طاغوت (الأصليـة)

part 2

                                              ﷽

                                          الگاتبــــــــة
                                      " روان الشمـري "

- لطفا تصويت للبارت بنجمة⭐
- تعليق بين الفقرات+متابعه لحساباتي

@Rawan_alshammari
Instagram: rawa. alshammr
Telegram: rawalshammr
Tik tok: r_sh.18

                                  نبـــدأ بذكــر الله ⚜️....

_____________

بوية أرجـــع
ولا تخليني أطيح
روحي أشتاگت
تهتز بالمراجيـح.

- روان الشمري
_____________

     
آيــاز

بين شُعور النايمه والفاقده حسيت باصوات أجهزة عالية وضوء بعيوني ناصَع، صُراخ اطفال وكبار وشَه قوية حَولي ريحه ديتول سطرتني..فتحت عيوني بـ تعَب وانا أسترجع ذاكرتي ليش اني هُنا؟؟ احاول اذكر آخر شي صار هوَ صُراخ شَكيناز وهيَ تگول...
"اياز اهلي مديردون"

كعدت على حيلي سَريع نسيت كُل شي حولي كمت من السرير بسُرعة وبداخلي خوّف ورهبة مسيطرة على كُل تفصيلة من جسمي الخوف الي چان بداخلي كُلش جبير من الي راح اسمعة جنت أحاول اجذب روحي وما أخلي الأفكار توشوش عليَّ
- بنتي ارتاحي بعَدهن جروحج تعرفين رقم احد من عمامج؟
باوعت الة بحيرة حتى لو حتى چنت حافظة بهذاك الوكت أتبخر كُل شيء بسبب القلق والخوّف الي عشتة، حاولت أسترجع ذكرياتي و احول اتذكر رقم شخص منهم
آياز : اي اي اتذكرت اتذكرت بس بس كلي وين اهلي ما أحتاج احد من اقاربي بس دليني على غرفة ماما و بابا الله يخليك
باوع الي بــ حيرة هز راسه
- انطيني الرقم و راح اكلج كُل شي بنتي

رديت الة الرقم طلع برا الغرفة واني بقيت بحيرتي و خوفي الي أحس اكل روحي اكل، شوية و دخل نفس الدكتور
الدكتـور : عمامج راح يجون و يطلعوكم منا
صرخت بي من دون وعيي بسبب الخوّف
آياز : ترا الساني طااااح واني اسأل على اهلي اذا بيهم شيي كُلي! التفگير اكل روحي اكل الله يخليك احجي احجي
- بنتي الحياه أختبار وانتِ إن شاءلله كدها حاولي تتقوين وتساعدين اختج سكت رجع كمل، امج و ابوج انطوج عمرهم البقي...

بعدة ما مكمل كلامة ووگف سكون جَسمي، أحس صارت وشَـة بأذني  قوية على آثرها طحت من طولي وكُل حواسي ترجف ما حسيت بعد  بشي غير بنيران تحرك گلبي حرك، كعدت و ياريت ما كعدت و أهلي نامو طول العمر ضليت مغمضة عيوني بقوة ماريد افتحهنن واهلي مغمضيهن حجيت بداخلي
آياز : ربــي اول أختبار هذا وأختبارك گسـر روحي وضلعين من ضَلوعي
جانت حَولي اصوات كُلش عالية عمامي و الدكاترة فتحت عيوني و لون الدنيا طافي بعيوني كُل شيء سـواد، اول ما فتحت عيوني دخل عمي غَانم باوع الي بنظرات اطمأنان و كُلهم حـنية
غَانم : شلونج بوية
على آثر كلماتة أنَهدرت دموعي، صرت أبجي واشهك بصوت عالي وصوتي راح
- شلونييييي عمو و اني روحي طلعت من جسمي شلوني واني فاقدة ضلعين من ضلوعي شلوني واني داخلي أترف من العود الرطب شلونيي وانا جَمره ؏ حافه النهــر
سكت وكام يبجي ويهتز جسمه
غانم : اني هم ابوج لا تتوقعين راح تصيرين وحيدة احنة اهلج يابويه بس اوكفي ؏ حيلج
- عندي ايمان بربي كلش جبير بس.. ياهو يسد مكانهم ياهو يسد فراغهم بعد ياهو يطفي نار گلبي بغيابهم؟؟
- والـ نعم بالله يلا كومي بنيتي نشوف اختج ندار ع ابن عمي هَجراس وهمسلة بكلمات بس اذني لقطته
- يابويه روح خلي ينصبون الجادر
نزلت دموعيي على كلامة همست واني أشهگ
آياز : يا جادر الجَادر أنصب بروحي عمي قبل لا ينصب بالدنيا