روايه حقيقيه بقلمي &
انا بنين المحمداوي
قراءة ممتعه للجميع ❤️
........................
بدت الامتحانات واليوم اول امتحان عدي قراءه وانه حافظه الدروس كلهه رخت امتحنت وجاوبت والمعلمه گلتلي عفيه بلشاطره وانه افرح من واحد يگلي شاطره اكيف(افرح) خلصت ورديت للبيت انه وبنات المنطقه شله(مجموعه) شگد ونرد نغني بلشارع ونركض وهيج خلصت الامتحانات وكلهن جاوبت بيهن
اجت الشهايد وزعوهن وانه طلعت الاولى كله عشرات والمعلمه اطتني هديه قلم بيه فراشه من فوك ودفتر هم حلو بيه سبرنگه وانه الدنيه ماسايعتني بهاي الهديه وماكتب بيهن خاف يخربن ومن رديت للبيت راويتهن لامي وهيه كامت تبوس بيه وفرحانه لان نجحت الاولى واجه ابوي ومحمد وهم راويتهم الشهاده والهديه
ابو نور: عفيه بتي رفعت راسي الف مبروك
محمد:مبروك نويره.
راح اخذ من الفلوس الجمعتهن للستوته واجيب جكليت
راح محمد للدكان(اسواق) وجايب شكد جكليت وصار يطشه عليه وانه اجمع بيه
وهيچ رحت للثاني ابتدائي
وخلصت العطله واجت المدرسه رحت لصفي ولگيت بي بنات وگعدت ثالث رحله وفرحانه بلمدرسه لان احب الدراسه هواي
اجت المعلمه وتريد تسفط (ترتب) البنات لان البنات الطوال كاعدات بلبدايه والناعمات بلاخير اجت المعلمه كومتني گعدتني بلرحله الاولى لان انه ناعمه كلش وضليت ابجي اريد اكعد يم صاحبتي نوب رجعتني لمكاني وخلص اليوم
نوب اجانه معلم جديد وجهه يخوف وضخم
گاعدين انه وصاحبتي بلرحله گلنه اله
:استاذ خلي نروح للتواليت
المعلم: ممنوع ماكو طلعه منا يخلص الدرس
هفف هسه شسوي بطني توجعني وماتحمل اكثر
شويه واجت مره تسأل على بتها
فاطمه صاحبتي:تعاي نور نروح للتواليت مايشوفنه داير يحجي ويه المره كومي
نور:ما اخاف نوب يشوفني ويكتلني شوف وجهه يخوف
فاطمه: ضلي انه رايحه
وصدك راحت تركض وما شافهه المعلم وانه ضليت برحلتي اخاف اطلع منا سويتها على روحي
ضليت ابجي والمعلم طلع لان خلص الدرس واجن البنات يضحكن عليه وانه ابجي
خلص الدوام وطلعت من المدرسه والدرب طويل والبنات يغطن بيه بصداريهن منا وصلت للبيت وامي شافتني بهاي الحاله خذتني للحمام وتحجي وياي وانه ساكته استحي احجي سبحتني وغسلتلي بلصابونه
وطلعت من الحمام واجه ابوي ومحمد
ام نور:گواكم الله
ردو:وگوه حيلج
ام نور:اليوم المعلم مامخلي نور تروح للتواليت ومسويتها على روحها
ابو نور: صگد عليش مامخليها
محمد: هـا نور مسويتها على روحج ههههه
نور: غير المعلم خبيث ماخلاني(ماقبل) اروح للتواليت
......وضليت ابجي ورحت للغرفه وعفتهم يحجون
محمد: نور نورگاعده
نور:لا نايمه
محمد:چاا شلون تحجين وانتي نايمه
نور: هسه شتريد
محمد: نور لاتضايكين مني جنت اشاقه وياج
گومي تعشي
نور:ماريد
محمد: اذا ماتتعشين انه هم مااتعشه
نور:خوش شلي غرض بيك(مالي علاقه بيك)
محمد:ها هيج صارت كومي يلا
نور:هففف ماريد
محمد: مو احجي وياج
نور:گايمه گايمه
محمد:عفيه بلشاطره
رحت لگيت طماطه لاچعه وانه اموت عليها
ركضت گبل محمد گعدت اكل
محمد: ها توه تگولين ماريد
نور:بكيفي
ابو نور:اكلي بويه بلعافيه هني
نور:الله يعافيك بويه
جاي نتعشه ومانسمع غير الصريخ والباب تفلش
.....................
قراءة ممتعه للجميع ❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لاتنسون التصويت
ومتابعتي على الانستا ❤️انشر كلشي يخص القصه ❤️❤️
