حـــرب الــمـعـتـقـــدات

الـجزء ٠٣

حــرب الـمعــتقدات
𝑅𝒶𝓌𝒶𝒶 𝐸𝐿 𝐹𝒾𝓁𝓁𝒶𝓁𝒾

دااز نهار على رضى غير فالخدمة وديبو لا غير هبط للبنكة دوز الخلصة للخداامة وسد المحال بكري وهبط يتلاقاا هو وأنس يدوز معاه شوية الوقت بحكم 10 يام متلاقاوش بسباب ضغوطات الخدمة اللي كانت عليهم بزوج...

عاد يهبط من وراها للدار.. مخلي فاااطمة جالسة في الدار على أعصاابها اللي ولات تالفة هاد الأياام.. علاش لا وهي هضراات مع مصطفى وقادات معااه كلشي خاااص غير يجي رضى باش دوي معااااه وتقاد معاه حتى هوا وتشوف شنو غادي يقول

كاانت جميع الاحاسيس مجموعة فيها التوتر الخوف الهلع ولكن الفرحة كانت طااغية علييهم كااملين علاش لا ولي اخيرا كتشزف ولدها غيتزوج وغيأسس عائلة في القريب..
 
داز الوقت طياارة عند  رضى اللي محسش بييه عكس فاااطمة اللي كان تقيييل عندها لأقصى درجة.. وصل لدار وطلع ديريكت لغرفتو بلا ميشوف فحد دوش عليه بالخف عااد هبط عندهم يتعشا..

كانو جالسين على الطبلة كيتسناوه..
رضى:سلام..
فاطمة:اهلا اولدي كي داز نهار بيخير..
رضى:(كان كياكل)  مم مزيان

فاطمة:الحمد الله داك شي اللي بغيت هااد الأياام وليتي كتغبر نهار كامل..
رضى:غير حيت الخدمة كتيرة داك شي علاش.. ها الحاج حداك مكفااكش..

فاطمة:اوا سمح ليا كل وقيمتو
مصطفى:شفتي ولدك نكرتينا..
فاطمة:حاشة الحاج علاش انا نقدر

مصطفى : هههههه عارفين لي كاين
فاطمة:ماحدنا مجموعين اولدي بغيت ندوي معااك..
رضى:كنسمعك

فاطمة : غير بغيت نقولك بلي لقينا الناس اللي غادي نتناسبو معااهم
رضى : اهاه وشكون هما
(عاودات ليه كلشي من طاق طااق تال سلام عليكم هه )

فاطمة : هادا مكان دابا وقتاش هتسالي نمشيو نخطبو الدرية
رضى : من غدا معنديش اشكال..
مصطفى:حتى هدا نضر...

رضى:عندي شرط..
فاطمة:اما هوا
رضى: ملي انمشي للعروبية من وراها بسيمانة ايكون العرس..

فاطمة : (حلات عينيها فيه مصدومة) كفااااااش
كاان مهدن لأقصى درجة هضرتو كتلمس فيها واحد البرود كبير..
رضى:كيف سمعتي
فاطمة: اولدي ونتا باقي مشفتي نسابك والا لي هتكون مرااتك مدوينا معاهم نيشاان هادا ماشي صوااب بغيتي نديرو ليهم سلم عليه زرب عليه..

رضى : لواااااالييييدة
نطقها بواحد النبرة اللي كاانت قااسية واللي حساات بيها فاطمة دخلات ليها مع جدر بقا شوية سااكت وجاوبها بطريقة عكس كيف نطق اسمها..

رضى: بغيتو تزوجوني قبلت ومرديتهاش فوجهك بغيتي تشوفيني مزوج على راسي وعيني..  اوا ما عليك غير تقبلي بقراراتي هاد الساعة ونتي أدرى.. (ناض من فوق الطبلة) تصبحو على خير..

مصطفى:جلس اولدي تاكل مزال عاد بديتي..
رضى:تسدات ليا الشهية..
خلاهم وزاد طالع  ليتو