دموع زمرد

الجزء الخامس

صلو علي النبي ويلا نبدأ
❤️............................❤️
خرجت زمرد بعدما اخذت شاور اراحت به اعصابها. وجدت ياسمين قد ارتدت ملابسها فقالت
زمرد؛ ياسمين معلش معندكيش حاجه البسها للصلاه لان ربنا يسامحني امبارح مصلتش ولا صلاه
ياسمين؛ ايه ده هو انتي بتصلي
زمرد؛ طبعا يا بنتي دنا اليوم الي مبصليش فيه ببقي مدايقه اوي وانا والله مدايقه اوي امبارح علشان مصلتش ربنا يسامحني بقي
ياسمين؛ انا عندي إسدال للصلاه
زمرد؛ طيب كويس. انتي صليتي
ياسمين بحرج؛ بصراحه انا كنت بصلي علشان كان في حد كده دايما يقولي صلي وبعد ما مشي انا مبقتش اصلي
زمرد؛ لا يا ياسمين انتي لو هتصلي علشاني او علشان اي حد يبقي متصليش احسن.     لزما لما تصلي تكوني بتصلي  علشان ربنا مش علشان اي حد وكمان علشان مش  عايزاه يزعل منك ويبغضك يلا ادخلي اتوضي وتعالي نصلي مع بعض
ياسمين؛ بس كده المكياج هيبوظ دنا بقالي ساعه بظبطه
زمرد؛ علفكره انتي زي القمر من غير اي حاجه أمسحي الي علي وشك ده مش هيفيدك والله انتي قمر من غير اي حاجه
ياسمين؛ تصدقي انتي عندك حق  انا هروح امسح القرف ده وهاجي نصلي شكرا يا زمردتي
زمرده: يلا ياختي
جلست زمرده وتذكرت والدتها وهي تقول لها زمردتي دائما وكانت زمرده تقول لها " ماما مش تقولي زمردتي. انا اسمي زمرد وبس"
زمرده بدموع؛ تعالي يا ماما ثاني وقوليلي زمردتي عادي وانا والله ما هزعل منك بس تعالي.  ليه سبتيني مش كنتي بتقولي انك مش هتسيبيني
ياسمين؛ ايه ده يا زمرده انتي بتعيطي.   دنا مكملتش حتي خمس دقايق
زمرده؛ لا مفيش يلا بقي علشان نصلي
ياسمين؛ يلا
( بعد إكمال صلاتهم ارتدت زمرده ملابس من ياسمين وخرجت هي وياسمين)
.......
ياسمين؛ ايه ده هجيبو منين ده بقي
زمرد؛ هو ايه
ياسمين؛تاكسي يا بنتي
زمرده؛ والله يا بت.   وليه منركبش مواصلات احسن
ياسمين؛ لا طبعا.  اهو تاكسي استني بقي (تاكسي تاكس)
صاحب التاكسي؛ لفين يا ابله.
ياسمين؛ ل******
صاحب التاكسي؛ بس دي منطقه بعيده انا كده هاخذ 300 جنيه علي التوصيله
ياسمين؛ OK. يلا نركب يا زمرده
زمرده؛ ايه ده انا مسمعتش غلط. .  لا طبعا مش هنركب امشي يلا يا باشا
وذهبت هي وياسمين بعيدا عن التاكسي ثم قالت

زمرد:بت يا ياسمين انتي هتركبي معايا مواصلات وإن اتكلمت هتضربي بالشبشب مش ناقصه هي 
ياسمين؛بس يا زمرد
زمرد؛ اسكتي ولا بس ولا حاجه يلا يا بت
ياسمين؛طيب اما نشوف هتركبينا بكام يعني
زمرد؛ امشي معايا وانتي ساكته
.....................🏵

