الفصل الرابع
في صباح يوم رائع علي غير العاده يغير حياه اشخاص و يكمل حياه اشخاص
( في الميتم عند احمد)
هم كل أطفال الميتم في نشاط لتنظيف المكان و تجهيزه لأستقبال الضيوف وجميع الأطفال تدعو من صميم قلبها ان يكونوا هم الشخص المختار لتغيير حياتهم و العيش حياه حره دون قيود
احمد: عم محسن هو انا ممكن اروح انضف المدخل والملعب
محسن بتفهم لأنه يعلم ان احمد لا يحب الاختلاط بزملائه
فقال له : ماشي روح ي خويا ي رب الراجل اللي جاي انهارده ده يختارك انت بدل الوحدة و الخانقه اللي انت عايش فيها دي
احمد : وانا مش عاوز اكون الولد اللي هيختار انهارده انت شايف العيال فرحانه ازاي وكلهم نفسهم يكونوا هما الشخص اللي الراجل ده يتبناه يا ربي يتبناهم كلهم ما عدا انا
محسن: شايف ي بني بس انت أحق منهم كلهم علي الاقل هما عرفو يتأقلموا مع الحياه هنا ويعيشون حياتهم اما انت ف لسه مش عارف تتأقلم ولا هتعرف خلاص كدا ي رب ي بني تكون انت الولد اللي يمشي انهارده وتبدأ حياه جديده مع نفسك
احمد: بطل رغي ي عم محسن واعرف ان استحالة انا، ده لو انا دول يقتلوني المرة دي خالص بقي😂
محسن : ولا هيعملولك حاجه بقي انت بس البس حلو علشان تعجب الراجل
احمد: م تريح دماغك بقي ي عم محسن و لو عليا انا مش عاوز اروح ي رب ي شيخ يختار خالد و يريحنا من قرفه و يكون عمل ف الميتم كله جميل محدش هينساه
محسن بضحك: و الله خالد طيب بس شقي حبتين و بيحب يكون قائد علي العيال
احمد: ده انا بقالي سنتين من اول م جيت الميتم مفيش يوم نمت فيه من غير ما اكون مضروب او متخرشم اسكت و النبي ي عم محسن
محسن بضحك: م هو انت مش بتسمع الكلام
احمد: بصراحه طلباته بتستفزني
محسن: م هو انا بصراحه تعبت من فتح باب الحمام كل يوم
احمد: مهو اما خالد يمشي هتبطل تفتحلي باب الحمام برضوا
محسن بضحك: ربنا يصبرك بعقلك ي بني
احمد: طيب انا ماش ي بقي
محسن: رايح فين
احمد : انت نسيت لله ايه رايح انضف المدخل والملعب
محسن: طيب روح ي بني
( في سيارة المتبني )
الرجل: فاضل يامه ي عم انت
السائق: أيوه ي استاذ مجدي فاضل ساعه تقريبا علشان نوصل
مجدي: حاول تسرع اكتر من كدا انا مش فاضي
ليقطع حديثهم صوت رنين هاتف مجدي
مجدي: أيوه ي تامر عاوز ايه
تامر : انت وصلت الميتم ولا لسه
مجدي : لسه ي عم فاضل ساعه
تامر : نفسي افهم حاجه انت عاوز تتبني طفل ليه؟ و انت اصلا عندك ولدين لو عاوز تحس الاحساس ده فعلا رجع عيالك بجد عاوز افهم ايه اللي في دماغك
مجدي : كل خير ان شاء الله كل الحكاية ي سيدي ان الولد اللي هتبناه ده هيبقي فار تجارب
تامر : ازاي يعني ؟
مجدي: يعني انا سفرت ولادي برا مصر هما و امهم يتعلموا و الولد ده هيبقي معايا ف كل حاجه يعني اللي مش هعرف اعمله في عيالي هعمله فيه ايوا و متنساش تبعتلي مازن صاحبك دا علي البيت علشان يشوفىلي الولد دا
تامر: ماشي بس انا برضوا لسه مش فاهمك يعني هتدخله المخابرات وهتعلمه ولا لأ ؟
مجدي: ايوااا بالظبط كدا وبالنسبه للتعليم ف هيتعلم و ف مدارس انترناشونال كمان و يعني انا و انت عارفين انا ساعات بتعصب ومش يبقي عارف اطلع عصبيتي دي علي مين ف العصبيه دي هتبقى من نصيبه
تامر : مجدي انت متأكد انك اتعالجت مجدي انت لسه مخفتش لازم تكمل علا
و لم يكمل حديثه و ذا ب مجدي أغلق الهاتف المحمول في وجهه ثم انقلب حاله من متحمس الي شديد العصبية
*******
(عند مازن و بيسان)
استيقظ مازن من النوم و قام ب أخذ شاور وتغيير ملابسه وعندما خرج قام بإجراء مكالمه
مازن: ايوا ي تامر انا مش هقدر اجي الشغل انهارده
تامر: ليه ي مازن مش من عوايدك يعني انك تغيب من الشغل انت دايما جد ف مواعيدك
مازن: اهو علشان تعرف انه فعلا غصب عني المره دي
تامر : ماشي ي عم المره دي بس يا رب متتكررش
مازن: موعدكش الصراحة
تامر: ليه هو الموضوع كبير كدا ؟علي العموم انت شريك ف الشركة و مينفعش تغيب اكتر من يومين
مازن: هحاول
ثم جاء ليغلق الهاتف اذا بتامر: مازن استني
مازن : في ايه تاني !
