الفصل الأول
《البداية 》
في محافظة الشرقية بالتحديد في مكان يشبه العشوائيات نري معا ام وابنتها يلعبون سويا ويركضون خلف بعضهم وتتعالي أصوات ضحكاتهم
الام بتعب: بيسو كفاية كدا انا تعبت تعالي نرتاح شويه وبعدها نكمل
بيسان: خير ي مونتي مالك بقيتي بتفرهدي بسرعه كدا و مش عجباني
ايمان: الله يخربيتك دا كلام طفله عندها ٨ سنيين انا معرفتش اربي والله
بيسان: اخص عليكي وبعدين انا بستغل الوقت علشان عارفه انك كمان شويه هتقوليلي روحي يلا علي موبايلك علشان عندي شغل
ايمان: مش قولنا ميت مره بلاش تجيبي سيره الشغل
بيسان: ي شيخه هو انا اتكلمت مع انى هموت و اعرف بتشتغلى ايه بس مش مشكله
ايمان: و انا قولت برضوا ان مش من مصلحتك تعرفي
بيسان: هو انا ممكن اما اكبر اشتغل الشغل اللي ماعرفهوش ده
ايمان بسرعه: لأ ........بيسان الساعة كام؟
بيسان: الساعة تلاته يلا لازم تمشي علشان متتأخريش
ايمان: ي خواتي ع العاقل
بيسان: اماااااال
ثم همت ايمان بالرحيل تاركه طفله ذات الخمس سنوات خلفها لكنها ليست طفله عاديه انها ابنه افضل عميله ف المخابرات المصرية ومصنفه العملية الثالثة الافضل في المخابرات علي مستوى العالم
بيسان حوار يدور في عقلها: ي تري هي بتروح فين كل يوم؟ ي تري بتشتغل ايه؟ و ليه مش عيزاني ابقي زيها ؟ ليه بتخاف عليا كدا؟ ليه بتروح كل يوم الساعة ٣وتيجي الساعة ٢باليل؟ي تري مين بابا؟
لم تري بيسان والدها قط ولم تعرفه ابدا وكانت تحب والدتها لدرجه لم تكن تسألها ابدا عن والدها عندما لاحظت انها لا تحب هذا السؤال فكانت ايمان كل شئ لبيسان و العكس كانت بيسان شجاعة بالفطره لم تكن تعرف لما هي شجاعة هكذا
ثم جلست بيسان علي هاتفها وتأكل طعامها وتنتظر والدتها 《بعد مرور ١٢ ساعه جائت ايمان》
ايمان: بيسو انتي لسه صاحية
بيسان : ايوه ي ماما مستنياكي
ايمان: انتي لسه منمتش ي عفريته
بيسان بفرحه: يلا ي ماما ناكل علشان ننام
ايمان: يلا ي ختي
بيسان :ماما ي جميله. انتي عارفه بكرا ايه صح؟
ايمان: ايوه ي اختي ده انا اقولت دي نسيت ولا حاجه
بيسان: و انا اقدر برضوا ي مونتي بكرا آخر يوم ف الشهر هتفسحيني فين بقي؟
ايمان: م بلاش بكرا
بيسان بزعل: انتي قولتي الشهر اللي فات كدا برضوا وانا سكت و ماتكلمتش (ثم بدأت تبكي)
ايمان: انتي بتعيطي انا اسفه و الله كنت بهزر معاكي معلش متزعليش
بيسان بفرحه: يعني هنروح
ايمان : ايوه طبعا
( في اليوم التالي)
في صباح يوم ملئ بالنشاط تستعد ايمان وبيسان للرحيل للذهاب لحديقة الملاهي
بيسان: انهاردة يوم اجازتك صح؟
ايمان: ايوه
بيسان: كنت بتأكيد بس علشان متهربيش مني ف النص
ايمان: لا ...متخافيش
بيسان: ماما البس ايه
ايمان: انا اشترتلنا لبس زي بعض
بيسان: وبجد♡
ايمان: بجد والله
بيسان: لونها ايه وريهالي
ايمان: فستانين لونهم ابيض
بيسان: انا عاوزه اشوووف........وااااو تحفه ...يلا نلبس علشان منتأخرش
ايمان: يلا
ثم قامتا بالاستعداد فأصبحوا جميلات جدا ثم همتا بالذهاب
