الفصل الثالث
ثم ذهب مازن ليستكمل تفكيره في حبيبته التي قتلت و لديها طفله فأخذ يفكر فكيف سيتعامل مع تلك الطفلة كيف سيقوم بتربيتها كيف سيقوم بتهييئها لما ستعيشه من أذي و خطر يحفها من كل جانب لمجرد ان يعرف احد انها ابنه افضل عميله في المخابرات ف أنا أعلم جيدا من هم أعداء ايمان والذي سوف يجنني كيف والد تلك الطفلة لا يسأل بها حتي ف الفتاه لا تعرف والدها حقا ماذا سوف يفعل في تعليمها وهل سوف تتعلم وتذهب للمدرسة وتكون صداقات فلا يجب علي هذه الفتاه تكوين صداقات لأنه علي حسب خبرتي فهذه الفتاه ستعافر للأنتقام فإن أكملت ف المخابرات ف إحتمال كبير ان تكون أشرس من والدتها وانجح لأن ما رأته في طفولتها ليس بسهل فتلك الفتاه نشأت علي ماضي و ذكريات حفرت في عقلها مؤلمه جدا فهي الان حزنها اشد وأكبر من حزني
صراع كبير يدور في عقل مازن و الذي ايقظه من تفكيره هو صوت صارخ وبكاء عالي جدا يأتي من الغرفة التي بجواره فذهب مازن مسرعا
*****
(في الميتم)
عندما ذهب احمد لفراشة اذا بالمتنمرين يذهبون إليه
خالد: دا مين اللي فتحله الباب ده ي يوسف
يوسف: انا مش عارف والله
خالد: هو الحيوان مش بيتكلم ليه
يوسف : دا انا ساعات بحس انو اخرس ههههه
وهم يتحدثون اذا بمدير الميتم يدخل عليهم
محسن : انتباه ي ولاد
الأولاد: حاضر
محسن: الأستاذ سيف عاوز يقولكم حاجه
سيف: مساء الخير ي ولاد
الأولاد: مساء النور يا استاذ سيف
سيف: انا جاي النهارده اقولكم على حاجه في ناس اغنيا جايين الميتم بكرا علشان يتبنوا واحد منكم عاوزنكم تصحو بكرا بدري علشان تنضفو الميتم كامل و تلبسوا و تبقو حلوين علشان في صور هتنزل علي صفحه الميتم فاهمين ولا لأ ي ولاد
الأولاد: فاهمين
سيف: ادلهم ي محسن هدوم التبرعات اللي جايه جديد
محسن: حاضر ي استاذ سيف
********
فذهب مازن مسرعا ليري ما بها فإذا بها تبكي بشده
بيسان: ماما بالله عليكي انا مش عارفه انام من غيرك بالله عليكى تعالي ي ربي هو انا فين انا مش عارفه انا فين؟
مازن :اهدي ي حبيبتي انا هنا جنبك و مش هسيبك
بيسان: عمو مازن أنا عاوزه ماما انا مليش دعوه انا خايفة أوي
مازن : اهدي ي بيسو انا هنا
ف انفجرت بيسان قائله: متقوليش ي بيسو ماما بس اللي كانت بتقولي كدا و مفيش حد تاني هيقولي كدا بعدها انت فاهم
ثم قام مازن بحضنها لكي يطمئنها و قال: اهدي طيب و حاضر مش هقولك كدا تاني قوليلي انتي عاوزه ايه و انا هعملهولك بس اهدي وبطلي عياط بقي اله قوليلي بقى إنتي عاوزه اسمك يبقي ايه؟
فقامت بيسان بمسح دموعها و قالت:لينا انا عاوزه اسمي يبقي لينا؟
مازن: يادي ام لينا اللي انتي ماسكه فيه في اسماء تانيه اشمعنا دا يعني
بيسان:انا بحب دا انت ملكش فيه
مازن: ملكيش فيه! انتي متأكدة انك تربيه ايمان
بيسان: ايوا و الله بس انا عاوزه اقول حاجه
مازن: قولي في ايه
بيسان :هو انا هفضل بالفستان ده كتير
مازن : انا من بدري بفكر ف الحوار ده
بيسان بخوف: بالله عليك انا عاوزه اغيره علشان كل ما بشوفه بتفكر اللي حصل ليا
مازن: انا بصراحه مش عارف اجبلك لبس منين
بيسان: يعني هفضل بالفستان ده
مازن: طب اسكتي و انا هتصرف
ثم قام بإخراج هاتفه وقام بالاتصال على مدير أعماله
مازن: محمد
محمد: ايوا ي فندم
مازن:هي الساعه كام دلوقتى ي محمد
محمد بنوم: الساعة ٤ونص الفجر
مازن: محمد انا هطلب منك طلب
محمد: أؤمر ي فندم
مازن: ممكن تبعت حد يجيب هدوم أطفال دلوقتي
محمد: دلوقتي ي فندم !
