رحيل والمتدين ..بارت السادس
الكاتبة عشرينية 📝
معول العنف هدام لايبني شيئا ولا يأتي بخير، ولكن نبذ العنف وتبني السلمية لا يعنيان الركون إلى الظلم وقبوله مخافة الدخول في صراع مع الظالم. لأن كلمة الحق قوة لا تصل بالضعف والخنوع
رحيل ....بمرور سنه على زواج امنه تاذيت هواي على فراقها جنت احسها امي على سوالفها وياي وخوفها آلية. من تزوجت مانشوفها ابد حمزة ميقبل يجيبها. النه
بابا الي حالته كل يوم. تزيد سؤ. ماله كلمه بلبيت بعد. وسحر مدري شتنطي ينام لليل نهار بس ياكل لكمه ويرجع ينام حتى نسى عندة بنات. كل حياته سحر وبس.
وسحر ضالمه اذتني كلش هواي.. حرمتني من دراسه وأخذت جهازي. ومخلية كل شغل لبيت فوك راسي
وحابستني بلبيت. حدي للطرمه اطلع لو للسطح شويه ارتاح ونزل.
سحر سوت وكاله للبيت ب اسمها. وباعته. وأجرت بيت ثاني ونتقلنا علي. متريد أحد يعرف مكانه. بس لبيت شوية ازغر من هذاك ومنطقة تكول موته حتى. محل كلش بعيد.
وهيه يجي حمزة اخوها يأخذها بليل وماترجع لوجه صبح. ماعرف وين تروح.
بس مرة من المرات اجتي ساعه ٣ الفجر كعدتني من النوم
سحر ... كومي ولج.
فزيت على صوتها.
رحيل ... ها خاله شكو
سحر ...كومي سوي اكل اجو خطار وياي
رحيل ... ساعه بيش هسه
سحر ... كومي فضيها لا ادوس بطنج
رحيل .. خفت من نبرة صوتها لأن صدك تضرب ادري بيها. ف طفرت من مكاني. لابسه جبه سودة . هيه طلعت وطلعت وراها. فتت للصاله شفت زلم ثنين كاعدين. طفرت من مكاني.
رحيل ... منو هذوله.
سحر ... امشي للمطبخ وبلا اسألة يلاا ولج
ماجد... هلا هلا شنو هل قمر طالع علينه
سامر ... تعالي تعالي يمي.
سحر .. خلوها سوينه اكل اول ... صاحت بيه صوت امشيييييي.
رحيل .... نهزمت للمطبخ بسرعه خفت حيل من شكلهم. حتى بين عليهم سكارة وسحر هم مثلهم شاربه. ومكثرة. يارب ساعدني شسوي ولا احد يمي وبابا مريض ميكدر يساعدني.
سويت الهم اكل بسرعه وخليته بصينية. وديته لهم. شفت سحر نازعه جبة وباقية بثوب ماروني مبين جسمها منه مخصر عليها. وكاعدة بنصهم. خليت الكل يمهم.
واحد منهم لزم ايدي. اني حسيت كهرباء لزمتني طفرت من مكاني ونهزمت. للغرفه بسرعه وقفلت الباب علية. بقيت مخلية راسي يم لباب وسمع سوالفهم.
أنت تقرأ
رحيل والمتدين
General Fictionليس كل صاحب عمامة هوا صالح . ولا كل متبرجه هيه غير محترمة. القصة من وحي الخيال غير حقيقية ولاكن. كل مافيها هوا حقيقي تجمع بين القسوة والمحبة. والباطل والحق. وظالم والمظلوم والحب والكراهية ان شاءالله تعجبكم. تحياتي لكم. الكاتبة عشرينية ...