بعد ساعه أمام المطعم التي تعمل به ياسمين كانت تقول بفرحه
ياسمين؛ وااو ده انا وانتي مكملناش أجره 20 جنيه
زمرد؛ بطلي يا بت دنتي عيله بصحيح عايزه تركبي أجره 200 هي فلوس في الأرض يلا ادخلي المطعم وانا هروح اشوف شغل وهطلع علي الشقه اجيب حاجتي وهاجي اخذك ونمشي
ياسمين؛ طيب تمم
........................🏵
كان يجلس في مكتبه ولا يدري ماذا يفعل في تلك المواعيد المُلخبطه فقد قدمت سكرتيرته استقالتها وهو قبلها. قاطع تفكيره صوت صديقه هشام
هشام؛ ازيك يا ميزوو
معاذ؛ عايز ايه يلا
هشام؛ بتكلمني انا يا بوص مش كده عيب
معاذ؛ عايز ايه يا هشام انا مش طايق حد
هشام؛مالك مدايق كده ليه.  اه صحيح هي فين سكرتيرتك
معاذ؛ عايزك تطبعلي منشور عمل سكرتيره
هشام بفضول؛ هي مشيت؟ طردتها؟ايه الي حصل؟!
معاذ؛ هشام انت ال هتبقي سكرتيري لغايه لما تلاقي سكرتير كويس وكمان انت الي هتعمل المقابله اك
هشام؛ انا!! انت بتهزر انا بقولك جاي افتح مشروع هتشغلني سكرتير
معاذ؛ مش انت كنت عايز تشتغل في الشركه يلا روح بقي هلي شغلك علشان عندك شغل كثير
خرج هشام متمتما"ربنا علي الظالم والمفتري"
معاذ؛ بتقول حاجه يا هشام
هشام؛احم بقول ربنا يقويني.   وخرج
ظهرت ابتسامه علي وجه معاذ من ذلك الصديق المرح فهو يحبه كثيرا.
🌼...........................🌼
زمرد؛ احم انا كنت محتاجه شغل ولقيت اعلان الشغل هنا
المدير؛ تمام احنا لسه فاتحين جديد ومحتاجين عمال كثير  هنا اهم شيء الامانه والانضباط
زمرد؛ اكيد 
المدير؛ تمام انتي ممكن تيجي بك.....
قاطع كلامه رنين هاتفه فأجاب وبعدما أغلق مع المتصل نظر الي زمرد وقال بخوف
المدير؛ احمم معلش احنا معندناش شغل
زمرد؛ ليه. حضرتك كنت موافق دلوقت
المدير؛ معلش. انتي مش هترضيلي المطعم يتقفل  والله دي اوامر
زمرد؛ تمام شكرا وتركته وذهبت
ظلت زمرد تبحث عن عمل ولكن لم تعثر بسبب مقطع الفديو الذي انتشر نعم نعم فقد انتشر مقطع الفديو التي كانت تسكب فيه العصير علي الرءيس التنفيذي "معاذ" ومديرها.             والجميع خاءف من توظيفها من هذا الذي يسمي معاذ  حتي ذهبت الي متجر زهور كان هذا اخر امل لها فدخلت والقت السلام ثم قالت
زمرد؛ احم بعد اذنك انا كنت بدور علي شغل ولقيت اعلان عمل هنا  
الفتاه؛ اه انتي ممكن تدخلي للمدير من هنا  
زمرد؛ شكرا.             ((دخلت زمرد الي المدير وكانت تدعي ربها ان يقبلها))
بعد انتهاء المقابله قال المدير 
المدير؛ تمام هرد عليكي
زمرد؛ تمام شكرا وتركته وانصرفت
ظلت تمشي زمرد في الشارع بدون هدف لا تدري ماذا تفعل فلن تعثر هي علي عمل هكذا ذهبت الي شقه والدها
❤️...............................❤️