مازن بزعيق: ايوا دلوقتي ي محمد اتصرف
محمد : حاضر ي فندم بناتى ولا ولادي و كام سنه؟
مازن: بناتي
ثم قام بتوجيه كلامه لبيسان وقال: انتي كام سنه
بيسان: 8 سنين
ثم وجه مازن كلامه لمحمد : 8سنين نص
فقالت بيسان بغضب : 8 سنين بس
مازن: اخرسي انتي
ثم توجه كلامه لمحمد وقال : اظن سمعت متتأخرش بقي نص ساعة و تبقي هنا فهمت
محمد: مش شايف ان نص ساعة شويه ي فندم
مازن: اتصرف
محمد : هحاول
ثم أرتدي محمد ملابسه وذهب الي المول ليشتري الملابس
بيسان :انت عاوز تكبرني ليه انا قولت عندي 8 سنين بس
مازن: الله يخربيت كلامك ايمان معرفتش تربي
بيسان: ده كله هو انا قولت حاجه و بعدين انت اللي بتقول 8سنين ونص
مازن : ايوا صح انتي عيد ميلادك امتى؟
بيسان: انا عيد ميلادي ٥/٢
مازن: هو انهارده كام؟ انهارده ١٤/٣ الحمد الله عيد ميلادك عدي
بيسان: ليه فرحان كدا هو في حاجه بتحصل ولا حاجه؟
مازن: لا دا انتي بطيخ خالص انا مش هقدر كدا هو انتي ي بنتي مكنتيش عايشه في الدنيا
بيسان: من غير كلام كتير ايه اللي بيحصل
مازن: بعيدا عن كلام الشوارع ده بس ي ستي اليوم دا بنحتفل بيه علشان الواحد بيكون بيبدأ سنه جديده ف حياته بنحتفل بقي و بنجيب كيك وبلالين و بنحتفل
بيسان: واو بما ان عيد ميلادي عدي انت عيد ميلادك امتى؟
مازن باستغراب: انتي تاني حد يسألني السؤال ده
بيسان: و مين الاول؟
مازن: كانت مامتك ع العموم انا عيد ميلادي ١٨/٩
بيسان: طيب هما فين اهلك؟
مازن: انا اهلي ماتو في حادثه
بيسان : يعني انا و انت شبه بعض
مازن: في ايه؟
بيسان: يعني انا و انت وحيدين و انا كمان مامتي كانت صاحبتك و مشت و سابتنا احنا الاتنين
مازن: بالظبط كدا
بيسان : عمو انت معاك ورقه و قلم
مازن باستغراب: ليه؟
بيسان: لو معاك طلع من غير اسئله ولو مش معاك قول
مازن : معايا ي اختي معايا
بيسان: طيب هات بسرعه يلا
ثم أخرج مازن ورق ابيض و قلم ازرق
بيسان: اكتب يلا كبير
مازن: لا اكتبي انتي
يبسان: انا مش بعرف
مازن: ماشي اكتب ايه
بيسان: اكتب ٥/٢ و ١٨/٩
مازن : والله
بيسان: ايوا علشان أنا بنسي و مش عاوزه انسي عيد ميلادك اما ييجي
مازن: ماشي ي ستي
ثم قام مازن بكتابه الأرقام علي الورقه
بيسان: عمو مازن مش دي هتبقى اوضتي يبقي خلاص نعلقها هنا
مازن: لا ثانيه واحده هو انتي خلاص ناويه تعيشي معايا هنا
بيسان : ايوا دا احنا هنقعد مع بعض يامه خالص
مازن: و انا بحب اعيش لوحدي
بيسان: لا انا عاوزه اقعد معاك علشان اسليك
مازن بضحك : ي ستي و انا مش عاوزك تسليني
بيسان: مليش دعوه انا هعيش معاك من الاخر
فقطع حديثهم صوت جرس الباب
بيسان: انزل بسرعه زمان محمد جاب الهدوم
مازن: نازل الله يخربيتك دا انتي عفريته
خرج مازن ثم بدأت في البكاء بشده وتقول : ليه أغلب كلامه بيفكرني ب ماما انا تعبت بجد انا مش عاوزه اعيط قدامه بس علشان حاسه انو زعلان اكتر مني بس انا كمان زعلانه ومش قادره اخبي اكتر من كدا
(عند مازن)
خرج مازن ليفتح الباب
مازن: محمد انا اسف والله بس غصب عني بجد انت عارف اني مش هطلب منك طلب زي ده الا لما يكون فعلا غصب عني
محمد: ولا يهمك انا عارف اللي عندك والله
مازن: انا مش عارف أشكرك ازاي و الله
محمد : ي عم عادي علعموم انا جبت ٣ بيجامات و فستان
مازن: كتر خيرك بجد
محمد: عايز حاجة تانيه
مازن : لا شكرا
( عند بيسان)
عندما سمعت صوت اقدام مازن علي السلم قامت بمسح دموعها والتظاهر انها طبيعية
مازن: الله يخربيتك حريجتينا مع الناس و خلاص
بيسان : و انا اعمل ايه يعني و بعدين ازاي مجاش ف بالك تجيب ليا هدوم من البيت
مازن: ي الله بعد دا كله طلعت انا اللي غلطان
بيسان: خلاص ي عم
مازن: يلا ادخلي خدي دش علشان تنامي و هاتي فستانك دا علشان ارميه
بيسان : ترميه ايه ي عم ولا هترميه ولا هتغسله علشان ده هيبقي مصدر لحاجات كتير أوي ف حياتي
مازن بتحدي: يعنى ايمان التانية
بيسان : هعديها وهتشوف، هات الهدوم دي يلا و روح استحمي انت كمان انت تعبت انهارده
مازن : ماشي و نامي بسرعه علشان بكرا هيبقي يوم طويل
ي تري ايه اللي هيحصل عند بيسان بكرا وهل الحياه هتفضل كدا معاها ولا القدر هيكون ليه رأي تاني؟؟؟؟؟؟؟
ي تري الدنيا هتفضل سودا ف وش احمد دايما ولا ايه؟؟؟؟؟
ي تري بيسان و احمد هيتقابلو و لو اتقابلو هيتقابلو ازاي؟؟؟؟؟؟
ي تري ايه اللي هيحصل؟؟؟؟؟؟دا اللي هنعرفه ف باقي حكايتنا
بقلم/ الاء هبيله