تامر : انت هتبقي فاضي باليل ؟
مازن: إن شاء الله ليه؟
تامر: عاوزك تعدي على مجدي
مازن: ليه ؟
تامر: انت هتعرف اما تروح
ثم أغلق مازن الهاتف قائلا: هم الحوار ناقص ام مجدي علي النهار
ثم جاء لينظر الي الساعه اذا بها العاشره صباحا فنزل مسرعا الي اسفل و طلب من الخادمة تحضير الإفطار وبات علي الخادمه آثار الدهشة لأن مازن لا يأكل الإفطار ابدا قائله : انت متأكد ي بش مهندس
مازن: ايو متأكد ي حاجه وفاء انزجي انتي بس و بعدين في ضيفه هتقعد معانا
وفاء: ضيفه! هي مين دي ي بش مهندس مازن
مازن بضحك: هتعرفي كل حاجه دلوقتي
ثم صعد مازن ليوقظ بيسان من النوم فقام بدق الباب فلم يرد أحد فقال: بيسان انتي صحيتي
بيسان انتي جوا بيسان
ولم يسمع رد فقام بفتح باب الغرفة والدخول
فوجدها نائمه في السرير فلمس وسادتها فوجدها مليئه بماء الدموع ف حزن عليها جدا ثم ايقظها قائلا: بيسان قومي يلا اصحي علشان تفطري
بيسان بنوم: ايوا ايوا صاحية
مازن: طب يلا قومي بسرعه انتي مأكلتيش حاجه من امبارح
بيسان: صباح الخير. يلا هقوم اغسل وشي و هاجي وراك
مازن: لا انا هستناكي ننزل مع بعض
بيسان: ماشي
فقامت بيسان بغسل وجهها من الدموع ونظرت لوجهها في المرأه بحزن ثم لبست بيجامه اخري ثم قالت: اهو البيجامه كبيره عليا عشان تبقي تقول ست سنين حلو
مازن: ي اختي احمدي ربنا
بيسان: و النسبه لشعري دا ايه نظامه احمد ربنا برضو
مازن بضحك: بصراحه حالته خطيرة
بيسان : اضحك ي خويا اضحك
مازن: ي ستي خلاص سرحي ب فرشتي واحنا كدا كدا هنروح المول و اشتري اللي انتي عاوزه
بيسان: ايوا انا كدا افرح
مازن: يلا ي رغايه علشان ناكل
بيسان : يلا
ثم نزلا معا ليأكلا
وفاء: الاكل احطه فين ي استاذ مازن
ثم قام مازن بتوجيه كلامه لبيسان وقال: تحطه فين ي لينا
ثم نظرت له بيسان بشكر وامتنان وقالت: ف اي حته عادي مش فارقه
وفاء : انا هحطه ف الجنينة
وعندما رأت بيسان: ي اختي علي العسل اسمك لينا ي سكر
بيسان بضحك: ايوا ي عمتو اسمي لينا و انتي اسمك ايه؟
وفاء: انا اسمي وفاء ي عسل ممكن ي استاذ مازن اخد لينا اعرفها علي الناس اللي هنا
فقام مازن بالنظر إلى بيسان ثم هزت له رأسها بالموافقة
مازن : ماشي خديها اتعرفوا عليها
ثم قام بتوجيه كلامه للينا: لينا انا مستنيكي هناكل ف الجنينة
لينا( بيسان) : حاضر انا هاجي
ثم رحل مازن تاركا بيسان مع وفاء
وفاء: اسمك لينا ي حبيبتي
بيسان بضحك: اه اسمي كدا
وفاء: و انتي بقي ي عسل تبقي ايه للأستاذ مازن
بيسان بتوتر لأنها لم تجهز اجابه لهذا السؤال: انا انا ابقي بنته
وفاء بإستغراب: هو المهندس مازن متجوز؟
بيسان بخوف: ايوا لكن هو وماما انفصلو من زمان ثم سألتها: هو انتي شغاله هنا من امتي؟
وفاء : من اربع سنين و انتي جايه دلوقتي تعيشي هنا ليه ي سكر؟
بيسان: ماما قررت تجوز وتبعتني لبابا
وفاء: اه فهمت معلش ي حبيبتي و الاستاذ مازن طيب والله و ي رب يعاملك كويس ي حبيبتي معلش أمهات آخر زمن
بيسان بضحك: طيب يلا خليني اساعدك علشان أنا ميته من الجوع
وفاء: يلا
ثم قامت بتوجيه كلامه لباقي الخدم وقالت: اخلصو مش شايفين البت بتقول جعانة
ثم خرجت بيسان وجلست بجوار مازن و انتظرت الي حين اكتمل تحضير الاكل
وفاء: عاوز حاجه تانية ي استاذ
مازن : لا ادخلي انتي يلا
وعندما دخلت وفاء قام بتوجيه كلامه لبيسان وهو ينظر في هاتفه وقال: انزلي ب اللي انتي عاوزه تقوليه
