ကင်မ်အိမ်တော်၌ သာမန်နေ့လေးတစ်နေ့ဖြစ်သည်။
ကင်မ်သားဖတွေ ထပ်ပြီးရန်ဖြစ်ပြန်ပြီ ။ တစ်ပတ်မှာ ၃ခါလောက်ရန်ဖြစ်တဲ့ ကင်မ်သားဖဟာ အချင်းချင်းမတွေ့ရရင်လည်း မနေနိုင်ပါ ။ မျက်နှာချင်းဆိုင်ပြန်ရင်လည်း တစ်ကျက်ကျက်နဲ့ ရန်ဖစ်ပြန်သည် ။
သားဖတွေဖြစ်သည့်အလျှောက် ဂယူဘင်းမှာ ဒယ်ဒီကို ဘယ်တော့မှမနိုင်သော်လည်း အလျော့မပေး ။ မရရအောင်ပြိုင်ငြင်းသည် ။ အဲ့ဒီလိုပဲ ၃၇နှစ်အရွယ် ကင်မ်ဂျီအွန်းကလည်း လျော့မပေးပါ ။ ၁၈နှစ်သားနှင့် အပြိုင်ငြင်းသည် ။ မိတဆိုးသားလေး မလို့ အကဲပိုအောင် သည်းသည်းလှုပ်ခဲ့မိသည့် ကင်ဂျီအွန်း ရဲ့အပြစ်တွေပင် ဖြစ်လိမ့်မည် ။ ကင်ဂယူဘင်း ဟာ သူ့ကိုဆို တစ်စက်လေးမှ မကြောက် ။
ယခုတွင်လည်း အငြင်းပွားနေရသည့် အကြောင်းမှာ ရူးကြောင်ကြောင်နိုင်လှ ။
" မသိဘူးဒယ်ဒီရာ..ဒယ်ဒီသူငယ်ချင်းကို ဟိုတယ်မှာပဲ တည်းခိုင်းလိုက် "
ရှုပ်ရှုပ်ရှက်ရှက်တွေမကြိုက်သည့် ဂယူဘင်းဟာ သူ့တောင်းဆိုချက်အား မျက်နှာသာမပေးပဲ အတင်းကိုငြင်းသည် ။ ကင်မ်အိမ်တော် ၏ ခေါင်းဆောင် ကင်မ်ဂျီအွန်းဟာလည်း သူငယ်ချင်းကို အိမ်ခေါ်ဖို့တောင် ဆုံးဖြတ်ချက်ချခွင့်မရှိတဲ့အဖြစ်ပါလား ။ အဖေ့ထက် တစ်လကြီးသည့် ကင်မ်ဂယူဘင်းကိုပင် ကြောက်နေရသည် ။ ထို၀မ်းမနာသားကတော့ ချော့ပြောလဲ မရ ခြောက်ပြောလည်း မရ ။
" ဒယ်ဒီ့ရဲ့ငယ်သူငယ်ချင်းလေ ဒယ်ဒီမှာသူ့အပေါ်ကျေးဇူးကျွေး တွေလဲအများကြီး မင်းဒါလေးတောင် လက်ခံပေးလို့ မရဘူးလား "
ကင်မ်ဂယူဘင်းက ခေါင်းမာသည် ။ ကင်မ်ဂယူဘင်းကို မွေးထားသည့် ကင်မ်ဂျီအွန်းက နှစ်ဆပို၍ ခေါင်းမာသည် ။ အကြည့်ချင်း စစ်ခင်းနေသည့် ကင်မ်သားအဖ ကြောင့် အိမ်အကူတွေမှာ မျက်လွှာတွေအောက်ချကာ ကျောက်ရုပ်သဖွယ် ။
" ပြီးတာပဲ ပြောမရရင်လည်း ဒယ်ဒီလုပ်ချင်တာသာလုပ်တော့ ပြီးမှ သား အဆိုးမဆိုနဲ့ "
သူလက်မခံမချင်း ပြီးမည့်ပုံမပေါ်သည့် ချစ်ဒယ်ဒီကြောင့် လက်လျော့ရသူဟာလည်း ဂယူဘင်းပါပဲ ။ အဲ့ ဒယ်ဒီသူငယ်ချင်းကလည်း အသက်ကဖြင့် ၄၀နားကပ်နေပြီ အခုထိ သူများအကူညီကလိုနေသေး...။ ကင်မ်ဂျီအွန်းကို မနိုင်၍ညစ်နေသည့် ကင်ဂယူဘင်းကတော့ စင်ကာပူက အမည်မသိ ဦးလေးအား မေတ္တာတပို့ပို့ဖြင့် အပြစ်တွေပုံချသည် ။
YOU ARE READING
Daddy's Friend // Vinbin
Fanfiction" ကျွန်တော် ဆောင်းဟန်ဘင်းကို အပိုင်လိုချင်တယ် " " မင်းစကားတွေက အန္တရာယ်များလိုက်တာ " Kim Gyuvin × Sung Hanbin
