جزء من البارت السابق
..................
يكولن النسوان الجناين حيايه بس اول بدايه فقيره نوب تنگلب
:مو كلهن اكو بيهن ينحطن على الجرح يطيب وانتي رباب شفتيه شلون فقيره وحبابه
وانتي حبيتيها اول ماشفتيها
وتكولين الجناين حيايه انتي هم راح تصيرين چنه
:لا عيوني انه ماريد اعرس اريد ادرس
......................................................
: عفيه كملي دراستج يلا واصلن انه ماخليج تعرسين
اليجي اطرده من الباب يلا تعاي نصبغ الغرفه
: يلا
صبغنه الغرفه صارت شحلاتها وجديده وانه ومحمد نشاقه بلصبغ وكلساع يتلفني صبغ
وانه هم ثاني يوم جابو الغرفه تخبل لونها حليبي وشدوها وامي جابت ورد وخلت بيها
ونعدل بيها ونركص واجه يوم الحنه
اجو خوالي كلهم اللمه شحلاتها والليل كله نركص متكابلين انه ومريم ومرت خالي تطبل اللنه
والنسوان صارت تجي للحنه وانه اجيبلهن شربت واهز ركبه
وبت جيرانه جابت مسجل زغير بس صوته عالي وسوته على التليفون وحطت ساجده عبيد
وفحطت بلركص والنسوان كلهن كامن يركصن حتى العجايز يهوسن
خلصت الحنه بهوستها ونمنه من التعب ثاني يوم گعدنه من الفجر
وانه گعدت ركبتي توجعني وأريد أبجي لان ماكدر اركص واذب شعر
عود سوتها أمي بزيت الزيتون حتى تطيب بس ماكو
ومريمه تضحك عليه
: نور شوفي شعر شعر
:انجبي ولاتحركين كلبي يمممممه تعاي لمريم
:هههههه لاتبجين وره العرس بأسبوع عوضي الركص
:والله اركص حتى لو توجعني
:هههه ايي ماتتحملين
:أي عيوني غير عرس اخوي اله اردح ردح واكسر الكاشيه
:يلا تعاي نركص وعلميني من حركاتج مدري شلون تسوينهن
: لوتموتين مااعلمج توه تضحكين عليه
:نجبي أشاقه وياج
:وينجن نور مريم تعالن وياي نكشر البتيته والبصل يردونه
:انه ماكصص
:وليش بلا
:بعد عليمن جايبين طباخ خوب احنه نطبخ
:هم صدك بس امج خطيه تعاي وياها
:روحي انتي انه اريد اركص
:مو ركبتج توجعج فلشج
:اي ادرب منا للعصر
:خوش انه رايحه ويه امج اكصص
:اوكي
:شني ولج هاي منين جبتيها
:كلمه مالت مثقفين هاي المدرسه تكولها
