جاي نتعشه ومانسمع غير الصريخ والباب تفلش
بويه محمد كوم شوف الباب
رحت اركض للباب واشوف مره جيرانه تبجي
تفضلي خاله طبي (دخلي) يمه يمه
ها يمه خير شصاير ياهو بلباب
يمه هاي مرت جيرانه علياء تبجي
يا سودة عليه هم كتلها رجلها خلي اگوم اصيحلها يااعلي
ها خيه علياء شخيرچ هم طگاچ
شسوي يا بام محمد وين اروح اهلي ماهم جريبين عليه حتى امشي الهم وهوه
طردني بطرگ العبايه
يا خيه طبي احنه اهلج نحطج على راسنه وهسه يمشيله ابو محمد ويحجي وياه
ماتقصرين خيه ام محمد خليني بس ابات يمكم والصبح امشي لهلي
يا خيه ضلي شكثر ماتردين البيت بيتج
مشكوره الله يحفظ راعي بيتكم ويخلي فريخاتج
ويحفظج يابعد روحي
:- باتت يمنه علياء وحجت عركتهم /
....................................
دخل حسين ضايج
:شبيك حسين شو مو على بعضك
:مالج غرض وماريد اسمع حسج امشي ولي سويلي زقنبوت اريد انطمر
:يا شمالك
:كتلج ماريد اسمع حسج هسه اطلع ضيم الله كله بيج
بت... امشي ولي مني ترى طالعه روحي
:شمالك تغلط هسه انه شگتلك تريد اطلع حرگتك بيه
:تعاي ولج انتي ماتمشين بلحجي اله بلطك
:اي هوه انته مخليني مدكه هنا ماعبالك مرتك عبالك عدوتك
:من احترگو اهلج بت ... انتي ماتمشين اله بلطك
: وخر مني هسه انه شحاجيه عوفنيي
: امشي ولي ماريد اشوف وشج (وجهج )بلبيت
: وين امشي حتى اهلي موش يمي وامشيلهم
كفي كفي (اطلعي ) يلا
.....................
خيه ام محمد انه حجيت شي غلط هوه مدري شماله جاي متسودن
:يا عب حلگه كون هيج يغلط عليج لا خيه الغلط منه ومنج هم
انتي من شفتي هيج عوفي لاتراددينه وتخلينه يطلع حركته بيج
:چـا شسوي خيه طكت روحي حسره احجي كلمه وكام كتلني
:يلا هسه نامي ولاتفكرين والصباح رباح
باجر يمشيله ابو محمد ويحجي وياه
:ماتقصرون خيه يطيكم الصحه والعافيه
:- باتت يمنه علياء ودمعتها على عينهه
گعدت الصبح لگيت الكل گاعد بدلتلي امي ومشطتني ورحت للمدرسة
لگيت المعلمه عدنه
:- ها نور هم متأخره اليوم مايصير هيج ماما الدوام يبدي بثمانيه ليش تتأخرين
:- ست بيتنه بعيد
:-اذا بيتكم بعيد غير تطلعين من وقت مايصير هيج
هاي اخر مره الج بعد مادخلج للصف
: نعم ست
شكد خبيثه معلمه الانكليزي ولا احبها
وتريد زله (غلطه ) عليه حتى تحجي
كلعاده رجعت للبيت ونفس الروتين ماكو شي يتغير
واني ومحمد ساعه اصاحبه وساعه ازاعله ويجي يراضيني
مرت السنوات وكبرت صرت بالمتوسطه بالثاني متوسط والناس صارت تخطبني واهلي
يرفضون
واني افرح من يجون يخطبوني مو لان اريد اعرس بس لان حلوه وكلها تريدني
وبت جيرانه عمرها عشرين سنة ومحد يخطبها لان زركه
محمد صار عمره وآحد وعشرين وصار شاب حلو وامي تريد تخطبله وانه طايره من الفرح عود اخت العريس
لگينه اله عروس ورحنه شفنها بنيه تخبل وبيضه وناعمه
واخوي شافاها ورضه بيها
وحددنه موعد الخطبه بعد اربعة ايام وانه من فرحتي مادري شسوي
فصلت بدله تخبل وصلوخ اجه يوم الخطبه وبدلت وكويت شعري طلعت اطگ بلگاعه
وامي صلي على محمد وتكلي لاتحطين حمره وانه شلون ماحط حمره عرس اخوي وماخلي يبوي
:ولج نور بسج (كافي) من الحمره
:يمه انه شمخليه هيه بس حمره غير انه اخت العريس
:يلا فضيها
:خوش هل خلصت
اكلج مريمه حطيلي من الحمره شويه بخدودي وفوگ عيوني (مريم بنت خالي )
:نجبي ولج كافي خلي احط لروحي
:شويه حطيلي باصبعي وانه اخلي
حطيت حمره بخدودي طلعت اجنن احط واتغزل بروحي
عبالك احلى وحده بالعالم
...........................
حسابي على الانستقرام متابعه حلوه منكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قراءة ممتعه للجميع ❤️
