دموع زمرد

الجزء السابع

معاذ؛ تعالي مكتبي
لم ينتظرها معاذ وأغلق سريعا فهذه احد عاداته
تمتمت زمرد بغضب ثم ذهبت اليه طرقت الباب ودخلت بعدما اخذت الإذن من ذلك المتعجرف
معاذ؛ كل ده علشان تيجي
زمرد؛ بس انا متأخرين كثير دول همه خمس دقايق
معاذ؛ انتي كمان بتردي مخصوم منك يومين
نظرت اليه زمرد بغضب ثم قالت
زمرد؛ تمام يا فندم
معاذ ببرود؛ جهزي نفسك الساعه 8 علشان عشاء العمل
زمرد؛ منا عارفه في اي جديد
معاذ؛ احم لا كنت بحسبك نسيتي احذري مش هقبل باي خطأ وخصوصا ان ده المطعم الي كنتي شغاله في قبل كده
أومأت زمرد بهدوء وكانت ستخرج ولكن تذكرت شيء وعادت وهي تقول
زمرد؛ احم انا انا
معاذ؛ في ايه
زمرد؛ انا كنت عايزه استأذن ساعه واحده بس وهاجي علطول مش هتأخر
معاذ؛ من اول يوم وتستأذني روحي
ذهبت زمرد لمكتبها تتابع عملها حتي دقت الساعه الخامسه ونصف استأذنت وذهبت 

