الگاتبــــــــة
" روان الشمـري "
- البارت الاول نارررييي احرگوا بتصويتكم🔥
- علقو بين الفقرات أريد أشوف ارأكم بكُل شيء مو بس نقاط
- مُتابعة حساباتي مُهـم كُل شي بيهن:-
Rawan_alshammari
Instagram: rawa. alshammr
Telegram: rawalshammr
Tik tok: r_sh.18
البَدايــــــــــة
• • • • • • •
نزل أبويـة أستگان الچاي بهدوء ورجعة لمچانة أخذ الخاشوگة وظَل يطرقها بـ الاستكان خَلة كُل الانظار تتچه نحوَ، أردف بصوت شُبه مسموع
حَكيم : الزلمة قبل لا يصير زلمة لازم يصيرن گول وفعل چلمة الزلمة عيب ماتنحجي لأي واحد
نطق أحد الي جانو بـ المضيف بشموخ وأنزعاچ
- شنو تقصـد بكلامك حچي؟
- عيب وزحمة تنفخ على الفنچان إذا جانت الگهوة حارة وانتَ بوسط ديوان هز فنچانك وأجرعـة.
ضحك الي چان الكلام متوجه بفشلة وگال
- والله ياحجي بسوالف الديوان ما تنغُلب
ضحك ابوي بضحكة رنانة وكُلها هيبـة كام وأستاذن منهم بأحترام وطلعنة لزمت أيد بـ الطريق وانا اسأل اسألاتي الي لازم كُل مانرجع من ديوان اسألة
شكيناز : بابا ليش تشربون كهوة وچاي ليش مو عصير.
- عادات أهلنـا بنيتي
- زين ليش الي بشعرة شيب يباوعلك مخنزر؟
- يضوجون من كلمـة الحق بنيتي.
ظليت طول الطريق اسألة ويجاوب برحابة صَدر وصلـنا للبيت ركضت لآياز احجيلها الي صار بـ الديوان
آياز : صار عمرج ١١ وبعد تطلعين ويَ أبوي للديوان
- احسن وعادي لو عمري ٢٠ هَم يقبل ابوي ياخذني مو صح بابا ؟
- أكيد بوية چم وليد عندي
- لااا بابااا اني بنية والله بس بأفعال ولد
تقرب من عندي يضحك بصوت عالي
حَكيم : ولج بوية موگفة الديوان كلة ؏ ايدج معتبرج أبني انه بصلافتج هاي
- اني مو صلفة بابا انتَ علمتني ما أسكت عن حقي والكذب.
أبتسم ابوي يباع الي بفخر قطع حديثنا صوت أمي وهي تشغل و تسوي كليچة
جَمـارة: والله وكت يا حكيم ذيج المرة شكيناز واياز جانو توهم يركضون وزعاطيط وهسة بنتك تروح وياك للدواوين
ابتسم ابوي تقرب حضني انا واياز
حَكيم : سولفيهم يا جَمـارة شلون عرفتـج
" فـلاش بــــاك "
- يمة جمارة شبيج مستعجلة بس خلي نفوت الـ هذا المحل
- يمة ما تشوفين الشمس صَگعتني صگع أنتقام مو صيف
- بس انطي مجال يمة خلي اخذ سمجة للعشة
-جَماره: خوش اني راح اوكف هنا على الفي بين ما تجين بس لا تتأخرين
هزت راسها بموافقة و دخلت للمحل ألتفتت حولية اباوع للمحلات لمحَت شاب واكف و يباوع عليه من فوك ليجوة خزرتة و درت وجهي للجهة الثانية شُكيلات شُكيلات عوذه.
طلعت امي من المحل مشيت كدامها وملفلفه روحي بعبايتي هيَ تمشي وراي على كيف ،چنت امشي بهدوء ما أحس الا العباية إنجرت مني شهگت بصوت عالي أردفت مرأة
- أعتـذر يمة
چانت مرة جَبيرة بـ العمر تمشي و عگازتها بيدها و عباتي صايرة جوة العگازة رفعت العباية بسرعة وألتفتت حوالية لكيت عيون الزلم كلهاا علية و من ضمنهم نفس الشاب الي خزرتة بس شافني نزل عينه بساع ومشه ضوجني خفيت دمعتي ومُشيت
أنت تقرأ
طاغوت (الأصليـة)
Mystery / Thrillerفي مَنتـصفُ كائنات الصَفاء كَانت هناك قواريرُ ابريَاء لكل مَنهم جَانبً يشـعَ كـ الهلالِ شعورهم بلأمان أصبح كـ خيـالِ.. حاربُ!! لتنجو، لتثبت أنك قوي وذو بأس شَديد، قادرِ على مُعاندة عَواصر الحديد... هي ناره آن أوان خُروجها إلى النَور. نحن آثار الدس...
