قراءة ممتعه للجميع ♥️
الكاتبه بنين المحمداوي
..................
محمد:بويه هاي فلوس القواطي والفافون مالت اليوم ومن باجر اطلع اشتغل عماله
ابو نور:عفيه وليدي الله يرضى عليك
محمد:الله يديمك بويه
بويه انه عدي فكرة
ابو نور:شنهي الفكره
محمد:بويه ليش مانشتري ستوته ونحملها مخضر من العلوه ونطلع بيها نسترزق
ابو نور:اي ليش لا خوش فكره
محمد:هاهيه بويه من باجر اشتغل عماله وانلمهن وفلوس القواطي والفافون مصرف البيت على كد لكمتنه
ابو نور:هذهو وليدي
نور:ها يا حلوين شني تسوون
محمد و الاب:أنتي الحلوة
محمد:بويه نور صايره ماتقره كسلانه
ابو نور:لا محمد اختك شاطره
نور:اي بويه والله شاطره وكل مااقره بلصف يصفكلي البنات
ابو نور:عفيه عليج بتي اريدج ترفعين راسي
نور:راسك مرفوع دوم بويه
محمد:ها ولج صايره تعرفين تحجين حجي حلو هههههه
نور:بويه شوفه هسه يضل يضحك عليه كل مااحجي يضحك ويصنف عليه
ابو نور:عوفه ولك هاي عزيزة كلبي لاتضحك عليها
ام نور:يلا تعالو تعشو خلصت
الكل:اجينه
نور:يمه انه خلصت وراح انام مو ما تكعديني الصبح عدي مدرسه
ام نور:خوش يمه روحي نامي
نور:تصبحون على خير
الكل:وأنتي بخير
نور:رحت نمت وكعدتني امي الصبح بدلتلي ومشطت شعري
ولبسي عباره عن قميص قديم كلشوصدريه سوده بس صايره حمره على گد ما قديمه وملبوسه هواي اطتهن الي بت جيرانه لان مايصيرن عليهه والقندره من حدر ماكوله ومشككه
وصلت للمدرسه لكيت المعلم استاذ حسين واكف بلباب بس وصلت شالني ويلعبني ويكلي أنتي حلوه وحجيج حلو وانه اكيف من يكلي هيج يموت عليه وانه هم احبه وصلني للصف وراح يدرس وعلى حضي اول درس فنيه والمعلمه عصبيه كلش عود تعلمنه نطرز على قطعه قماش ابيض وخيط وابره والماتجيب وياها خيط وابره ياويلها اطكها عصتين بايدها وتكفها يم الزباله وتغلط عليهاومن يخلص الدرس هم اطكها عصه بايدها علمود ماتنسه بعد وانه اكيد ماجيب لان ماعدنه فلوس نشتري واني هم مااكول لاهلي لان ماعدهم وبكل درس فنيه لازم انكتل وهيج خلصت السنه وبدت الامتحانات
..............................
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قراءة ممتعه للجميع ♥️
لاتنسون تابعوني على الانستكرام
احبكم ولاتنسون التصويت