بيسان: اصل الحوار بصراحه خالتو دي سألتني انا ابقي مين؟
مازن : كنت متأكد والله وانتي قولتلها ايه
ثم سردت له بيسان ما قالته
مازن: لا حلو ي بت عجبتني
ثم قالت له بيسان: هو انا ممكن اطلب منك طلب
مازن: اطلبي
بيسان بخوف: هو انا ممكن اقولك ي بابا لحد بس م اعرف هو مين؟
مازن: هو انتي خايفه ليه... علي العموم قوليلي ي بابا عادي احنا كدا كدا هنروح نغير اسمك انهارده
بيسان بفرحه: بجد ي عني عادي ي بابا
مازن : ايوا ي ستي و يلا كلي علشان انهارده يوم طويل
********
(عند احمد في الميتم)
عندما دخل مجدي الي الميتم بعربته الفاخرة اول طفل رأه كان احمد رأه وحيدا ينظف الملعب وعندما رأي احمد السيارة دخل مسرعا إلى الداخل لكي يقوم بتبديل ملابسه
محسن: بسرعه ي احمد بسرعه
احمد: جيت اهه ي عم محسن
ثم ساعده محسن في تبديل ملابسه لأن كل الأطفال قد بدلت ملابسها عدا هو ولكي يكون مستعد لمقابلة الناس الي ان انتهي من اللبس و ذهب به الي الحمام فغسل احمد يده ووجهه
ثم دخل مع بقيه الأطفال
مجدي ويبدو انه يبحث عن شخص معين : هما دول الأطفال
سيف : لا فيه بس لسه مش هنا
ثم نظر لمحسن علي ان يأتي ببقيه الأطفال
وبعد دقائق قد وصل بقيه الأطفال وكان من ضمنهم احمد و الذي كان يتمني ان ذلك الرجل يتبني صديقه خالد فهو يري أن تلك خدمة كبيرة جدا ممكن ان تقدم الميتم ولكن
محسن: دول كل الأطفال ي استاذ سيف
سيف: شكرا ي محسن ايه رأيك ي استاذ مجدي
مجدي و فور ان وقعت عينيه علي احمد وقال: اسمك ايه ي حبيبي
احمد: انا ؟
مجدي: ايوا انت ي بابا اسمك ايه؟
احمد وقد وقفت الدنيا من حوله وانصدم من كلام الرجل لأنه هكذا يعني انه قد اختاره هو فقال: اسمي اسمي آسر
فقد انصدم جميع أصدقاءه ومحسن ف هذا ليس اسمه فلماذا لايخبر الرجل بإسمه الحقيقي
مجدي: طيب ي استاذ سيف انا عاوز اتبني اسر
سيف: حاضر ي استاذ مجدي
ثم امر سيف محسن بأن يخرج بقيه الأطفال الي الخارج لكي يتحدث مع مجدي
في الخارج
محسن: ي ابن المحظوظة
احمد: ي عم هو انا كنت اعرف يعني ما انت شوفتني كنت عاوز اروح يعني اوكنت اعرف ان الراجل دا يتبناني
محسن: ي ابني دا انا فرحانلك اخيرا هتمشي من اللي كنت عايش فيه بس انا عاوز اعرف حاجه هو انت ليه مقلتلوش ان اسمك احمد
احمد: مش انت بتقولي انك عاوزني ابدأ حياه جديده
محسن: ايوا فعلا
أحمد : علشان كدا بقي هغير كل حاجه في حياتي
محسن: ربنا معاك واعرف اني عاوزك تبقي سعيد دايما
أحمد: شكرا ي عم محسن
في الداخل
وقد اتفق سيف ومجدي علي السعر
مجدي : كدا تمام صح؟
سيف: تمام وعلي فكره انت واخد احسن و اهدي ولد في الميتم كله
مجدي : شكرا.......هو فين الولد بقي علشان أنا مستعجل وعندي شغل
محسن: هنا اهه ي باشا
ثم اخذ محسن احمد ورحل
( في السيارة وبعد ربع ساعه من الصمت )
مجدي بنبره مخيفه: اسمك ايه يلا
احمد بخوف: اسمي اسمي آسر
ثم قام مجدي بضربه وقال: انت هتسطعب من اولها
احمد بعياط: اسمي احمد
مجدي: طيب بتكدب ليه من الاول
احمد : كنت عاوز اغير حياتي واعيش حياه جديده بأسم جديد
مجدي: و انا اللي هعيشك الحياه دي ي روح امك علي العموم انا هروح دلوقتي اسبتك ب آسر اللي انت عاوزه ده
وهنا علم احمد ان القدر الأسود يلاحقه
*****
(عند بيسان)
فانتهت من طعامها وصعدت لتلبس فستانها بالون الازرق و النزول لكي تزهب مع مازن