🏵............................🏵
بعد وقت كانت تنتظر زمرد أمام باب المطعم الذي تعمل به ياسمين
ياسمين؛ معلش اتأخرت شويه معلش 
زمرد؛ يلا علشان انا علي اخري وبعدين انا استأذنت ساعه بس فاخلصي
ياسمين؛ ماشي
ذهبت الفتاتان ومضو عقد الإيجار كانت زمرد فرحه كثيرا فهي لاول مره تشعر انها ستنام غير خاءفه من والدها ان  يأتي وينهال عليا بالضرب بعد ذهاب صاحبه البيت وقفت زمرد تنظر الي المنزل بفرحه كبيره ثم قالت
زمرد؛ الله الحمد لله يا رب
ياسمين؛ افرحي ياختي مين قدك
زمرد؛ بطلي يا بت الي يشوفك وانتي بتقوليلي كده ميشوفش فيلتك الا صحيح انتي مقولتليش انتي ازاي بتشتغلي في مطعم وانتي اهلك اغنيه كده
ياسمين؛ يووووه دي قصه طوييييييله هبقي احكيهالك بعدين
نظرت زمرد في الساعه وجدت انها السادسه ونصف فقالت بفزع
زمرد؛ انهر مش فايت دنا اتأخرت
ياسمين؛ طيب بلا نمشي بسرعه
في تلك الأثناء رن هاتف ياسمين
ياسمين؛ الو السلام عليكم مين معايا
المتصل؛ الحقيني يا ست ياسمين وتعالي الدار بسرعه 
ياسمين بفزع؛ ناديه ايه  في ايه يا بنتي
ناديه؛ تعالي بسرعه
بعد إغلاق ياسمين اخذت حقيبتها وذهبت سريعا وزمرد وراءها
بعد نصف ساعه كانت تجلس ياسمين وزمرد أمام فتاه في مقتبل العشرون يبدو عليها الطيبه وتتحدث بخوف
ناديه؛ وبس كده يا ست هانم
ياسمين؛ ومديره الدار هي الي  قالت انكو تسيبوه في الشارع دنا هعمل مصيبه
ناديه؛ والنبي ما تعاليلي مشكله يا ست هانم انا قولتلك علشان انتي كنتي بتحبي الراجل ده جدا وكنتي بتيجي الدار علشانو
ياسمين؛ طيب انا هعمل ايه
زمرد؛ انتي لسه هتفكري هناخدو معانا طبعا
ياسمين؛ طيب ماما وبابا هقولهم ايه انتي متعرفيهمش دول ممكن يطردوه برده
زمرد؛ لا منا الي هاخده عندي البيت
ياسمين؛ انتي بتهزري
زمرد؛ واهزر ليه انا كده كده هقعد في البيت لوحدي وهو قد ابويه او اكبر كمان وكمان يعني احم عندو اعاقه غايه الي فيها وبصراحه انا ارتحتله من قبل ما اشوفه
ياسمين؛ محتاج رعايه وانتي شغلك
زمرد؛ سيبيها علي الله........ ناديه هاتي الاستاذ وانا هاخده
بعد خروج ياسمين وزمرد نظرت زمرد في ساعة يدها وجدتها السابعه ونصف فزعت وقالت
زمرد؛ ياسمين انا اتأخرت جدا خلي بالك من بابا وانا هاجي اخده منك بعدين وتركتها وذهبت
............❤️
بعد وقت قصير دخلت زمرد الشركه جهزت الأوراق المطلوبه وذهبت الي مكتب معاذ لتجده يقف امام الباب بغضب
معاذ؛ انتي واحده مستهتره وانا غلطان اني سمحت ليكي انك تخرجي من الشركه دي اول مره ليا اتأخر علي معاد
زمرد؛ انا اسفه والله حصلت مشكله
معاذ؛ اتفضلي العشاء العمل اتلغي 
زمرد؛ انا والله اسفه انا بجد...
معاذ؛ اتفضلي امشي يا استاذه بس تأكدي اي غلطه كمان مش هتقعدي في الشركه دي فاهمه
زمرد؛ فاهمه واسفه مره تانيه
ذهبت زمرد وهي تبكي فقد اثبتت فشلها بجداره في أول يوم عمل لها ذهبت الي منزل ياسمين وقد بدي علي وجهها اثار البكاء فقالت ياسمين بخضه
ياسمين؛ ايه ده يا زمرده حد عملك حاجه
زمرد؛ مفيش، معلش هبات عندك النهارده علشان الشقه مش نظيفه
ياسمين؛ بطلي هبل انتي كنتي عايزه تباتي النهارده في الشقه يلا وكمان تعالي اطمني علي عمو سيف
زمرد؛ طيب
ذهبت الفتاتان لتدخل علي رجل في مقتبل الخمسون يبدو عليه الوقار رغم كبر سنه
جلست زمرد بجانبه وقالت
زمرد؛ احم انا زمرد ، ممكن اناديك ببابا، طيب انت جعان اجبلك اكل
كان ذلك الرجل لا يفعل اي شيء غير دموعه التي تهطل فقد صعب عليه أن تفعل به زوجته ذلك
بعدما وجد زمرد تقول له ذلك الكلام ظهرت علي ثغره ابتسامه فلقد كانت تشبهها كثيرا
اما عن زمرد فهي بمجرد ان رأت ابتسامة ذلك الرجل أجابت في مرح
زمرد؛ تصدق بالله انا كمان جعانه هروح أطيب اكل وناكل انا وانت وياسمين
ذهبت زمرد كثيرا واحضرت بعض الطعام وجلست تأكل بمرح وتأكل ذلك الرجل الطيب
🏵..................🏵
في صباح يوم جديد كان يقف احد ضباط الجيش أمام قائده
عدلي؛ مبروك يا بطل علي الترقيه وبجد انا بشكرك علي مجهوداتك العظيمه الي قدمتها للبلاد كفايه انك خاطرت بنفسك وسافرت بره مصر لتقبض علي العصابه
هشام؛ معملتش غير شغلي يا فندم 
عدلي؛ انا كنت بعتلك النهارده علشان في مهمه صعبه جدا
رجالتنا اكتشفو ان في عصابه بتاجر في المخدرات وحطو تركيزهم الفتره دي علي الطلاب والشباب هدفهم انهم يدمرون الشباب علشان يوقعو مصر احنا زرعنا راجل في وسطهم وبيبعتلنا المعلومات وان البوس بتاعهم مش في مصر اصلا وان صعب جدا يتقبض عليه ركز في المهمه دي علشان دي صعبه وخطيره جدا
هشام؛ تمام يا فندم انا عايز كل الورق والمعلومات عن المهمه دي
عدلي؛اسمك الورق وخلي بالك الورق دهفي غايه السريه وده الي خلاني اسلمهولك انت شخصيا
هشام؛ تمام يا فندم ادي تحيته وذهب

..................🌼

اما عند زمرد فقد ذهبت في معادها اكملت بعض الأعمال وفي التاسعه اخذت كوب القهوه المضبوط وذهبت الي مكتب معاذ طرقت الباب ودخلت بعدما اذن لها هو بالدخول وضعت كوب القهوه والقت عليه جدول اعماله ثم ذهبت خارجا.   بعد خروجها تنهدت براحه وهي تقول
زمرد؛ الحمد لله محصلش مشاكل
جلست تعمل حتي جاء وقت الغداء ذهبت الي الكافتيريا حتي وجدت شيئا جعلها تفزع كثيراا
زمرد بصدمه؛ انننتت
نظر لها الاخر بشر

👋👋٠٠٠٠٠٠٠٠٠٠٠٠٠٠٠👋👋

سلاااااااموز وحشتوني وحشتوني وحشتوني  اهو مخلفتش بوعدي ونشرت في الميعاد اسفه هوقف الروايه القليل من الوقت متقلقوش هجلكو بعد امتحاناتي مش هتاخر كثير كلها شهرين واجلكو  باااي هتوحشووووونيييييي كثيييير👋👋👋