بقولك انا بحبها ومقدرش اعيش من غيرها انت بتقول اي
محمد بهدوء:مازن لو
قاطعه مازن قائلا:بابا بعد اذنك متحاولش تقنعني بحاجة انت مش سامع هو بيقول اي دا عاوز يبعدها عني
مصطفى بضحك:أهدى يا مجنون خلاص أنا موافق يخربيت دماغك
مازن براحة:حرام عليك بجد
ذهب لها والبسها الخاتم الذي اشتراه
بتول بصدمة:اي دا
مازن:مفيش حاجه تغلى على نورعينيي
بتول بصدمة وحب:بس دا الماظ دا
مازن:هش خلاص
فيروز بسعادة:مبارك يا بيتو مبارك يا ميزو يا حبيبي
مازن بحب:الله يبارك فيكي ياعيوني
زهراء:عاوزة اقدم هدية لأختي ولاء حبيبة قلبي
نظر لها الجميع هي الأخرى وثواني ودخلت سيارة أخرى
زهراء:انا وعدتك يا لولو اني هجبلك لما تجيبي مجموع كويس وكنت واثقة فيكي دي هدية بسيطة مني واوعدك اول لما ارجع من لبنان هيكون ليكي هدية تانية مني
ولاء بحب وهي تحتضنها:ياروحي انا كفاية عليا انك موجودة في حياتي
محمد المهدي:هديتي انا بقى لحبيبة بابا دي
نظر له الجميع باستغراب واولهم فيروز
محمد المهدي بابتسامة:اي ياروز مش كان حلمك تكملي دراستك برا انا قدمتلك في جامعة برا مصر وهتكملي هناك لحد لما تقولي خلاص يا بابا مش عاوزة حاجة تاني
اتجهت نحوه وضمته بحب:انا بحبك اوي اوي
اركان:اخر حاجه يا جماعة هديتي لهيلي حبيبتي وبنت خالتي لاني وعدتها دا احدث فون ودي مفاتيح عربيتك الجديدة ودا العقد اللي عجبك
هيلين بحب:اركان انا
قاطعها قائلا بحزن مخفي:اتمنى يكونو عجبوكي و...هطلب منك طلب
نظرت له باستفسار
فأكمل:انسيني يا هيلي انا بقولك قدام الناس كلها انسيني وعيشي حياتك انا هسافر ومش راجع عشان انتي تكوني مبسوطة انا هبعد
نظرت له بصدمة وكذلك الجميع ولكن زهراء وفيروز يعلمون لماذا يقول هكذا
هيلين بخوف:ا..ار..اركان انت انت بتقول اي
اركان:بقول اللي لازم يتقال يا هيلي انتي متستحقيش واحد زيي عيشي حياتك بعد اذنكم
خرج من الحفلة بل من القصر بأكمله وتركها في صدمتها ظنت أنه يمزح معها ونسي ما فعلت بالصباح مع انس ولكنها متعودة أن تفعل مع انس هذا دائما ولم تقصد أن تضايقه ولكنه سيرحل ويتركها
كريم:هو اي اللي حصل دا
محمد المهدي:احنا اسفين جدا يا جماعة اتفضلوا
قضوا القليل من الوقت وذهب جميع الحضور وكانت هيلين بجناح بتول فهي صعدت بعد أن غادر هو
كريم بغضب:انا عاوز اعرف هو عمل كدا ليه
محمد المهدي ببرود:صوتك يا كريم وبعدين اختك غلطانة تتحمل نتيجة غلطها
زهراء بعد أن تركت هاتفها:احم طيب يا جماعة انا مضطرة امشي دلوقتي
أمجد باستغراب:على فين
زهراء:هجهز حاجتي عشان مسافرة
ولاء:دلوقتي
زهراء:ايوا
خرجت وجاء بعدها اركان
اركان بهدوء:انا مسافر يا بابا
محمد المهدي بهدوء:اوكي
صعد إلى جناحه وأحضر حقيبته ونزل
كريم بسخرية:دا انت مرتبها بقى
لم يرد عليه واقترب من فيروز وقبلها:سلام ياروز هتوحشيني
فيروز ببكاء:وانت كمان هتوحشني اوي
بعد عنها بهدوء واقترب من مازن:سلام يا مازن
مازن:سلام يا حبيبي انا كلها يومين وهكون في لندن وهبعتلك
اركان:إن شاء الله
جاء عند هانيا فقامت وقالت قبل أن يتحدث:انا جاية معاك
نظر لها الجميع باستغراب فقالت:بابا ماما انا هسافر عند تيتا فيروز
ساجدة:معنديش مشكلة
آسر الجندي:تمام ياحبيبتي
هانيا:يالا يا اركان
خرجوا واتصل على زهراء واخبرها بأن هانيا معه
زهراء:اوكي هستناكم في المطار
اغلق معها وكلم مازن :ابعتلي حد ياخد عربيتي
مازن:هتلاقي السواق مستنيك في المطار
اغلق معه وظل صامت إلى أن وصلوا وذهبوا ثلاثتهم إلى لبنان
في قصر المهدي
ولاء:زهراء اتاخرت
محمد المهدي:زهراء سافرت
ولاء:اي سافرت من غير ما تعرفنا ولا تودعنا
مصطفى المهدي:هي مش بتحب الوداع والجو دا كويس أنها عرفتكم أنها مسافرة دلوقتي اصلا
ولاء:كمان
رويدا:خليها على راحتها
كريم:هطلع اشوف اختى
صعد ودخل وجدها تجلس شاردة ودموعها تجري على خديها
كريم:قومي معايا
هيلين: حاضر
نزلوا وجدوا تمارا وسعيد رحلوا وأمجد ورويدا أيضا
كريم:بابا احنا هنمشي
ذهبوا هم أيضا وأحمد الشامي وأولاده وزوجته
مازن:يالا ياروز عشان تنامي
فيروز:هتطلع معايا
مازن:ايوا ياحبيبتي يالا
صعد الجميع أيضا
وبعد مرور ثلاثة أيام كان اركان سافر لندن ومعه هانيا أيضا فهي لم تتركه ابدا وهيلين حالتها تسوء يوما عن يوم فهي لم تتوقع ما حدث وتخاف بأن تحكي مع اركان فيجرحها
أنهت زهراء كل شئ وعادت إلى مصر وتساعد محمد في تأسيس الشركة وها هم اقتربوا أن ينهو كل شئ بها
علم رسلان ما حدث ولم يفعل أي شئ ترك كل منهم على راحته فهو اطمئن عليهم وقرر أن يترك كل منهم في حياته الخاصة وأنه لم يتدخل ابدا في حياتهم
ودي كانت نهاية الجزء الاول يارب تكون الرواية عجبتكم
