الْمُحْتَلْ الْعَاشِقْ ( الأجنبي والمحجبة)

البارت الرابع

البارت الرابع من المُحتل العاشق
__________

لتنظر له ببلاهة ثم تردف بضيق وحنق منه :
" أنا بلعب تيجي تلعب معايا ....لِتُكمل بغضب ....." يا عم أنت مالك يعني أنت من دون جيش البنات دول كلهم سبتهم وركزت معايا أنا ده إيه الحظ الهِباب ده ياربي يعني انت وبطني عليا مش كفاية بطني المتخلفة دي مجتش تقول انا جعانة غير دلوقتي وبعديها انت بتتدخل ليه يا بتاع الاحتلال أنت والله يعني الناس بتدخل في حياة الناس ليه ما كل واحد يخليه في حاله يعني مثلاً أنا كان زمان حصل معايا ..."

ليقاطع ثرثرتها بعصبية :
" اصمتي أيتها السمراء "

لتشهق بخضة وتردف بتأثر وحزن مصطنع :

" سمراء انا في الآخر يتقالي سمراء ولا أنت بقا علشان عايش مع البنات بيضا تاجي تتكبر علينا ده انتو كلكم في بعضيكم كدة شوية بوهية بيضا ملهاش لازمة هو أصلاً في جمالة وحلاوة البنات السمرا ده السّمار نص الجمال يا بوهية انت وبعديها أنت مين أصلاً علشان تقولي كدة يا ابو عينين زرقاء انت ده ...."

ليزفر بعصبية وغضب :
" اصمتي ؛ توقفي عن الثرثرة "

ليضع يده علي جبهته بألم وصداع

لتردف شمس بهمس لمياسين :

" يا عيني البت كَلِتْ دماغه برغيها دي دماغها صفيح بتقعد ترغي قد كدة ومش بتصدع ..!! "

لتضحك مياسين بخفة وتردف بهمس وتحاول كبت ضحكاتها :

" البت ريحانه دي سلاح ذو حدين دي لو خليناها معاهم هيطفشوا من الدولة كلها لأ مش الدولة كلها هيطفشوا من كوكب الأرض ذات نفسها ...!! "

ليضحكان بخفة عليها

ليزفر يلسر بضيق وحنق :

" في النهاية ماذا تُريدين ...؟؟ "

لتشهق شهقة مصطنعة علي كلامه :

" شوفي الواد يختي بقيلي ساعة بقوله عايزة آكل جعانة هاتلي أكل صح ما هو أنا متربتش لو كنت مِتربية كنت كلت في البيت هااا لأ استنى كدة انا متربية بس بطني هي اللي مش متربية أنا معرفتش أربيها المرة الجاية هربيها علشان متعملش كدة تاني أنا أصلاً مش عارفة ..."

" اصمتي أيتها الثرثارة ؛ هيا اذهبي للخارج هياااا .."

لِتَهُب واقفة بخضة وخوف وتسبُّه في سرِّها لتتوقف قبل أن تخرج وتنظر له نظرات القطط المُدللة وتردف باستعطاف :

" يعني ممكن البت مياسين تاجي معايا حرام البت كانت جعانة ما تجيبها تاكل معايا إيه رأيك مش كدة يا مياسين"

لتردف مياسين بخوف بعد أن نظر لها يلسر :

" والله يا باشا أنا أصلاً معرفهاش "

لتزفر بحنق :
" خاينة "

ليبتسم لها باستفزاز ويردف بنبرة أمر حازمة :