رحيل والمتدين

رحيل ولمتدين ..بارت سادس عشر

قصه رحيل والمتديين، ،،بارت سادس عشر
كاتبة عشرينية 📝

لَا الشَّمْسُ يَنبَغِي لَهَا أَن تُدْرِكَ الْقَمَرَ وَلَا اللَّيْلُ سَابِقُ النَّهَارِ ۚ وَكُلٌّ فِي فَلَكٍ يَسْبَحُونَ

لاتستعجل اقدارة ....!
ف كل شيء مكتوب ميعاد ..
لن يتاخر ساعه ولن يتقدم
فلن تشرق الشمس فرج
ولن تذهب الظلمة البلاء الا بأذنه ...
ف أصبر واطمئن 🍃
مدبر الامر ..عليم حكيم

رحيل، ،،،،، الحمدالله تم زواج زينب علئ خير. بس كلش نقهرت لان عافتني وجانت هيه مونستني بلبيت

فاطمة صعدت الغرفتها وخالتي يم عمي بغرفتهم كلش مقهورين علئ زينب لان عرست. وهمه متعودين عليها. وبتهم الجبيرة. وهيه شايله لبيت.
الله يساعدهم.

رسلان طلع مادري وين. وفاطمة صعدت الغرفتها. بقيت وحدي. لبيت هوسه. كمت كله غسلته ومسح وكنس لمن نضفته كله. طلعت خالتي

خالتي، ،،، سودة عليه كله سويتي وحدج

رحيل، ،، اي خاله عادي مو هوسه العرس ماقتنعت اخلي وصخ. هيج

خالتي، ،، ماعاونتج فاطمه

رحيل، ،، لا صعدت وبعد مانزلت

خالتي، ،، خافت مو رسلان راح يكول اهلها علئ العمل ويروح الخالج احمد يكوله علئ انتصار

رحيل، ،، زين يسوي يستاهلن

خالتي، ،، اي والله شلون كلبهن يطاوعهن يدمرنه هيج شاب بعمر الورد. وليدي الوحيد.

رحيل، ،،، الله يبعد كل شر عنه

خالتي، ،، والله ياريت ماخذج انتي من لاول

رحيل، ،،، خجلت من كلامها. ،،، شنو اسوي عشا

خالتي، ،، لتسوين عدنا من الغدا زايد بس حمي

رحيل، ،، ان شاءالله خاله. لعد راح افوت اصلي ورتاح شوية

خالتي، ،، اي يمة ادخلي ارتاحي الله ينطيج العافيه

رحت توضيت. ودخلت للغرفه. صليت. ومددت شوية. ذكرت رسلان وامنه بعد شلون اتصل عليهم. جنت من زينب اتصل هسه زينب اتزوجت بعد وخذت جهازها. وخالتي استحي اكوللها اريد جهازج. شوية وسمعت صوت حسين اخو فاطمة. يصيح. فاااطمة تعالي. لبست حجابي وطلعت. واكفين حسين ورسلان وعمي وخالتي

عمي، ،، شكو حسين ليش صيح

حسين، ،، اريد اخذ فاطمة مالها كعدة بهذا البيت

عمي، ،،، ليش رسلان مسوي شي حتئ تاخذ اختك

حسين، ،، لا عمي بس فاطمة ماذية رسلام. وماتستاهل تكون زوجه اله

عمي، ،، شكو شمسوية فاطمة

فاطمة، ،، ها حسين شكو

حسين، ،، تعالي ولج.