واجه ابن خالي يعبرنه لان زلم هواي وهوه يحبني ويريدني وانه هم احبنه
واتمنى اصير اله من اكبر وكل مره يريد يخطبني وانه ماخلي اگله زغيره واريد اكمل دراستي من اخلص من الاعداديه تعال اخطبني وهوه ميت يريد هسه يخطبني وضالين بس من يجي لبيتنه نحجي ومن نروح الهم لان ماعدي تليفون
: طبينه البيتهم حالتهم هم ضعيفه نفسنه ويمكن اخس (أسوء) لگيناها كاعدها وبدلتها تخبل ذهبيه وبيها ردن تور وهيه بيضه تموت بس مو بجمالي اكيد وامها حبابه دخلنه ضلت تهلي وترحب بينه وخواتها هم المزوجات هنه خمسة خوات ثنين مزوجات وثنين بعدهن وكلهن حلوات ماشاء الله شويه والنسوان صارت تلتم والاغاني والركص تخبل الاجواء ............
: دخل محمد والاهلاهل تطرش الاذان اجه السد وعقد الهم گعد يمها ولبسها الحلقه وصورهم سويه طالعين شحلاتهم ولايگين سويه واخوي مستحي وهيه هم والنسوان يصيحن حبها (بوسها) وهوه مستحي نوب حباها من راسها خلصت الخطبه بين الركص والهلاهل والاغاني وانه ذبيت عمل بلركص بعد خطبة اخوي والنسوان تصلي على محمد وكلساع وحده خاطبتني وامي تكلهن تدرس ماتريد تعرس
ردينه للبيت ميتين تعب وبيت خالي هم اجو لبيتنه لان بيتهم بغير منطقه وهمه تعبانين باتو يمنه حددنه العرس بعد سبوعين لان اهل العروس مايحبون يطولون الخطبه يكولون زحمه البت تطول ماتعرس
انه ومريم واختها ومرت خالي وامي نمنه بغرفه والزلم بغرفه ثانيه ثاني يوم راحو بيت خالي ومحمد وابوي راحو يشوفون غرفه لمحمد واحنه حضرنه الصبغ حتى نصبغ الغرفه اجو وكالو باجر نجيب الغرفه شفنها وانه كل مااشوف محمد اهلهل
:اكول محمد
:ها عزيزتي
: عود من تعرس تحب مرتك اكثر مني
:اي
:عود صكد
: اي عود هههه
:ترى صكد احجي
:انه هم احجي صكد غير مرتي احبها اكثر منج
: محمدد غير انه اختك
:راح تبجي ام دميعه
:چـا خوش رايحه لامي
:تعاي ولج اشاقه وياج والله
:لا لا بعد راح تجي رباب ام الكباب
:بسم لله بعدهه مااجت طلعتي الها لقب وانتِ اختي واحبج انتي گبل لاتجي هيه وبعد ماتجي
:اي جذب عليه انته باجر تجي وتغيرك يكولن النسوان الجناين حيايه بس اول بدايه فقيره نوب تنگلب