في مساء اليوم نجد زمرد تنتظر ياسمين أمام المطعم وهي تقول
زمرد؛ ماشي يا ياسمين ال*ك*ل*ب مش انتي قولتي اجيلك علي الساعه 6 طيب ورحمه امي ان شوفتك لارميكي قدام عربيه حمير هيه بس كده.   كانت تتحدث وهي غير مباليه بالذي وراءها يضحك بصمت  
التفتت زمرد وقد وجدت شاب وسيم يقف وراءها ويضحك علي الكلام الذي تقوله
زمرد بحرج؛ يا كسفتك يا فتحييي.  
سمع هشام جملتها الاخيره ولم يستطيع ان يصمد اكثر فانفجر ضاحكا   وقال
هشام؛ انا اسف مقصدش اني اسمعك
زمرد  بضحكه غباء؛ ههه انت سمعت من فين بالضبط
هشام؛ من اول ياسمين ال*ك*ل*ب
زمرد؛ ههه احمم. احمم
هشام؛ انتي تقصدي ياسمين الي شغاله هنا في المطعم
زمرد بفرحه؛ ايوا انت تعرفها
هشام؛ اه
زمرد؛اكيد انت شغال جديد هنا
هشام؛ ايوا حاجه زي كده
زمرد؛ طيب خد بالك من المدير علشان ده راجل ظالم اويي
هشام باستغراب؛ انتي تعرفي المدير
زمرد؛ هه عز المعرفه ياباشا دنا كنت اكثر واحده بتهزأ منه اساسا
هشام؛ هو انتي كنتي بتشتغلي هنا
زمرد؛ ايوا. بس سبت الشغل
هشام؛ ليه
زمرد؛ مش ناقصه غباء الله يكرمك
هشام؛ افندم
زمرد؛ احم قصدي يعني انا كنت لسه بقولك اني اكثر واحده بتتهزأ في المطعم ده
هشام؛ اهاا  اك
زمرد؛ هو انت ممكن تناديلي ياسمين
هشام؛ اكيد
بمجرد دخول هشام المطعم خرجت ياسمين وهي تقول
ياسمين؛ معلش اتأخرت عليكي
زمرد؛ ايه ده هو لحق يناديكي
ياسمين؛ مين ده. انا محدش ناداني
زمرد؛ طيب يلا يلا علشان نروح
ياسمين يلا يا اختييي
🌼........................................🌼
في صباح يوم جديد نجد فتاه تستيقظ وهي فرحه فهذا اخر يوم لها في أمريكا  وستذهب لأهلها كم اشتاقت لهم(😊)
قامت وأخذت شاور وارتدت ملابسها وذهبت الي المطار ولكن وجدت صديقتها فقالت
كانت تتحدث بالانجليزيه وتقول
سما(( هاي اليكس ))
اليكس(( اهلا يا فتاه كم سافتقدك ))
سما((وانا اكثر))
اليكس(( حسنا لا تنسيني وسنكون علي تواصل حسنا))
سما((اكيد ))
تحدثت اليكس بالعربي المكسر وقالت
اليكس؛ احبك لا تنسيني
سما(( اهو اليكس انتي حقا جميله وانتي تتحدثي بالعربيه))
اليكس((لقد تعلمتها من أجلك يا فتاه))
سما((احبك.   الي اللقاء))
بعد الكثير من الوقت كانت سما تخرج من المطار وهي فرحه

🏵🌼٠٠٠٠٠٠٠٠٠٠٠٠٠٠٠٠٠٠🌼🏵
مبدئيا كده محدش يشتم انا اسفه اني اتأخرت في الكتابه والله ظروفي كده معلش بقي بصو بقي انا هغير ميعاد نشر الروايه وهخليه ( سبت وثلاث الساعه6 ) اك
ثانيا بقي محدش يلومني اني منشرتش علشان انتو كمان مش بتشجعوني فيها ايه يعني لو عملتو فوت والله  الفوت ببلاش.  بردو محدش هيعمل فوت ماشي  يا ظلمه طيب ماشييي  باي يا جماعه علشان انا زعلت 😂