طاغوت (الأصليـة)

part 5

﷽

الكاتبــــــة
روان الشمري

- تصويت للبارت بنجمة + تعليق بين الآسطر غوالي🌸
- مُتابعة حساباتي مُهـم كُل شي بيهن:-

wattpad: Rawan_alshammari
Instagram: rawa. alshammr
Telegram: rawalshammr
Tik tok: r_sh.18

    
       نبـــدأ بذكــر الله ⚜️....  

_________________

الجُمرة الجانت تحَرك
هسه صارت رَماد
__________________

آياز

بقيت أرمش بصدمة مامستوعبة الي ديصير شكيناز وسلاح؟
اباوع الها و روحي مكسورة منها معقولة وصلت بيها تـُقتل؟

تباوع للأويس و جها اصفر شنو جانت تتوقع من تقتلة بنص بيتة؟ روحي نار عليه ما اعرف شنو أسوي بنت امي و أبـوية گدامي بصورةً قاتلـةَ فزيت عـلى صوت راشدي كلش قوي مطبوع بخدها من عمي..

راشد : بججججج هااااي آخر تربيتنا بيچ
هتـان : لك اصيل السويج عـلى ألـسريع
صابرين : لج شلللوون گـلب عدج تقتلي و هو بـيتة أنـي جـنت حاسة بيجج حية من تحت الـتُبن

كُل شخص صار يحجي شي و يـلوم و يـسبَ و يگول وشكيناز واقفـة تتسقبل أتـهامهم وكـلامهم وعلامات الصدمـة والخوف ظاهرة عـلى وجها والكُل جان ينطق بجـُملة

"هاي فوك ما فتحنالج بـيتنة وأعـتبرناج من اهلـة تجـازينا هيج"

باوعت الي و منتظرة انطق وأبريها وأگول أختي ماتسوي هيج، بس احس ما عندي أي كلام ما عندي اي مـُبر واني اشوفها لازمة السلاح نزلت دمعة من عينها حتى لو بررت يجذبوني حيرتها وحيرتي زادت و هيَ تشوفنـي ما حجيت شي او بـلأصح الكلام ضاع مني

جانت ملامحي باردة عكس النار التجوي بروحي شمرت المُسدس بدون مـا تـحجي گعدت بزاويـة خلت راسها بين اديهـا وصفنت عـلى الأويس عمتي تبجي و تلوم بشكيناز عمي الي گلب الدنيا بالعياط هتان اخذ الاويس الي فاقد الوعي لو ميت مانعرف حتى!

تقربت منها كعدت بصفها ما أعرف شحـجي ماعرف ألـومها لو اكول الها ليش سويتي هيج لو شنو حايرة هاي روحي شلون أگـدر اطلعها من أللـي دخلت نفسها بي طفلة شلون سوت هيج طلعت مني كلمات وأحـس جرحت روحي قبل لا تجرح روحهـا
آياز : ما جنت اتوقع بيوم تـطلعين مجرمة

باوعت الي بنظرة احس نغزت سجين بگلبي عيوني يحرگوني واني لازمة دموعي ماكدرت أسيطر على دموعي نزلن مثل شلال اضرب بيها بقهر

- لججج شكيناز شسويتي بنفسج لج شعلتي روحي بهاي عملتج لج احس مربطة ليش ليش لج بـابـا وصاج عليه تكـونين قوية و تحميني لج شلون قتلتـية شنووو سوة ألج طيحـتي نفسج بين محامي تعرفين شنو راح يسجنج و راح اتشـرد من بعدج ليش كرهج خلاج تسوين هيج ما فكرتي بية لا تفكرين بية ما فكرتي بنفسج لججج راح يدمروج !!!..